− باس شۋجي شي جينپيڭ جۇڭگونى كەدەيلىكتەن ارىلتۋدان قامال الۋدان اۋىل ـ قىستاقتى جاپپاي گۇلدەندىرۋگە قادام تاستاۋعا باستادى
□ شينحۋا اگەنتتىگىنىڭ تىلشىلەرى
ۋاقىتقا بۇرىنعىعا مۇراگەر، كەيىنگىگە بۇيداگەر بولۋدىڭ شكالاسى سالىندى، ۇزدىكسىز كۇرەس جۇرگىزۋ سەنىمى سىڭگەن.
8 جىلدىق قامال الۋ ارقىلى ەلىمىز تاريحي سيپاتتا مۇلدە كەدەيلىكتەن ارىلىپ، تاعى ٴبىر ”تاريحتان وشپەيتىن ٴومىر كەرەمەتىن“ جاراتتى.
5 جىلدىق وتپەلى مەزگىلدە ەلىمىز كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋدىڭ نىسانا ـ مىندەتتەرىن تابىسپەن ورىنداپ، كولەمدى قايتا كەدەيلەسۋ، كەدەيلەسۋ تۋىلماۋ تومەنگى شەگىن مىقتاپ ساقتادى.
”15 ـ بەسجىلدىققا“ قادام تاستاپ، ”ۇدايىلانعان كومەكتەسۋ ـ سۇيەمەلدەۋدى“ اۋىل ـ قىستاقتى گۇلدەندىرۋ ستراتەگياسىنا ەنگىزىپ ٴبىر تۇتاس جوسپارلاپ اتقارىپ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەلدەتۋدىڭ جاڭا جورىعىن باستادى.
”دوڭگەلەك داۋلەتتىلىكتى جۇزەگە اسىرۋ سوڭعى كومبە ەمەس، قايتا جاڭا باستالۋ ٴتۇيىنى“، ”الدىمەن كەدەيلىكتەن ارىلتۋ جەتىستىكتەرىن بەكەمدەپ، بەكەمدەگەن سوڭ بارىپ العا ىلگەرىلەپ، اۋىل ـ قىستاقتى جاپپاي گۇلدەندىرۋمەن ٴونىمدى ۇشتاستىرۋ كەرەك“، ”اۋىل ـ قىستاقتى گۇلدەندىرۋ، اۋىل شارۋاشىلىعى، اۋىل ـ قىستاق، شارۋالار قىزمەتىنىڭ دامۋىن ٴالى دە جۇڭگو ۇلگىسىندەگى وسىزامانداندىرۋدىڭ تاعانى ەتۋ كەرەك“...
ۇلتتىڭ گۇلدەنۋى ٴۇشىن، اۋىل ـ قىستاق، ٴسوز جوق، گۇلدەنۋى كەرەك. باس شۋجي شي جينپيڭ نۇسقاعان بەتالىسپەن ميلليارد حالىق زەيىن ـ زەردەنى، كۇش ـ قۋاتتى ۇيىستىرىپ، تىزە قوسا ەڭبەك كورسەتىپ، ”اۋىل شارۋاشىلىعى، اۋىل ـ قىستاق، شارۋالار“ سىندى ورنىقتىرعىشتى بەكەمدەپ، اۋىل ـ قىستاقتىڭ جاپپاي گۇلدەنۋىنىڭ جاڭا كارتيناسىن سالىپ، جۇڭگو ۇلگىسىندەگى وسىزامانداندىرۋدىڭ كوركەم بولاشاعىنا بىرگە ۇمتىلدى.
تومەنگى شەك مىندەتىن مىقتاپ ساقتادى −
”كەدەيلىكتەن ارىلتۋدى تومەنگى شەكتەن تۇسىرمەۋ، ٴسوز جوق، بەرىلمەس بەكىنىس بولۋى كەرەك“
كوكتەم باسى 2 ـ اي، گۇيجوۋدىڭ ۋجياڭيۋانىنداعى 100 شاقىرىمدىق سۋرەت ٴدالىزى.
چيانشي قالاسى شينرىن مياۋزۋ اۋىلى حۋا ـ ۋ قىستاعى جاسىل تاۋ، تۇنىق سۋ اراسىنا ورنالاسقان، اق قابىرعالى، قارا كوك كەرپىش توبەلى تۇرعىن ۇيلەر تاۋ جاستانا سالىنعان، شارۋالار شاتتىعى ساياجايىنا ىلىنگەن قىزىل تۇمشالامالى شام قويۋ مەرەكەلىك رايدى اڭعارتىپ، ساياحاتشىلاردى وزىنە باۋرايدى.
حۋا ـ ۋ قىستاعىنىڭ بۇرىنعى اتى ”حۋا ـ ۋجي“، بۇل ”قۇلاما قۇز تۇبىندەگى قىستاق“ دەگەن ماعىنانى بىلدىرەدى، كەزىندە قاتەرلى قۇلاما قۇزدار اراسىندا اۋاشالانعان شەت ـ شالعاي كەدەي تاۋلى قىستاق بولاتىن. پارتيا 18 ـ قۇرىلتايىنان بەرى، كەدەيلىكتەن دالمە ـ ٴدال ارىلتۋ ساياساتىنىڭ جەبەۋىندە، حۋا ـ ۋ قىستاعى سەكىرمەلى دامۋدى قارسى الىپ، 2019 ـ جىلدىڭ سوڭىندا كەدەي حالىق تۇگەلدەي كەدەيلىكتەن ارىلىپ، مياۋزۋ قىستاعىنىڭ كونە بەت ـ بەينەسى جاڭاردى.
2021 ـ جىلى 2 ـ ايدا بۇكىل ەل بويىنشا كەدەيلىكتەن ارىلتۋدان قامال الۋ مىندەتى ۋاعىندا ورىندالعان ماڭىزدى ساتتە، باس شۋجي شي جينپيڭ گۇيجوۋعا بارىپ قىزمەت تەكسەرىپ، تەكسەرۋ ـ زەرتتەۋ جۇرگىزگەندە حۋا ـ ۋ قىستاعىنا كەلىپ، اۋىلداستاردى كەدەيلىكتەن ارىلعاننان كەيىن اۋىل ـ قىستاقتىڭ گۇلدەنۋىن ۇزدىكسىز ىلگەرىلەتىپ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەل ىلگەرىلەتۋگە جىگەرلەندىردى.
2025 ـ جىلى 3 ـ ايدا، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ٴتۇيىلىستىرۋدىڭ 5 جىلدىق وتپەلى مەزگىلىنىڭ ەڭ سوڭعى جىلىندا باس شۋجي شي جينپيڭ گۇيجوۋدا، يۇنناندا قىزمەت تەكسەرگەندە بىلاي دەپ ىشكەرىلەي باسا دارىپتەدى: ”كەدەيلىكتەن ارىلتۋدى تومەنگى شەكتەن تۇسىرمەۋ، ٴسوز جوق، بەرىلمەس بەكىنىس بولۋى كەرەك، كولەمدى قايتا كەدەيلەسۋ، كەدەيلەسۋ استە تۋىلماۋى كەرەك“.
سۇيىسپەنشىلىككە تولى ىقىلاستى تاپسىرمادا ٴۇمىت، تىلەك جاتىر.
بۇل باستان ـ اياق جالعاساتىن اۋەلگى ماقسات، بورىش −
ايبىندى ٴىرى ەل جول باستاۋشىسىنىڭ كوڭىلىندە ”حالىق“ دەگەن ٴسوز ماڭگى ەڭ ماڭىزدى ورىندا ەدى. كەدەيلەردى سۇيەمەلدەۋ باستان ـ اياق باس شۋجي شي جينپيڭنىڭ قىزمەتىنىڭ ماڭىزدى مازمۇنى بولدى، وعان ەڭ كوپ زەيىن ـ زەردەسىن جۇمسادى.
2021 ـ جىلى 2 ـ ايدىڭ 25 ـ كۇنى باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ ـ سيلاۋ جينالىسىندا بىلاي دەپ سالتاناتپەن جاريالادى: ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزدى.
8 جىلدا 100 ميلليونعا جۋىق ادام كەدەيلىكتەن ارىلدى، ەلىمىز دۇنيە ٴجۇزى بويىنشا كولەمى ەڭ ۇلكەن كەدەيلىكتى ازايتۋ امالياتىن ورىنداپ، بىرلەسكەن مەملەكەتتەر ۇيىمىنىڭ 2030 ـ جىلعا دەيىنگى باياندى دامۋ كەڭەستىك تارتىبىندەگى كەدەيلىكتى ازايتۋ نىساناسىن 10 جىل بۇرىن جۇزەگە اسىرىپ، كەدەيلىكتى ازايتۋدىڭ، تىزگىندەۋدىڭ جۇڭگو ۇلگىسىن جاراتتى.
”جەڭىسكە جەتۋ قيىن ەمەس، جەڭىستى قولدان جىبەرمەي ساقتاۋ قيىن“. حالىقارالىق قوعام جۇڭگونى دۇنيە ٴجۇزىنىڭ كەدەيلىكتى ازايتۋ ىستەرىنە بەلسەندى ۇلەس قوستى دەپ القاۋمەن بىرگە، ٴجىتى قاداعالاپ وتىرعان ۇندەر دە بولدى: بۇل ٴبىر رەتتىك تابىس پا، الدە باياندى وزگەرىس پە؟
5 جىلدىق وتپەلى مەزگىلدى بەلگىلەۋ كەدەيلىكتى ازايتۋدىڭ جۇڭگوشا جولىنداعى تاعى ٴبىر جاسامپازدىققا اينالدى.
”بۇل جاقتا كەدەيلىكتەن جاپپاي ارىلدىق دەپ جاريالاپ، انا جاقتا كولەمدى قايتا كەدەيلەسۋ جايتتەرىنىڭ جارىققا شىعۋىنا استە بولمايدى“، ”كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ − اۋىل ـ قىستاقتىڭ گۇلدەنۋىن جاپپاي ىلگەرىلەتۋدىڭ تومەنگى شەك مىندەتى“...
”بىردە ـ ٴبىر ادامنىڭ قاعىس قالۋىنا بولمايدى“ دەيتىن كەدەيلىكتەن ارىلتۋدان قامال الۋ شايقاسىنان ”كولەمدى قايتا كەدەيلەسۋدەن، كەدەيلەسۋدەن ساقتانۋ“ جەتىستىكتەرىن قورعاۋ شايقاسىنا دەيىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تەرەڭ حالىقتىق سۇيىسپەنشىلىگى ىشكەرىلەي ايگىلەنىپ، كەدەيلىككە قارسى اتتانۋدىڭ جۇڭگوشا نازارياسى مەن امالياتى قالىپتاستى ٴارى بايىدى.
بۇل ۇزاق ۋاقىت ۇزدىكسىز قاجىماي كۇش سالاتىن ستراتەگيالىق تاباندىلىق −
بۇكىل ەل بويىنشا كەدەيلىكتەن ارىلتۋدا گانسۋعا، گانسۋدىڭ كەدەيلىكتەن ارىلۋىندا لينشياعا قاراۋ كەرەك.
2023 ـ جىلى 12 ـ ايدىڭ 18 ـ كۇنى لينشيا وبلىسى جيشىشان اۋدانىندا 6.2 بال جەر سىلكىنىسى تۋىلىپ، اۋىر ٴولىم ـ ٴجىتىم جانە مال ـ مۇلىك شىعىنى بولدى. بۇكىل ەل حالقى قاتتى الاڭدادى، اسىرەسە، جەرگىلىكتى ورىننىڭ كولەمدى قايتا كەدەيلەسۋدەن، كەدەيلەسۋدەن ساقتانۋدىڭ تومەنگى شەگىن ساقتاي الاتىن ـ المايتىندىعىن ويلاپ ۋايىمدادى.
ۋاقىتپەن جارىسا مەكەندى قايتا قۇرىپ، قايتا كەدەيلەسۋدەن ساقتانۋدى قاداعالاۋ ”جاسىل ارناسىن“ دەرەۋ اشىپ، وتباسى سايىن ”ٴبىر وتباسىنا ٴبىر شارا“ بويىنشا كومەكتەسۋ ـ سۇيەمەلدەۋ جوسپارىن جاسادى... بۇكىل ەل بويىنشا جوعارىدان تومەنگە دەيىن جۇدىرىقتاي جۇمىلىپ، قيراندىلار اراسىنان تەز ارادا ٴۇمىت لاۋلادى.
بۇگىنگى تاڭدا جيشىشاندى ارالاساڭىز، مەيلى شوعىرلى ورنالاستىرۋ تۇيىندەرىندەگى شىت جاڭا الەۋمەتتىك اۋماق بولسىن، الدە بۇرىنعى ورنىندا قايتا قۇرىلعان كورىكتى اۋىل ـ قىستاق بولسىن، بارلىق جەردەن بۇقارانىڭ باقىت كۇلكىسىن كورۋگە بولادى، قايتا كەدەيلەسۋدەن، كەدەيلەسۋدەن ساقتانۋدىڭ بەرىك تومەنگى شەگى ولاردىڭ بولاشاق جونىندەگى تاماشا ارمانىن قورعاۋدا.
ىندەت، جەر سىلكىنىسى، سەل ـ تاسقىن... ٴتۇرلى حاۋىپ ـ قاتەرلەردى، سىن ـ سايىستاردى باستان وتكەرسە دە قايتا كەدەيلەسۋدەن، كەدەيلەسۋدەن ساقتانۋدىڭ ”قۇرىش قورعانى“ قۇلامادى، مىزعىماي ساقتالدى!جيشىشاننىڭ وزگەرىسى ٴدال جۇڭگونىڭ كەدەيلىكتى ازايتۋ كەرەمەتىن نەلىكتەن جاراتا العاندىعىنىڭ جاندى جاۋابى سانالادى.
پارتيا باسشىلىعىنا تاباندى بولۋ، حالىقتى وزەك ەتكەن دامۋ يدەياسىنا تاباندى بولۋ، ەلىمىز سوتسياليستىك ٴتۇزىمىنىڭ كۇشتى شوعىرلاندىرىپ، ٴىرى ٴىس تىندىراتىن ساياسي ارتىقشىلىعىن ساۋلەلەندىرۋگە تاباندى بولۋ، كەدەيلەردى دالمە ـ ٴدال سۇيەمەلدەۋ جالپى جوباسىنا تاباندى بولۋ، قالىڭ كەدەي بۇقارانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋعا تاباندى بولۋ، ٴبىر جاعادان باس، ٴبىر جەڭنەن قول شىعارىپ، ىنتىماقتاسا ٴوزارا كومەكتەسۋ تاماشا ٴمورالىن اسقاقتاتۋعا تاباندى بولۋ، شىندىققا جۇگىنىپ ناقتى ٴىس تىندىرۋعا، شىنداپ كىرىسىپ قيىن تۇيىندەرگە سايىس جاريالاۋعا تاباندى بولۋ كەرەك.
5 جىلدىڭ الدىندا باس شۋجي شي جينپيڭ قورىتىندىلاعان ”جەتىگە تاباندى بولۋ“ كەدەيلىكتى ازايتۋدىڭ جۇڭگوشا جولى جونىندەگى ىشكەرىلەي ٴتۇسىندىرۋ بولىپ تابىلادى ٴارى ٴبىزدىڭ ۇزدىكسىز كۇرەس جۇرگىزۋىمىزگە يدەيالىق جەتەكشىلىك ازىرلەدى.
ستراتەگيالىق دەڭگەيدەگى جوسپارلار دا، تاكتيكالىق دەڭگەيدەگى ورنالاستىرۋلار دا بار.
وتپەلى مەزگىلدەن ورنىقتى ٴوتۋدى ساقتاۋدا ” ’ ٴتورتتى توقتاتپاۋدى‘ تياناقتاندىرىپ، قايتا كەدەيلەسۋدەن ساقتانۋدىڭ باياندى مەحانيزمىن ورناتۋدى، اقاۋسىزداندىرۋدى“ العا قويدى؛
ىندەت سياقتى فاكتورلاردىڭ ىقپالىنا توتەپ بەرۋدە ”قايتا كەدەيلەسۋدەن ساقتانۋدى قاداعالاۋ، كومەكتەسۋ ـ سۇيەمەلدەۋ مەحانيزمىنىڭ ساقتاندىرۋ، سايكەسۋ رولىن ويداعىداي ساۋلەلەندىرۋدى“ تالاپ ەتتى؛
باياندى دامۋدى جەبەۋدە ”كەدەيلىكتەن ارىلعان وڭىرلەردىڭ كاسىپ سالاسىن ۇزاق ۋاقىت جەتىلدىرۋدى جانە ونى قولداۋدى“ باسا دارىپتەدى؛
سەلبەسىپ كومەكتەسىپ ـ سۇيەمەلدەۋدى كۇشەيتۋدە ”شىعىس − باتىس بولىك ىستەستىك مەحانيزمىن كەمەلدەندىرىپ، باعىتتامالى كومەكتەسۋدى تەرەڭدەتىپ، نىسانالى كومەكتەسۋ ـ سۇيەمەلدەۋدى تەرەڭدەتۋدى“ ايقىندادى...
يدەيانىڭ ۇلى كۇشى تاۋ مەن تەڭىزدەن اسىپ، العا باسۋ جولىن نۇسقادى.
ماڭىزدى ماجىلىستەردەن ٴار رەتكى ەل ىشىندە قىزمەت تەكسەرۋگە، تەكسەرۋ ـ زەرتتەۋ جۇرگىزۋگە دەيىن، باس شۋجي شي جينپيڭنىڭ ٴبىر قىدىرۋ ماڭىزدى بايىمداۋلارى جەر ـ جەردىڭ وتپەلى مەزگىلدەگى قىزمەتتەردى ىلگەرىلەتۋىندەگى ٴتۇبىرلى بويسۇنۋ ولشەمىنە جانە كۇش قاينارىنا اينالدى.
بۇكىل ەل بويىنشا 7 ميلليوننان استام قاداعالاۋ وبيەكتىسى انىقتالىپ، ولارعا كومەك كورسەتىلىپ، سۇيەمەلدەنىپ، قايتا كەدەيلەسۋ، كەدەيلەسۋ حاۋىپ ـ قاتەرى ورنىقتى جويىلدى، كەدەيلىكتەن ارىلعان اۋداندارداعى شارۋالاردىڭ جان باسىندىق قولداعى تابىسىنىڭ ارتۋ قارقىنى بۇكىل ەلدەگى شارۋالاردىڭ ورتاشا دەڭگەيىنەن ۇزدىكسىز جوعارى بولدى، كەدەيلىكتەن ارىلعان حالىقتىڭ جۇمىس ىستەۋ، جۇمىسقا ورنالاسۋ كولەمى ٴۇرتىس 5 جىل ورنىقتى تۇردە 30 ميلليوننان استام ادام بولدى...
”جۇڭگونىڭ كەدەيلىكتەن ارىلتۋ تابىستارىن كەرەمەت دەپ ايتۋعا بولادى“. بيىل 2 ـ ايدا امەريكا حيلل پوچتا گازەتى سايتى ماقالا جاريالاپ، امەريكانىڭ ”كوزىن جويۋ سىزىعى“ قۇبىلىسى جونىندە تولعانۋمەن قاتار، جۇڭگونىڭ كەدەيلىكتەن ارىلتۋ تاجىريبەسىنىڭ حالىق تۇرمىسىن زور كولەمدە جاقسارتاتىن ٴادىس ەكەندىگى دالەلدەنگەندىگىن، امەريكانىڭ جۇڭگونىڭ تابىسقا جەتۋى بارىسىنان ۇيرەنۋگە ٴتيىس ەكەندىگىن اتاپ كورسەتتى.
8 جىلدىق قامال الۋ، 5 جىلدىق وتپەلى مەزگىلدە جۇڭگو تابىستى امالياتى ارقىلى دۇنيە جۇزىنە مىنانى ونان ارى اڭعارتتى: تامشى سۋ تاس تەسەتىن، ٴبىر جوبانى سوڭىنا دەيىن جالعاستىراتىن توزىمدىلىك، تاباندىلىق جانە كۇرەس رۋحى ارقىلى كەدەيلىكتى جەڭىپ قانا قويماي، ونان دا ماڭىزدىسى، ونىڭ جولىن كەسۋگە، قايتا تۋىلۋىنا جول بەرمەۋگە بولادى.
دامۋ نەگىزىن بەكەمدەدى −
”كاسىپ سالاسىن گۇلدەندىرۋ − اۋىل ـ قىستاقتى گۇلدەندىرۋدەگى ەڭ ماڭىزدى ٴتۇيىن“
2025 ـ جىلى 11 ـ ايدا گۋاڭدۇڭ ولكەسى مەيجوۋ قالاسى مەيشيان رايونى يانياڭ قالاشىعى نانفۋ قىستاعىندا ساپ ـ سارى تسيترۋس بۇتاقتاردا سامسىپ، حوش ٴيىس اڭقيدى.
گۋاڭدۇڭدا قىزمەت تەكسەرۋ، تەكسەرۋ ـ زەرتتەۋ جۇرگىزىپ جاتقان باس شۋجي شي جينپيڭ تسيترۋس ورمانىنا بارىپ، اۋىلداستارمەن ىقىلاسپەن اڭگىمەلەسىپ، ”اۋىل ـ قىستاقتىڭ ەرەكشەلىككە يە كاسىپ سالاسىن دامىتۋ − اۋىل ـ قىستاقتىڭ جاپپاي گۇلدەنۋىن ىلگەرىلەتۋدىڭ نەگىزى“ دەپ اتاپ كورسەتىپ، كاسىپ سالاسى تىزبەگىن ۇزدىكسىز ۇزارتىپ، قوسىمشا قۇندى ارتتىرىپ، اناعۇرلىم كوپ شارۋالار قاۋىمىن كىرىستەرىن ارتتىرۋعا، بايۋعا جەتەكتەۋدى تالاپ ەتتى.
بۇل كورىنىس مىنانى ەسكە ٴتۇسىردى: 2013 ـ جىلى 11 ـ ايدا باس شۋجي شي جينپيڭ حۋناندا قىزمەت تەكسەرگەندە شياڭشي وبلىسى فىڭحۋاڭ اۋدانى چاڭپۋتاڭ قىستاعىنا كەلىپ، قىستاقتىڭ كەدەيلەردى سۇيەمەلدەۋ، وركەندەتۋ جانە ەرەكشەلىككە يە كاسىپ سالاسىنىڭ دامۋى جاعدايىن ۇعىستى. ۇزىننان ـ ۇزاققا سوزىلعان تسيترۋس ورمانى ىشىندە باس شۋجي قىستاق تۇرعىندارىنا كومەكتەسىپ ەكى تال تسيترۋس ٴۇزدى.
سول كەزدە كەدەيلىكتەن ارىلتۋعا جەتەكشىلىك ەتتى؛ قازىر گۇلدەنۋدى جوسپارلادى. 10 نەشە جىلدا 2 رەت تسيترۋس ورمانىن تەكسەرىپ كوردى، ”اۋىل شارۋاشىلىعى، اۋىل ـ قىستاق، شارۋالار“ قىزمەتىنىڭ وزەكتى تۇيىنىندە تاريحي بۇرىلىس جۇزەگە استى.
5 جىلدىق ”بەكەمدەۋ“، ”كەڭەيتۋ“، ”ۇشتاستىرۋ“، كولەمدى قايتا كەدەيلەسۋدەن، كەدەيلەسۋدەن ساقتانۋدىڭ تومەنگى شەگىن مىقتاپ ساقتاۋمەن بىرگە، اۋىل ـ قىستاقتى جاپپاي گۇلدەندىرۋ سىندى وسى شاحمات تاسىن قالاي جاقسى ٴجۇرۋ كەرەك؟
باس شۋجي شي جينپيڭ تەرەڭ تولعانىپ بىلاي دەدى: ”اۋىل ـ قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، ٴسوز جوق، جوعارى دەڭگەيدە جوبالاۋدى كۇشەيتىپ، اناعۇرلىم پارمەندى شارامەن اناعۇرلىم قۋاتتى كۇش ۇيىستىرىپ ىلگەرىلەتۋ كەرەك“.
كەدەيلىكتەن ارىلتۋدان قامال الۋدان اۋىل ـ قىستاقتى جاپپاي گۇلدەندىرۋگە دەيىن، جەرگىلىكتى جاعدايعا قاراي كاسىپ سالاسىن دامىتۋدىڭ ٴبارى شەشۋشى تەتىك.
”كاسىپ سالاسىن گۇلدەندىرۋ − اۋىل ـ قىستاقتى گۇلدەندىرۋدەگى ەڭ ماڭىزدى ٴتۇيىن ٴارى ٴىس جۇزىندىك قىزمەتتىڭ كىرىسۋ ٴتۇيىنى.“ 2022 ـ جىلعى ورتالىقتىڭ اۋىل ـ قىستاق قىزمەتى ماجىلىسىندە باس شۋجي شي جينپيڭ وسىلاي دەپ باسا دارىپتەدى.
5 جىلدىق وتپەلى مەزگىلدە باس شۋجي تالاي رەت تاۋ ـ دالاعا، اتىز باسىنا بارىپ، اۋىل ـ قىستاقتىڭ ەرەكشەلىككە يە كاسىپ سالاسىنىڭ دامىپ زورايۋىنا ايقىن بەتالىس نۇسقادى:
گۋاڭدۇڭنىڭ ماۋميڭىندا ليجى باعىنا كەلىپ، ” ’جەرگىلىكتى ەرەكشە ونىمدەر‘ ىستەرىن كۇش سالا ويداعىداي ىستەپ، كاسىپ سالاسىن گۇلدەندىرۋ ارقىلى اۋىل ـ قىستاقتىڭ جاپپاي گۇلدەنۋىن جەبەۋدى“ تاپسىردى؛
شاندۇڭ زاۋجۋاڭدا انار ەگىمشىلىگى باقشاسىندا قىزمەت تەكسەرىپ، ”ماركانى ويداعىداي تۇلعالاپ، ساپانى ٴوسىرىپ كاسىپ سالاسى تىزبەگىن ۇزارتۋدى“ العا قويدى؛
گانسۋدىڭ تيانشۇي مايجي رايونى نانشان حۋانيۋ الما بازاسىنا بارىپ، ”تۇقىمدى قورعاۋدى جانە جەتىلدىرۋدى كۇشەيتىپ، ەگىمشىلىك ٴتاسىلىن ساپالىلاندىرىپ، ٴوندىرۋ ـ ساتۋ ۇلگىسىندە جاڭالىق اشۋعا“ جىگەرلەندىردى؛
...
ٴار قىستاقتىڭ بەينەسى سان الۋان بولعان جاراتىلىستىق شارت ـ جاعدايى مەن عۇرىپ ـ ادەتى اۋىل ـ قىستاق كاسىپ سالاسىنىڭ ٴوز ارتىقشىلىقتارىن ايگىلەپ، وزىنە ۇيلەسەتىن گۇلدەنۋ جولىمەن ٴجۇرۋىن بەلگىلەدى.
فۋجياننىڭ بايتاق دالاسىندا كەڭ جازىقتا كۇرىش تولقىن اتىپ، تاۋ ورمانىندا شاي مەن جەمىس ـ جيدەكتەردىڭ حوش ٴيىسى اڭقىپ، تەڭىزدە بالىق اۋلايتىندار قايشالىسادى...
2024 ـ جىلى 10 ـ ايدا باس شۋجي شي جينپيڭ فۋجيان ولكەسى جاڭجوۋداعى اۋجياۋ قىستاعىنا كەلدى. ٴبىرتالاي تەڭىز ٴونىمىنىڭ ساۋداسى كۇسەت بولىپ، قىستاق تۇرعىندارىنىڭ كىرىسىنىڭ ۇزدىكسىز ارتقانىن بىلگەن سوڭ، باس شۋجي قىستاق دارەجەلى پارتيا ۇيىمىنا باستاماشىلدىق رولىن ساۋلەلەندىرىپ، اۋىلداستاردى باستاپ ”تەڭىز“ ٴىسىن ويداعىداي تىندىرۋدى تاپسىردى.
كەزىندە جالاڭ اۋشىلىققا عانا سۇيەنگەن اۋجياۋ قىستاعى قازىر تەڭىزدى بەتكە الا كوركەيىپ، تەڭىز ـ مۇحيتتا بالىق اۋلاۋ، تەڭىز سۋى باعىمشىلىعى، تەڭىز ونىمدەرىن وڭدەۋ، تەڭىز ونىمدەرى ەلەكتروندى ساۋداسى جانە اۋىل ـ قىستاق ساياحاتى سىندى 5 ۇلكەن جەتەكشى كاسىپ سالاسىن دامىتىپ، كوك تەڭىز، كۇمىس قايراڭدى بۇقارانىڭ ”باعالى بايلىعىنا“ اينالدىردى.
تاۋداعىلار تاۋدىڭ يگىلىگىن كورىپ، تاۋدىڭ جاعدايىنا سايكەسە ىستەۋى، تەڭىز جاعالاعاندار تەڭىزدىڭ يگىلىگىن كورىپ، تەڭىزدىڭ جاعدايىنا سايكەسە ىستەۋى كەرەك. ٴوز ارتىقشىلىقتارىن ساۋلەلەندىرگەن ەرەكشەلىككە يە كاسىپ سالاسىنىڭ استارىندا اۋىل ـ قىستاقتى جاپپاي گۇلدەندىرۋدىڭ نىق قادامى جاتىر، وندا باس شۋجيدىڭ باستان ـ اياق جالعاسقان جەتەكشىلىگى، ىلگەرىلەتۋى قامتىلعان.
كەدەيلەردى دالمە ـ ٴدال سۇيەمەلدەۋ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ اسىلى بولعانىنداي، دالمە ـ ٴدال بولۋ كاسىپ سالاسىن گۇلدەندىرۋ ٴۇشىن دە توتەنشە ماڭىزدى. ”اۋىل ـ قىستاقتى گۇلدەندىرۋدە جەرگىلىكتى جاعدايعا قاراي حالىقتى بايىتاتىن كاسىپ سالالارىن تاڭداۋ شەشۋشى تەتىك سانالادى“. باس شۋجي شي جينپيڭ وسىلاي دەپ اتاپ كورسەتتى.
كاسىپ سالاسى ارقىلى كومەكتەسۋ ـ سۇيەمەلدەۋ ساياساتىن دالمە ـ ٴدال تياناقتاندىردى −
5 جىلدان بەرى، كەدەيلىكتەن ارىلعان 832 اۋداننىڭ بارىندە باسىمدىققا يە، ەرەكشەلىگى كورنەكتى، جەتەكتەۋ قۋاتى كۇشتى 3 − 2 جەتەكشى كاسىپ سالاسى جەتىلدىرىلىپ جانە قالىپتاسىپ، جالپى ٴونىم قۇنى ٴبىر تريلليون 700 ميلليارد يۋاننان استى.
5 جىلدان بەرى، ورتالىق قازىنانىڭ ۇشتاستىرۋ قارجىسىنىڭ كاسىپ سالاسىن دامىتۋعا جۇمسالعان جالپى ۇلەس سالىستىرماسى %60تەن استى، كەدەيلىكتەن ارىلعان 832 اۋداننىڭ ”14 ـ بەسجىلدىقتاعى“ ەرەكشەلىككە يە كاسىپ سالاسىن دامىتۋ جوباسىن جاساۋىنا، اتقارۋىنا جەتەكشىلىك ەتىلدى، كومەكتەسۋ ـ سۇيەمەلدەۋ كاسىپ سالاسىنىڭ ساپاسىن جوعارىلاتىپ ونىمدىلىگىن ارتتىرۋ، تۇتاس تىزبەك بويىنشا وركەندەتۋ تۇرگە ٴبولىنىپ ىلگەرىلەتىلدى.
شارۋالار مەن كاسىپ سالاسىنىڭ مۇددەسىن ۇشتاستىرۋ مەحانيزمىن دالمە ـ ٴدال قالىپتاستىردى −
اۋىل ـ قىستاق كاسىپ سالاسىن دامىتۋدا شارۋالاردىڭ جۇمىس ىستەپ اقشا تابۋىنا مۇمكىندىك جاساۋ كەرەك. ”شارۋالارمەن بىرلەسۋ، شارۋالاردى جەتەكتەۋ مەحانيزمىن كەمەلدەندىرۋدە كاسىپ سالاسىنىڭ ارتقان قۇن پايداسىن شارۋالارعا كوبىرەك قالدىرۋعا ٴمان بەرىپ، شارۋالاردىڭ ’التىن اپكىش‘ كوتەرۋىنە مۇمكىندىك جاساۋ كەرەك“. باس شۋجي شي جينپيڭنىڭ ٴسوزى ادامدى مەيىرگە بولەدى.
بۇكىل ەلگە كوز جىبەرسەك، كىشكەنتاي اعاش ساڭىراۋقۇلاعى ۇلكەن كاسىپ سالاسىنا، كىشكەنتاي كۇرەڭكەي ”بايۋ گۇلىنە“ اينالدى... وڭتۇستىكتەن سولتۇستىككە، شىعىستان باتىسقا دەيىن، ”جەرگىلىكتى ەرەكشە ونىمدەر“ اۋىلداستاردىڭ كىرىسىن ارتتىرىپ بايۋداعى ماڭىزدى قوزعالتقىشىنا اينالىپ، اۋىلداستاردىڭ كوتەرگەن ”التىن اپكىشى“ بارعان سايىن ورنىقتى بولدى.
”جەرگىلىكتى ەرەكشە ٴونىم“ سىندى كەلەلى ٴىستى ۇزدىكسىز ويداعىداي ىستەسەك، كاسىپ سالاسى گۇلدەنگەن، شارۋالار بايىعان، اۋىل ـ قىستاق كوركەيگەن اسەرلى كارتينا، ٴسوز جوق، كەڭ بايتاق دالادا ۇزدىكسىز جايىلادى.
بولاشاقتىڭ تاعانىن بەكەمدەدى −
”اۋىل ـ قىستاقتى گۇلدەندىرۋدىڭ كوركەم جوباسىن رەالدىققا اينالدىرۋ كەرەك“
1 ـ ايداعى حۋنان ولكەسى شياڭشي قالاسىنىڭ شىبادۇڭ قىستاعىندا اۋا رايى بىرتىندەپ جىلىنىپ، قىستاق ايرىقشا دۋمانعا بولەندى.
قايتا كەدەيلەسۋدەن، كەدەيلەسۋدەن ساقتانۋ بويىنشا قاداعالاۋ، كومەكتەسۋ ـ سۇيەمەلدەۋدى ۇدايىلاندىرا ورىستەتۋ؛ نەگىزدىك قۇرىلعىلاردى جانە ”قارتتارعا، بالالارعا“ قىزمەت وتەۋدى كەمەلدەندىرۋ؛ كەدەيلىكتى ازايتۋدىڭ حالىقارالىق اۋىس ـ كۇيىس بازاسىن ناقتى جۇرگىزىپ، جاستار مەن ورەندەردىڭ زەرتتەۋ ـ ۇيرەنۋ ساباقحاناسىن كەڭەيتۋ... وسى بىرنەشە كۇندە شىبادۇڭ قىستاعىنىڭ قىستاقتا تۇراتىن ٴبىرىنشى شۋجيى لۋ چۇنتاۋ قىستاق تۇرعىندارىمەن بيىلعى اۋىل ـ قىستاقتى جاپپاي گۇلدەندىرۋ جوباسىن اقىلداسۋمەن قاربالاس بولدى.
2013 ـ جىلى باس شۋجي شي جينپيڭ وسى ارادا ”كەدەيلەردى دالمە ـ ٴدال سۇيەمەلدەۋ“ ماڭىزدى ۇستانىمىن تۇڭعىش رەت العا قويدى. جۇڭگوداعى باسقا كەدەي قىستاقتار سياقتى، شەتكەرى تاۋ اڭعارىندا جاتقان، ٴبىر مەزەت مەشەۋ قالعان وسى مياۋزۋ قىستاعىنىڭ تاعدىرى وسىدان باستاپ وزگەردى. 10 نەشە جىلدان كەيىن، وسى قىستاق اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتۋگە قاراي ۇزدىكسىز قادام تاستادى.
”ٴبىز باس شۋجي شي جينپيڭنىڭ تالابى بويىنشا، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، ۇدايىلانعان كومەكتەسۋ ـ سۇيەمەلدەۋدى اۋىل ـ قىستاقتى گۇلدەندىرۋ ستراتەگياسىنا ەنگىزىپ ٴبىر تۇتاس جوسپارلاپ اتقارىپ، كولەمدى قايتا كەدەيلەسۋ، كەدەيلەسۋ تۋىلماۋ تومەنگى شەگىن بەرىك ساقتاپ، اۋىل ـ قىستاقتىڭ جاپپاي گۇلدەنۋ نەگىزىن بەكەمدەيمىز“، ـ دەدى لۋ چۇنتاۋ.
اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەپ، اۋىل ـ قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋ جۇڭگو ۇلگىسىندەگى وسىزامانداندىرۋ جالپى جاعدايىنا سايادى.
2022 ـ جىلى 10 ـ ايدا پارتيا 20 ـ قۇرىلتايى جابىلعاننان كەيىن، باس شۋجي شي جينپيڭ تۇڭعىش رەت سىرتقا شىعىپ قىزمەت تەكسەرگەندە، شانشيدىڭ يان ـ انىنا، حىناننىڭ ان ـ ياڭىنا بارىپ، اۋىل ـ قىستاقتى گۇلدەندىرۋ جاعدايىن كوزدەن كەشىرىپ، جول بويى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا قايتكەندە اۋىل شارۋاشىلىعىندا قۋاتتى ەل قۇرۋدى جەدەلدەتۋگە، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن ىلگەرىلەتۋگە بولاتىندىعى جايلى تولعاندى.
”اۋىل شارۋاشىلىعىندا قۋاتتى ەل قۇرۋدا قازىرگى تاڭدا اۋىل ـ قىستاقتى گۇلدەندىرۋدى ويداعىداي يگەرۋ كەرەك“. سول جىلدىڭ سوڭىندا وتكىزىلگەن ورتالىقتىڭ اۋىل ـ قىستاق قىزمەتى ماجىلىسىندە باس شۋجي شي جينپيڭ اۋىل شارۋاشىلىعىندا قۋاتتى ەل قۇرۋدى جەدەلدەتۋدى ارقاۋ ەتە ستراتەگيالىق ورنالاستىرۋ جاساپ، اۋىل ـ قىستاقتىڭ گۇلدەنۋىن جاپپاي ىلگەرىلەتۋدە «اناعۇرلىم جاپالى، اۋىر مىندەت ٴالى الدا، استە بوساڭسىپ كىدىرۋگە بولمايدى، ارنا اۋىستىرۋعا ٴتىپتى بولمايدى»، ـ دەپ اتاپ كورسەتتى.
2026 ـ جىل − ”15 ـ بەسجىلدىقتىڭ“ باستاما جىلى. اۋىل شارۋاشىلىعىن، اۋىل ـ قىستاقتى وسىزامانداندىرۋدى كوزدە ۇستاپ، ”15 ـ بەسجىلدىق“ جوبا ۇسىنىسىندا الداعى 5 جىلدا اۋىل ـ قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋدىڭ ايبىندى جوباسى جاسالدى.
نەگىزدى تاباندىلىقپەن بەكەمدەپ، كولەمدى قايتا كەدەيلەسۋ، كەدەيلەسۋ تۋىلماۋ تومەنگى شەگىن ۇزاق ۋاقىت بەرىك ساقتاۋعا شىنايى كەپىلدىك ەتۋ كەرەك −
2025 ـ جىلى 12 ـ ايدا اشىلعان ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ بىلاي دەپ اتاپ كورسەتتى: ”كەدەيلىكتەن ارىلتۋدان قامال الۋ جەڭىسكە جەتكەننەن كەيىن ٴبىر وتپەلى مەزگىل بار، ول بيىل اياقتالدى، ٴبىراق اياقتالۋ مىندەت كۇشىنەن قالدى دەگەنگە ۋاكىلدىك ەتپەيدى. ٴالى دە اۋىل شارۋاشىلىعى، اۋىل ـ قىستاق، شارۋالار قىزمەتىن ەڭ ماڭىزدى ٴتۇيىن ەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ۇشتاستىرۋدى ويداعىداي يگەرۋ؛ اۋىل ـ قىستاقتى گۇلدەندىرۋ، اۋىل شارۋاشىلىعى، اۋىل ـ قىستاق، شارۋالار قىزمەتىنىڭ دامۋىن ٴالى دە جۇڭگو ۇلگىسىندەگى وسىزامانداندىرۋدىڭ تاعانى ەتۋ كەرەك“.
”15 ـ بەسجىلدىق“ مەزگىلى وتپەلى مەزگىل اياقتاعاننان كەيىن، ۇدايىلانعان كومەكتەسۋ ـ سۇيەمەلدەۋگە قاراي وتۋدەگى جاڭا كەزەڭ ەسەپتەلەدى. بيىل ورتالىقتىڭ 1 ـ ٴنومىرلى حۇجاتىندا ۇدايىلانعان دالمە ـ ٴدال كومەكتەسۋ ـ سۇيەمەلدەۋدى اتقارۋ جونىندە تۇڭعىش رەت جۇيەلى ورنالاستىرۋ جاسالدى.
تاكلاماكان ٴشولىنىڭ وڭتۇستىك جيەگىندەگى شينجياڭ كەريا اۋدانى ارال اۋىلى ارال قىستاعىندا تۇراتىن ٴبىرىنشى شۋجي چىن گاڭ تاڭەرتەڭ ەرتە حالىق جاعدايى قولدانباسىن الىپ، قىستاق تۇرعىندارىنىڭ ۇيىنە بارىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن مۇقيات ەستەلىككە الدى.
”مەرەكە ـ مەيرام كەزدەرىندە، كۇندەلىكتى تۇرمىستا قيىنشىلىققا جولىققاندا كوبىرەك بايلانىس جاساعاندا عانا ەرتە بايقاۋدى، ەرتە ارالاسۋدى، ەرتە كومەكتەسىپ ـ سۇيەمەلدەۋدى شىنايى ىسكە اسىرىپ، كولەمدى قايتا كەدەيلەسۋ، كەدەيلەسۋ تۋىلماۋ تومەنگى شەگىن مىقتاپ ساقتاۋعا بولادى“، ـ دەدى ول.
اۋىل ـ قىستاقتىڭ بايتاق دالاسىنا كوز جىبەرسەك، شينجياڭنىڭ قۇبا تۇزدەگى اۋىل ـ قىستاقتارىنان گۇيجوۋدىڭ تاۋ قويناۋىنا دەيىن، چيڭحايدىڭ جايلاۋلارىنان يۇنناننىڭ شەكارا قىستاقتارىنا دەيىن، ۇدايىلانعان كومەكتەسۋ ـ سۇيەمەلدەۋ امالياتى تامىر تارتىپ، وركەن جايۋدا. جەر ـ جەر ٴىس جۇزىندىك جاعدايدى تياناق ەتىپ، دالمە ـ ٴدال كۇش سالىپ، باياندى كومەكتەسۋ ـ سۇيەمەلدەۋ جولى جونىندە ىزدەنىس جاساپ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانا دامۋىن ىلگەرىلەتتى، جاڭا ٴۇمىت بايتاق دالادا ۇزدىكسىز لاۋلادى.
جوعارى ساپالى دامۋدان بۇلجىماي، اۋىل ـ قىستاقتى جاپپاي گۇلدەندىرۋدىڭ تىڭ ىلگەرىلەۋشىلىككە قول جەتكىزۋىن ىلگەرىلەتتى −
جۇڭگو ۇلگىسىندەگى وسىزامانداندىرۋدى ىلگەرىلەتۋدە ولقىلىق اۋىل شارۋاشىلىعىندا، اۋىل ـ قىستاقتا، كومەسكى كۇش تە اۋىل شارۋاشىلىعىندا، اۋىل ـ قىستاقتا.
لياۋنيڭدە ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسى“ تاجىريبەسىن ۇيرەنىپ، قولدانىپ، ٴىس جۇزىندىك جاعدايمەن بىرلەستىرىپ ەگجەي ـ تەگجەيلىلەندىرە، ناقتىلاندىرا كىرىسىپ، ۇزدىكسىز قاجىماي كۇش سالۋعا تاباندى بولۋدى باسا دارىپتەدى؛
جيليندە ”وسىزاماندانعان ٴىرى اۋىل شارۋاشىلىعىن دامىتۋدى نەگىزگى قامال الۋ باعىتى ەتىپ“، عىلىم ـ تەحنولوگيالىق اۋىل شارۋاشىلىعىن، جاسىل اۋىل شارۋاشىلىعىن، ساپالى اۋىل شارۋاشىلىعىن، ايگىلى ماركالى اۋىل شارۋاشىلىعىن ٴبىر تۇتاس جوسپارلاپ دامىتۋدى باسا دارىپتەدى؛
حىناندا قالا مەن اۋىلدىڭ توعىسپالى دامۋى ارقىلى اۋىل ـ قىستاقتى جاپپاي گۇلدەندىرۋگە جەتەكشىلىك ەتىپ، قالا مەن اۋىلدىڭ بىرگە بايۋىن جەبەۋدى باسا دارىپتەدى...
باس شۋجي شي جينپيڭ نۇسقاعان باعىتپەن جەر ـ جەر، تاراۋلار 5 دارەجەلى شۋجيلەردىڭ اۋىل ـ قىستاقتى گۇلدەندىرۋدى يگەرۋىنە تاباندى بولىپ، ٴتۇرلى ساياساتتاردىڭ ٴتارتىپتى تياناقتانۋىن ىلگەرىلەتتى، اۋىل شارۋاشىلىعى اناعۇرلىم قۋاتتى، اۋىل ـ قىستاق اناعۇرلىم كوركەم، شارۋالار اناعۇرلىم باي اۋىل ـ قىستاقتى گۇلدەندىرۋدىڭ جاڭا كارتيناسى بىرتىندەپ جايىلدى.
”پارتيا ورتالىق كوميتەتى اۋىل شارۋاشىلىعى، اۋىل ـ قىستاق، شارۋالار قىزمەتىنە ايرىقشا ٴمان بەرەدى، ٴسوز جوق، شىنايى، پارمەندى ساياسات ـ شارالار قولدانىپ، بۇقارانىڭ ٴجىتى قاداعالاپ وتىرعان ماسەلەلەرى مەن قاجەتىنە جاۋاپ قايتارىپ، اۋىل ـ قىستاقتى گۇلدەندىرۋدىڭ تاماشا جوباسىن رەالدىققا اينالدىرادى“. باس شۋجي شي جينپيڭنىڭ ۋادەسى اسقاق بولدى.
وتكەنگە قايىرىلا قاراساق، ٴبىز جۇڭحۋا ۇلتىن نەشە مىڭ جىل مازالاپ كەلگەن مۇلدە كەدەيلىك ماسەلەسىن شەشۋ جاعىندا ۇلى تاريحي تابىستارعا قول جەتكىزدىك.
بولاشاققا كوز جىبەرسەك، ٴبىز جاپپاي سوتسياليستىك وسىزاماندانعان مەملەكەت قۇرۋ سىندى تاريحي ۇلى ارمان جولىندا قۇلشىنا كۇرەس جۇرگىزۋدەمىز.
ساپار الىس، ماقساتقا تەك كۇرەسپەن جەتەمىز.
باس شۋجي شي جينپيڭنىڭ جەتەكشىلىگىندە، ميلليارد حالىق نىسانانى كوزدەپ، تىڭعىلىقتى ىستەسە، بولاشاقتا كەڭ ـ بايتاق اۋىل ـ قىستاق دالاسىندا تىرشىلىك تىنىسى، ٴسوز جوق، اناعۇرلىم جالىن اتىپ، اۋىلداستاردىڭ تۇرمىسى، ٴسوز جوق، اناعۇرلىم شالقيدى، جۇڭگو ۇلگىسىندەگى وسىزامانداندىرۋدىڭ كوركەم بولاشاعى ادامدى العا تالپىندىرادى.
(تىلشىلەر حان جيە، حۋ لۋ، گۋ يپيڭ، حان جيانو)
(شينحۋا اگەنتتىگىنىڭ 2 ـ ايدىڭ 27 ـ كۇنى بەيجيڭنەن بەرگەن حابارى)
