چىن شياۋجياڭ اۆتونوميالى رايوننىڭ ۇگىت ءبولىمى باستىقتارى ماجىلىسىندە بىلاي دەپ باسا دارىپتەدى
نازاردى مادەنيەتتە قۋاتتى رايون قۇرۋعا شوعىرلاندىرىپ، ۇگىت، يدەيا، مادەنيەت قىزمەتىنىڭ جوعارى ساپالى دامۋىن ىلگەرىلەتىپ، سوتسياليستىك وسىزاماندانعان شينجياڭ قۇرۋعا قۋاتتى رۋحاني كۇش ازىرلەۋ كەرەك
ەركىن تۇنياز، حى جۇڭيوۋ، جاڭ جۋ، چىن ميڭگو قاتىناستى
2 - ايدىڭ 3 - كۇنى اۆتونوميالى رايون ۇگىت ءبولىمى باستىقتارى ءماجىلىسىن اشتى. اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 3 - كۇنى ۇرىمجىدەن حابارلايدى. 2 - ايدىڭ 3 - كۇنى اۆتونوميالى رايون ۇگىت ءبولىمى باستىقتارى ءماجىلىسىن اشىپ، شي جينپيڭ مادەنيەت يدەياسىن ىشكەرىلەي ۇيرەنىپ، مەملەكەتتىك ۇگىت ءبولىمى باستىقتارى ءماجىلىسىنىڭ رۋحىن دايەكتىلەندىرىپ، تياناقتاندىرىپ، قىزمەتتى قورىتىندىلاپ، جاعدايعا تالداۋ جاساپ، 2026 - جىلعى ۇگىت، يدەيا، مادەنيەت قىزمەتى جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين ءماجىلىستى باسقاردى ءارى بۇكىل رايوننىڭ ۇگىت، يدەيا، مادەنيەت قىزمەتى جونىندە ناقتى ورنالاستىرۋ جاسادى.
چىن شياۋجياڭ بىلاي دەپ اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جانە جالپى جاعداي بيىگىنەن ۇگىت، يدەيا، مادەنيەت قىزمەتىن يگەرۋگە تاباندى بولىپ، مادەنيەت قۇرىلىسىندا توركىنىن تۇزەپ قاينارىن تازارتۋ، تۋراشىلدىقتان اينىماي جاڭالىق اشۋ بارىسىندا تاريحي سيپاتتى تابىستارعا قول جەتكىزۋدى ىلگەرىلەتتى. باس شۋجي شي جينپيڭ ءبىر قىدىرۋ جاڭا يدەيالاردى، جاڭا كوزقاراستاردى، جاڭا تۇجىرىمداردى العا قويىپ، شي جينپيڭ مادەنيەت يدەياسىن قالىپتاستىرىپ، جاڭا داۋىردەگى جاڭا جورىقتا ۇگىت، يدەيا، مادەنيەت قىزمەتىن ويداعىداي ىستەۋگە، مادەنيەتتىڭ گۇلدەنىپ - كوركەيۋىن ىلگەرىلەتۋگە، مادەنيەتتە قۋاتتى ەل قۇرۋعا قۋاتتى يدەيالىق قارۋ ازىرلەدى. ءبىز مۇقيات ۇيرەنىپ، ءتۇسىنىپ، باس شۋجي شي جينپيڭنىڭ ماڭىزدى نۇسقاۋىن، تالابىن شىن مانىندە ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنۋ، ”ەكىنى قورعاۋدى“ باتىل ورىنداۋ ساياسي سانالىلىعىنا اينالدىرۋىمىز، شينجياڭدى مادەنيەتپەن نارلەندىرۋدى كۇشەيتۋدىڭ، جۇڭحۋا ۇلتىنىڭ ورتاق رۋحاني مەكەنىن قۇرۋدىڭ رۋحاني قوزعاۋشى كۇشىنە اينالدىرۋىمىز، شينجياڭنىڭ ۇگىت، يدەيا، مادەنيەت قىزمەتىنىڭ جوعارى ساپالى دامۋىن ىلگەرىلەتۋدىڭ، مادەنيەتتە قۋاتتى رايون قۇرۋدىڭ ءىس جۇزىندىك ارەكەتىنە اينالدىرۋىمىز كەرەك.
چىن شياۋجياڭ بىلاي دەپ باسا دارىپتەدى: وتكەن ءبىر جىلدا بۇكىل رايوننىڭ ۇگىت، يدەيا، مادەنيەت شەبى جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، نازاردى اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋعا شوعىرلاندىرىپ، تۋراشىلدىقتان اينىماي جاڭالىق اشىپ، جاۋاپكەرشىلىك ارقالاپ ىسكەرلىك كورسەتىپ، نازاريامەن قارۋلانۋدى تەرەڭدەتۋ، نەگىزگى اعىمدىق قوعامدىق پىكىردى زورايتۋ، شينجياڭدى مادەنيەتپەن نارلەندىرۋدى ورىستەتۋ، يدەولوگيا حاۋىپسىزدىگىن قورعاۋ سياقتى ءتۇرلى قىزمەتتەردە جاڭا تابىستارعا قول جەتكىزۋدى ىلگەرىلەتتى. بيىل − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، سونداي - اق ”15 - بەسجىلدىق“ باستالاتىن جىل. پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋلارىن مۇقيات تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى تىعىز ارقاۋ ەتىپ، پارتيانىڭ جاسامپازدىق نازارياسىمەن كۇش سالا زەيىن - زەردەنى ۇيىستىرىپ، رۋحتى سومداپ، نەگىزگى اعىمدىق يدەيالىق، قوعامدىق پىكىردى كۇش سالا بەكەمدەپ، زورايتىپ، شينجياڭدى مادەنيەتپەن نارلەندىرۋدى بارىنشا كۇشەيتىپ، مادەنيەتتە قۋاتتى رايون قۇرۋدى كۇش سالا ىلگەرىلەتىپ، جاڭا داۋىردەگى شينجياڭ حيكاياسىن كۇش سالا ويداعىداي بايانداپ، يدەولوگيا سالاسىنىڭ حاۋىپسىزدىگىن كۇش سالا قورعاپ، مادەنيەتتە جاڭالىق اشۋ، جاسامپازدىق جاراتۋ ومىرشەڭ كۇشىن تولىق تاسقىنداتىپ، سوتسياليستىك مادەنيەتتىڭ گۇلدەنۋىنىڭ، دامۋىنىڭ شينجياڭ تاراۋىن قۇلشىنا جازۋ كەرەك.
چىن شياۋجياڭ بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداۋعا تاباندى بولىپ، يدەيالىق جەتەكشىلىكتى تەرەڭدەتۋ جاعىندا اناعۇرلىم كۇشتى تاباندىلىقتى ايگىلەۋ كەرەك. وي - ساناعا، جۇرەككە تەرەڭ ۇيالاتۋ، ءجون - جوسىقتى ءبىلۋ، قاعيدانى ءتۇسىنۋ، ورتاق سۇيىسپەنشىلىك، ۇندەستىك تۋدىرۋ، ناقتى تياناقتاندىرۋدى تەرەڭدەتۋ جاعىنا باسا ءمان بەرىپ، پارتيانىڭ جاسامپازدىق نازارياسىمەن اناعۇرلىم ويداعىداي يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسى جونىندەگى زەرتتەۋدى، ءتۇسىندىرۋدى كۇشەيتىپ، قالىڭ پارتيا مۇشەلەرىن، كادرلاردى ۇيرەنۋ جەتىستىگىن ”15 - بەسجىلدىق“ مەزگىلىندەگى شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋدىڭ ناقتى ونىمدىلىگىنە اينالدىرۋعا جەتەكتەۋ كەرەك. سوتسياليستىك وسىزاماندانعان شينجياڭ قۇرۋدى ارقاۋ ەتە وتىرىپ، رۋحتى، كۇش - قۋاتتى ۇيىستىرۋ جاعىندا اناعۇرلىم زور ىسكەرلىك ايگىلەۋ كەرەك. ۇگىتتەۋ، ىنتالاندىرۋ جاعىندا كۇش قوسۋعا، مەديادا وزگەرىس جاساۋ جاعىندا قيىن ماسەلەنى شەشۋگە، قوعامدىق پىكىرگە جەتەكشىلىك ەتۋ جاعىندا دارەجەنى جوعارىلاتۋعا باسا ءمان بەرىپ، ىشكى ۇگىتتى، سىرتقى ۇگىتتى، ينتەرنەت جەلىسىندەگى مەن جەلىدەن تىسقارىنى ءبىر تۇتاس جوسپارلاپ، اقپارات وندىرگىش كۇشىن جانە مازمۇندا جاڭالىق اشۋ كۇشىن تولىق تاسقىنداتىپ، جاڭا داۋىردەگى شينجياڭنىڭ ەكونوميكالىق، قوعامدىق دامۋدا قول جەتكىزگەن بۇكىل دۇنيەنى جالت قاراتقان كەلەلى تابىستارىن زور كۇشپەن ۇگىتتەپ، ۇزدىكسىز سەنىمدى كۇشەيتۋ، حالىق تىلەگىن ۇيىستىرۋ، جۇرت جۇرەگىن جىلىتۋ، ورتاق نيەت سومداۋ كەرەك. جۇڭحۋا ۇلتى ورتاق تۇلعا قۇرىلىسىن تىڭعىلىقتى ىلگەرىلەتىپ، مادەنيەتتى شىنايى مويىنداۋدى كۇشەيتۋ جاعىندا اناعۇرلىم جوعارى ساپا مەن ونىمدىلىكتى جۇزەگە اسىرۋ كەرەك. سوتسياليستىك وزەكتى قۇن كوزقاراسىن ىشكەرىلەي امالياتتا ايگىلەپ، جۇڭحۋا مادەنيەتىن زور كۇشپەن جالعاستىرىپ، اسقاقتاتىپ، مادەنيەت مۇرالارىن قورعاۋدى، پايدالانۋدى كۇشەيتىپ، ءار ۇلت بۇقاراسىن دۇرىس جۇڭحۋا ۇلتى تاريح كوزقاراسىن بەرىك ورناتۋعا جەتەكتەپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ تاربيەسىن كۇشەيتىپ، وسى زامانعى وركەنيەتتى جەتىلدىرۋدى كۇشەيتىپ، قالا، اۋىل رۋحاني وركەنيەت قۇرىلىسىن ءبىر تۇتاس جوسپارلاپ ىلگەرىلەتىپ، ءار ۇلت بۇقاراسىن ”بەستى شىنايى مويىنداۋدى“ كۇشەيتۋگە جەتەكتەۋ كەرەك. نازاردى ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە شوعىرلاندىرىپ، مادەنيەتتە قۋاتتى رايون قۇرۋ جاعىندا ءتىپتى دە كوپ باسىمدىقتاردى جارىققا شىعارۋ كەرەك. ”وزىق بولۋدى“ تياناق ەتىپ، مادەنيەت ىستەرىن گۇلدەندىرىپ، سارا تۋىندىلاردى ۇزدىكسىز ۇسىنىپ، ساپالى مادەنيەت بايلىعىنىڭ نەگىزگى ساتىعا تىكە جەتۋىن ىلگەرىلەتۋ كەرەك. ”جاڭا بولۋدى“ كورنەكتىلەندىرىپ، مادەنيەت كاسىپ سالاسىن دامىتىپ، مادەنيەت پەن ساياحاتتىڭ ىشكەرىلەي توعىسۋىن ىلگەرىلەتىپ، مادەنيەت ارقىلى شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا قۋات ۇستەۋ كەرەك. نازاردى ”ونىمدىلىككە“ شوعىرلاندىرىپ، مادەنيەت ءتۇزىلىس، مەحانيزم رەفورماسىن تەرەڭدەتىپ، مادەنيەتتە جاڭالىق اشۋ، جاسامپازدىق جاراتۋ ومىرشەڭ كۇشىن تاسقىنداتۋ كەرەك. شينجياڭعا ساياتىن سىرتقا باعىتتالعان كۇرەستىڭ ىرىقتىلىق ۇقىعىن يگەرۋدى كوزدەپ، شينجياڭنىڭ جاڭا بەينەسىن ايگىلەۋ جاعىندا ويداعىداي ونىمدىلىككە قول جەتكىزۋ كەرەك. حالىقارالىق تاراتۋ ونىمدىلىگىن ۇزدىكسىز جوعارىلاتىپ، شينجياڭعا ساياتىن ءسوز جانە بايانداۋ جۇيەسىن جەدەل ورناتىپ، جاڭا داۋىردەگى شينجياڭ حيكاياسىن ويداعىداي بايانداۋ كەرەك. ”شاقىرىپ اكەلۋ“، ”سىرتقا شىعارۋ“ تەبىنىن ۇزدىكسىز كۇشەيتىپ، حالىقارالىق مادەنيەت اۋىس - كۇيىس سەلبەستىگىن كەڭ كولەمدە ورىستەتىپ، سىرتقى قوعامدىق پىكىر كۇرەسىن پارمەندى ورىستەتىپ، حالىقارالىق قوعامنىڭ شينجياڭ جونىندە بەلسەندى، ۇنامدى تانىم قالىپتاستىرۋىن جەبەۋ كەرەك. شينجياڭنىڭ قوعامدىق كەلەلى جاعدايىنىڭ ۇزدىكسىز ورنىقتى بولۋىن بار كۇشپەن قورعاپ، يدەولوگيا سالاسىنىڭ حاۋىپسىزدىگىن بەكەمدەۋ جاعىندا اناعۇرلىم ناقتى جاۋاپكەرشىلىك ارقالاۋ كەرەك. يدەولوگيا قىزمەت جاۋاپكەرشىلىك ءتۇزىمىن قاتاڭ تياناقتاندىرىپ، يدەولوگيا سالاسىنداعى حاۋىپ - قاتەردەن ءونىمدى ساقتانىپ جانە ونى جويىپ، ينتەرنەت ەكولوگياسىن باسقارۋ ونىمدىلىگىن جوعارىلاتىپ، مەكتەپ اۋلاسى سياقتى يدەيا، مادەنيەت شەبىن ويداعىداي باسقارىپ، يدەولوگيا سالاسىنىڭ حاۋىپسىزدىگىنە شىنايى كەپىلدىك ەتۋ كەرەك.
چىن شياۋجياڭ بىلاي دەپ باسا دارىپتەدى: پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، ۇگىتتى پارتيا باسقارۋ، يدەولوگيانى پارتيا باسقارۋ، مەديالاردى پارتيا باسقارۋ، ينتەرنەتتى پارتيا باسقارۋ پرينسيبىن باتىل تياناقتاندىرىپ، ءارقايسى جاقتىڭ جاۋاپكەرشىلىگىن قاتايتىپ، ناقتىلاندىرىپ، دابىرالى ۇگىت قىزمەت ارناسىن قالىپتاستىرۋ كەرەك. ءار دارەجەلى ۇگىت، يدەيا، مادەنيەت ورىندارىنىڭ باسشىلىق القالارىنا ۇزدىكتەردى تاڭداپ، مىقتىلاردى ورنالاستىرىپ، باتىلدىقپەن جاۋاپكەرشىلىك ارقالايتىن، شەبەرلىكپەن ىسكەرلىك كورسەتەتىن كادرلار قوسىنىن سومداۋ كەرەك. ستيل قۇرىلىسىنىڭ ۇدايىلانۋىن، باياندى ونىمدىلىگىن ىلگەرىلەتىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، ناقتى ىستەۋگە ءمان بەرەتىن، كۇش سالا ناقتى ونىمدىلىككە تالپىناتىن قويۋ راي قالىپتاستىرىپ، ءتۇرلى قىزمەتتەردە جاڭا ناتيجە جاراتۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن بەكەمدەۋگە، سوتسياليستىك وسىزاماندانعان شينجياڭ قۇرۋعا پارمەندى يدەيالىق كەپىل، قۋاتتى رۋحاني قوزعاۋشى كۇش، ءتيىمدى مادەنيەت شارت - جاعدايىن ازىرلەۋ كەرەك.
ەلزات احمەتجان جانە اۆتونوميالى رايوننىڭ قاتىستى باسشىلارى، اۆتونوميالى رايوندىق پارتكومنىڭ ۇگىت، يدەيا، مادەنيەت قىزمەتى باسشىلىق گرۋپپاسىنا، اۆتونوميالى رايوننىڭ شينجياڭدى مادەنيەتپەن نارلەندىرۋ باسشىلىق گرۋپپاسىنا مۇشە ورىندارداعى جاۋاپتى جولداستار، اۆتونوميالى رايون جانە ورتالىقتىڭ شينجياڭدا تۇراتىن قاتىستى ورىندارداعى، كاسىپورىندارداعى جاۋاپتى جولداستار، اۆتونوميالى رايوندىق پارتكوم ۇگىت ءبولىمىنىڭ القا مۇشەلەرى، ايماقتىق، وبلىستىق، قالالىق پارتكومداردىڭ ۇگىت بولىمدەرىنىڭ باستىقتارى، ورتالىقتىڭ شينجياڭدا تۇراتىن اقپارات مەديالارىنداعى جاۋاپتى جولداستار ۇرىمجىدەگى نەگىزگى ءماجىلىس الاڭىندا ماجىلىسكە قاتىناستى. ايماق، وبلىس، قالالاردا بولىمشە ءماجىلىس الاڭى ورنالاستىرىلدى.
