− پارتيا ورتالىق كوميتەتى دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن باستاۋدى ورنالاستىردى
□ شينحۋا اگەنتتىگىنىڭ ٴتىلشىسى \ شيۇڭ فىڭ
”ٴىس جۇزىندىكتى شىعار ٴتۇيىن ەتۋگە، قاعيدا بويىنشا ٴىس بىتىرۋگە تاباندى بولىپ، سانالى تۇردە حالىق ٴۇشىن ناتيجە شىعارۋ، ناقتى ىستەۋ ارقىلى ناتيجە شىعارۋ كەرەك“.
”15 ـ بەسجىلدىق“ باستالىپ، قادام تاستالعان شەشۋشى تۇيىندە باس شۋجي شي جينپيڭ ۇندەۋ تاستاپ، قالىڭ پارتيا مۇشەلەرى مەن كادرلاردى دۇرىس ناتيجە كوزقاراسىن ونان ارى ورناتىپ جانە امالياتتا ايگىلەپ، ٴداۋىر ۇمىتىنەن شىعا الاتىن تىڭ ناتيجە جاراتۋعا قۇلشىنۋعا جىگەرلەندىردى.
جاقىندا جۇڭگو كوممۋنيستىك پارتياسى ورتالىق كوميتەتى كەڭسەسى بۇكىل پارتيادا دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتۋ جونىندە حابارلاندىرۋ باسىپ تاراتتى. ۇيرەنۋ تاربيەسىندە اۋدان، باسقارما دارەجەلىدەن جوعارى باسشىلىق القالار مەن باسشى كادرلار، اسىرەسە، ”ٴبىرىنشى باسشى“ ٴتۇيىن ەتىلەدى، 2026 ـ جىلعى كوكتەم مەرەكەسى دەمالىسىنان كەيىن باستالادى، 7 ـ ايدىڭ سوڭىندا نەگىزىنەن اياقتايدى.
پارتيا ورتالىق كوميتەتىنىڭ ورنالاستىرۋىنا ساي، وڭىرلەر، تاراۋلار، ورىندار دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن باستاپ، قالىڭ پارتيا مۇشەلەرى مەن كادرلاردى حالىق ٴۇشىن ناقتى ىستەپ، ٴورىس اشا العا ىلگەرىلەپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجەلەرمەن جۇڭگو ۇلگىسىندەگى وسىزامانداندىرۋدىڭ جاڭا جاعدايىن قۇلشىنا ۇزدىكسىز اشۋعا جەتەكتەدى.
جول باستاپ، باعدار بەلگىلەدى −
باس شۋجي شي جينپيڭنىڭ ماڭىزدى بايىمداۋى ۇيرەنۋ تاربيەسىن ورىستەتۋگە دۇرىس بەتالىستى ايقىن نۇسقادى
بەيجيڭ كىتاپ سارايىنىڭ 1 ـ قاباتىنداعى ۇلكەن زالدىڭ ىشىندە «شي جينپيڭنىڭ دۇرىس ناتيجە كوزقاراسىن ورناتۋ جانە امالياتتا ايگىلەۋ جونىندەگى بايىمداۋلارىنان ۇزىندىلەر» كورنەۋ ورىنعا قويىلىپ، وقىرمانداردى ايالداپ وقۋعا باۋرادى.
بۇل كىتاپقا شي جينپيڭ جولداستىڭ دۇرىس ناتيجە كوزقاراسىن ورناتۋ جانە امالياتتا ايگىلەۋدى ارقاۋ ەتىپ جاريالاعان ٴبىر قىدىرۋ ماڭىزدى بايىمداۋلارى جۇيەلى تۇردە ەنگىزىلگەن، ٴمانى زور، مازمۇنى باي، يدەياسى تەرەڭ بولىپ، بۇكىل پارتيانىڭ يدەيالىق نەگىزدى بەكەمدەپ، امالياتتىق تالاپتى يگەرۋىنە قۇزىرلى وقۋلىق ازىرلەدى. باسپادان شىعىپ تاراتىلعاننان كەيىن، تەز ارادا ۇيرەنۋ ورلەۋىن قوزعادى.
يدەيا − ارەكەتتىڭ جەتەكشىسى، نازاريا − امالياتتىڭ باعدارناماسى.
”بارلىق جوبادا شىندىقتى ٴىس جۇزىنەن ىزدەپ، ناقتى، ساپالى ارتۋعا تالپىنىپ، جوعارى ساپالى، باياندى دامۋدى ىلگەرىلەتۋ كەرەكتىگىن“ باسا دارىپتەدى؛
”ٴىس جۇزىندىكتى شىعار ٴتۇيىن ەتۋگە، قاعيدا بويىنشا ٴىس بىتىرۋگە تاباندى بولىپ، سانالى تۇردە حالىق ٴۇشىن ناتيجە شىعارۋ، ناقتى ىستەۋ ارقىلى ناتيجە شىعارۋ كەرەكتىگىن“ العا قويدى؛
”ناتيجە كوزقاراسى ماسەلەسى − ٴتۇبىرلى سيپاتتى ماسەلە، جالپى ٴۇشىن پارتيا قۇرۋعا، حالىق ٴۇشىن بيلىك جۇرگىزۋگە سايادى“ دەپ ايقىندادى...
وسى مەزگىلدە ورتالىقتىڭ ەكونوميكالىق قىزمەت ماجىلىسىنەن ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنا دەيىن، ونان كوكتەم مەرەكەسىن توپتىق قۇتتىقتاۋ ماجىلىسىنە دەيىن، باس شۋجي شي جينپيڭ كوپتەگەن ورىنداردا دۇرىس ناتيجە كوزقاراسىن ورناتۋدى جانە امالياتتا ايگىلەۋدى باسا دارىپتەپ، بۇكىل پارتياعا جوعارىدان تومەنگە دەيىن العا باسۋ بەتالىسىن ايقىن كورسەتتى.
2 ـ ايدىڭ 9 ـ كۇنىنەن 10 ـ كۇنىنە دەيىن، ەگىنشىلىك كالەندارى بويىنشا كوكتەم مەرەكەسى قارساڭىندا، باس شۋجي شي جينپيڭ بەيجيڭدە قىزمەت تەكسەرىپ، جەدەل جولداما جەتكىزۋشىلەردەن شىنايى حال سۇراپ، يىنليڭ قارتتار جاتاقحاناسىندا قارتتاردىڭ تۇرمىس جاعدايىن ەگجەي ـ تەگجەيلى ۇعىسىپ، كوكتەم مەرەكەسى بازارىنا بارىپ بۇقارامەن بىرگە ”كىشى جاڭا جىلدى وتكىزىپ، جاڭا جىلدى قارسى الدى“، شارشاپ ـ شالدىققانىنا قاراماي تەكسەرۋدە بولىپ، حال ـ جاي ۇعىسىپ، ٴىس جۇزىندىك ارەكەتى ارقىلى دۇرىس ناتيجە كوزقاراسىنىڭ وزەكتى ٴمانىن ٴتۇسىندىردى.
باس شۋجي شي جينپيڭنىڭ باستاۋىندا، بۇكىل پارتيا يدەيالىق نەگىزدى بەكەمدەپ، ارەكەت رولىن دۇرىستادى، ۇيرەنۋ تاربيەسى ارقىلى دۇنيەگە كوزقاراستىڭ، ومىرگە كوزقاراستىڭ، قۇن كوزقاراسىنىڭ ”باس تيەگىن“ ونان ارى مىقتى بۇراپ، ناتيجە شىعارۋعا، شىنايى ناتيجە شىعارۋعا قۇلشىندى.
جوعارىداعىلار تومەندەگىلەرگە باستاماشى بولدى −
پارتيا ورتالىق كوميتەتى ۇيرەنۋ تاربيەسىن ىلگەرىلەتۋدى ورنالاستىرىپ، جوعارى مەن تومەننىڭ بىرلەسىپ قيمىلداۋىنىڭ قۋاتتى بىرىككەن كۇشىن ۇيىستىردى
2 ـ ايدىڭ 24 ـ كۇنى كوكتەم مەرەكەسى دەمالىسىنان كەيىنگى تۇڭعىش قىزمەت كۇنىندە ورتالىقتىڭ پارتيا قۇرىلىسى قىزمەتى باسشىلىق گرۋپپاسى ٴماجىلىس اشىپ، باس شۋجي شي جينپيڭنىڭ دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى جونىندەگى ماڭىزدى ٴسوزى مەن ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى قىزمەتىن اقىلداستى، ورنالاستىردى.
دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتۋ − بيىلعى پارتيا قۇرىلىسىنىڭ ماڭىزدى مىندەتى. پارتيا ورتالىق كوميتەتى ٴبىر تۇتاس جوسپارلاپ، جان ـ جاقتى ورنالاستىرىپ، قاتاڭ تالاپ قويىپ، ۇيرەنۋ تاربيەسىنىڭ جوعارى باستامادا باستالۋىنا، جوعارى ولشەمدە ىلگەرىلەتىلۋىنە شىنايى كەپىلدىك ەتتى.
وڭىرلەر، تاراۋلار جەدەل جەتكىزىپ، ۇيرەنىپ، باتىل دايەكتىلەندىرىپ، تياناقتاندىرىپ، ۇيرەنۋ تاربيەسىن ورىستەتۋدى ”ەكىنى تۇراقتاندىرۋدى“ تاباندىلىقپەن قولداۋدىڭ، ”ەكىنى قورعاۋدى“ باتىل ورىنداۋدىڭ ٴىس جۇزىندىك ارەكەتى ەتۋگە تاباندى بولدى. ٴار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرشىلىكتى شىنايى ارقالاپ، ”ٴبىرىنشى باسشى“ ٴبىرىنشى جاۋاپتى ادام بولۋ جاۋاپكەرشىلىگىن اتقارىپ، ٴوز باسىنان ونەگە كورسەتىپ، جوعارىداعىلار تومەندەگىلەرگە باستاماشى بولىپ، ۇيرەنۋ تاربيەسىندە ساتىلار بويىنشا قىسىم جەتكىزىپ، دارەجە بويىنشا جاۋاپكەرشىلىكتى نىعايتۋدى ىلگەرىلەتىپ، باستان ـ اياق دايەكتى تياناقتاندىردى.
”نازاردى نەگىزگى تاقىرىپقا شوعىرلاندىرۋعا، ىقشام دا ناقتى بولۋعا تاباندى بولىپ، توپ ـ رەتكە، كەزەڭگە بولمەي، ۇيرەنۋ، زەرتتەۋ ـ تالقىلاۋ، ماسەلەلەردى تەكسەرىپ ورتاعا سالۋ، رەتتەۋ ـ تۇزەتۋ، رەتتەۋ ـ جونگە سالۋ، ەرەجە ـ ٴتۇزىم ورناتۋ، اشىق تاربيە سياقتى قىزمەت ورنالاستىرۋلارىن مۇقيات تياناقتاندىرۋ كەرەك“.
حابارلاندىرۋدا ۇيرەنۋ تاربيەسىن ورىستەتۋ جونىندە ايقىن تالاپتار قويىلىپ، ”جالپى ٴۇشىن پارتيا قۇرۋدى، حالىقتى باقىتقا كەنەلتۋدى، عىلمي شەشىم جاساۋدى، شىنايى يگەرىپ ناقتى ىستەۋدى باس تالاپ ەتىپ، ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتۋدى تۇتقا ەتۋ كەرەكتىگى“ باسا دارىپتەلىپ، پارتيا مۇشەلەرى مەن كادرلاردىڭ ناتيجە كوزقاراسىنداعى اۋىتقۋدان ٴونىمدى ساقتانىپ جانە ونى تۇزەتىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتۋگە جەتەكشىلىك ەتىلدى.
جەر ـ الەم قانشا كەڭ بولعانىمەن، حالىق قانا مەملەكەتتىڭ ٴتۇبىرلى نەگىزى. حالىقتى باقىتقا كەنەلتۋ − ەڭ ۇلكەن ناتيجە.
پارتيا ورتالىق كوميتەتىنىڭ تالابىنا ساي، بۇكىل پارتيا جوعارىدان تومەنگە دەيىن حالىقتى وزەك ەتكەن دامۋ يدەياسىن بەرىك ورناتىپ، ۇيرەنۋ تاربيەسىندە ماسەلەلەردى تەكسەرىپ ورتاعا قويۋدا بۇقارانىڭ پىكىرىن تىڭداۋعا، رەتتەۋ ـ تۇزەتۋ، رەتتەۋ ـ جونگە سالۋدا بۇقارانىڭ باقىلاۋىن قابىلداۋعا، ناتيجەنى تەكسەرۋدە بۇقارانىڭ باعالاۋىن قابىلداۋعا تاباندى بولىپ، بۇقارا ٴۇشىن ناقتى ىستەردى كوبىرەك ىستەپ، بۇقارانىڭ سەزىپ ـ بىلۋىنە مۇمكىندىك جاسادى.
قايراتتانا العا ۇمتىلدى −
باستاما اشىپ قادام تاستاۋدا ناقتى ىستەپ ۇزدىك بولۋعا ۇمتىلىپ، جاڭا ستيل، دۇرىس سالت ورناتتى
ەڭبەكشىلدىڭ كوكتەمى ەرتە كەلەدى، تاسقىنداعان قايراتپەن العا ىلگەرىلەۋدىڭ ٴدال شاعى!
جاساۋ كاسىبى مەن قىزمەت وتەۋ كاسىبىنىڭ سايكەستى دامۋىن كوزدەپ، اتوي دابىلىن قاقتى؛ مەملەكەتتىڭ جوعارى دەڭگەيدەگى عىلىم ـ تەحنولوگياداعى ٴوز كۇشىنە سۇيەنۋ، ٴوزىن الۋەتتەندىرۋىنە اناعۇرلىم جوعارى ولشەممەن دەم بەرۋدى باسا دارىپتەدى؛ ”كورنەكتى جاقسارتۋ، تۇبىرىنەن جاقسارتۋ، ەڭ تاماشا ماداق“ ارقىلى شارۋاشىلىق ـ ساۋدا ورتاسى قۇرىلىسىنىڭ نىساناسىن بەلگىلەدى... كوكتەم مەرەكەسىنەن كەيىنگى جەر ـ جەردىڭ ”كوكتەم مەرەكەسىندەگى ٴبىرىنشى ٴماجىلىسى“ زەيىن ـ زەردەنى جيناپ، كۇش ـ قۋاتتى ۇيىستىرىپ، ناقتى ىستەرمەن باستاما اشىپ، پارتيا مۇشەلەرى مەن كادرلاردىڭ دۇرىس ناتيجە كوزقاراسىن جوعارى ساپالى دامۋدى ىلگەرىلەتۋدىڭ ناقتى ارەكەتىنە اينالدىرۋىن تالاپ ەتتى.
پارتيا مەن بۇقارانىڭ، كادرلار مەن بۇقارانىڭ قاتىناسىنا زيان جەتكىزەتىن ايىقپاس دەرتتەردى جۇرەكتىلىكپەن قانداۋىرلاپ، بۇقارانىڭ مۇددەسىن شىنايى قورعاپ، حاۋىپسىزدىكتى، ورنىقتىلىقتى بار كۇشپەن جەبەۋدى تالاپ ەتتى؛
نازاردى اۋىل شارۋاشىلىعى، اۋىل ـ قىستاق، شارۋالار ٴتۇيىندى قىزمەتىنە شوعىرلاندىرىپ، اۋىل شارۋاشىلىعىنا ٴمان بەرۋ، اۋىل شارۋاشىلىعىن گۇلدەندىرۋ، اۋىل شارۋاشىلىعىن قۇدىرەتتەندىرۋ ايقىن بەتالىسىن جارىققا شىعارىپ، مىقتىلاردى ناقتى ناتيجە ارقىلى باعالاپ، ناقتى ونىمدىلىگى ارقىلى جاقسى ـ جامانىن بەلگىلەپ، شارۋالاردى وسىزامانداندىرۋ قۇرىلىسىنىڭ جەتىستىكتەرىنەن بىرگە يگىلىكتەندىردى؛
قابىلەت، ستيل قۇرىلىسىن تەرەڭدەتۋ قىزمەتى ٴماجىلىسىن اشىپ، كادرلاردى ٴوزىن تەجەپ، ٴوزىن تەكسەرۋگە، تۋراشىل، پاك بولۋعا تاربيەلەدى، قۋزادى، فورماشىلدىققا، تورەشىلدىككە باتىل قارسى تۇرىپ، پارتيا مەن بۇقارانىڭ، كادرلار مەن بۇقارانىڭ قاتىناسىن اناعۇرلىم نىعايتتى...
جەر ـ جەر ۇيرەنۋ تاربيەسىنىڭ باعىتتامالىلىعىن، ناقتى ونىمدىلىگىن كۇش سالا جوعارىلاتىپ، پارتيا مۇشەلەرىن، كادرلاردى جۇمىستاندىرۋ، وقۋ ـ اعارتۋ، ەمدەۋ، زەينەتكەرلىك، تۇرعىن ٴۇي سياقتى بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن ٴجىتى قاداعالاپ، حالىق تۇرمىسىنا ٴتيىمدى، حالىق جۇرەگىن جىلىتاتىن، حالىق تىلەگىنە ۇيلەسەتىن ناقتى ىستەردى، جاقسى ىستەردى قۇلشىنا كوبىرەك ىستەپ، ناتيجە ارقىلى سويلەۋگە، حالىققا باعالاتۋعا جەتەكتەدى.
تانىمدى ونان ارى تەرەڭدەتتى، ماڭىزدى تۇيىنگە نازاردى ونان ارى شوعىرلاندىردى، جاۋاپكەرشىلىكتى ونان ارى قاتايتتى.
دۇڭحاي تەڭىزى جاعالاۋىنان باتىس بولىكتەگى ىشكى قۇرلىققا دەيىن، ورگان، ورىنداردان كاسىپورىندارعا، جوعارى مەكتەپتەرگە دەيىن، ٴار رەتكى ىشكەرىلەي ۇيرەنىپ، ەگجەي ـ تەگجەيلى تۇسىنگەن زەرتتەۋ ـ تالقى، ورنالاستىرۋلار، ٴاربىر ناقتى ٴىس ىستەپ جاۋاپكەرشىلىك ارقالاۋدىڭ جاندى كورىنىستەرى بۇكىل پارتيادا جوعارىدان تومەنگە دەيىن دۇرىس ناتيجە كوزقاراسىن ورناتۋ جانە امالياتتا ايگىلەۋدىڭ جاڭا بەت ـ بەينەسىن كورسەتتى.
جاڭا جورىقتا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا ۇيرەنۋ تاربيەسىن وراي ەتىپ، دۇرىس ناتيجە كوزقاراسىن ٴىس تىندىرىپ ناتيجە شىعارۋدىڭ تۇتاس بارىسىنا، ٴار جاعىنا ساباقتاستىرۋعا تاباندى بولىپ، شىندىققا جۇگىنىپ ناقتى ٴىس ىستەپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، ”15 ـ بەسجىلدىقتىڭ“ باستاما جىلىنداعى جوعارى ساپالى دامۋدىڭ جاڭا تاراۋىن قۇلشىنا جازادى.
(شينحۋا اگەنتتىگىنىڭ 2 ـ ايدىڭ 27 ـ كۇنى بەيجيڭنەن بەرگەن حابارى)
