□ گازەتىمىزدىڭ شولۋشىسى
اتىنا قامشى باسىپ قارلى دالادا قۇيعىتقان بەينەسىمەن ۇزاپ كەتتى، پاك، كىرشىكسىز ستيلى جەر ـ الەمدى نۇرعا بولەدى. جۋىقتا اۆتونوميالى رايوندىق پارتكوم حى جياۋلۇڭ جولداسقا ”شينجياڭ ۇيعۇر اۆتونوميالى رايونىنىڭ تاڭداۋلى پارتيا مۇشەسى“ اتاعىن تولىقتاپ بەرۋدى ۇيعارىپ، بۇكىل رايونىمىزداعى قالىڭ پارتيا مۇشەلەرى مەن كادرلاردى حى جياۋلۇڭ جولداستى ۇلگى ەتىپ، ونىڭ پارتياعا ادال، سەنىمى بەرىك بولۋ سىندى ساياسي قاسيەتىنەن ۇيرەنۋگە، ونىڭ ٴورىس اشا جاڭالىق اشۋ، قايراتتانا العا ۇمتىلۋ سىندى جاۋاپكەرشىلىك ارقالاۋ رۋحىنان ۇيرەنۋگە، ونىڭ نەگىزگى ساتىعا تامىر تارتىپ، حالىق ٴۇشىن قىزمەت ىستەۋ سىندى باس ماقسات تانىمىنان ۇيرەنۋگە، ونىڭ قىزمەت مىندەتىن ادا ەتىپ، پاك، كىرشىكسىز بولۋ سىندى وسكەلەڭ قاسيەتىنەن ۇيرەنۋگە ۇندەدى. جاڭا داۋىردەگى جاڭا جورىقتا حالىق ٴۇشىن ناقتى ٴىس ىستەيتىن جاقسى كادر حى جياۋلۇڭ جولداستى ۇلگى ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ٴداۋىر ۇمىتىنەن شىعاتىن، حالىق ۇمىتىنەن شىعاتىن، تاريحتىڭ ۇمىتىنەن شىعاتىن ناتيجەنى قۇلشىنا جاراتۋى كەرەك.
حى جياۋلۇڭ جولداس پارتياعا ادال بولىپ، حالىقتى قىزۋ ٴسۇيىپ، كاسىپتى قادىرلەپ، ۇلەس قوسىپ، جاۋاپكەرشىلىك ارقالاپ ىسكەرلىك كورسەتىپ، شينجياڭعا جارشى بولىپ، بۇقاراعا باقىت جاراتىپ، جەكە مۇددەنى كوزدەمەي، بار ىنتاسىمەن كوپتىڭ قامىن ويلاپ، ومىرىمەن شينجياڭنىڭ بايتاق دالاسىندا كوممۋنيستەردىڭ ”حالىق ٴۇشىن ناتيجە شىعارۋ، ناقتى ىستەۋ ارقىلى ناتيجە شىعارۋ“ سىندى ٴداۋىر جاۋاپناماسىن جازىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋگە، مادەنيەت پەن ساياحاتتى توعىستىرۋدى جەبەۋگە، ۇلتتار ىنتىماعىن نىعايتۋعا كورنەكتى ۇلەس قوستى. حى جياۋلۇڭ جولداستىڭ ىزگى ىستەرى _ جاڭا داۋىردەگى جۇڭگو كوممۋنيستەرىنىڭ دۇرىس ناتيجە كوزقاراسىن بەرىك ورناتقاندىعىنىڭ جاندى تۇسىندىرمەسى، جاڭا باستامادا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدەگى قىمباتتى بايلىق.
ادالدىق _ وزگەرمەس ٴتۇپ بوياۋ، كىرشىكسىزدىك _ تاباندى بولۋداعى تومەنگى شەك، جاۋاپكەرشىلىك ارقالاۋ _ مىندەتتى ادا ەتۋدىڭ تالابى، حى جياۋلۇڭ جولداس ٴىس جۇزىندىك ارەكەتى ارقىلى جاڭا داۋىردەگى جاقسى كادر ولشەمىن امالياتتا ايگىلەدى. ۇزاق ۋاقىت نەگىزگى ساتىنىڭ ٴبىرىنشى شەبىنە تامىر تارتىپ، تۇرلىشە قىزمەت ورىندارىندا قاجىرلىلىقپەن كۇرەس جۇرگىزدى، ول قاشاندا بۇقارانى كوكەيىندە ساقتاپ، بارلىعىن حالىق ٴۇشىن ىستەدى؛ ”ينتەرنەتتە تانىمال بولعاننان“ كەيىن دە باستان ـ اياق سەرگەك بولىپ، كوممۋنيستەردىڭ قاسيەتىن بەرىك ساقتاپ، ۇكىمەت قىزمەتكەرلەرىنىڭ سالاۋاتىن ەستە بەرىك ساقتادى، ول پاك، كىرشىكسىز بولۋ جانە ناقتى ٴىس ىستەپ جاۋاپكەرشىلىك ارقالاۋ بارىسىندا تاڭداۋلى كوممۋنيستىك پارتيا مۇشەسىنىڭ تاماشا وبرازىن ورناتتى.
ۋاقىتتىڭ سالقار كوشىنە ٴۇڭىلىپ، تيانشان الابىنا كوز جىبەرسەك، حى جياۋلۇڭ جولداس سياقتى قانشاما كۇرەسكەر بار، ولار باستان ـ اياق حالىقتى كوڭىل تورىنە قويىپ، جاستىق كوكتەمىمەن، ماڭداي تەرىمەن، ٴتىپتى، ومىرىمەن بۇكىل ىنتا ـ پەيىلىمەن حالىق ٴۇشىن قىزمەت ىستەۋ ىستەرىنە ات سالىستى. ”1 ـ شىلدە وردەنىنىڭ“ يەگەرى مامەتجان ٴومار، ”كەدەيلىكتەن ارىلتۋدان قامال الۋدىڭ مەملەكەتتىك ۇلگىسى“ ليۋ حۋ، ”ٴداۋىر ونەگەسى“ لاچين بايەكە... اسقاق ەسىمدەر كوز تارتاتىن رۋحاني قۇلپىتاستارداي ٴار ۇلت حالقىنىڭ ٴبىر جاعادان باس، ٴبىر جەڭنەن قول شىعارىپ، كورىكتى شينجياڭ قۇرۋ، وتان ارمانىن بىرگە جۇزەگە اسىرۋ ۇلى جورىعىن نۇرلاندىردى.
2026 ـ جىل _ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، ”15 ـ بەسجىلدىق“ باستالاتىن جىل. شينجياڭ جوعارى ساپالى دامۋدى ىلگەرىلەتۋدىڭ، قوعام ورنىقتىلىعى مەن باياندى تىنىشتىق نەگىزىن بەكەمدەۋدىڭ شەشۋشى مەزگىلىندە تۇر، حى جياۋلۇڭ جولداس سياقتى ساياسيدا بەرىك، قايراتتانا العا ۇمتىلاتىن، قاجىرلىلىقپەن قۇلشىناتىن سان مىڭداعان تاڭداۋلى كادر شۇعىل قاجەت. ٴار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار حى جياۋلۇڭ جولداستىڭ ونەگەلى ىزگى ىستەرىن جاندى ساباق ماتەريالى ەتىپ، قىزمەت ورنىن شەپ ەتىپ تاپجىلماي، قىزمەتتى كاسىپ رەتىندە ىستەپ، ۇلەس قوسۋدى بورىش ساناپ، ەڭبەك ماعان جازىلماسا دا بولادى دەيتىن رۋحاني دەڭگەيمەن جانە ەڭبەك كورسەتۋدە مەن بولماسام بولمايدى دەيتىن جاۋاپكەرشىلىك ارقالاۋمەن باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ويداعىداي ىستەپ، جۇڭحۋا ۇلتى ورتاق تۇلعا تانىمىن بەكەمدەۋدىڭ، سوتسياليستىك وسىزاماندانعان شينجياڭ قۇرۋدىڭ قۋاتتى بىرىككەن كۇشىن ۇيىستىرۋى كەرەك.
”ارمان قۋىپ ەسە بەرمەي ۋاقىتقا، ۇلىق بولىپ باستادى ەلدى باقىتقا. تيتتەي دە مۇمكىندىكتى جىبەرمەي، تەلەگەي تەڭىز ەڭبەك ەتتى حالىققا“. ٴومىردىڭ ەڭ كوركەم كورىنىسىن اياعىمىزدىڭ استىنداعى بايتاق جەرگە ارناساق، بايتاق جەر دە، ٴسوز جوق، ناقتى ٴىس ىستەپ، حالىق ٴۇشىن قىزمەت ىستەگەن رياسىز كوڭىلدى ماڭگى ەستە ساقتايدى. ۇلگىلەردىڭ كۇشى ۇندەۋ تاستاۋدا، ٴبىز حى جياۋلۇڭ جولداستاي قۇلشىنىپ، كۇرەس جۇرگىزىپ، بيلىك جۇرگىزۋ ٴمورالىمىزدى ۇنەمى جەتىلدىرىپ، حالىقتىڭ كومپىس قىزمەتكەرى بولۋ پەيىلىمىزدەن اينىماۋىمىز، ٴار ۇلت بۇقاراسىنىڭ تاماشا تۇرمىسى ٴۇشىن، گۇلدەنىپ ـ كوركەيگەن، تىنىش، كوركەم شينجياڭ ٴۇشىن ۇزدىكسىز تىڭ دا اناعۇرلىم زور ۇلەس قوسۋىمىز كەرەك.
