2026 - جىلعى ورتالىقتىڭ 1 - ءنومىرلى حۇجاتى جاريالاندى
اۋىل - قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋ جونىندە ورنالاستىرۋ جاسالدى
شينحۋا اگەنتتىگىنىڭ 2 - ايدىڭ 3 - كۇنى بەيجيڭنەن بەرگەن حابارى (تىلشىلەر حان جيا - نو، حۋ لۋ). پارتيا 18 - قۇرىلتايىنان بەرگى ورتالىقتىڭ اۋىل شارۋاشىلىعى، اۋىل - قىستاق، شارۋالار قىزمەتىنە جەتەكشىلىك ەتەتىن 14 - رەتكى 1 - ءنومىرلى حۇجاتى 2 - ايدىڭ 3 - كۇنى شينحۋا اگەنتتىگىنىڭ وكىلەتتىگىمەن جاريالاندى، حۇجاتتا اۋىل شارۋاشىلىعىن، اۋىل - قىستاقتى وسىزامانداندىرۋدى كوزدەۋ، اۋىل - قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋ جونىندە ورنالاستىرۋ جاسالدى.
حۇجاتتىڭ تاقىرىبى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل شارۋاشىلىعىن، اۋىل - قىستاقتى وسىزامانداندىرۋدى كوزدەپ، اۋىل - قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋ جونىندەگى پىكىرى»، حۇجات جالپى 6 بولىكتەن قۇرالعان، ولار مىنالار: اۋىل شارۋاشىلىعىنىڭ جالپىلىق ءوندىرىس قۋاتى مەن ساپا ونىمدىلىگىن جوعارىلاتۋ، ۇدايىلانعان دالمە - ءدال سۇيەمەلدەۋ - كومەكتەسۋدى اتقارۋ، شارۋالاردىڭ كىرىسىن ورنىقتى ارتتىرۋدى بەلسەنە جەبەۋ، جەرگىلىكتى جاعدايعا قاراي قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرىلىسىن ىلگەرىلەتۋ، ءتۇزىلىس - مەحانيزمدە جاڭالىق اشۋدى كۇشەيتۋ، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جالپى بەتتىك باسشىلىعىن كۇشەيتۋ.
حۇجاتتا مىنالار ورتاعا قويىلدى: اۋىل شارۋاشىلىعىن، اۋىل - قىستاقتى وسىزامانداندىرۋ جۇڭگو ۇلگىسىندەگى وسىزامانداندىرۋدىڭ جالپى جاعدايى مەن ساپاسىنا سايادى. اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، قالا مەن اۋىلدى توعىستىرا دامىتۋعا تاباندى بولىپ، اۋىل شارۋاشىلىعىن، اۋىل - قىستاقتى وسىزامانداندىرۋدى كوزدەپ، اۋىل - قىستاقتىڭ جاپپاي گۇلدەنۋىن ىلگەرىلەتۋدى باس تۇتقا، ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ ينجەنەرياسى“ تاجىريبەسىن ۇيرەنۋدى، قولدانۋدى جەتەكشى، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش ەتىپ، اۋىل شارۋاشىلىعىن كۇشەيتۋ، اۋىل - قىستاققا تيىمدىلىك جاساۋ، شارۋالاردى بايىتۋ ساياساتىنىڭ ونىمدىلىگىن جوعارىلاتىپ، مەملەكەتتىڭ استىق حاۋىپسىزدىگى تومەنگى شەگىن بەرىك ساقتاپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، اۋىل - قىستاق كاسىپ سالاسىنىڭ دامۋ دەڭگەيىن، اۋىل - قىستاق قۇرىلىسى دەڭگەيىن، اۋىل - قىستاقتى باسقارۋ دەڭگەيىن جوعارىلاتىپ، اۋىل شارۋاشىلىعىن وسىزاماندانعان ءىرى كاسىپ سالاسى ەتىپ قۇرىپ شىعۋعا قۇلشىنىپ، اۋىل - قىستاقتىڭ وسى زامانعى تۇرمىس شارت - جاعدايىن نەگىزىنەن ازىرلەۋىنە، شارۋالاردىڭ تۇرمىسىنىڭ اناعۇرلىم باي، اناعۇرلىم تاماشا بولۋىنا مۇمكىندىك جاساپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە نەگىزدىك تىرەك ازىرلەۋ كەرەك.
ورتالىق كوميتەت اۋىل - قىستاق قىزمەتى باسشىلىق گرۋپپاسى كەڭسەسىنىڭ جاۋاپتىسى مىنالاردى ءبىلدىردى: پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋلارىن مۇقيات تياناقتاندىرىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن جاپپاي دايەكتىلەندىرىپ، اۋىل - قىستاقتى جاپپاي گۇلدەندىرۋدە تىڭ ىلگەرىلەۋشىلىككە قول جەتكىزۋدى، اۋىل شارۋاشىلىعىن، اۋىل - قىستاقتى وسىزامانداندىرۋدىڭ تاعى دا تىڭ ساتىعا كوتەرىلۋىن ىلگەرىلەتىپ، اۋىل شارۋاشىلىعىندا قۋاتتى ەل قۇرۋ نىساناسىنا قاراي نىق قادام تاستاۋ كەرەك.
