بۇرقاسىن قار باسىلعاندا، العاشقى التىنعا قول جەتتى
سۋ يميڭ ميلان قىسقى وليمپيادا سپورت جارىسىندا جۇڭگو ءۇشىن تۇڭعىش التىن مەدالعا يە بولدى
□ شينحۋا اگەنتتىگىنىڭ تىلشىلەرى ليۋ ياڭ، لۋ شيڭجي، شياۋ ياجو
بەس جۇلدىزدى قىزىل تۋ الپى تاۋىندا باياۋ كوتەرىلىپ، «ەرىكتىلەر مارشى» ليۆينو شاتقالىندا ۇزاق ۋاقىت جاڭعىردى.
قىزىل تۋ استىندا سۋ يميڭ بەتىن تاسالاي جىلاپ جىبەردى.
22 جاسقا تولعان تۋعان كۇنىندە ول ميلان قىسقى وليمپيادا سپورت جارىسىنىڭ سىڭار تاقتايمەن شاڭعى تەبۋ بويىنشا ەرلەردىڭ بەتكەيدە كەدەرگىدەن ءوتۋ شەبەرلىگى سيلىق تەكشەسىنىڭ ەڭ بيىك جەرىندە قوس جۇدىرىعىن قاتتى ءتۇيىپ، كوزىن جۇمىپ، وسى ءبىر داڭقتى ساتتەن بارىنشا ءلاززاتتاندى.
بۇل ۋادەلى كۇن، سونداي - اق كوپ كۇتتىرگەن كۇن بولدى. وسى التىن مەدالدى سۋ يميڭ بەيجيڭ قىسقى وليمپيادا سپورت جارىسىنان ميلان قىسقى وليمپيادا سپورت جارىسىنا دەيىن كۇتتى، جۇڭگو ۋاكىلدەر ۇيىرمەسى ەگىنشىلىك كالەندارى بويىنشا جىلان جىلىنان ەگىنشىلىك كالەندارى بويىنشا جىلقى جىلىنا دەيىن كۇتتى.
قالىڭ قاردان ساقتاندىرۋ سەبەپتى ۇيىمداستىرۋ كوميسسياسى 2 - ايدىڭ 14 - كۇنى كەشتە 2 - ايدىڭ 16 - كۇنى وتكىزىلەدى دەپ بەلگىلەنگەن ەرلەر قيا بەتتە كەدەرگىدەن ءوتۋ تولىمدىلىق جارىسىن 2 - ايدىڭ 15 - كۇنى كۇنى بۇرىن وتكىزۋ جونىندە حابارلاندىرۋ شىعارادى. جارىس مەرزىمى كۇن ىلگەرى وتكىزىلەتىندىكتەن، سۋ يميڭ ءبىر كۇن از جاتتىعۋعا ءماجبۇر بولادى، دايىندىق ريتىمى ىقپالعا ۇشىرايدى، ونىڭ تولىمدىلىق جارىسقا ويداعىداي دايىندىق جاساي الماعانى انىق، 8 - ورىندى يەلەدى، بۇل شەشۋشى جارىستا الاڭعا شىعۋ ورنىنىڭ ءبىرشاما الدىڭعى قاتاردا تۇرۋىنا تىكەلەي سەبەپشى بولدى.
تۇتقيىل جاۋعان قالىڭ قار سپورتشىلاردىڭ جارىسقا دايىندالۋىن بىلىقتىرىپ قانا قويماي، جارىس ناتيجەسىنە دە تىكەلەي ىقپال جاساۋى مۇمكىن. ەگەر شەشۋشى جارىس تا قارلى بوران سەبەبىنەن وتكىزىلمەيتىن بولسا، ءتىپتى، تولىمدىلىق جارىسىنىڭ ناتيجەسى بويىنشا مەدال تاراتىلۋى ابدەن مۇمكىن.
2 - ايدىڭ 17 - كۇنى ليۆينودا تاۋدى قالىڭ قار قىمتاپ، ادامدى الاڭداتتى؛ 2 - ايدىڭ 18 - كۇنى بۇرقاسىن قار باسىلىپ، بۇلت سەيىلىپ كۇننىڭ كوزى كورىندى.
سۋ يميڭ جارىس جولىنىڭ باستالار جەرىندە قوس قولىمەن كوز قورعاۋ كوزاينەگىن تەڭشەپ، جاتتىقتىرۋشىسىمەن قۇشاقتاسىپ نىق سەنىممەن اتتاندى.
تۇڭعىش كەزەكتە ول ءبىرىنشى كەدەرگى اۋماعىنان جەرگە تۇسكەندە ءسال تەڭسەلىپ قالادى، ءبىرىنشى سەكىرۋ تەكشەسىندە 1440 گرادۋس اينالىپ جەرگە تۇسكەندە قولى جەرگە ءتيىپ كەتەدى، ىلە - شالا ەكى سەكىرۋ تەكشەسىندە جەكە - جەكە 1620 گرادۋس جانە 1800 گرادۋس اينالۋدى ورىنداپ، جەرگە ءساتتى تۇسەدى. بۇل جولعى سەكىرۋدە 41. 82 ءنومىر الادى، مۇندا بولىكتىك ءنومىرى 55. 48 ءنومىر، ورىنداۋ ءنومىرى 86. 33 ءنومىر بولىپ، تۇڭعىش كەزەكتە ۋاقىتشا ءبىرىنشى ورىندى يەلەيدى. جاپونيا ساڭلاعى چاڭگۋچۋان ديشىڭ 13. 82 نومىرمەن ونىڭ ارتىندا تۇرادى.
سۋ يميڭ 2 - رەت سىرعاناعاندا ءبىرىنشى كەدەرگى اۋماعىنداعى ارەكەتىنىڭ ساپاسى ءسال جاقسارىپ، ەڭ سوڭعى سەكىرۋ تەكشەسىندە 1800 گرادۋس اينالعاندا كەڭىستىكتە تاقتايدى مىقتاپ ۇستاي الماي، بولىكتىك ءنومىرى (30. 50) ءسال جوعارىلايدى، ورىنداۋ ءنومىرى (60. 29) ءسال تومەندەيدى، جالپى ءنومىرى 90. 79 بولادى، ءبىرىنشى رەتكى سىرعاناۋ ناتيجەسىنەن اسا الماعانىمەن، ءباز - باياعىسىنداي الدىڭعى ورىندى ساقتايدى.
3 - رەتكى سىرعاناۋدا سۋ يميڭ ەكىنشى كەدەرگى اۋماقتا ازعانتاي اقاۋ كورىنىپ، بولىكتىك ناتيجەسى 25. 49 ءنومىر، ورىنداۋ ءنومىرى 93. 32 ءنومىر، جالپى ناتيجەسى 18. 82 ءنومىر بولادى. قىسقى وليمپيادا سپورت جارىسىنا ءتورتىنشى رەت قاتىناسقان كانادانىڭ ساقا ساڭلاعى ماكموليس پەن تولىمدىلىق جارىسىندا بىرىنشىلىكتى ەنشىلەگەن جاڭا زەلانديا ساڭلاعى مەنزيستە بىردەي اعاتتىق تۋىلادى، چاڭگۋچۋان ديشىڭ دا 3 - رەتكى سىرعاناۋدا اعاتتىق وتكىزىپ، نەگىزگى قارسىلاستارى ارت - ارتىنان التىن مەدال باسەكەسىنەن شەگىنىپ شىعادى، سونىمەن سۋ يميڭ اعا جۇلدەگەرلىككە بارعان سايىن جاقىنداي تۇسەدى.
ەڭ سوڭىندا ونىڭ اعا جۇلدەگەرلىگى تۇراقتاندىرىلىپ، بەيجيڭ قىسقى وليمپيادا سپورت جارىسىندا قيا بەتتە كەدەرگىدەن وتۋدەن العان كۇمىس مەدالىنا جاڭا رەڭ قوسىلاتىن بولدى.
سۋ يميڭ كومبەدە شاڭعىسىن شەشىپ، دۋلىعاسى مەن مالاقايىن الىپ، اسپانعا قاراپ بار داۋىسىمەن ۇزاققا دەيىن ايقايلادى. ول ءوزى ۇلگى تۇتاتىن ماكموليستى قۇشاقتادى، وزىنەن كەيىن سىرعاناپ تۇسكەن سپورتشىلاردى شەتىنەن قۇشاقتادى، اكە - شەشەسىن قۇشاقتادى.
”وسىنداي ەرەكشە كۇندە ەڭ تاماشا ءوزىمدى كورسەتۋدى، سىڭار تاقتايلى شاڭعى سپورتشىسىنىڭ ەڭ تاماشا بەينەسىن ايگىلەۋدى، جۇڭگو قار - مۇز سپورتىنىڭ ەڭ كوركەم بەينەسىن ايگىلەۋدى ءۇمىت ەتتىم“. سۋ يميڭ جارىستان كەيىن بىلاي دەدى: ”22 جاسقا تولعان تۋعان كۇنىمدە التىن مەدالدى موينىما تاققانىمدا، ءتۇسىم بە دەپ سەنگىم كەلمەدى“!
بۇل جۇڭگو ۋاكىلدەر ۇيىرمەسى ميلان قىسقى وليمپيادا سپورت جارىسىندا كوپتەن كۇتكەن تۇڭعىش التىن مەدال، سۋ يميڭنىڭ وزىنە ۇسىنعان ەڭ تاماشا تۋعان كۇن تارتۋى، سونداي - اق كوكتەم مەرەكەسىن تويلاپ جاتقان وتان حالقىنا ۇسىنعان كوكتەم مەرەكەسىندىك ۇلكەن تارتۋى!
(شينحۋا اگەنتتىگىنىڭ 2 - ايدىڭ 18 - كۇنى يتاليانىڭ ليۆينوسىنان بەرگەن حابارى)
