«شينجياڭنىڭ توقىماشىلىق، كيىم ـ كەشەك كاسىپ سالاسىنىڭ ورتا، ۇزاق مەرزىمدىك دامۋ جوباسى (2035 _ 2026)» سياقتىلاردى اقىلداستى
انار بۇلت شينجياڭ گازەتىنىڭ ٴتىلشىسى لي ياڭ 2 ـ ايدىڭ 26 ـ كۇنى ۇرىمجىدەن حابارلايدى. 2 ـ ايدىڭ 26 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشتى، ٴماجىلىس باس شۋجي شي جينپيڭنىڭ جۋىقتاعى ماڭىزدى سوزدەرىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ ورنالاستىرۋى بويىنشا، «شينجياڭنىڭ توقىماشىلىق، كيىم ـ كەشەك كاسىپ سالاسىنىڭ ورتا، ۇزاق مەرزىمدىك دامۋ جوباسىن (2035 _ 2026)» اقىلداستى، تاكلاماكان ٴشول جيەگى توسقاۋىل شايقاسى، سونداي ـ اق قۇربانتۇڭعىت ٴشولىن تىزگىندەۋ جاعدايىنان بەرىلگەن مالىمەتتى تىڭدادى، لاستانۋدان ساقتانۋ جانە ونى وڭاۋدان قامال الۋ شايقاسىن ويداعىداي جۇرگىزۋ سياقتىلاردى اقىلداستى.
ٴماجىلىس «شينجياڭ توقىماشىلىق، كيىم ـ كەشەك كاسىپ سالاسىنىڭ ورتا، ۇزاق مەرزىمدىك دامۋ جوباسىن (2035 _ 2026)» اقىلداسىپ ماقۇلدادى. ٴماجىلىس مىنالاردى باسا دارىپتەدى: اناعۇرلىم تولىق، ورنىقتى جۇمىستاندىرۋدى، كىرىستى ارتتىرۋدى جۇزەگە اسىرۋدى باعدار ەتىپ، وڭتۇستىك شينجياڭ سىندى ”شاحمات كوزىن“ جانداندىرۋدى تەتىك، زەردەلىلەندىرۋدى، جاسىلداندىرۋدى، توعىستىرۋدى بەتالىس ەتىپ، ماقتا توقىماشىلىق كاسىپ سالاسى تىزبەگىن، مۇناي ايىرۋ، حيميا ونەركاسىبى، توقىماشىلىق كاسىبى كاسىپ سالاسى تىزبەگىن قالىپتاستىرۋدى تۇتقا، ساپالى ماقتا، ماقتا ٴجىپ بازاسىن جانە باتىسقا باعىتتالعان بازاردى نەگىز ەتكەن توقىماشىلىق، كيىم ـ كەشەك وڭدەۋ بازاسىن قۇرۋدى كۇش سالۋ ٴتۇيىنى ەتىپ، ساياساتتىڭ، بايلىقتىڭ، بازاردىڭ جوعارى ٴونىمدى، ورگانيكالى توعىسۋىن ىلگەرىلەتىپ، شينجياڭ ەرەكشەلىگىنە جانە باسىمدىعىنا يە توقىماشىلىق وسىزاماندانعان كاسىپ سالاسى جۇيەسىن جەدەل ورناتىپ، اناعۇرلىم كوپ بۇقارانى جۇمىستانۋعا جانە كىرىستەرىن ارتتىرىپ بايۋعا جەتەكتەۋ كەرەك.
ٴماجىلىس تاكلاماكان ٴشول جيەگى توسقاۋىل شايقاسى جانە قۇربانتۇڭعىت ٴشولىن كەشەندى وڭاۋ قىزمەتىنىڭ اياق الىسى جاعدايىن تىڭدادى. ٴماجىلىس مىنالاردى باسا دارىپتەدى: تاكلاماكان مەن قۇربانتۇڭعىت سىندى 2 ۇلكەن قۇمدى تىزگىندەۋدى ٴبىر تۇتاس جوسپارلاپ ىلگەرىلەتىپ، وڭىرلىك ەكولوگيالىق حاۋىپسىزدىك قالتقىسىن ۇزدىكسىز بەكەمدەۋ كەرەك. وڭىرگە ٴبولىپ شارا قولدانىپ، تاكلاماكان ٴشول جيەگىن تورلاۋ ونىمدىلىگىن ۇزدىكسىز بەكەمدەپ، قۇربانتۇڭعىت ٴشولىنىڭ ورمان، ٴشوپ جامىلعىسىنىڭ كومكەرىلۋ مولشەرىن جوعارىلاتىپ، قۇمدى جەردىڭ ورنىقتىلىعىن كۇشەيتۋ كەرەك. سۋ ارقىلى جاسىل القاپتى تۇراقتاندىرۋعا تاباندى بولىپ، قۇمايتتانۋدان ساقتانۋ، قۇمدى تىزگىندەۋ، سۋدان پايدالانۋ سۇرانىسىن ٴونىمدى قامتاماسىز ەتۋ كەرەك. قۇمدى تىزگىندەۋ مەن بايۋدى ٴوزارا ۇشتاستىرۋعا تاباندى بولىپ، قۇمدى ٴوڭىر ەكولوگياسىنىڭ جانە ەكونوميكانىڭ، قوعامنىڭ باياندى دامۋىن ىلگەرىلەتۋ كەرەك. قۇرۋ مەن باسقارۋعا بىردەي ٴمان بەرۋگە تاباندى بولىپ، ەكولوگيالىق قۇرىلىس جەتىستىكتەرىن ۇزاق ٴونىمدى باسقارۋ، قورعاۋ مەحانيزمىن ورناتىپ، ”ورمان وسىرەتىن ادام بولۋعا“، ”اعاش باپتايتىن ادام بولۋعا“ شىنايى كەپىلدىك ەتۋ كەرەك.
ٴماجىلىس مىنالاردى اتاپ كورسەتتى: سوڭعى جىلدارى قول جەتكىزگەن لاستانۋدان ساقتانۋ جانە ونى وڭاۋدان قامال الۋ جەتىستىكتەرىن ۇزدىكسىز ويداعىداي بەكەمدەپ، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋدى تىڭعىلىقتى ىلگەرىلەتىپ، ٴتۇيىندى وزەن ـ كولدەردىڭ لاستانۋىن وڭاۋ تەبىنىن ارتتىرىپ، تارىم وزەنىنىڭ نەگىزگى اعارىنىڭ، ياركەن وزەنى _ قاشقار وزەنى الابى ەكولوگياسىن كەشەندى وڭاۋدى كۇشەيتىپ، ىلە وزەنى بويىنداعى كورىكتى وزەن ـ كولدەردى قورعاۋدى جانە قۇرۋدى ىلگەرىلەتۋ كەرەك. كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى بەلسەنە، ورنىقتى ىلگەرىلەتىپ، مەملەكەتتىڭ كومىرتەگىنىڭ شىعارىلۋىن قوس تىزگىندەۋ ٴتۇزىمىن تياناقتاندىرىپ، ٴتۇيىندى سالالاردا ەنەرگيانى ۇنەمدەپ، كومىر قىشقىل گازىن ازايتۋ بويىنشا وزگەرتۋدى جەدەلدەتىپ، مەملەكەت دارەجەلى كومىر قىشقىل گازىن شىعارمايتىن باقشا رايونى قۇرىلىسىن ىلگەرىلەتۋ كەرەك. ورتالىقتىڭ 2 ـ كەزەكتى ەكولوگيالىق ورتانى قورعاۋدى باقىلاۋ ـ تەكسەرۋىندە بايقالعان ماسەلەلەردى رەتتەۋ ـ تۇزەتۋ جاعدايىنا ”قايتا قاداعالاۋ“ جۇرگىزىپ، بىرەۋى ارقىلى وزگەسىن تۇسپالداپ، جاپپاي رەتتەپ ـ تۇزەتىپ، رەتتەپ ـ تۇزەتىلگەن ماسەلەنىڭ قايتالانباۋىنا شىنايى كەپىلدىك ەتۋ كەرەك.
ٴماجىلىس «بارىن ۋيليام ادىريانوس قاتارلى 10 شەتەلدىك مامانعا 2025 ـ جىلعى ”تيانشان سيلىعىن“ بەرۋ جونىندەگى قاۋلىنى» اقىلداسىپ ماقۇلداپ، مىنالاردى باسا دارىپتەدى: نازاردى شينجياڭنىڭ باسىمدىققا، ەرەكشەلىككە يە كاسىپ سالالارىنا شوعىرلاندىرىپ، شەتەلدىك دارىندىلاردى ەنگىزۋ ارناسىن ۇزدىكسىز كەڭەيتىپ، عىلمي، ولشەمدى، اشىق، سيىسىمدى، اينالىمى جوعارى ٴونىمدى دارىندىلارعا قىزمەت وتەۋ، باسقارۋ جۇيەسىن جەدەل قۇرىپ، بەلسەنە شەتەلدىك دارىندىلاردىڭ جاڭالىق اشۋىنا، شارۋاشىلىق قۇرۋىنا كوڭىل بولەتىن، قولداۋ كورسەتەتىن تاماشا راي قالىپتاستىرۋ كەرەك.
ٴماجىلىس باسقا دا ىستەردى اقىلداستى.
