2 - ايدىڭ 2 - كۇنى ءۇرىمجى پويەز ستانسياسىنىڭ قىزمەتكەرلەرى جولاۋشىلارعا تارتۋ ۇسىندى. سول كۇنى 2026 - جىلعى كوكتەم مەرەكەسى تاسىمالى رەسمي باستالدى، شينجياڭ تەمىر جولىندا 6 ميلليون 70 مىڭ جولاۋشى (رەت) جونەلتىلەتىنى مەجەلەنىپ وتىر. كوكتەم مەرەكەسى تاسىمالى كەزىندە شينجياڭ تەمىر جول تاراۋلارى قىزمەت وتەۋ ساپاسىن كۇش سالا جوعارىلاتىپ، ۇيگە امان - ەسەن قايتار جول ءۇشىن مەيىرگە تولى قامتاماسىزدىق ازىرلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى لي رۇي تۇسىرگەن
□ انار بۇلت \ شينجياڭ گازەتىنىڭ ءتىلشىسى لۋ فىڭباۋ
2 - ايدىڭ 2 - كۇنى 2026 - جىلعى كوكتەم مەرەكەسى تاسىمالى رەسمي باستالدى، ارلى - بەرلى سابىلعان جولاۋشىلار ءۇرىمجى پويەز ستانسياسىنا كىرىپ، اۋىلعا قايتۋ ساپارىنا اتتاندى.
ساعات 9 اينالاسىندا ءۇرىمجى پويەز ستانسياسى سولتۇستىك الاڭىنداعى كىرەر اۋىزدا چەمودان سۇيرەگەن، بالاسىن كوتەرگەن جولاۋشىلاردىڭ اياعى ۇزىلمەدى. ”سالەمەتسىز بە، ازاماتتىق كۋالىكتى جايمالاپ بەكەتكە كىرىڭىز، اسىقپاڭىز، اقىرىن ءجۇرىڭىز“. بەكەتكە كىرەر اۋىزداعى شىن اتى - ءجونى ءتۇزىمى بويىنشا تەكسەرەتىن اۆتوماتتى توسقاۋىل الدىندا جاسىل كۇرمە كيگەن ەرىكتى قىزمەت وتەۋشى ياڭ مەييان جولاۋشىلارعا بايىپپەن جول كورسەتۋمەن بىرگە، كوپشىلىككە اماندىققا كوڭىل ءبولۋدى ەسكەرتۋدە.
كوكتەم مەرەكەسى تاسىمالىنىڭ العاشقى كۇنى ءۇرىمجى پويەز ستانسياسى ”تيانشان قارعالداعى“ قىزمەت وتەۋ اترەتىندەگى 80نەن ارتىق جاس ەرىكتى شينجياڭداعى ەڭ ۇلكەن تەمىر جول جولاۋشىلار بەكەتىندە بەلسەنە قىزمەت وتەدى، ولار جولاۋشىلاردىڭ سۇراقتارىنا اشىق - جارقىن جاۋاپ قايتاردى، جولاۋشىلارعا ىستىق سۋ ۇسىندى، جولاۋشىلاردىڭ اۆتوماتتى بەلەت ساتۋ ماشيناسىنان بەلەت الۋىنا كومەكتەستى...
پويەز كۇتۋ زالىنداعى جىلى لەپ سىرتتاعى قاقاعان سۋىقپەن ايقىن سالىستىرما قالىپتاستىردى. ”تيانشان قارعالداعى“ قىزمەت وتەۋ تۇعىرىندا قىزمەتكەرلەر جولاۋشىلاردىڭ سۇرانىسىنا ىستىق ىقلاسپەن جاۋاپ قايتاردى، ۇستەلدەگى حالىققا قولايلىلىق جاراتۋ ساندىعىنان زاريادتاعىش، ينە - ءجىپ سياقتى كەرەكتى نارسەنىڭ ءبارى تابىلادى.
ءتۇيىندى جولاۋشىلار پويەز كۇتۋ ارناۋلى زالى جيناقى دا جارىق، ليفت جانە بەلەت تەكسەرۋ اۋزىنا جاقىن جەردە دەمالاتىن ورىندىق، اۋىز سۋ قۇرىلعىسى جانە كەڭەس سۇراۋ تۇعىرى ورنالاستىرىلعان. پويەز ستانسياسىندا ءتۇيىندى جولاۋشىلارعا قىزمەت وتەۋ ساپالى بولۋمەن بىرگە، اسكەريلەردىڭ پويەز كۇتۋ اۋماعى اشىلىپ، قىزمەت وتەۋ فۋنكتسياسى ساپالىلاندىرىلىپ، ۇقساماعان جولاۋشىلاردىڭ سۇرانىسى قاناعاتتاندىرىلدى.
”پويەز ستانسياسىندا حالىققا قولايلى ەمدەۋ ءتۇيىنى، ەمدەۋ ساندىعى ورنالاستىرىلدى، سونىمەن قاتار انالار مەن بالالار بولمەسى قاتىستى قۇرىلعىلارىنىڭ دارەجەسى ءوسىرىلىپ، بار كۇشپەن جولاۋشىلارعا مەيىرلى ساپار ورتاسى ازىرلەندى“، - دەدى جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى ءۇرىمجى پويەز ستانسياسى جولاۋشىلار تاسىمال سەحىنىڭ ورىنباسار مەڭگەرۋشىسى گاۋ كۇن.
10نان 30 مينۋت وتكەندە پويەز كۇتۋ زالىنىڭ دۋماندى بەينەسى شىرقاۋ شىڭىنا جەتتى. كوپ ورىن بىرلەسىپ وتكىزگەن ”كوكتەم مەرەكەسى تاسىمالى ۇيگە قايتۋ جولىن مەيىرگە بولەپ، شادىمان ۇندەر ساپاردا سەرىك بولادى“ اتىنداعى كۋايشان قيمىلى پويەز كۇتىپ وتىرعان جولاۋشىلارعا قۋانىشتى ءان - ءبي سيلادى؛ كوكتەم مەرەكەسى بوساعالىعىن، ”福“ ءارىبىن تارتۋ ەتۋ قيمىلى كوپتەگەن جولاۋشىلاردى ايالداۋعا باۋراپ، حاتكەر اۋەسكەرلەرى ءجۇن قالامدارىمەن ناق مايداندا ”福“ ءارىبىن جانە كوكتەم مەرەكەسى بوساعالىعىن جازىپ، قايتۋ ساپارىنا اتتانۋ الدىنداعى جولاۋشىلارعا تارتۋ ەتتى.
”ماعان كومەكتەسىپ ’福‘ ءارىبىن جازىپ بەرىڭىزشى“، - دەدى سىچۋان گۋاڭيۋانعا باراتىن جولاۋشى جاۋ جۇيحۋا ادامدار توبىنا كيمەلەپ كىرىپ بارا جاتىپ.
47 جاستاعى جاۋ جۇيحۋا ۇرىمجىدە قىزمەت ىستەگەلى 23 جىل بولدى، ءار جىلى كوكتەم مەرەكەسى كەزىندە شينجياڭ تارتۋلارىن سالعان ۇلكەن - كىشى سومكەلەرىن اسىپ ۇيىنە قايتىپ مەرەكە وتكىزەتىن. ”مەن بيىل ’福‘دى ۇيىمە الىپ قايتتىم“، - دەدى ول قۋانىشتى تۇردە سياسى ءالى كەبە قويماعان ەكى ’福‘ ءارىبىن ۇستاپ تۇرىپ.
كوكتەم مەرەكەسى تاسىمالىنىڭ العاشقى كۇنى ءۇرىمجى پويەز ستانسياسىنىڭ دەن قويا قىزمەت وتەۋى، مۇقيات قامتاماسىز ەتۋى مەن تاسقىنداعان قىزۋ سۇيىسپەنشىلىگى اۋىلىنا قايتقان جولاۋشىلارعا وتباسىنىڭ مەيىرىن ايرىقشا سەزىندىردى. پويەزدەردىڭ ارت - ارتىنان جىلجىپ بەكەتتەن الىستاۋىنا ىلەسە، جولاۋشىلار كوكتەم مەرەكەسىنە دەگەن تىلەكتەرىن ارقالاپ، الىستاعى اۋىلدارىنا اتتاندى.
