جۇڭگو كومانداسى ەركىن شاڭعى تەبۋ بويىنشا كەڭىستىكتە ونەر كورسەتۋ ارالاسپا توپتىق جارىسىندا قولا مەدالعا يە بولدى
□ شينحۋا اگەنتتىگىنىڭ تىلشىلەرى ۋاڭ جۇنباۋ، حى لەيجيڭ
ميلان قىسقى وليمپيادا سپورت جارىسى ەركىن شاڭعى تەبۋ بويىنشا كەڭىستىكتە ونەر كورسەتۋ ارالاسپا توپتىق شەشۋشى جارىسى 2 - ايدىڭ 21 - كۇنى ليۆينو قالاسىندا اياقتادى، شۇي مىڭتاۋ، ۋاڭ شيندي، لي تيانمادان قۇرالعان جۇڭگو كومانداسى قولا مەدالعا يە بولدى.
4 جىلدىڭ الدىنداعى بەيجيڭ قىسقى وليمپيادا سپورت جارىسىندا شۇي مىڭتاۋ، جيا زۇڭياڭ، چي گۋاڭپۋدان قۇرالعان جۇڭگو كومانداسى وسى ءتۇردىڭ كۇمىس مەدالىن ەنشىلەگەن. ميلانداعى وسى جولعى جارىستا جۇڭگو كومانداسى شىت جاڭا بەينە بايقاتتى − جەكە تۇردەن جاڭا عانا التىن مەدال العان شۇي مىڭتاۋ جانە ۋاڭ شينديدەن، وسىدان بۇرىن ەرلەردىڭ جەكە تۇرىنەن قولا مەدال العان لي تيانمادان قۇرالعان قۇراماعا زور ءۇمىت ارتىلدى.
شەشۋشى جارىس ەكى كەزەككە ءبولىنىپ جۇرگىزىلدى. العاشقى جارىسقا 7 كوماندا قاتىناستى، جۇڭگو كومانداسىنداعى 3 شەبەردىڭ بەينەسى ورنىقتى بولدى − شۇي مىڭتاۋ 99. 81 ءنومىر الدى، ۋاڭ شيندي 29. 116 ءنومىر قوستى، لي تيانما 74. 116 ءنومىر الدى، جۇڭگو كومانداسى 2 - ورىندى يەلەپ، امەريكا كومانداسىمەن، اۆستراليا كومانداسىمەن، شۆەتساريا كومانداسىمەن بىرگە ”ۇلكەن شەشۋشى جارىسقا“ ءساتتى ءوتتى.
”ۇلكەن شەشۋشى جارىستا“ الدىمەن مايدانعا شىققان شۇي مىڭتاۋ تاماشا بەينەسىمەن 59. 96 نومىرگە يە بولىپ، جۇڭگو كومانداسىنا جاقسى باستاما اشتى. وسىدان كەيىن مايدانعا شىققان ۋاڭ شيندي قيىندىق كوەففيتسەنتى 100. 5 بولعان ارەكەتكە سايىس جاريالادى، الايدا جەرگە تۇسكەن كەزدە اعاتتىق جىبەرىپ، تەك 72. 87 ءنومىر عانا الدى. امەريكا كومانداسى وسىدان كەيىن الدىڭعى ورىنعا ءوتتى.
ەڭ سوڭىندا مايدانعا شىققان لي تيانما دا قيىن ارەكەتتەردى سىناپ كوردى، الايدا جەرگە تۇسكەندە تايىپ كەتىپ، قار شاڭعىسى اجىراپ، ەڭ سوڭىندا 37. 95 ءنومىر الدى. جۇڭگو كومانداسى سوڭىندا 68. 279 نومىرمەن جارىستى اياقتاتىپ، مىس مەدالعا يە بولدى. اعا جۇلدەگەر بولعان امەريكا كومانداسى التىن مەدال، شۆەتساريا كومانداسى كۇمىس مەدال الدى.
”بۇل ءتۇردىڭ ەرەكشەلىگى قىرۋار تۇراقسىزدىق فاكتورلارى بار ءارى وزىمىزدە دە جەتەرسىز تۇستار بولدى، بۇدان كەيىن جاتتىعۋ بارىسىندا قابىلەتىمىزدى ۇشتاي تۇسەمىز، - دەدى لي تيانما جارىستان كەيىن جىبەرگەن اعاتتىعىنا توقتالعاندا.
(شينحۋا اگەنتتىگىنىڭ 2 - ايدىڭ 21 - كۇنى يتاليانىڭ ليۆينوسىنان بەرگەن حابارى)
