جاڭا ءتۇر شاڭعىمەن تاۋعا شىعۋ جارىسى باستالدى
جۇڭگولىق جاس شەبەر بۇلۇر قىسقا ارالىقتا شاڭعىمەن تاۋعا شىعۋ جارىسىندا 8 - بولدى
□ شينحۋا اگەنتتىگىنىڭ ءتىلشىسى ۋاڭ چين - وۋ
ميلان قىسقى وليمپيادا سپورت جارىسىندا جاڭادان قوسىلعان ۇلكەن ءتۇر شاڭعىمەن تاۋعا شىعۋ جارىسى 2 - ايدىڭ 19 - كۇنى قاپالاقتاعان قالىڭ قاردا باستالدى. جۇڭگولىق جاس شەبەر بۇلۇر مەن سىدان يۇيجىن جارىسقا ازيادان قاتىناسقان ەكى عانا ساڭلاق سالاۋاتىمەن بوي كورسەتتى. بۇلۇر ەرلەردىڭ قىسقا ارالىقتى جارتىلاي شەشۋشى جارىسىنا قاتىناسىپ ءارى 8 - بولىپ، جۇڭگو ەر شەبەرلەرىنىڭ وسى تۇردەگى دۇنيە جۇزىلىك ۇلكەن جارىستاعى ەڭ جاقسى ناتيجەسىن جاراتتى.
قاراپايىمداستىرىپ ايتقاندا، شاڭعىمەن تاۋعا شىعۋ دەگەنىمىز قارلى تاۋعا شىعىپ، ونان سوڭ شاڭعىمەن تاۋدان سىرعاناپ تۇسەتىن سپورتتى مەڭزەيدى. ونىڭ قىسقا ارالىقتى جارىسى ماشينامەن تاپتالعان قار جولىندا تاۋلى وڭىردەگى حالىقتىڭ قارلى تاۋدا ءجۇرۋ تاسىلىنە ەلىكتەگەن؛ ورلەگەن كەزدە شەبەرلەر شاڭعىسىنىڭ تابانىنا تايدىرمايتىن تاسپا جاپىسىرىپ الىپ، شاڭعىنى تاعىپ نەمەسە ارقالاپ قار جولىنا شىعۋى كەرەك. جارىس جولىنىڭ توبەسىنە شىققاننان كەيىن شەبەرلەر تايدىرمايتىن تاسپانى سوگىپ الىپ تاستاپ، كومبەگە قاراي سىرعيدى. شاڭعىنىڭ ءار جولعى ىستەتىلۋ ءتاسىلىن وزگەرتۋ ءبىر رەتكى ”اۋىسۋ“ سانالادى. ورلەۋ، اۋىستىرۋ، قۇلديلاۋ وسى نىساننىڭ باستى تەحنيكالىق بۋىنى.
20 جاستاعى بۇلۇر مەن 19 جاستاعى سىدان يۇيجىن جەكە - جەكە 18 ەر - ايەل شەبەرلەر اراسىنداعى ەڭ جاسى. بۇلۇر جارتىلاي شەشۋشى جارىسقا كىردى، سونداي - اق ەڭ سوڭىنداعى اعا جۇلدەگەرمەن، جۇلدەگەرمەن ءبىر گرۋپپاعا ءبولىندى. ول ودان ارى ىلگەرىلەي الماي، جالپى ناتيجەدە 8 - بولدى.
جارىستان كەيىن بۇلۇر وسى 2 مينۋتتان استام ۋاقىتتاعى جارىس جاعدايىن باياندادى.
”اۋىستىرۋ اۋماعىندا مەن شاڭعىنى تاعىپ شاڭعى تاياقتى قولىما الىپ سىرعاناعالى جاتقانىمدا تايىپ كەتىپ جىعىلىپ قالا جازدادىم، وسى كەزدە نورۆەگيا شەبەرى مەنەن وزىپ كەتتى.“ ول بىلاي دەدى: جارىس ۋاقىتى قىسقا بولعاندىقتان، اۋىستىرۋ بۋىنىنداعى ءارقانداي جاي - جاپسار ەڭ سوڭعى رەت تارتىبىنە ىقپال جاسايدى. ”ەكەۋىمىز ەڭ سوڭعى (تايدىرمايتىن تاسپانى سوگۋ) اۋىستىرۋ اۋماعىنا دەرلىكتەي ءبىر ۋاقىتتا جەتتىك، مەن ودان دا تەز سوكتىم، تاعى سول جەردە ودان باسىپ وزدىم“.
كومبەگە جەتكەننەن كەيىن بۇلۇر بار كۇشىن سالعاندىعىن، تەك قازىرگى قابىلەتىنىڭ شەشۋشى جارىسقا كىرۋگە ءالى جەتىڭكىرەمەيتىندىگىن ايتتى.
سىدان يۇيجىن ايەلدەر جارىسىندا 13 - بولىپ، جارتىلاي شەشۋشى جارىسقا كىرۋدە تەك ءبىر ادامنان كەيىن قالدى. جارىستان كەيىن ول ءوزىنىڭ كەرىسىنشە سەنىمىنىڭ ارتا تۇسكەندىگىن ايتتى.
”جارىستان كەيىن مىقتى شەبەرلەرمەن پارقىمنىڭ ەرەكشە زور ەمەستىگىن سەزىندىم، مەندەگى پارىق نازىك بۋىنداعى اۋىستىرۋدا اعاتتىق جىبەرۋدەن بولدى“. سىدان يۇيجىن بىلاي دەدى: مەن نەداۋىر بەلسەندى پوزيتسيا ۇستاندىم، وسى بارىستان ءلاززاتتاندىم، دۇنيە جۇزىنە جۇڭگونىڭ شاڭعىمەن تاۋعا شىعاتىن سپورتشىلارىنىڭ رۋحاني بەينەسىن ايگىلەۋدى، سونداي - اق كوپشىلىككە شاڭعىمەن تاۋعا شىعۋدىڭ سونشا تاماشا سپورت ەكەنىن ايگىلەۋدى ءۇمىت ەتەمىن“.
سول كۇنى قالىڭ قار جاۋعاندىقتان كوپ ادام اعاتتىق جىبەردى. الايدا شەبەرلەر جاپپاي بىلاي دەپ قارادى: شاڭعىمەن تاۋعا شىعاتىن شەبەرلەر جاراتىلىستىق ورتانىڭ سىن - سايىسىنا ۇيلەسۋى كەرەك .”ورتا بارلىق ادامعا ءادىل“، - دەدى بۇلۇر، ول تاعى ”مەن قار جاۋعانىن جاقسى كورەمىن، قار كوپ جاۋعان سايىن سونشالىق جەلپىنەمىن“.
يسپانيا شەبەرى، دۇنيە جۇزىلىك جۇلدەلى جارىسىنىڭ اعا جۇلدەگەرى كولي جانە شۆەتساريا شەبەرى فادۇڭ جەكە - جەكە ەرلەردىڭ، ايەلدەردىڭ جارىس تۇرىندە التىن مەدال الدى.
”بۇل تاريحي سيپاتتى ءبىر كۇن بولدى“. فادۇڭ بىلاي دەدى: ”قىسقى وليمپيادا سپورت جارىسىنا قاتىناسقاندىعىمدى وتە كەرەمەت سانايمىن، بۇل التىن مەدال ءتىپتى دە نۇر ۇستىنە نۇر قوسقانداي بولدى“.
(شينحۋا اگەنتتىگىنىڭ 2 - ايدىڭ 19 - كۇنى يتاليانىڭ بورميوسىنان بەرگەن حابارى)
