اۆتونوميالى رايوندىق 14 - كەزەكتى حالىق ۇكىمەتىنىڭ 4 - رەتكى پاكتىك قىزمەتى ءماجىلىسى اشىلدى
ۇكىمەت جۇيەسىندە ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدى تىڭعىلىقتى ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يانفاڭ 2 - ايدىڭ 2 - كۇنى ۇرىمجىدەن حابارلايدى. 2 - ايدىڭ 2 - كۇنى اۆتونوميالى رايوندىق 14 - كەزەكتى حالىق ۇكىمەتىنىڭ 4 - رەتكى پاكتىك قىزمەتى ءماجىلىسى اشىلدى. ءماجىلىس مىنالاردى باسا دارىپتەدى: باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىك كەڭەستىڭ 4 - رەتكى پاكتىك قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى ءتارتىپ تەكسەرۋ كوميتەتى التىنشى جالپى ءماجىلىسىنىڭ ورنالاستىرۋى، تالابى بويىنشا، ۇكىمەت جۇيەسىندە پارتيانى جاپپاي قاتاڭ باسقارۋدى اناعۇرلىم جوعارى ولشەممەن، اناعۇرلىم ناقتى شارالارمەن ىلگەرىلەتىپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا پارمەندى قامتاماسىزدىق ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن شىن مانىندە بىرلىككە كەلتىرىپ، شىرىكتەسۋگە قارسى كۇرەس جاعدايى ءالى قاتاڭ دا كۇردەلى، شىرىكتەسۋ ءوسىپ - ءوربيتىن توپىراق پەن شارت - جاعدايدى الاستاۋ مىندەتى ءالى ماشاقاتتى دا اۋىر دەگەن كەلەلى تۇجىرىمدى تەرەڭ ءتۇسىنىپ جانە يگەرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن تاباندىلىقپەن، باتىل، قاز - قالپىندا ويداعىداي تياناقتاندىرىپ، اۆتونوميالى رايوندىق پارتكومنىڭ قىزمەت تالابى بويىنشا، ءىس جۇزىندىك ارەكەت ارقىلى ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، پارتيانى جاپپاي قاتاڭ باسقارۋ ارقىلى ەكونوميكالىق، قوعامدىق دامۋدى قامتاماسىزداندىرىپ، ماڭگى جولدامىز دەيتىن قايتپاس - قاجىماس تاباندىلىقپەن شىرىكتەسۋگە قارسى كۇرەستى سوڭىنا دەيىن جالعاستىرۋ كەرەك.
ءماجىلىس مىنالاردى باسا دارىپتەدى: پارتيانىڭ ساياسي ءتارتىبىن جانە ساياسي قاعيداسىن قاتاڭ ساقتاپ، پارتيانىڭ ۇكىمەت قىزمەتىنە جالپى بەتتىك باسشىلىعىنا تاباندى بولىپ جانە ونى كۇشەيتىپ، ساياسي باقىلاۋدى كۇشەيتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋ جاعىندا ۇزدىكسىز كۇش سالۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن دايەكتىلەندىرۋدى، تياناقتاندىرۋدى ۇزدىكسىز ويداعىداي يگەرىپ، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، جاڭا باسشى كونە ماسەلەنى ەلەپ - ەسكەرمەۋ ماسەلەسىن باتىل وڭاپ، سۋبيەكتيۆ كوزقاراسى بويىنشا شەشىم جاساۋ، كەۋدەسىن قاعىپ بەتالدى ىستەۋ ماسەلەلەرىن باتىل وڭاپ، ساناقتا جالعاندىق ىستەۋ، ”سيفرداعى ناتيجەمەن“ اينالىسۋ ماسەلەسىن باتىل وڭاپ، ىلعي دا جوعارىنىڭ ەمەۋرىنىنە قاراپ ءىس جۇزىندىك جاعدايمەن ساناسپاۋ، ”ءبارىن ءبىر تاياقپەن ايداۋ“، ”ءبارىن تەرىسكە شىعارۋ“ ماسەلەسىن باتىل وڭاپ، حالىق ءۇشىن ناتيجە شىعارۋدى، ناقتى ىستەۋ ارقىلى ناتيجە شىعارۋدى شىن مانىندە ورىنداۋ كەرەك. فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋدى ۇزدىكسىز تەرەڭدەتىپ، قالىڭ كادرلاردىڭ اناعۇرلىم كوپ قاجىر - قايراتتارىن تياناقتاندىرۋدى يگەرۋگە، ناقتى ءىس ىستەۋگە جۇمساۋىنا مۇمكىندىك جاساۋ كەرەك.
ءماجىلىس مىنالاردى تالاپ ەتتى: نازاردى ەنەرگيا بايلىعى، ۇكىمەتتىڭ ءبىر تۇتاس ساتىپ الۋى جانە مەردىگەر شاقىرۋ، مەردىگەرلىككە مالىمدەلۋ، فينانس، وقۋ - اعارتۋ، ەمدەۋ، ءدارى - دارمەك سياقتى ءتۇيىندى سالالارداعى ۇقىق اينالىمىن جۇيەلىلەندىرۋگە شوعىرلاندىرىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن ۇزدىكسىز ىشكەرىلەي وڭاپ، اۋىل - قىستاقتىڭ ”قارجىسىن، مال - مۇلكىن، بايلىعىن“ باسقارۋ، ەمدەۋ قامسىزداندىرۋى قورىن باسقارۋ، قارتتاردى كۇتىمدەۋ قىزمەت وتەۋى، ”مەكتەپ تاماعى“، ءولىم - ءجىتىم ىستەرى قىزمەت وتەۋى سياقتى حالىق تۇرمىسى سالاسىنداعى كورنەكتى ماسەلەلەردى وڭاۋدى تىڭعىلىقتى ويداعىداي جۇرگىزۋ كەرەك. قازىنا - ەكونوميكا ءتارتىبىن قاتايتىپ، ساناقتى باقىلاۋ، قازىنا جانە ەسەپ - قيساپ باقىلاۋىن كۇشەيتىپ، نەگىزگى ساتىنىڭ ”ءۇشتى قامتاماسىز ەتۋ“ تومەنگى شەگىن مىقتاپ يگەرىپ، پارتيا، ۇكىمەت ورگاندارىنىڭ ۇنەمشىل بولۋ تالابىن قاتاڭ تياناقتاندىرۋ كەرەك.
ءماجىلىس مىنالاردى باسا دارىپتەدى: ۇكىمەت جۇيەسى پارتيا باسشىلىق گرۋپپالارى (پارتكوم) پارتيانى جاپپاي قاتاڭ باسقارۋ جاۋاپكەرشىلىگى تىزبەگىن ونان ارى قاتايتىپ، ناقتىلاندىرىپ، ورتالىقتىڭ شارلاۋى، ساناق سياقتىلاردا اڭىس ەتىلگەن ماسەلەلەردى وڭاۋدى باتىل، ويداعىداي يگەرىپ، شىرىكتەسۋدەن ساقتانۋ، پاكتىكتى جەبەۋ ءتۇزىم قاپاسىن ءجيى، بەرىك توقۋى كەرەك. ۇكىمەتتىڭ باسقارۋ ونىمدىلىگىن ونان ارى جوعارىلاتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ەتەنە، پاك، بىرلىككە كەلگەن جاڭاشا ۇكىمەت پەن ساۋداگەرلەر قاتىناسىن ورناتىپ، ەكونوميكالىق، قوعامدىق دامۋدى جەبەۋ قابىلەتىن جانە ونەرىن ۇزدىكسىز كۇشەيتۋ كەرەك.
اۆتونوميالى رايوندىق حالىق ىستەرى مەڭگەرمەسىندەگى، مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىندەگى، سانجى حۇيزۋ اۆتونوميالى وبلىسىنداعى، اقسۋ ايماعىنداعى قاتىستى جاۋاپتى جولداستار ءسوز سويلەدى.
تيان شياڭلي ماجىلىسكە ۇسىنىسپەن قاتىناستى. جاڭ يىڭچۇن ءماجىلىستى باسقاردى، ءيۇسۇپجان مامەت، مۇقيات جارمۇقامەت، شۋە بين، قايسار ابدۇكەرىم، جۋ ليفان، پان شي، نيە جۋاڭ، قايسار قيۇم ماجىلىسكە قاتىناستى.
