باستاما جىلى ورتالىق كوميتەت ساياسي بيۋروسىنىڭ تۇڭعىش رەتكى توپتىق ۇيرەنۋىندە نازار بولاشاق كاسىپ سالالارىنىڭ دامۋىنا شوعىرلاندىرىلدى
□ شينحۋا اگەنتتىگىنىڭ ءتىلشىسى جوۋ يۋان
1 - ايدىڭ 30 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى بولاشاق كاسىپ سالالارىن كورەگەندىكپەن ورنالاستىرۋ جانە دامىتۋ جونىندە 24 - رەتكى توپتىق ۇيرەنۋ وتكىزدى، باس شۋجي شي جينپيڭ ماڭىزدى ءسوز سويلەدى. ”15 - بەسجىلدىقتىڭ“ باستاما جىلى ورتالىق كوميتەت ساياسي بيۋروسىنىڭ تۇڭعىش رەتكى توپتىق ۇيرەنۋدە نازاردى وسى تاقىرىپقا شوعىرلاندىرۋى جاڭا جورىقتا ەلىمىزدىڭ بولاشاق كاسىپ سالالارىن جەدەل جەتىلدىرىپ جانە دامىتىپ، وسىزاماندانعان كاسىپ سالالارىنىڭ جاڭا باسىمدىعى ارقىلى بولاشاق دامۋدىڭ ىرىقتىلىعىن يگەرەتىندىگىنىڭ ايقىن سيگنالىن جەتكىزدى.
بولاشاق كاسىپ سالالارىنا الدىڭعى لەكتىك تەحنولوگيا دەم بەرەتىن بولىپ، بولجامپازدىق سيپاتتى، ستراتەگيالىق سيپاتتى، اۋدارۋ سيپاتتى سياقتى ەرەكشەلىكتەرگە يە. ”15 - بەسجىلدىق“ جوبا ۇسىنىسىندا كۆانتتىق عىلىم - تەحنولوگيا، بيولوگيالىق جاساۋ، سۋتەگى ەنەرگياسى جانە يادرولىق بىرىگۋ رەاكسيا ەنەرگياسى، مي - اسپاپ سيگنال جەتكىزۋ كوزى، بەينەلى زەردە، التىنشى بۋىن جىلجىمالى حابارلاسۋ سياقتىلاردىڭ ەكونوميكانىڭ جاڭا ارتۋ تۇيىنىنە اينالۋىن ىلگەرىلەتۋ العا قويىلدى، بۇل سالالار ءدال بولاشاق كاسىپ سالالارىنىڭ تيپتىك ۋاكىلى.
وتكەن ءبىر جىلدا باس شۋجي شي جينپيڭ بولاشاق كاسىپ سالالارىن جەتىلدىرۋ جونىندە تالاي رەت ورنالاستىرۋ جاسادى: بىلتىر 4 - ايدا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ توپتىق ۇيرەنۋىن باسقارىپ، نازاردى ”جاساندى زەردەنىڭ دامۋىن جانە ونى باقىلاۋ - باسقارۋدى كۇشەيتۋگە“ شوعىرلاندىردى؛ شاڭحايعا بارىپ ”موسۋ كەڭىستىگى“ ۇلكەن مودەلدى جاڭالىق اشۋ ەكولوگيالىق الەۋمەتتىك اۋماعىن تەكسەردى؛ سانشيدە قىزمەت تەكسەرگەندە ”جاڭاشا وندىرگىش كۇشتەردى دامىتۋدى ارقاۋ ەتىپ، جاڭادان گۇلدەنگەن كاسىپ سالالارى مەن بولاشاق كاسىپ سالالارىن جەرگىلىكتى جاعدايعا قاراي ورنالاستىرۋدى“ باسا دارىپتەدى.
2035 - جىلى سوتسياليستىك وسىزامانداندىرۋدى نەگىزىنەن جۇزەگە اسىرۋدى كوزدەگەندە، ”15 - بەسجىلدىق“ مەزگىلى − نەگىزدى بەكەمدەيتىن، جاپپاي كۇش سالاتىن شەشۋشى مەزگىل، ”وسىزاماندانعان كاسىپ سالاسى جۇيەسىن قۇرىپ، ناقتى ەكونوميكا نەگىزىن بەكەمدەۋ، زورايتۋ“ − ماڭداي الدى ستراتەگيالىق مىندەت. بولاشاق كاسىپ سالالارى وسىزاماندانعان كاسىپ سالاسى جۇيەسىنىڭ ماڭىزدى تىرەگىنە اينالادى ءارى الەمدىك ەكونوميكا كارتاسىن قايتا سومداۋداعى شەشۋشى فاكتور.
وسى رەتكى توپتىق ۇيرەنۋدە باس شۋجي شي جينپيڭ بولاشاق كاسىپ سالالارىن دامىتۋدىڭ ماڭىزدى ءمانىن تەرەڭ بايىمدادى −
”بولاشاق كاسىپ سالالارىن جەتىلدىرۋ، دامىتۋ عىلىم - تەحنولوگيا جانە كاسىپ سالاسىندا بيىك تۇرعىنى يەلەپ، دامۋ ىرىقتىلىق ۇقىعىن يگەرۋ، جاڭاشا وندىرگىش كۇشتەردى دامىتىپ، وسىزاماندانعان كاسىپ سالاسى جۇيەسىن ورناتۋ، حالىقتىڭ تۇرمىس ساپاسىن جوعارىلاتىپ، ادامنىڭ جان - جاقتى دامۋىن جانە قوعامنىڭ جاپپاي العا باسۋىن جەبەۋ جونىنەن ماڭىزدى ءمان الادى“.
2025 - جىلى ونەركاسىپ پەن ينفورماتسيالاندىرۋ سالاسىنىڭ ەلىمىز ەكونوميكاسىنىڭ ارتۋىنا قوسقان ۇلەسى ％40تەن استى. ەلىمىزدە جاساندى زەردە كاسىپورىندارىنىڭ سانى 6000نان استى، كۆانتتىق عىلىم - تەحنولوگيانى زەرتتەۋ - اشۋ كوپ تۇيىندە گۇل اشتى، بيولوگيالىق جاساۋ ءبىر تريلليون دارەجەلى كاسىپ سالاسىنا قادام تاستادى، مي - اسپاپ سيگنال جەتكىزۋ كوزى تەحنولوگياسى ادام ميىنا كوشىرۋدىڭ جاڭا كەزەڭىنە ءوتتى... بولاشاق كاسىپ سالالارى كۇش - قۋات توپتاپ، جوعارى ساپالى دامۋعا سارقىلماس جاڭا قوزعالىس قۋاتىن ۇستەدى.
بولاشاق كاسىپ سالالارىن قالاي جوسپارلاۋ جانە ورنالاستىرۋ كەرەك؟ باس شۋجي شي جينپيڭ قىزمەت ءتۇيىنىن ايقىن كورسەتىپ بەردى:
عىلمي جوبالاۋدى، جالپى جاعدايدى ءبىر تۇتاس جوسپارلاۋدى قاجەت ەتەدى −
باس شۋجي شي جينپيڭ مىنالاردى ايقىندادى: نازاردى ”15 - بەسجىلدىق“ مەزگىلىندەگى ەلىمىزدىڭ بولاشاق كاسىپ سالالارىن دامىتۋدىڭ نەگىزگى قامال الۋ بەتالىسىنا شوعىرلاندىرۋ؛ مەملەكەتتىڭ ستراتەگيالىق قاجەتى، تەحنولوگيانىڭ پىسىپ - جەتىلۋ دارەجەسى، فاكتوردىڭ تىرەكتىك شارت - جاعدايى سياقتى فاكتورلاردى جان - جاقتى ەسكەرۋ؛ كاسىپ سالاسىن سايكەستىرۋدى كۇشەيتۋ كەرەك.
بۇل بىزدەن نازاردى ”15 - بەسجىلدىق“ جوبا ۇسىنىسىندا العا قويىلعان ءتۇيىندى سالالارعا شوعىرلاندىرىپ، تەحنولوگيالىق لۋشياندى عىلمي دالەلدەپ، جەرگىلىكتى جاعدايعا قاراي ىستەۋدى كورنەكتىلەندىرىپ، دۇرمەككە ىلەسۋدەن ساقتانۋدى، سونىمەن بىرگە بولاشاق كاسىپ سالالارىنىڭ ءداستۇرلى باسىمدىققا يە كاسىپ سالالارىنان، ستراتەگيالىق جاڭادان گۇلدەنگەن كاسىپ سالالارىنان اجىراپ قالۋىنان ساقتانىپ، كاسىپ سالالارىنىڭ توعىسۋىن ۇزدىكسىز تەرەڭدەتۋدى تالاپ ەتەدى.
”كاسىپ سالاسى سۇراۋ شىعارۋعا، عىلىم - تەحنولوگيا جاۋاپ بەرۋگە“ تاباندى بولۋ −
عىلىم - تەحنولوگيادا سەرپىلىس جاساۋ دارەجەسى اسا زور دەڭگەيدە بولاشاق كاسىپ سالالارى دامۋىنىڭ قارقىنىن، اياسىن، تەرەڭدىگىن بەلگىلەيدى. بىلتىر مەملەكەتتىك ەكى ءماجىلىس كەزىندە باس شۋجي شي جينپيڭ ”جاڭالىق اشۋ تىزبەگى مەن كاسىپ سالاسى تىزبەگىنىڭ جىكسىز ۇشتاسۋىنا مۇمكىندىك جاساۋدى“ ايقىن تالاپ ەتتى.
وسى رەتكى توپتىق ۇيرەنۋدە باس شۋجي شي جينپيڭ ”بۇكىل مەملەكەت بويىنشا جۇمىلاتىن جاڭاشا ءتۇزىلىس باسىمدىعىن تولىق ساۋلەلەندىرۋ“، ”ءتۇيىندى سالالارداعى شەشۋشى، وزەكتى تەحنولوگيالاردان قامال الۋ سەرپىنىن ارتتىرۋ“، ”عىلىم - تەحنولوگيا جەتىستىكتەرىن كادەگە جاراتۋدى، قولدانۋدى جەدەلدەتۋ“ سياقتى تالاپتاردى العا قويىپ، عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتۋدىڭ جولىن، بەتالىسىن اناعۇرلىم ايقىندادى.
كاسىپورىنداردىڭ جاڭالىق اشۋدىڭ نەگىزگى تۇلعاسى رەتىندەگى ومىرشەڭ كۇشىن قاۋلاتۋ −
”كوپتەگەن بولاشاق كاسىپ سالاسىن كوركەيتۋدە كاسىپورىنداردىڭ بىرتىندەپ سەرپىلىس جاساۋىنا، باستاماشىلدىق ەتۋىنە سۇيەنەمىز“. باس شۋجي شي جينپيڭ كاسىپورىنداردىڭ نەگىزگى تۇلعالىق رولىن ساۋلەلەندىرۋدى ايقىن العا قويدى.
وسى ورنالاستىرۋدى تياناقتاندىرۋ ءۇشىن، كاسىپورىندى وزەك ەتكەن، كوپ جاق سايكەسەتىن كاسىپ سالاسى ەكولوگيالىق جۇيەسىن ورناتىپ، ءتۇرلى جاڭالىق اشۋ بايلىقتارىنىڭ كاسىپورىندارعا شوعىرلانۋىن ىلگەرىلەتىپ، عىلىم - تەحنولوگيا كوشباسشى كاسىپورىندارىن جەتىلدىرىپ جانە زورايتىپ، ورتا، شاعىن كاسىپورىنداردىڭ ارنايىلانعان، كەمەلدەنگەن، ەرەكشەلەنگەن، جاڭاشالانعان دامۋىن جەبەپ، كاسىپ سالاسىنىڭ الدىڭعى لەككە جانە جوعارى دەڭگەيلى سالالارعا ۇزدىكسىز قادام تاستاۋىن ىلگەرىلەتۋ كەرەك.
قولداۋ تەبىنىن ارتتىرۋ، باسقارۋ جۇيەسىن اقاۋسىزداندىرۋ −
بولاشاق كاسىپ سالالارىن جەتىلدىرۋدىڭ پەريودى ۇزىن، بازار حاۋىپ - قاتەرى زور، دامۋىنىڭ شارپۋ اياسى كەڭ. باس شۋجي شي جينپيڭ ”ۇكىمەت ويداعىداي قىزمەت وتەۋى كەرەكتىگىن“ جانە ”باسقارۋ جۇيەسىن اقاۋسىزداندىرۋ كەرەكتىگىن“ باسا دارىپتەدى.
ءبىر جاعىنان، قازىنا - سالىق سياقتى ساياساتتاردى كەمەلدەندىرىپ، عىلىم - تەحنولوگيا فينانسىن زور كۇشپەن دامىتىپ، دارىندىلاردى باۋلۋ، ەنگىزۋ، ىستەتۋ قىزمەتىن جان - جاقتى ويداعىداي ىستەۋ؛ ەندى ءبىر جاعىنان، عىلمي، ءونىمدى باقىلاۋ - باسقارۋ ءتاسىلى جونىندە ىزدەنىس جاساپ، قاتىستى حاۋىپ - قاتەرلەردەن ساقتانىپ ءارى ”ەركىنە جىبەرىپ جانداندىرۋعا“، ءارى ”ويداعىداي باسقارۋعا“ شىنايى كەپىلدىك ەتۋ كەرەك.
بۇگىنگى بولاشاق كاسىپ سالاسى ەرتەڭگى ستراتەگيالىق جاڭادان گۇلدەنگەن كاسىپ سالاسى، كەيىنگى تىرەكتى كاسىپ سالاسى بولۋى مۇمكىن. بولاشاق اشۋدا ۋاقىتتى ۇتا ءبىلۋ كەرەك.
(شينحۋا اگەنتتىگىنىڭ 2 - ايدىڭ 2 - كۇنى بەيجيڭنەن بەرگەن حابارى)
