اۆتونوميالى رايوندىق پارتكوم ارمياعا قاتىستى قىزمەتتەردى كەڭەسۋ ءماجىلىسىن اشتى
چىن شياۋجياڭ باسقاردى ءارى ءسوز سويلەدى، ەركىن تۇنياز، ءزۇمىرات وبۇل، نۇرلان ءابىلماجىن، حى جۇڭيوۋ، جاڭ جۋ، چىن ميڭگو قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق پارتكوم 2 - ايدىڭ 2 - كۇنى ۇرىمجىدە ارمياعا قاتىستى قىزمەتتەردى كەڭەسۋ ءماجىلىسىن اشىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، قارۋلى كۇشتەردى پارتيا باسقارۋدىڭ، مەملەكەت قورعانىسى بويىنشا اتتانىسقا كەلتىرۋ جانە قوس قولداۋ، بىرگە قۇرۋ قىزمەتىن ىلگەرىلەتىپ، مەملەكەت قورعانىسى قۇرىلىسى مەن ەكونوميكانىڭ، قوعامنىڭ سايكەستى دامۋىن جەبەۋدى اقىلداستى. اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى چىن شياۋجياڭ ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى.
چىن شياۋجياڭ بىلاي دەپ اتاپ كورسەتتى: 2025 - جىل − شينجياڭنىڭ دامۋ ۇردىسىندەگى ماڭىزدى بەلەستىك مانگە يە ءبىر جىل بولدى. باس شۋجي شي جينپيڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسىپ، جاڭا باستامادا سوتسياليستىك وسىزاماندانعان شينجياڭ قۇرۋعا تاماشا ايبىندى جوبا كەسكىندەدى. ءبىر جىلدان بەرى، بۇكىل شينجياڭداعى ارميا مەن جەرگىلىكتى ءار دارەجەلى ورىندار پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، اسكەر جاتتىقتىرىپ سوعىسقا دايىندالۋدى تىڭعىلىقتى ورىستەتىپ، مەملەكەت قورعانىسى بويىنشا اتتانىسقا كەلتىرۋ جانە زاپاس كۇشتەر قۇرىلىسىن جوعارى ساپالى ىلگەرىلەتىپ، قوس قولداۋدى، بىرگە قۇرۋدى ۇزدىكسىز تەرەڭدەتىپ، ءتۇرلى قىزمەتتەردە تىڭ ونىمدىلىككە قول جەتكىزدى.
چىن شياۋجياڭ بىلاي دەپ باسا دارىپتەدى: بيىل − ”15 - بەسجىلدىق“ باستالاتىن جىل، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدان قامال الاتىن جىل. شي جينپيڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، قارۋلى كۇشتەردى پارتيا باسقارۋ سىندى دۇرىس بەتالىستى مىقتى يگەرۋ كەرەك. جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، ساياسي جاقتان ارميا قۇرۋدى ءبىر ءسات تە توقتاتپاي ىلگەرىلەتىپ، اسكەري بولىمدەردىڭ شارتسىز ادال بولۋىنا، شارتسىز كىرشىكسىز بولۋىنا، شارتسىز سەنىمدى بولۋىنا شىنايى كەپىلدىك ەتۋ كەرەك؛ قارۋلى كۇشتەردى پارتيا باسقارۋدىڭ ءتۇرلى تۇزىمدەرىن تياناقتاندىرىپ، مەملەكەت قورعانىسى جانە ارميانى وسىزامانداندىرۋ قۇرىلىسىنا قولداۋ كورسەتەتىن جاڭا وي جەلىسىن، جاڭا ادىستەردى قالىپتاستىرۋ جونىندە ىزدەنىس جاساۋ كەرەك. مەملەكەت قورعانىسى بويىنشا اتتانىسقا كەلتىرۋگە جانە زاپاس كۇشتەر قۇرىلىسىن ۇزدىكسىز كۇشەيتىپ، ءبىر تۇلعالانعان مەملەكەت ستراتەگيالىق جۇيەسى مەن قابىلەتىن بەكەمدەۋگە، جوعارىلاتۋعا اناعۇرلىم ويداعىداي قىزمەت وتەۋ كەرەك. مەملەكەت قورعانىسى بويىنشا اتتانىسقا كەلتىرۋ جۇيەسىن، ارميانى قولداپ، الدىڭعى شەپكە كومەك بەرۋ جۇيەسىن جانە شۇعىل جاعدايعا توتەپ بەرۋدى باسقارۋ جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، نازاردى سوعىسقا دايىندالۋعا شوعىرلاندىرىپ، جاڭاشا وندىرگىش كۇشتەردىڭ جاڭاشا جاۋىنگەرلىك كۇشتەرمەن جوعارى ءونىمدى توعىسۋىن، قوس باعىتتا جەبەۋىن ىلگەرىلەتىپ، مەملەكەت حاۋىپسىزدىگىن جانە شەكارانىڭ ورنىقتىلىعىن كۇش بىرىكتىرە قورعاۋ كەرەك. قوس قولداۋ فورماسىن بايىتىپ، بىرگە قۇرۋ سالاسىن كەڭەيتىپ، ارميا مەن ۇكىمەتتىڭ، ارميا مەن حالىقتىڭ تاستاي بەرىك ىنتىماعىن بەكەمدەۋ، دامىتۋ كەرەك. ءار دارەجەلى پارتكومدار مەن ۇكىمەتتەر اسكەري ءبولىم قۇرىلىسىنا جانە رەفورماسىنا قولداۋ كورسەتىپ، ارميانى قولداۋ، وتباسىنداعىلارعا قامقورلىق جاساۋ ساياسات - شارالارىن تياناقتاندىرىپ، شينجياڭدا تۇراتىن وفيتسەر - اسكەرلەردىڭ ءىس جۇزىندىك ماسەلەلەرىن دەن قويا، سۇيىسپەنشىلىكپەن شەشۋى كەرەك؛ شينجياڭدا تۇراتىن اسكەري بولىمدەر ورنىقتىلىقتى قورعاۋ، شەكارا قورعانىسىن كۇشەيتۋ، شەكارانى بەكەمدەۋ، قاتەردەن اراشالاۋ، اپاتتان قۇتقارۋ سياقتى كەلەلى مىندەتتەردە اۋىر جۇك ارقالاپ، ۇلتتار ىنتىماعى جانە جۇپ قۇراپ بىرگە قۇرۋ قيمىلىن ىشكەرىلەي ورىستەتىپ، جەرگىلىكتى ورىننىڭ نەگىزدىك قۇرىلعى قۇرىلىسىنا، كاسىپ سالاسى دامۋىنا جانە اۋىل - قىستاقتى گۇلدەندىرۋىنە بار كۇشپەن قولداۋ كورسەتىپ، سوتسياليستىك وسىزاماندانعان شينجياڭ قۇرىلىسىنا اناعۇرلىم ويداعىداي قىزمەت وتەۋى كەرەك.
شينجياڭ اسكەري رايونىنداعى نەگىزگى جاۋاپتى جولداستار بۇكىل رايوننىڭ قارۋلى كۇشتەردى پارتيا باسقارۋ بويىنشا مىندەت اتقارۋ جاعدايى جونىندە باعالاۋ جۇرگىزدى. ءارقايسى ايماق، وبلىس، قالالاردىڭ پارتكوم شۋجيلەرى قارۋلى كۇشتەردى پارتيا باسقارۋ قىزمەتى جونىندە جازباشا ەسەپ بەردى.
شينجياڭ اسكەري رايونىنداعى، 63650 - اسكەري بولىمىندەگى، 93886 - اسكەري بولىمىندەگى، قارۋلى ساقشى شينجياڭ باس اترەتىندەگى، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىندەگى، دەنساۋلىق ساقتاۋ، سالاماتتىق كوميتەتىندەگى، قوسىننان شەگىنگەن اسكەريلەر ىستەرى مەڭگەرمەسىندەگى جاۋاپتى جولداستار ءسوز سويلەدى.
ۋىن دۇڭ، ۋاڭ جيانشين، جاڭ يىڭچۇن، قادەن كابەن، ۋاڭ لين، ۋاڭ گاڭ، شۇي حۇڭديڭ، اۆتونوميالى رايوندىق ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، شينجياڭدا تۇراتىن اسكەري بولىمدەردىڭ باسشىلارى جانە قاتىستى جولداستار، اۆتونوميالى رايوندىق پارتكوم قوسىننان شەگىنگەن اسكەريلەر ىستەرى قىزمەتى باسشىلىق گرۋپپاسىنا مۇشە ورىندارداعى جاۋاپتى جولداستار، اۆتونوميالى رايوننىڭ جانە ورتالىقتىڭ شينجياڭدا تۇراتىن قاتىستى ورىندارىنداعى جاۋاپتى جولداستار نەگىزگى ءماجىلىس ورنىندا ماجىلىسكە قاتىناستى. ءارقايسى ايماق، وبلىس، قالالاردا بولىمشە ءماجىلىس ورنى ورنالاستىرىلدى.
