2 ـ ايدىڭ 22 ـ كۇنى ٴارقايسى دەنە تاربيە ۋاكىلدەر ۇيىرمەسى جابىلۋ سالتى الاڭىنا كىرىپ كەلەدى.
□ سۋرەتتى شينحۋا اگەنتتىگىنىڭ ٴتىلشىسى سۇن في تۇسىرگەن
2 ـ ايدىڭ 22 ـ كۇنى جۇڭگو دەنە تاربيە ۋاكىلدەر ۇيىرمەسى جابىلۋ سالتى الاڭىنا كىرىپ كەلەدى.
□ سۋرەتتى شينحۋا اگەنتتىگىنىڭ ٴتىلشىسى لي ميڭ تۇسىرگەن
شينحۋا اگەنتتىگىنىڭ 2 ـ ايدىڭ 22 ـ كۇنى يتاليانىڭ ۆەروناسىنان بەرگەن حابارى (تىلشىلەر ديڭ ۋىنشيان، رىن ياۋتيڭ). 2 ـ ايدىڭ 22 ـ كۇنى كەشتە 25 ـ كەزەكتى قىسقى وليمپيادا سپورت جارىسى 2000 جىلدىق تاريحقا يە يتاليانىڭ ۆەرونا سايىس الاڭىندا اياقتادى.
جابىلۋ سالتىندا ”ارەكەت كوركەمدىگى“ نەگىزگى تاقىرىپ ەتىلىپ، يتاليانىڭ باي مازمۇندى مادەنيەت جانە كوركەمونەر مۇرالارىنان شابىت الىنىپ، وپەرا، مۋزيكا، ٴبي، كينو، جوبالاۋ جانە عىلىم ـ تەحنولوگيا سياقتى ەلەمەنتتەر توعىستىرىلدى. ۆەرونا سايىس الاڭى سىندى وسى ەجەلگى ريمنىڭ ٴىرى دوڭگەلەك تەاترحاناسىندا جابىلۋ سالتىنىڭ وتكىزىلۋى وليمپيادا سپورت جارىسى تاريحىندا تۇڭعىش رەت دۇنيە جۇزىلىك مادەنيەت مۇرالار تىزىمدىگىنە ەنگىزىلگەن تاريحي ەجەلگى ەسكەرتكىشتە سالت وتكىزۋ بولدى.
22 جاستاعى سۋ يميڭ جۇڭگو دەنە تاربيە ۋاكىلدەر ۇيىرمەسىنىڭ تۋ ۇستاۋشىسى رەتىندە، بەس جۇلدىزدى قىزىل تۋدى بيىك كوتەرىپ الاڭعا كىردى. ول سىڭار تاقتايمەن شاڭعى تەبۋ بويىنشا ەرلەردىڭ بەتكەيدە كەدەرگىدەن ٴوتۋ شەبەرلىك تۇرىندە جۇڭگو ۋاكىلدەر ۇيىرمەسىنە وسى كەزەكتى جارىستىڭ تۇڭعىش التىن مەدالىن الىپ بەردى، سونداي ـ اق ەرلەردىڭ ۇلكەن تۇعىردان سەكىرۋ تۇرىنەن قولا مەدال الدى.
ميلان _ كورتينا قىسقى وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسى 286 ادامنان قۇرالدى، مۇنىڭ ىشىندە سپورتشى 126 ادام، ولار 7 ۇلكەن ٴتۇر، 15 تارماق ٴتۇر، 91 شاعىن ٴتۇر بويىنشا جارىسقا قاتىناسىپ، جۇڭگونىڭ شەكارا سىرتىندا وتكىزىلگەن قىسقى وليمپيادا سپورت جارىسىندا جارىسقا قاتىناسۋىندا ٴتۇرى ەڭ كوپ، سپورتشىلار كولەمى ەڭ ۇلكەن بولۋ سىندى جاڭا رەكورد جاراتتى. جارىس باستالعاننان بەرى جۇڭگو ساڭلاقتارى سايىسۋ ارقىلى 5 التىن مەدال، 4 كۇمىس مەدال، 6 قولا مەدال، جيىنى 15 مەدال الىپ، قىسقى وليمپيادا سپورت جارىسىندا شەتەلدە جارىسقا قاتىناسۋ تاريحىنداعى ەڭ جاقسى ناتيجەنى جاڭالادى.
وسى كەزەكتى جارىستا بىتىراندى جارىس وتكىزۋ ۇلگىسى قولدانىلىپ، جيىنى 93 ۋاكىلدەر ۇيىرمەسى جارىسقا قاتىناستى، مۇنىڭ ىشىندە بەنين، گۆينەيا ـ بيساۋ جانە اراب بىرىككەن امىرلىگى تۇڭعىش رەت قىسقى وليمپيادا سپورت جارىسىنا قاتىناستى. جارىسقا قاتىناسقان 2880 سپورتشىنىڭ اراسىندا ايەلدەردىڭ سالىستىرماسى رەكورد جاراتقانداردىڭ %47ىنە جەتتى. نورۆەگيا ۋاكىلدەر ۇيىرمەسى 18 التىن مەدال، 12 كۇمىس مەدال، 11 قولا مەدالمەن مەدال تاقتاسىندا كوش باستادى.
حالىقارالىق وليمپيادا كوميتەتىنىڭ ٴتوراعاسى كاۆەنچرۋي ارناۋ سوزىندە ۇيىمداستىرۋ القاسىنا العىس ايتىپ بىلاي دەدى: ”مەيلى قانداي سايىسقا جولىقساڭىزدار دا ماسەلەنى شەشۋدىڭ ٴادىسىن تابا بىلدىڭىزدەر. سىزدەر بۇكىلدەي جاڭا ٴبىر كەزەكتى قىسقى وليمپيادا سپورت جارىسىن كورسەتتىڭىزدەر ٴارى بولاشاق ٴۇشىن شىت جاڭا جوعارى ولشەم ورناتتىڭىزدار“.
دالالىق شاڭعى بويىنشا ايەلدەردىڭ، ەرلەردىڭ 50 كيلومەتر ارالىققا توپتىق اتتانۋ (ٴداستۇرلى تەحنولوگيا) جارىسىندا الدىڭعى 3 ورىندى يەلەگەن شەبەرلەرگە كاۆەنچرۋي سول جەردىڭ وزىندە مەدال بەردى. ولاردىڭ اراسىندا ەرلەردىڭ دالالىق شاڭعى ٴتۇرىنىڭ التىن مەدالىن العان نورۆەگيالىق ساڭلاق يوحاننەس كلەبو ەرلەردىڭ دالالىق شاڭعى تۇرىندە 6 التىن مەدالدى قانجىعاسىنا بايلاپ، ٴبىر كەزەكتى قىسقى وليمپيادا سپورت جارىسىندا التىن مەدال الۋ سانى بويىنشا رەكورد بۇزدى.
ىلە ـ شالا ەرىكتىلەر اسەرلى دە ويناقى ويىن كورسەتتى، حالىقارالىق وليمپيادا كوميتەتى سپورتشىلار كوميتەتىنىڭ جاڭادان سايلانعان 2 مۇشەسى ساحناعا شىعىپ، ەرىكتىلەر ۋاكىلدەرىنە العىس ٴبىلدىرىپ گۇل ۇسىندى.
جابىلۋ سالتى سوڭىنا شىققاندا وليمپيادا تۋى باياۋ ٴتۇسىرىلىپ، ميلان قالاسىنىڭ باستىعى سارا جانە كورتينا ـ دامپەززو قالاسىنىڭ باستىعى لورەنچي تۋدى كاۆەنچرۋيگە تاپسىرىپ بەردى، ونان سوڭ كاۆەنچرۋي 2030 ـ جىلى قىسقى وليمپيادا سپورت جارىسىن وتكىزەتىن جەر _ فرانسيانىڭ پروۆەنسە ـ الپەس ـ كۋتە دازۇر ۇلكەن رايونى مەن اۋۆەرگنە ـ رۋنە ـ الپەس ۇلكەن رايونى ۋاكىلىنە تابىس ەتتى.
كاۆەنچرۋي 2026 ـ جىلعى ميلان ـ كورتينا قىسقى وليمپيادا سپورت جارىسىنىڭ اياقتالعاندىعىن جاريالادى. قاسيەتتى الاۋ ميلان مەن كورتينا ەكى جەردە ٴبىر ۋاقىتتا ٴسوندىرىلدى.
12 كۇننەن كەيىن مۇگەدەكتەر قىسقى وليمپيادا سپورت جارىسىنىڭ اشىلۋ سالتى وسى بايىرعى قالانىڭ تۇنگى اسپانىن تاعى دا جارقىراتاتىن بولادى.
