”جياۋلۇڭ“ ۇيگە قايتتى، ماڭگى حوش ءيىس شاشىپ تۇرادى
جياڭ شياۋيان
2 - ايدىڭ 2 - كۇنى ءبىر ءتۇپ راۋشانگۇل تاۋ - وزەندەردەن ءوتىپ، يۇنناننان تيانشان باۋرايىنا جەتتى. ونىڭ تەرەڭ سۇيىسپەنشىلىككە تولى ”جياۋلۇڭ“ دەگەن اتى بار. بۇكىل ينتەرنەتتەگىلەردىڭ نازار اۋدارىپ ”قورعاۋىندا“ شەكسىز ساعىنش ارقالاعان وسى ”جۇڭگو چيپى“ راۋشانگۇل 10 مىڭداعان ءتۇپ يۇننان گۇلىمەن بىرگە حوش ءيىستى الىس ساپارىن تامامدادى.
”جياۋلۇڭ“ الىس ساپارعا اتتاناردان بۇرىن شينجياڭنىڭ بايتاق دالاسىن تاعى ءبىر حوش ءيىس كەرنەدى.
1 - ايدىڭ 27 - كۇنى 2025 - جىلعى شينجياڭنىڭ ۇكىمەت قىزمەتىنەن بايانداماسىندا حى جياۋلۇڭ ”حالىقتىق سۇيىسپەنشىلىگىن ومىرىمەن امالياتتا ايگىلەدى“ دەلىنىپ ايرىقشا تۇراقتاندىرىلدى؛ 1 - ايدىڭ 31 - كۇنى شينجياڭنىڭ ەكى ءماجىلىسى جابىلاردا بىرنەشە حالىق قۇرىلتايى ۋاكىلى ونى بۇكىل كادرلاردىڭ ۇيرەنۋ ۇلگىسى دەپ اتادى. ۇكىمەت قىزمەتىنەن بايانداماداعى تۇراقتاندىرۋدان حالىق قۇرىلتايى ۋاكىلدەرىنىڭ پوزيتسيا بىلدىرۋىنە دەيىن تۇتاس قوعامنىڭ جاپپاي القاۋى مەن اعاش - گۇلدەردىڭ حوش ءيىسىنىڭ اسەم توعىسۋىنىڭ ارقاسىندا، بار ىقىلاسىمەن حالىق ءۇشىن ىستەۋ رۋحاني قاسيەتى گۇلدىڭ حوش يىسىندە بارعان سايىن ايقىندالا ءتۇستى.
”جياۋلۇڭ“ ينتەرنەت كەڭىستىگىندە قۇن تالپىنىسىنا جەتەكشىلىك ەتەتىن حوش ءيىس تاراتتى.
”جياۋلۇڭ“ راۋشانگۇلىنە ات قويۋ جانە ونىڭ ۇيگە قايتۋى سان مىڭداعان سايتتاستاردىڭ ىشكى دۇنيەسىنىڭ ءبىر رەتكى توپتىق تالعامى. ەسىم جيناعان كەزدەگى ”جياۋلۇڭ“ دەگەن ەكى ءارىپتىڭ ەكراننىڭ بەتىن جابۋىنان وسى رەتكى ”ۇيگە قايتۋ“ ارەكەتىنە ايرىقشا نازار اۋدارىلۋعا دەيىن سايتتاستاردىڭ شىنايىلىق، ىزگىلىك، كوركەمدىك سىندى ادامزاتتىڭ ماڭگىلىك قۇن تالپىنىسىنا دەگەن تاباندى ۇمتىلىسىن انىق بەينەلەدى.
بۇل سۇيىسپەنشىلىك ءبىر جاقسى كادردىڭ ومىردەن وتكەنىنە وكىنۋ عانا ەمەس ءارى ادامداردىڭ وسكەلەڭ ادامگەرشىلىك قاسيەت، ناعىز اۋەلگى ماقسات جونىندەگى ەستەتيكالىق مۇراتىمەن دە قابىستى. ينتەرنەت ينفورماتسياسى تەڭىزىندە ”جياۋلۇڭ“ بەينە جارقىراعان ماياك سياقتى، نەنىڭ ماڭگى ەستە ساقتاۋعا، اۋىزدان تاستاماي ماقتاۋعا، تالپىنۋعا تاتيتىنىن كورسەتتى. ”جۇڭگو چيپى“ سىندى وسى راۋشانگۇلدەن تاراعانى ءدال جۇڭگو ينتەرنەت كەڭىستىگىندەگى ىزگىلىككە، ورگە، كوركەمدىككە تالپىناتىن قۇندىلىق حوش ءيىسى بولماق.
”جياۋلۇڭ“ جۇرت تىلەگىن ۇيىستىرۋدىڭ ورتاق سۇيىسپەنشىلىك جۇپار ءيىسىن جەتكىزدى.
”جياۋلۇڭ“ يۇنليڭ مەن تيانشاننىڭ دوستىق سۇيىسپەنشىلىگىن جالعادى، ونان دا ماڭىزدىسى، بۇكىل ەلدەگى سايتتاستاردىڭ ورتاق سۇيىسپەنشىلىگىن ۇيىستىردى. ”جياۋلۇڭعا“ ات قويۋعا قاتىستى بەينەجازبالاردىڭ استىنداعى ىلەدەگى حالىقتىق تۇسەلحانا جۇرگىزۋشىنىڭ ”يۇنناندىق دوستار كەلسە، مەن باعادا 50 پايىزدىق جەڭىلدىك جاسايمىن“ دەگەن لەبىزى، يۇنناندىق سايتتاستىڭ ىلەسە جازعان ”شينجياڭدىق دوستار كەلسە، مەن جول باستاۋشى بولامىن“ دەگەن لەبىزى جارىسا القاۋعا يە بولىپ، ءار ۇلتتىڭ ارالاسۋىنىڭ، ىشتەسۋىنىڭ، توعىسۋىنىڭ ەڭ جاندى، ەڭ ميكرو قالىبىنا اينالدى. وسى راۋشانگۇل يۇنناننىڭ عىلمي زەرتتەۋ توپىراعىندا تامىر تارتىپ، بۇكىل ەل حالقىنىڭ سۇيىسپەنشىلىك ورتاق تانىمىمەن ات قويىلىپ، جۇڭحۋا پەرزەنتتەرىنىڭ رۋحاني مەكەنىندە قۇلپىرا جايقالدى.
”جياۋلۇڭ“ يۇننان مەن شينجياڭنىڭ اراسىن جالعاپ عانا قويماي، ونان دا ماڭىزدىسى، جۇڭحۋانىڭ بايتاق دالاسىن تۇتاستىردى، ول جۇڭحۋا ۇلتىنىڭ ءوزارا قارايلاسۋىنىڭ، تامىرلاس بولۋىنىڭ شۋاقتى حوش ءيىسىن شار تاراپقا تاراتتى. مۇنداي توپتىق سۇيىسپەنشىلىكتىڭ اتتانۋى جۇڭحۋا ۇلتى ورتاق تۇلعا تانىمى جونىندەگى ەڭ شۋاقتى، ەڭ تابيعي نارلەندىرۋ بولىپ تابىلادى.
ءار وتباسىندا گۇل قۇلپىرىپ، مەملەكەت سۇيىسپەنشىلىگىنىڭ حوش ءيىسىن تاراتتى.
ادامدى ءتىپتى دە اسەرلەندىرەتىنى، ”جياۋلۇڭ“ اتتى راۋشانگۇلىمەن بىرگە جەتكەن 10 مىڭ تال يۇننان گۇلى قاراپايىم ادامدارعا ۇسىنىلىپ، كوكتەم مەرەكەسى قارساڭىندا قاراپايىم وتباسىلارىنا كوكتەمنىڭ ءتۇسى مەن باس قوسۋ مەيىرىمىن ۇستەدى.
بۇل ايرىقشا شەبەر ورنالاستىرۋ، ول جەكەنىڭ القاۋىنان جاپپاي قامقورلىق جاساۋعا، سۇيىسپەنشىلىكپەن ەسكە الۋدان ناقتى تىلەككە كوتەرىلۋدى ورىندادى. وزگەشە ”جياۋلۇڭ“ ماڭگىلىك ۇيقىعا كەتكەن حى جياۋلۇڭنىڭ ورنىندا موڭعۇلكۇرە توپىراعىمەن قاۋىشۋدى تامامدادى. ال اناۋ 10 مىڭ تال يۇننان گۇلى بۇكىل ەل حالقىنىڭ قۇرمەتى مەن تىلەگىن ارقالاپ حى جياۋلۇڭ رۋحىن سانسىزداعان وتباسىمەن توعىستىرادى.
مارقۇم ارامىزدان كەتكەنىمەن گۇلدىڭ حوش ءيىسى ماڭگى قالادى. 10 مىڭ تال يۇننان گۇلىنىڭ دە سان مىڭ شاقىرىم جول باسۋى بىزگە بۇگىننىڭ قادىرىنە جەتىپ، ارمان ءۇشىن قۇلشىنۋدىڭ اشتى - تۇشتىسىن قاستەرلەۋدى، مەرەكە - مەيرامدا باس قوسقان باقىتتى، شۋاقتى مەيىردى قاستەرلەۋدى، اسىرەسە، وڭاي قول جەتە بەرمەيتىن شالقىعان زامانداعى بەيبىتشىلىكتى قاستەرلەۋدى ەسكەرتتى. وسى گۇلدەر جەكەنىڭ كۇرەسى مەن مەملەكەت دامۋىنىڭ قادامداستىعىنىڭ، جەكەنىڭ تاعدىرى مەن سان مىڭداعان وتباسىنىڭ تىرشىلىك ۇندەستىگىنىڭ شىنايى سۇيىسپەنشىلىگىن ارقالاعان.
”جياۋلۇڭ“ ۇيگە قايتتى. ادامدار ساعىنعان حى جياۋلۇڭ ماڭگى قۇلپىرا اشىلعان ءبىر ءتۇپ راۋشانگۇلگە اينالىپ، ول جانىنداي جاقسى كورەتىن توپىراققا تامىر تارتادى ءارى سانسىزداعان ادامدارىڭ جۇرەك تۇكپىرىنە تامىر تارتادى. ونىڭ حوش ءيىسى رۋحاني ماداق، قۇن ۇندەستىگى، توعىسقان سۇيىسپەنشىلىك، تەرەڭ مەملەكەت سۇيىسپەنشىلىگى بولىپ، جاڭا داۋىردەگى ەڭ اسەرلى رۋحاني كورىنىستى كەستەلەيدى. بۇل حوش ءيىس ءبىر كوممۋنيستىك پارتيا مۇشەسىنىڭ حالىق ءۇشىن قىزمەت ىستەۋ بەرىك سەنىمى، وسىناۋ مەكەندە ۇرپاقتان - ۇرپاققا جالعاساتىن، ىنتىماقتاسا العا باساتىن كۇش، ادامداردىڭ ءوزىن ارناۋشىلار جونىندەگى وشپەس ەستەلىگى بولماق.
گۇل - اعاشتار سەمەدى، رۋح ماڭگى حوش ءيىس تاراتادى. وسى اڭقىعان حوش ءيىستى يىسكەپ، ءبىز ومىردەن وتكەن ءبىر ۇلگىنى ەسكە الۋمەن بىرگە، ونان دا ماڭىزدىسى، ودان كوكتەمدى بەتكە الا، بولاشاقتى بەتكە الا ۇزدىكسىز العا باسۋ كۇشىن قابىلدايمىز. بۇل ”جياۋلۇڭنىڭ“ ۇيگە قايتۋىنىڭ بىزگە قالدىرعان ەڭ قىمباتتى جۇپار ءيىسى.
(”جياڭ شياۋيان“ ماقالا جولداۋ حات ساندىعى: xjrbplb@126.com)
