شينجياڭنىڭ جوعارى ساپالى دامۋىنا تىرەك بولاتىن جاڭاشا وندىرگىش كۇشتەردى جەتىلدىرەمىز
− اۆتونوميالى رايوندىق حالىق ۇكىمەتى زەرتتەۋ كەڭسەسى، اقىلشىلار كەڭسەسى (مادەنيەت، تاريح زەرتتەۋ سارايى) پارتيا باسشىلىق گرۋپپاسىنىڭ شۋجيى، مەڭگەرۋشى شۇي حۇڭيۇنمەن سۇحبات
□ انار بۇلت \ شينجياڭ گازەتىنىڭ ءتىلشىسى لي ياڭ
پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە جوعارى دەڭگەيلى عىلىم - تەحنولوگيادا ءوز كۇشىنە سۇيەنۋ، ءوزىن الۋەتتەندىرۋدى جەدەلدەتىپ، جاڭاشا وندىرگىش كۇشتەرگە جەتەكشىلىك ەتۋ، دامىتۋ العا قويىلدى. ورتالىقتىڭ ەكونوميكالىق قىزمەت ماجىلىسىندە جاڭاشا وندىرگىش كۇشتەردى دامىتۋدى ارقاۋ ەتىپ، عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتۋ ايقىندالدى. 2025 - جىلى 9 - ايدىڭ 23 - كۇنىنەن 25 - كۇنىنە دەيىن باس شۋجي شي جينپيڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسىپ، اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى: عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك.
شينجياڭ قالاي باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا، ”بەس ۇلكەن ستراتەگيالىق ورىندى“ كوزدەپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، شينجياڭ ەرەكشەلىگىنە يە جوعارى ساپالى دامۋدىڭ جاڭا جولى جونىندە بەلسەنە ىزدەنىس جاسايدى؟ وسى جونىندە ءتىلشى اۆتونوميالى رايوندىق حالىق ۇكىمەتى زەرتتەۋ كەڭسەسى، اقىلشىلار كەڭسەسى (مادەنيەت، تاريح زەرتتەۋ سارايى) پارتيا باسشىلىق گرۋپپاسىنىڭ شۋجيى، مەڭگەرۋشى شۇي حۇڭيۇنمەن ارنايى سۇحباتتاستى.
بايلىق ارتىقشىلىعىن تياناق ەتىپ
ستراتەگيالىق قامتاماسىزداندىرۋدىڭ جاڭا نەگىزىن بەكەمدەيمىز
شينجياڭنىڭ مول ەنەرگيا، كەن ونىمدەرى، اۋىل شارۋاشىلىعى، جارىق، جىلۋ سياقتى بايلىقتارى − مەملەكەتتىڭ ەنەرگيا حاۋىپسىزدىگىن، استىق حاۋىپسىزدىگىن، كاسىپ سالاسى تىزبەگى مەن قامداۋ تىزبەگىنىڭ حاۋىپسىزدىگىن قامتاماسىز ەتۋدىڭ ماڭىزدى تىرەگى. پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندا“ مەملەكەتتىڭ ەنەرگيا بايلىعى ستراتەگيالىق قامتاماسىزدىق بازاسى مەن بۇكىل ەلدىڭ ساپالى ەگىن، مال شارۋاشىلىق ونىمدەرىمەن ماڭىزدى قامداۋ بازاسى قامتىلعان.
شۇي حۇڭيۇن مىنالاردى ءبىلدىردى: بايلىق ارتىقشىلىعىن تياناق ەتىپ، جەرگىلىكتى جاعدايعا قاراي ەرەكشەلىككە، باسىمدىققا يە كاسىپ سالالارىن دامىتىپ، زورايتىپ، مەملەكەتتىڭ ەنەرگيا بايلىعى حاۋىپسىزدىگىنە تىرەك بولاتىن قامتاماسىزداندىرۋ قۋاتىن ۇزدىكسىز جوعارىلاتۋ كەرەك. ءبىرىنشى، ساپالى ەگىن، مال شارۋاشىلىعىنىڭ بايلىق باسىمدىعى ساۋلەلەندىرىلىپ، اۋىل شارۋاشىلىعىندا قۋاتتى رايون قۇرىلىسى ىلگەرىلەتىلەدى. ورگانيكالىق، ساپالى اۋىل شارۋاشىلىق ونىمدەرى ماركاسى كۇش سالا جەتىلدىرىلىپ، عىلىم - تەحنولوگيالىق اۋىل شارۋاشىلىعى، جاسىل اۋىل شارۋاشىلىعى، ساپالى اۋىل شارۋاشىلىعى، ماركالى اۋىل شارۋاشىلىعى دامىتىلىپ، اۋىل شارۋاشىلىعىنىڭ ساپاسىن جوعارىلاتۋ، ونىمدىلىگىن ارتتىرۋ ىلگەرىلەتىلەدى. زەردەلى تامىشلاتىپ سۋارۋ، سورتاڭ جەردى قۇنارلاندىرۋ، جوعارى دەڭگەيلى ازىق - تۇلىك وڭدەۋ سياقتى وسى زامانعى اۋىل شارۋاشىلىق تەحنولوگياسىنان بەلسەنە قامال الىنىپ، جاڭاشا وندىرگىش كۇش ارقىلى اۋىل شارۋاشىلىعى تۇتاس كاسىپ سالاسى تىزبەگىنىڭ دارەجەسىن جوعارىلاتۋعا قۋات ۇستەلىپ، اۋىل شارۋاشىلىعى قۇرىلىسى ەگىنشى - مالشىلاردى كىرىسىن ارتتىرۋعا جەتەكتەيتىن وسىزاماندانعان ءىرى كاسىپ سالاسى ەتىپ قۇرىلادى. ەكىنشى، مول جەل، جارىق بايلىق باسىمدىعى ساۋلەلەندىرىلىپ، ەكونوميكالىق دامۋدىڭ ”جاسىل قۇرامى“ ارتتىرىلادى. ءىرى جەل ەلەكتر، فوتوۆولت بازاسى قۇرىلىسى كولەمدەندىرىلە ىلگەرىلەتىلىپ، ءتىستى دوڭگەلەك بويىنشا ەنەرگيا ساقتاۋ، اۋانى سىعىپ ەنەرگيا ساقتاۋ سياقتى جاڭاشا ەنەرگيا ساقتاۋ بەلسەنە ورنالاستىرىلىپ، جاڭا ەنەرگيانىڭ ءداستۇرلى قازىندى ەنەرگيانىڭ ورنىن ءتارتىپتى باسۋى ورنىقتى ىلگەرىلەتىلىپ، جاڭاشا ەلەكتر قۋاتى جۇيەسى جەدەل قۇرىلادى. ءۇشىنشى، وزگەشە كەن بايلىعى باسىمدىعى ساۋلەلەندىرىلىپ، مەملەكەتتىڭ ەنەرگيا حاۋىپسىزدىگىنە تىرەك بولاتىن وزەكتى قۋات قالىپتاستىرىلادى. عىلىم - تەحنولوگيالىق قۋات ۇستەۋ ارقىلى بايلىقتى بارلاۋدىڭ دالدىگى مەن اشۋ ونىمدىلىگى جوعارىلاتىلىپ، مۇناي - گاز بايلىعىن اشۋ كۇشەيتىلىپ، ستراتەگيالىق كەن ىزدەۋگە ۇسىنىلىم ارتتىرىلىپ، كومىردىڭ ساپالى ءوندىرىس قۋاتى ونان ارى جارىققا شىعارىلىپ، كومىر قاباتى گازىن، تاقتاتاس گازىن اشۋ كەڭەيتىلىپ، ەنەرگيا بايلىعىن زاپاس ساقتاۋدى قامتاماسىزداندىرۋ قۋاتى نىعايتىلىپ، مەملەكەتتىك ەنەرگيا بايلىعى ستراتەگيالىق قامتاماسىزداندىرۋ بازاسىنىڭ نەگىزى بەكەمدەلەدى.
كاسىپ سالاسىن ساپالىلاندىرىپ دارەجەسىن ءوسىرىپ
ەكونوميكالىق دامۋدىڭ جاڭا ومىرشەڭ كۇشىن قاۋلاتامىز
شۇي حۇڭيۇن مىنالاردى ءبىلدىردى: شينجياڭنىڭ جاڭاشا وندىرگىش كۇشتى دامىتۋىنىڭ وزەكتى ءمانى − كاسىپ سالاسى ارقىلى جۇمىستاندىرۋدى جەبەۋ بەتالىسىن كورنەكتىلەندىرىپ، جاڭا كاسىپ سالاسىنىڭ، جاڭا ۇلگىنىڭ، جاڭا قوزعالىس قۋاتىنىڭ دامۋىن تالعامپازدىقپەن ىلگەرىلەتىپ، جاڭا، كونە قوزعالىس قۋاتتارىنىڭ ورنىقتى، ۇزدىكسىز اۋىسۋىن ىلگەرىلەتىپ، كاسىپ سالاسىنىڭ دامۋى مەن كەڭ كولەمدە جۇمىستاندىرۋدىڭ ۇتىمدى ىقپالداستىعىن جۇزەگە اسىرۋ.
”شينجياڭنىڭ ەكونوميكالىق ارتۋى مەن جۇمىستاندىرىپ كىرىس كىرگىزۋدەگى نەگىزگى سۇيەنىشى ءالى دە ءداستۇرلى كاسىپ سالاسى. سوندىقتان، ءسوز جوق، كەلەلى عىلىم - تەحنولوگيا جەتىستىكتەرىن جوعارى ءونىمدى كادەگە جاراتۋدى، پايدالانۋدى جەدەلدەتىپ، كاسىپ سالاسىنىڭ قۇن تىزبەگىنىڭ جوعارى دەڭگەيىنە قاراي كەڭەيۋىن قۇلشىنا ىلگەرىلەتىپ، ءداستۇرلى كاسىپ سالاسىنىڭ تيبىن جاڭالاپ دارەجەسىن جوعارىلاتۋدى جاپپاي ىلگەرىلەتىپ، تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋ بارىسىندا جۇمىس ورنىن كوبەيتىپ، جۇمىستاندىرۋدى جەبەۋ كەرەك“، - دەدى ول.
”سونداي - اق ستراتەگيالىق جاڭادان گۇلدەنگەن كاسىپ سالالارى شوعىرىنىڭ اسەرىن جەدەل قالىپتاستىرۋ كەرەك“. شۇي حۇڭيۇن بىلاي دەپ قارادى: شينجياڭ جاسىل ەسەپتەۋ قۋاتى، تومەن كەڭىستىك ەكونوميكاسى، ساۋدالىق عارىش ىستەرى سياقتى ستراتەگيالىق جاڭادان گۇلدەنگەن كاسىپ سالالارىن بەلسەنە دامىتىپ، جاساندى زەردە، بيولوگيالىق جاساۋ، سۋتەگى ەنەرگياسى، اۋە ينفورماتسياسى سياقتى بولاشاق كاسىپ سالالارىن ورنالاستىرىپ، كاسىپ سالاسى شوعىرى ارقىلى كاسىپورىنداردى شوعىرلاندىرىپ، كاسىپورىنداردىڭ دامۋى ارقىلى جۇمىستاندىرۋدى كەڭەيتىپ، جاڭاشا وندىرگىش كۇشتىڭ دامۋ جەتىستىكتەرى ارقىلى حالىق تۇرمىسىنا يگىلىك جەتكىزۋى كەرەك، ”سونداي - اق تاماشا جاڭالىق اشۋ ەكولوگياسىن قالىپتاستىرۋ كەرەك. حۋايروۋ تاجىريبەحاناسى شينجياڭ بازاسى سياقتى جوعارى قابىلەت دەڭگەيىندەگى تۇعىرلاردىڭ رولى ساۋلەلەندىرىلىپ، وقۋ - اعارتۋدى، عىلىم - تەحنولوگيانى، دارىندىلاردى دامىتۋ ءبىر تۇلعالى ىلگەرىلەتىلىپ، ءار ۇلت بۇقاراسىنىڭ، اسىرەسە، جوعارى مەكتەپ بىتىرگەن وقۋشىلاردىڭ جۇمىستانىپ كىرىستەرىن ارتتىرۋىنا دەم بەرىلەدى“.
سيفرلى تەحنولوگيا ارقىلى قۋات ۇستەپ
سيفرلاندىرۋ مەن زەردەلىلەندىرۋ توعىسقان جاڭا جارىس جولىن اشامىز
پارتيا 20 - كەزەكتى ورتالىق كوميتەتى ءتورتىنشى جالپى ماجىلىسىندە سيفرلى جۇڭگو قۇرىلىسىن ىشكەرىلەي ىلگەرىلەتۋ ورتاعا قويىلدى. شۇي حۇڭيۇن مىنالاردى ءبىلدىردى: سيفرلى شينجياڭ قۇرىلىسىن ىشكەرىلەي اتقارىپ، ينتەرنەت، ەسەپتەۋ قۋاتى، جاڭا تەحنولوگيا سياقتى جاڭاشا ينفورماتسيا نەگىزدىك قۇرىلعىلارىن تاعان، ساندى مالىمەت ارقىلى قۋات ۇستەۋدى وزەك، كورىنىستىك قولدانۋدى جەتەكشى ەتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتىپ، قوعامدىق باسقارۋدىڭ ونىمدىلىگىن ارتتىرىپ، حالىق تۇرمىسىنا كورىك قوسۋ كەرەك.
ءبىرىنشى، ”جاساندى زەردە +“ بەلسەنە كەڭەيتىلەدى. ەسەپتەۋ قۋاتى بايلىعى باسىمدىعىنا سۇيەنىپ، ”شينجياڭنىڭ ەسەپتەۋ قۋاتىن چۇڭچيڭگە ەنگىزۋ“ سياقتى ينجەنەريالاردىڭ بۇكىل ەلدىڭ ءبىر تۇلعالانعان ەسەپتەۋ قۋاتى تورىمەن توعىسۋى ىلگەرىلەتىلەدى. جاساندى زەردەمەن 1 -، 2 -، 3 - كاسىپ سالاسىنىڭ تەرەڭ توعىسۋى تەرەڭدەتىلىپ، شينجياڭنىڭ جاعراپيالىق جاعدايىنا، كاسىپ سالاسى ەرەكشەلىگىنە ساي كەلەتىن دەنەلىك زەردە دامىتىلىپ، قوعامدىق باسقارۋعا دەم بەرىلىپ، دامۋ قوزعالىس قۋاتى ۇيىستىرىلىپ، ءومىر حاۋىپسىزدىگى قورعالادى. ەكىنشى، عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋى تەرەڭدەتىلەدى. مەملەكەتتىڭ كەلەلى عىلىم - تەحنولوگيا نىسان ورنالاستىرۋلارىن ىرىقتىلىقپەن قابىلداپ، ءوندىرىس، وقىتۋ، زەرتتەۋ، پايدالانۋ جاعىنداعى جاڭالىق اشۋ تۇعىرى ورناتىلىپ، تەحنولوگيادا جاڭالىق اشۋدى كاسىپ سالاسىنىڭ دامۋىمەن، حالىق تۇرمىسى قاجەتىمەن ءتۇيىلىستىرۋ تەرەڭدەتىلىپ، ەمدەۋ، سالاماتتىق، وسى زامانعى اۋىل شارۋاشىلىعى سياقتى سالالاردىڭ دامۋىنا دەم بەرىلىپ، ءار ۇلت بۇقاراسى سەزىنە الاتىن، قول جەتكىزە الاتىن جاڭاشا وندىرگىش كۇش جەتىستىكتەرى قالىپتاستىرىلادى. ءۇشىنشى، كورىنىستىك قولدانۋدا جاڭالىق اشۋ جەدەل ىلگەرىلەتىلەدى. جاڭا تەحنولوگيانى، جاڭا ونىمدەردى، جاڭا كورىنىستەردى زور كولەمدى قولدانۋدان ۇلگى كورسەتۋ اتقارىلىپ، ۇشقىش اپپاراتپەن وسىمدىك باپتاۋ، زەردەلى جىلىجاي سياقتى اۋىل شارۋاشىلىق تەحنولوگيالارى زور كۇشپەن جالپىلاستىرىلىپ، اناعۇرلىم حاۋىپسىز، جوعارى ءونىمدى سيفرلى كەن، زەردەلى زاۆودتار قۇرىلادى. سيفرلى مادەنيەت - ساياحات كاسىپ سالاسى جەتىلدىرىلىپ، ەلىتە سەزىنۋ ۇلگىسىندەگى مادەنيەت - ساياحات سەزىنۋ نىساندارى تۇلعالانىپ، ۇلتتاردىڭ ارالاسۋى، ىشتەسۋى، توعىسۋى جەبەلىپ، جۇڭحۋا ۇلتى ورتاق تۇلعا قۇرىلىسىنا دەم بەرىلەدى.
ەسىك اشۋ تورابىنىڭ ساپاسىن جوعارىلاتىپ
سىرتقا ەسىك اشۋدىڭ جاڭاءورىسىن كەڭەيتەمىز
”ازيا − ەۆروپا التىن ارناسى مەن باتىسقا ەسىك اشۋدىڭ الدىڭعى شەبى“ پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىننىڭ“ ءبىرى. شۇي حۇڭيۇن بىلاي دەپ قارادى: شينجياڭ وزىندىك وڭىرلىك سيپاتتى ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا ەنگىزۋگە تاباندى بولىپ، ”ءبىر بەلدەۋ، ءبىر جول“ بىرلەسكەن تاجىريبەحاناسى قۇرىلىسىن تىڭعىلىقتى ىلگەرىلەتىپ، ورتا ازياعا بەت العان وڭىرلىك عىلىم - تەحنولوگيادا جاڭالىق اشۋ ورتالىعىن تۇلعالاپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتەدى.
”شينجياڭ ەركىن ساۋدا سىناق رايونىن جوعارى ولشەممەن قۇرۋ قاجەتتى مازمۇن سانالادى“. شۇي حۇڭيۇن مىنالاردى ءبىلدىردى: شينجياڭ ورتا ازيا ەلدەرىمەن تەحنولوگيانى دامىتۋ، سيفرلى قىزمەت وتەۋ سياقتى جاقتاردا سەلبەستىكتى كۇشەيتىپ، تەحنولوگيانى، قىزمەت وتەۋدى سىرتقا شىعارۋدى ورنىقتى كەڭەيتىپ، حالىقارالىق ولشەم سەلبەستىگىن كەڭەيتىپ، ”جۇمساق ۇلاستىرۋدىڭ“ حالىقارالىق ىقپالىن ۇزدىكسىز تۇلعالاۋى كەرەك.
”زەردەلى شەكارا وتكەلى قۇرىلىسىن جەدەلدەتىپ، جاسىل ەنەرگيا، جاسىل ەسەپتەۋ قۋاتى سياقتى سالالاردا سەلبەستىك ورىستەتۋ كەرەك“. شۇي حۇڭيۇن مىنالاردى ءبىلدىردى: شينجياڭ جاڭا ەنەرگيا، زەردەلى ەسەپتەۋ قۋاتى سياقتى جاقتارداعى باسىمدىقتارىن ساۋلەلەندىرىپ، بۇكىل ەلدى ۇلاستىراتىن، ورتا ازيانى شارپيتىن ەسەپتەۋ تورابى مەن جاسىل ەنەرگيا ارناسىن قۇرىپ، جاڭا نەگىزدىك قۇرىلىستار ارقىلى ”قاتتى ۇلاستىرۋدىڭ“ تىرەكتىك كۇشىن بەكەمدەۋى كەرەك.
شۇي حۇڭيۇن بىلاي دەپ قارادى: سونداي - اق قولدانىلمالى سيفرلى تەحنولوگيادان پايدالانىپ، ورتا ازيا، ەۆروپا سياقتى وڭىرلەرمەن وقۋ - اعارتۋ، ەمدەۋ، مادەنيەت - ساياحات سياقتى جاقتارداعى بارىس - كەلىستى، اۋىس - كۇيىستى تەرەڭدەتىپ، ”جۇرەكتەردى توعىستىراتىن“ سيفرلى كوپىر ورناتۋ كەرەك.
جاسىل، تومەن كومىر قىشقىل گازدى بولۋعا جەتەكشىلىك ەتىپ
ەكولوگيالىق قۇرىلىستىڭ جاڭا نەگىزىن ايشىقتايمىز
ورتالىقتىڭ ەكونوميكالىق قىزمەت ماجىلىسىندە ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى“ جەتەكشى ەتۋگە تاباندى بولىپ، جاپپاي جاسىل تيپ جاڭالاۋدى ىلگەرىلەتۋ ايقىندالدى.
شۇي حۇڭيۇن مىنالاردى ءبىلدىردى: شينجياڭ مەملەكەتتىڭ ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ ستراتەگيالىق ماڭىزدى كوتەرىمدىلىك ءوڭىرى رەتىندە، جاڭاشا وندىرگىش كۇشتەردى جەتىلدىرۋ جانە دامىتۋ ارقىلى كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدى كەڭەيتۋدى، ەكونوميكانى ارتتىرۋدى سايكەسە ىلگەرىلەتىپ، جاسىل، تومەن كومىر قىشقىل گازدى بولۋدى شينجياڭنىڭ جوعارى ساپالى دامۋىنىڭ ايقىن ەرەكشەلىگىنە اينالدىرىپ، كورىكتى شينجياڭ قۇرىلىسىنا باياندى قوزعالىس قۋاتىن ۇستەۋى كەرەك.
ءبىرىنشى، كاسىپ سالاسىنىڭ جاسىل، تومەن كومىر قىشقىل گازدى تيپ جاڭالاۋى جاپپاي ىلگەرىلەتىلەدى. تازا، تومەن كومىر قىشقىل گازدى ەنەرگيا جۇيەسىن قۇرۋ ءتۇيىن ەتىلىپ، CCUS، جاسىل سۋتەگىمەن بايلانىستىرۋ، نولدىك كومىر نەگىزى سياقتى تەحنولوگيالاردان ۇزدىكسىز قامال الىنىپ، جاسىل باقشا رايونى، جاسىل زاۆود، جاسىل كەن، جاسىل جاساۋ كۇش سالا دامىتىلىپ، جاڭا ەنەرگيامەن قامداۋ ارا سالماعى ۇزدىكسىز جوعارىلاتىلىپ، كومىر قىشقىل گازىنىڭ شىعارىلۋ جالپى مولشەرى مەن كۇشەمەلىلىگى قاتاڭ مەڭگەرىلىپ، كومىر مەن مۇناي تۇتىنۋىندا ەڭ جوعارى مانگە جەتكىزۋ ىلگەرىلەتىلىپ، 2030 - جىلى ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ“ نىساناسىنىڭ ۋاعىندا ورىندالۋىنا شىنايى كەپىلدىك ەتىلەدى. ەكىنشى، ەكولوگيانى قورعاۋ، قالپىنا كەلتىرۋ جەتىستىكتەرى بەكەمدەلىپ جوعارىلاتىلادى. قۋاڭ وڭىرلەردىڭ ەكولوگياسىن وڭاۋ تەحنولوگياسىندا جاڭالىق اشۋ تەرەڭدەتىلىپ، ”ءۇش تەرىستىك“ ينجەنەرياسىنان قامال الۋ شايقاسى ۇزدىكسىز ويداعىداي جۇرگىزىلىپ، تاكلاماكان ءشول جيەگىن تورلاۋ جەتىستىگى بەكەمدەلىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋ جانە جۇيەلى باسقارۋ ىلگەرىلەتىلىپ، ەكونوميكانى دامىتۋ مەن ەكولوگيانى قورعاۋدى ورگانيكالى توعىستىرۋ جۇزەگە اسىرىلادى. ءۇشىنشى، جاسىل، تومەن كومىر قىشقىل گازدى تۇرمىس ءتاسىلى جەدەل قالىپتاستىرىلادى. جاڭاشا وندىرگىش كۇشتەردى دامىتۋ جەتىستىكتەرى بەلسەنە جالپىلاستىرىلىپ، الەۋمەتتىك قاتىناس، قالا زات اينالىمى سياقتى سالالاردا جاڭا ەنەرگيالى اۆتوكولىكتەر ورنىن باسۋ ىلگەرىلەتىلىپ، ۇكىمەتتىك اۆتوكولىكتەردىڭ جاڭا ەنەرگيالى بولۋ سالىستىرماسى ونان ارى جوعارىلاتىلىپ، جاسىل قۇرىلىس ماتەريالدارى جالپىلاستىرىلىپ، زەردەلى دە ەنەرگيا ۇنەمدەيتىن جۇيەلەر قالا، اۋىل قۇرىلىسىمەن توعىستىرىلىپ، جاسىل ەلەكترمەن قاتىناۋ، تومەن كومىر قىشقىل گازدى تۇرمىس قالا، اۋىلدىڭ جاڭا سالتىنا اينالىپ، جاسىل دامۋ نەگىزى ونان ارى بەكەمدەلەدى.
