ٴوز حابارىمىز. ٴتىلشىنىڭ اۆتونوميالى رايوندىق ۇكىمەت قىزمەتكەرلەرىن باسقارۋ تاراۋىنان ۇعىسۋىنشا، 2026 ـ جىلى اۆتونوميالى رايون اشىق ەمتيحان ارقىلى قوعامنان 3937 ۇكىمەت قىزمەتكەرىن، ۇكىمەت قىزمەتكەرلەرى زاڭى بويىنشا باسقارىلاتىن قىزمەتكەر قابىلداۋدى جوسپارلاعان. ەمتيحانعا تىزىمدەلۋ 2 ـ ايدىڭ 6 ـ كۇنى باستالىپ، 2 ـ ايدىڭ 11 ـ كۇنى اياقتايدى؛ 3 ـ ايدىڭ 14 ـ كۇنىنەن باستاپ جازباشا ەمتيحان الىنادى، سوڭىنان قىزمەت ورنىن سايكەستىرۋ، تولىمدىلىعىن تەكسەرۋ، بەتپە ـ بەت ەمتيحان، دەنساۋلىق تەكسەرۋ، جاعدايىن تەكسەرۋ، اشىق جاريالاۋ، قابىلداۋ قىزمەتتەرى ىركەس ـ تىركەس ورىستەتىلەدى. ەمتيحان الۋ حابارلاندىرۋى جانە قىزمەت ورنىنا قاتىستى ناقتى جاعدايلار 2 ـ ايدىڭ 4 ـ كۇنى شينجياڭ كۇنلۇن سايتىندا (http://www.xjkunlun .cn)، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى سايتىندا (http ://rst .xinjiang.gov.cn)، شينجياڭ كادرلار ٴىسى ەمتيحان ورتالىعى سايتىندا (https://www.xjrsks .com .cn) جاريالانادى، ەمتيحان تاپسىرۋشىلاردىڭ نازار اۋدارۋىنا ٴارى سايتقا كىرىپ سۇراستىرۋىنا بولادى.
وسى رەتكى ەمتيحان ارقىلى ۇكىمەت قىزمەتكەرلەرىن قابىلداۋ قىزمەتىنىڭ باستى ەرەكشەلىكتەرى مىنالار:
ٴبىرىنشى، ساياسي ولشەم كورنەكتىلەندىرىلەدى. جاڭا داۋىردەگى جاقسى كادر ولشەمى مەن ۇلتتار وڭىرلەرىندەگى كادرلاردىڭ ”ٴتورت ەرەكشە“ ولشەمى تياناقتاندىرىلىپ، ساياسي ولشەم ەمتيحان الۋ، قابىلداۋ قىزمەتىنىڭ جالپى بارىسىنا، ٴار جاعىنا سىڭىرىلەدى. ەمتيحان بەرۋ بۋىنىندا ۇكىمەت قىزمەتكەرلەرىنىڭ ساياسي قاسيەتى كورنەكتىلەندىرىلىپ، اكىمشىلىك كاسىپتىك قابىلەت سىناۋ ساباعى بويىنشا جەكە ـ جەكە ”ساياسي نازاريا“ بولىگى مەن ”جۇڭحۋا ۇلتى ورتاق تۇلعا تانىمىن بەكەمدەۋ“ مازمۇنى ورنالاستىرىلىپ، پارتيانىڭ جاسامپازدىق نازارياسى ارقىلى ماسەلەگە تالداۋ جاساۋعا جانە ونى شەشۋگە جەتەكشىلىك ەتۋ قابىلەتى ٴتۇيىندى تۇردە تەكسەرىلەدى. تەكسەرۋ بۋىنىندا ەمتيحان بەرۋشىلەردىڭ ٴمورال، قابىلەت، شوگەلدىك، ناتيجە، پاكتىك جاعدايىن جان ـ جاقتى ۇعىسۋ، وتە ـ موتە، ساياسي ساپا، ٴمورالدىق قاسيەت، تارتىپكە، زاڭعا بويسۇنۋ سياقتى جاقتارداعى جاعدايلارىن ٴتۇيىندى تۇردە ۇعىسۋ جۇرىلەدى. جاڭادان قابىلدانعان قىزمەتكەرلەردىڭ ساياسي ساپا وتكەلى قاتاڭ يگەرىلىپ، ساياسيدا تولىمسىزدار استە قابىلدانبايدى.
ەكىنشى، وزەكتى قىزمەتكە، كەلەلى جاعدايعا قىزمەت وتەلەدى. زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋعا قاتىستى ساياساتتى اتقارۋدىڭ تالابىنا ساي، ۇكىمەت قىزمەتكەرلەرىن ەمتيحان ارقىلى قابىلداۋ جاس شارتى لايىقتى كەڭەيتىلىپ، رەتتەۋ جۇرگىزىلەدى. جوعارى مەكتەپ بىتىرگەن وقۋشىلاردىڭ جۇمىستانۋىنا قىزمەت وتەۋ جانە ونى جەبەۋ ٴۇشىن، ايماق (وبلىس، قالا) جانە ودان تومەنگى ورگانداردا جوعارى مەكتەپ بىتىرەتىن وقۋشىلارعا جوسپار بويىنشا ارناۋلى تۇردە ان2000ن استام جۇمىس ورنى ازىرلەنەدى. ساياسات بايلىعىنىڭ نەگىزگى ساتىعا بەيىمدەلۋىن ىلگەرىلەتىپ، %ەت70ن استام قىزمەت ورنى اۋدان، اۋىل ورگاندارىنا ورنالاستىرىلىپ، باعىتتامالى تۇردە نەگىزگى ساتىعا قىزمەت وتەيتىن ادامداردان جانە ارميادا 5 جىلدان جوعارى اسكەرلىك مىندەت وتەگەن جوعارى مەكتەپ بىتىرگەن قوسىننان شەگىنگەندەر قاتارلىلاردان، ت. ب جوسپار بويىنشا د500ەن استام ادام قابىلدانادى. اۆتونوميالى رايوننىڭ 5 ـ، 6 ـ تۇردەگى جاپالى، شەت ـ شالعاي وڭىرلەرىندەگى، وڭتۇستىك شينجياڭداعى 4 ايماق، وبلىستاعى، شەكارا بويىنداعى اۋدان، قالالارداعى جانە تەڭىز دەڭگەيىنەن بيىك اۋىل ـ قالاشىقتارداعى قىزمەت ورىندارىنا مەڭزەس جازباشا ەمتيحان ٴنومىرى قابىلداۋ ٴنومىر شەگى بەلگىلەنگەندە، ۇزدىكسىز ساياساتتىق بەيىمدەلۋ جاسالادى.
ٴۇشىنشى، ادام دالمە ـ ٴدال، عىلمي تاڭدالادى. تۇرگە، دارەجەگە ٴبولىپ ەمتيحان الۋ ۇزدىكسىز ورىستەتىلىپ، ولكە، قالا دارەجەلى، اۋدان، اۋىل دارەجەلى جالپىلىق باسقارۋ تۇرىندەگى قىزمەت ورىندارى مەن اكىمشىلىك زاڭ اتقارۋ تۇرىندەگى قىزمەت ورىندارىنا مەڭزەس جازباشا سىناۋ سۇراۋلارى ايىرىم دايىندالادى، كاسىپتىك سيپاتى ٴبىرشاما كۇشتى قىزمەت ورىندارىنا مەڭزەس كاسىپتىك قابىلەتى سىناعى قوسىلادى، ٴىشىنارا قىزمەت ورىندارىنا مەڭزەس پسيحيكالىق ساپا باعالاۋى جۇرگىزىلەدى. جوعارى مەكتەپتەردىڭ وقۋ ـ اعارتۋ دەڭگەيىنىڭ جوعارىلاۋىنا جانە مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋعا، كەڭەيتۋگە سايكەسىپ، قاتىستى ەمتيحان الۋ، قابىلداۋ ساياساتتارى بىرتىندەپ باعالانىپ ـ ساپالىلاندىرىلادى. جاعدايعا قاراي رەتتەۋ مەن تولىقتاپ قابىلداۋ ۇيىمداستىرىلىپ، ەمتيحان بەرۋشىلەرگە ٴتىپتى دە كوپ ەمتيحان ورايى ازىرلەنەدى. بۇكىل رايون كولەمىندەگى ۇكىمەت قىزمەتكەرلەرىن باسقارۋ تاراۋلارى بەلگىلەگەن دەنساۋلىق تەكسەرۋ شيپاحانالارىنىڭ دەنساۋلىق تەكسەرۋ ناتيجەسى باسقا جەرلەردە ٴوزارا مويىندالادى. ”ٴبىر تۇتاس قابىلداۋ“ ٴتاسىلى قولدانىلىپ، نەگىزگى ساتى سوت مەكەمەلەرىنىڭ، پروكۋراتۋرا ورگاندارىنىڭ جوعارى ساپالى زاڭ كاسىپتىك دارىندىلارىن تولىقتاۋ سەرپىنى ارتتىرىلادى.
ٴتورتىنشى، ەمتيحان ٴتارتىبى قورعالادى. وسى رەتكى ەمتيحاندا نۇسقاۋ جاساۋ وقۋلىعى باسپادان شىعارىلمايدى ٴارى كورسەتىپ بەرىلمەيدى، ەمتيحان بويىنشا نۇسقاۋ جاساۋ، باۋلۋ كۋرسى اشىلمايدى، سونداي ـ اق ٴارقانداي قۇرىلىمنىڭ نەمەسە جەكە ادامنىڭ ۇيىمداستىرۋىنا تاپسىرىلمايدى. قاتىستى تاراۋلار ۇكىمەت قىزمەتكەرلەرى ەمتيحانى بويىنشا باۋلۋ قۇرىلىمدارىن باسقارۋدى، باقىلاۋدى كۇشەيتىپ، ساۋدا تيجاراتى ۇگىتىن ارناعا ٴتۇسىرىپ، ەمتيحاندا قارالىق ىستەۋگە قاتاڭ سوققى بەرىپ، بەلگىلەمەگە قايشى ارەكەتتەردى قاتاڭ تەكسەرىپ ٴبىر جاقتى ەتىپ، ەمتيحان بەرۋشىلەردىڭ زاڭدى ۇقىق ـ مۇددەسىن قورعاپ، تاماشا ەمتيحان ورتاسىن قالىپتاستىرادى. قوعامداعى ۇكىمەت قىزمەتكەرلەرى ەمتيحانى بويىنشا باۋلۋ، سايت نەمەسە باسىلىم سياقتىلار جونىندە ەمتيحان بەرۋشىلەر قىراعىلىعىن ارتتىرىپ، اقىلعا سيىمدى مامىلە جاساپ، الدانىپ قالۋدان ساقتانىپ، ۇقىق ـ مۇددەسىنىڭ زيانعا ۇشىراۋىنان ساقتانعانى ٴجون.
اۆتونوميالى رايوندىق ۇكىمەت قىزمەتكەرلەرى مەكەمەسى مىنانى ەسكەرتەدى: ٴبىرىنشى، قالىڭ ەمتيحان تاپسىرۋشىلار قىزمەت ورنى شارت ـ جاعدايىمەن سالىستىرا وتىرىپ، ٴوز جاعدايىن دۇرىس باعامداپ، سايتقا كۇنى بۇرىن شىعىپ تىزىمدەلۋى كەرەك. ەگەر ەمتيحان تاپسىرۋشىلار تاڭداپ تىزىمدەلەتىن قىزمەت ورنىنىڭ ناقتى تالابىن ەگجەي ـ تەگجەيلى ۇعىسپاقشى بولسا، قىزمەت ورنى كەستەسىندە جاريالانعان قابىلداۋشى ورىنعا تەلەفون جالعاپ ساياساتتىق اقىل ـ كەڭەس سۇراۋىنا بولادى. ەكىنشى، قالىڭ ەمتيحان بەرۋشىلەردىڭ سەنىمدىلىك تالابىن سانالى تۇردە امالياتتا ايگىلەپ، سەنىمدى تىزىمدەلۋىن، سەنىمدى ەمتيحان تاپسىرۋىن، سەنىمدىلىك ۋادەسىندە تۇرۋىن ٴۇمىت ەتەمىز.
