چىن شياۋجياڭ اۆتونوميالى رايوننىڭ ۇيىمداستىرۋ ءبولىمى باستىقتارى ماجىلىسىندە بىلاي دەپ باسا دارىپتەدى
پارتيانىڭ ۇيىمدىق قۇرىلىسىنىڭ جوعارى ساپالى دامۋىن تىڭعىلىقتى ىلگەرىلەتىپ، سوتسياليستىك وسىزاماندانعان شينجياڭ قۇرۋعا پارمەندى قامتاماسىزدىق ازىرلەۋ كەرەك
ەركىن تۇنياز، حى جۇڭيوۋ، جاڭ جۋ، چىن ميڭگو قاتىناستى
2 - ايدىڭ 3 - كۇنى اۆتونوميالى رايون ۇيىمداستىرۋ ءبولىمى باستىقتارى ءماجىلىسىن اشتى. اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 3 - كۇنى ۇرىمجىدەن حابارلايدى. 2 - ايدىڭ 3 - كۇنى اۆتونوميالى رايون ۇيىمداستىرۋ ءبولىمى باستىقتارى ءماجىلىسىن اشىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە - ءوزى توڭكەرىس جاساۋى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، مەملەكەتتىك ۇيىمداستىرۋ ءبولىمى باستىقتارى ءماجىلىسىنىڭ رۋحىن تياناقتاندىرىپ، 2025 - جىلعى ۇيىمداستىرۋ قىزمەتىن قورىتىندىلادى، 2026 - جىلعى ءتۇيىندى مىندەتتەردى ورنالاستىردى. اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ۋاڭ لين ءماجىلىستى باسقاردى ءارى اۆتونوميالى رايوننىڭ ۇيىمداستىرۋ قىزمەتى جونىندە ناقتى ورنالاستىرۋ جاسادى.
چىن شياۋجياڭ بىلاي دەپ اتاپ كورسەتتى: پارتيا 18 - قۇرىلتايىنان بەرى، باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايى ستراتەگيالىق تۇرعىسىن تياناق ەتىپ، ءبىر قىدىرۋ ءتول جاسامپازدىق سيپاتتى جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە - ءوزى توڭكەرىس جاساۋى جونىندەگى ماڭىزدى يدەياسىن قالىپتاستىرىپ، پارتيامىزدىڭ ماركسيزمدىك بيلىك باسىنداعى پارتيا قۇرىلىسىنىڭ زاڭدىلىعى جونىندەگى تانىمىن تىڭ بيىككە كوتەرىپ، پارتيا قۇرىلىسىن جانە ۇيىمداستىرۋ قىزمەتىن كۇشەيتۋگە العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى. ءبىز مۇقيات ۇيرەنىپ، ءتۇسىنىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنۋ، ”ەكىنى قورعاۋدى“ باتىل ورىنداۋ ساياسي بيىگىنەن جاڭا داۋىردەگى پارتيا قۇرىلىسىنىڭ جالپى تالابىن جانە جاڭا داۋىردەگى پارتيانىڭ ۇيىمدىق لۋشيانىن ويداعىداي تياناقتاندىرىپ، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولۋدى ۇيىمداستىرۋ قىزمەتى بارىسىندا تياناقتاندىرىپ، ۇيىمداستىرۋ قىزمەتىنىڭ ساپاسىن جانە دەڭگەيىن ۇزدىكسىز جوعارىلاتىپ، سوتسياليستىك وسىزاماندانعان شينجياڭ قۇرۋعا پارمەندى قامتاماسىزدىق ازىرلەۋىمىز كەرەك.
چىن شياۋجياڭ بىلاي دەپ اتاپ كورسەتتى: وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل شينجياڭداعى ءار دارەجەلى پارتكومدار مەن ولاردىڭ ۇيىمداستىرۋ تاراۋلارى ادالدىقپەن مىندەت وتەپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، نازاردى شينجياڭدى باسقارۋ، شينجياڭدى ورنىقتىرۋ، شينجياڭدى گۇلدەندىرۋ قاجەتىنە شوعىرلاندىرىپ، ۇيىمداستىرۋ قىزمەتى قابىلەتىن ءداپ باسىپ تاۋىپ، ءتۇرلى قىزمەتتەردە بەلسەندى ىلگەرىلەۋشىلىككە قول جەتكىزۋدى ىلگەرىلەتتى. بيىل − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى ءارى ”15 - بەسجىلدىقتىڭ“ باستاما جىلى. پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋلارىن مۇقيات تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق قىزمەت باس نىساناسىنا شوعىرلاندىرىپ، جۇڭحۋا ۇلتى ورتاق تۇلعا تانىمىن بەكەمدەۋگە، جۇڭحۋا ۇلتى ورتاق تۇلعا قۇرىلىسىن ىلگەرىلەتۋگە تاباندى بولىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، پارتيانىڭ باسشىلىعىنا تاباندى بولۋدى، پارتيا قۇرىلىسىن كۇشەيتۋدى، پارتيا ىستەرىن ىلگەرىلەتۋدى مىقتاپ ارقاۋ ەتىپ، جاڭا داۋىردەگى پارتيانىڭ ۇيىمدىق لۋشيانىن ىشكەرىلەي تياناقتاندىرىپ، نازاريامەن قارۋلانۋ، جارامدىلاردى تاڭداپ مىندەتكە قويۋ، نەگىزدى كۇشەيتىپ، ءتۇبىردى بەكەمدەۋ، دارىندىلاردى تاربيەلەۋ، دارىندىلاردى شوعىرلاندىرۋ قىزمەتتەرىن تىڭعىلىقتى، ويداعىداي ىستەپ، پارتيانىڭ ۇيىمدىق قۇرىلىسىنىڭ جوعارى ساپالى دامۋىن ىلگەرىلەتىپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا پارمەندى ۇيىمدىق كەپىل ازىرلەۋ كەرەك.
چىن شياۋجياڭ بىلاي دەپ باسا دارىپتەدى: پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، شينجياڭ قىزمەتىنىڭ دۇرىس ساياسي بەتالىسىنا شىنايى كەپىلدىك ەتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرۋ مەحانيزمىن كەمەلدەندىرىپ، پارتيانىڭ ساياسي قۇرىلىسىن كورنەكتىلەندىرە ويداعىداي يگەرىپ، ساياسي باقىلاۋدىڭ ناقتىلانۋىن، دالمە - ءدال بولۋىن، ۇدايىلانۋىن ىلگەرىلەتىپ، ءىس قاراۋ، شەشىم جاساۋ مەحانيزمىن كەمەلدەندىرىپ جانە تياناقتاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك. ورتالىقتىڭ شارلاۋىندا اڭىس ەتىلگەن پىكىرلەر بويىنشا رەتتەۋ - تۇزەتۋدى شەگە قاعۋ رۋحىمەن ويداعىداي يگەرىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، دۇرىس ناتيجە كوزقاراسى تاربيەسىن كۇشەيتىپ، ناتيجەنى باعالاۋدى جاقسارتىپ، ساپالىلاندىرىپ، ناتيجە كوزقاراسىنداعى اۋىتقۋدان ءونىمدى ساقتانۋ جانە ونى تۇزەتۋ قىزمەتى مەحانيزمىن اقاۋسىزداندىرىپ، سانالىلىقپەن حالىق ءۇشىن ناتيجە شىعارۋ، ناقتى ىستەۋ ارقىلى ناتيجە شىعارۋ كەرەك. تاڭداۋعا، جەتىلدىرۋگە، باسقارۋعا، ىستەتۋگە جان - جاقتى كۇش سالۋعا تاباندى بولىپ، اۋىر مىندەت ارقالاي الاتىن باسشىلىق القاسىن جانە كادرلار قوسىنىن سومداۋ كەرەك. جاڭا داۋىردەگى جاقسى كادر ولشەمىن جانە ۇلتتار وڭىرلەرىندەگى كادرلاردىڭ ”ءتورت ەرەكشە“ ولشەمىن تياناقتاندىرىپ، ادام ىستەتۋدىڭ دۇرىس بەتالىسى ارقىلى ءىس تىندىرىپ ناتيجە شىعارۋدىڭ دۇرىس بەتالىسىنا جەتەكشىلىك ەتۋ كەرەك. كەزەك اۋىستىرۋ مەن ءتۇرلى كادرلار قىزمەتىن ءبىر تۇتاس جوسپارلاۋدى كۇشەيتىپ، كەزەك اۋىستىرۋ ءتارتىبىن قاتايتىپ، ساياسي وتكەلدى، مىنەز - قۇلىق وتكەلىن، قابىلەت وتكەلىن، ستيل وتكەلىن، پاكتىك وتكەلىن قاتاڭ مەڭگەرىپ، ءار دارەجەلى باسشىلىق القالارىنا ۇزدىكتەردى تاڭداپ، مىقتىلاردى ورنالاستىرىپ، شىن مانىندە ادال، سەنىمدى، ءىشى - سىرتى بىردەي، جاۋاپكەرشىلىك ارقالاپ، جاۋاپكەرشىلىكتى ادا ەتەتىن جاقسى كادرلاردى ىستەتۋ كەرەك. كادرلاردى جەتىلدىرۋدى، باۋلۋدى كۇشەيتىپ، كادرلاردى مىندەت اتقارۋ قابىلەتى بويىنشا باۋلۋدى جانە اۋىس - كۇيىس جاساپ شىنىقتىرۋدى ىشكەرىلەي ورىستەتىپ، تەكسەرۋ - زەرتتەۋ، ساياساتتى يگەرۋ، قىزمەتتى ىلگەرىلەتۋ، بۇقارامەن بايلانىس جاساۋ قابىلەتىن ۇزدىكسىز جوعارىلاتۋ كەرەك. ۇقىقتى قاتاڭ باسقارۋعا، ءمانساپتىلاردى قاتاڭ جونگە سالۋعا تاباندى بولىپ، مىندەت وتەۋ، ۇقىقتان پايدالانۋ ارەكەتىن باقىلاۋدى كۇشەيتىپ، ۇقىقتى اناعۇرلىم عىلمي، ءونىمدى تۇردە ءتۇزىم قاپاسىندا ۇستاۋ كەرەك. قاتاڭ باسقارۋ مەن ايرىقشا قامقورلىقتى ۇشتاستىرۋعا، جىگەرلەندىرۋ مەن تەجەۋگە بىردەي ءمان بەرۋگە تاباندى بولىپ، تەكسەرۋ، باعالاۋ جۇيەسىن كەمەلدەندىرىپ، كادرلارعا كوڭىل ءبولۋدى، قامقورلىق جاساۋدى كۇشەيتىپ، كادرلار قوسىنىنىڭ بەلسەندىلىگىن، ىرىقتىلىعىن، جاسامپازدىعىن اناعۇرلىم ويداعىداي قوزعاۋ كەرەك. نەگىزگى ساتىنى يگەرۋدى، نەگىزدى كۇشەيتۋدى، نەگىزدى بەكەمدەۋدى ىشكەرىلەي ىلگەرىلەتىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋ جالپى تۇلعالىق ونىمدىلىگىن جوعارىلاتۋ كەرەك. نەگىزگى ساتىنى بارىنشا يگەرۋ ايقىن باعدارىن ورناتىپ، پارتيانىڭ نەگىزگى ساتى ۇيىمدىق جۇيەسىن قاتايتىپ، قىزمەت كۇشتەرىنىڭ نەگىزگى ساتىعا بارۋىن جەبەپ، قىستاق (الەۋمەتتىك اۋماق) ”ەكى كوميتەتىنىڭ“ كەزەك اۋىستىرۋ قىزمەتىن ويداعىداي يگەرىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى تەرەڭدەتىپ، فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جەتىستىكتەرىن بەكەمدەپ، جاڭادان گۇلدەنگەن سالالارداعى پارتيا قۇرىلىسى قىزمەتىنىڭ ساپاسى مەن ونىمدىلىگىن جوعارىلاتىپ، پارتيا مۇشەلەرى قوسىنى قۇرىلىسىن كۇشەيتىپ، نەگىزگى ساتىنى باسقارۋ قابىلەتىن ۇزدىكسىز جوعارىلاتۋ كەرەك. اناعۇرلىم بەلسەندى، اشىق، ءونىمدى دارىندىلار ساياساتىن اتقارىپ، دارىندىلاردا قۋاتتى رايون قۇرۋدى جەدەلدەتۋ كەرەك. پارتيا دارىندىلاردى باسقارۋعا تاباندى بولىپ، دارىندىلار جونىندەگى ساياسي جەتەكشىلىكتى جانە ساياسي باۋراۋدى تەرەڭدەتىپ، وقۋ - اعارتۋدىڭ، عىلىم - تەحنولوگيانىڭ، دارىندىلاردىڭ دامۋىن ءبىر تۇلعالى ىلگەرىلەتۋ بويىنشا سايكەستىرۋ مەحانيزمىن ورناتىپ، وڭتۇستىك شينجياڭ ءوڭىرى مەن نەگىزگى ساتىداعى دارىندىلاردىڭ دامۋىن قولداۋ تەبىنىن ارتتىرىپ، بيڭتۋان مەن جەرگىلىكتى ورىن دارىندىلارىنىڭ توعىسا دامۋىن تەرەڭدەتۋ كەرەك. دارىندىلاردى دامىتۋ ءتۇزىلىس - مەحانيزم رەفورماسىن ىلگەرىلەتىپ، دارىندىلاردى تانۋ، دارىندىلاردى ايالاۋ، دارىندىلارعا قۇرمەت ەتۋ، دارىندىلاردى ىستەتۋ تاماشا ورتاسىن قالىپتاستىرىپ، دارىندى ارقىلى شينجياڭعا كومەكتەسۋ تۇعىر دانەكەرىن كەڭەيتىپ، قالىڭ دارىندىلاردى پارتيانى ءسۇيىپ وتان ءۇمىتىن اقتاۋعا، شينجياڭعا ءوزىن ارناۋعا جەتەكتەۋ كەرەك.
چىن شياۋجياڭ بىلاي دەپ باسا دارىپتەدى: ۇيىمداستىرۋ تاراۋلارىنىڭ جانە ۇيىمداستىرۋ قىزمەتى كادرلارىنىڭ ءوز قۇرىلىسىن كۇشەيتىپ، شارتسىز ادال بولۋدى ورىنداۋ، ”ەكىنى قورعاۋدىڭ“ ويداعىداي باستاماشىسى بولىپ، ادىلدىكتى، تۋراشىلدىقتى بۇلجىماي ساقتاپ، پارتيا ءۇشىن ادام تاڭداۋ، ادام ىستەتۋ وتكەلىن باتىل ويداعىداي قورعاپ، ىسىلعان ونەردى شىڭداپ، ناقتى جاۋاپكەرشىلىك ارقالاۋدى كۇشەيتىپ، ءتارتىپتى، قاعيدانى قاتايتىپ، ءوزى كىرشىكسىز بولىپ، ءوزى تۋراشىل بولىپ، ءوزى ىسىلعان بولىپ، كۇش سالا ۇلگىلى تاراۋ جانە ىسىلعان قوسىن سومداۋ كەرەك.
جاڭ ۋىنشىڭ بيڭتۋاننىڭ ۇيىمداستىرۋ قىزمەتى جونىندە ناقتى ورنالاستىرۋ جاسادى. اۆتونوميالى رايونداعى قاتىستى باسشىلار، اۆتونوميالى رايوننىڭ جانە ورتالىقتىڭ شينجياڭداعى قاتىستى ورىندارىنداعى، كاسىپورىندارىنداعى جاۋاپتى جولداستار، اۆتونوميالى رايوندىق پارتكوم ۇيىمداستىرۋ ءبولىمى ءبولىم ىستەرى كەڭەسىنىڭ مۇشەلەرى، اۆتونوميالى رايوندىق پارتكومنىڭ ۇيىمداستىرۋ جۇيەسىندەگى قاتىستى جولداستار، ايماقتىق، وبلىستىق، قالالىق پارتكوم ۇيىمداستىرۋ بولىمدەرىنىڭ باستىقتارى قاتارلىلار ۇرىمجىدە نەگىزگى ءماجىلىس الاڭىندا ماجىلىسكە قاتىناستى. ءارقايسى ايماق، وبلىس، قالالاردا، بيڭتۋان ورگاندارىندا جانە ءارقايسى شى، قالالاردا بولىمشە ءماجىلىس الاڭى ورنالاستىرىلدى.
