4 جىلدا 100دەن استام جاڭا جەتىستىك جالپىلاستىرىلدى
وسى عىلىم ـ تەحنولوگيا شاعىن اۋلاسى، شىنىمەن، كەرەمەت
انار بۇلت \ شينجياڭ گازەتىنىڭ ٴتىلشىسى جاۋ شييا 2 ـ ايدىڭ 9 ـ كۇنى ۇرىمجىدەن حابارلايدى. شينجياڭ اۋىل شارۋاشىلىعى داشۋەسىنەن ۇعىسۋىمىزشا، كەزەكتە شينجياڭ اۋىل شارۋاشىلىعى داشۋەسى بۇكىل شينجياڭدا 116 عىلىم ـ تەحنولوگيا شاعىن اۋلاسىن قۇرعان. 4 جىلدان بەرى، عىلىم ـ تەحنولوگيا شاعىن اۋلاسى جيىنى 100دەن استام جاڭا تەحنولوگيانى، جاڭا ۇلگىنى زەرتتەپ اشىپ جانە جالپىلاستىرىپ، نەشە ونداعان وزەكتى ۇلگى كورسەتۋ رايونىن قۇرىپ، وڭىرلىك كاسىپ سالاسىنىڭ دارەجەسىن جوعارىلاتۋدى جەبەۋدىڭ، اۋىل ـ قىستاقتى گۇلدەندىرۋگە قىزمەت وتەۋدىڭ وزەكتى قوزعالتقىشىنا اينالعان.
2021 ـ جىلى تۇڭعىش توپتاعى عىلىم ـ تەحنولوگيا شاعىن اۋلاسى قۇرىلعاننان بەرى، شينجياڭ اۋىل شارۋاشىلىق داشۋەسىنىڭ عىلىم ـ تەحنولوگيا شاعىن اۋلاسى تيانشان الابىندا كەڭىنەن تارالىپ، ماقتا، جەمىس ورمانى، مال شارۋاشىلىعى سياقتى ەرەكشەلىككە، باسىمدىققا يە كاسىپ سالاسىن قامتىعان نەگىزگى ٴوندىرىس ٴوڭىرىن قالىپتاستىرىپ، تەحنولوگيانىڭ شارپىعان جەر اۋدانى ٴبىر ميلليون مۋدان اسىپ، 10 مىڭ ەگىنشى ـ مالشىنى (رەت) تاربيەلەپ، ەندىك باعىتتا شەتىنە، بويلىق باعىتتا سوڭىنا جەتەتىن اۋىل شارۋاشىلىعى عىلىم ـ تەحنولوگياسىمەن قىزمەت وتەۋ تورابىن قۇردى.
اۋات اۋدانى ماقتا عىلىم ـ تەحنولوگياسى شاعىن اۋلاسى سۋلياۋ جارعاق استىندا تامشىلاتىپ سۋارۋ، سۋ مەن تىڭايتقىشتى ٴبىر تۇلعالاندىرۋ جانە ۇشقىش اپپاراتىمەن الىستان سەزۋ بويىنشا اينىمالى مولشەردە تىڭايتقىش بەرۋ تەحنولوگياسىن قولدانىپ، سۋدى، تىڭايتقىشتى %30 ۇنەمدەۋدى، تازا ماقتانىڭ مۋ باسىندىق ورتاشا ٴونىمىن 8.5 كيلوگرام ارتتىرۋدى، 3 ساپالى ماقتا تۇقىمى ٴونىمىن ورتاشا ەسەپپەن %8تەن استام ارتتىرۋدى جۇزەگە اسىردى؛ قۇلجا جۇپار ٴشوپ عىلىم ـ تەحنولوگيا شاعىن اۋلاسى جۇپار ٴشوپ جاڭا سورتىن سۇرىپتاپ جەتىلدىرۋ مەن تۇتاس كاسىپ سالاسى تىزبەگىن اشۋدى ىلگەرىلەتىپ، اۋىل ـ قىستاق ساياحاتىنىڭ توعىسۋىنا دەم بەردى؛ قۇتىبي جوڭىشقا عىلىم ـ تەحنولوگيا شاعىن اۋلاسى زەرتتەپ اشقان ”تامىر اۋماعى بويىنشا الما ـ كەزەك جەر استىنان تامشىلاتىپ سۋارۋ“ جانە ”شالشىق سۋىمەن تامشىلاتىپ سۋارۋدى ٴبىر تۇلعالاندىرۋ“ تەحنولوگياسىن زەرتتەپ اشىپ، %30 سۋ ۇنەمدەپ، ٴونىم مولشەرىن %20 ارتتىردى. تاپقىرلاعان ”ەكىنى سۋارۋ، ٴبىردى قورعاۋ“ قۇمدى جەردە ٴشوپ ەگۋ پاتەنتى تەحنولوگياسى ٴشول جيەگىندە جوڭىشقا مايساسىن ساقتاۋ مولشەرىن %40تەن %90كە جوعارىلاتتى، وڭتۇستىك شينجياڭدا ەگىلگەن جەر اۋدانى 100 مىڭ مۋدان 300 نەشە مىڭ مۋعا كەڭەيدى؛ جەمەنەي تار قىسقىش شايانى عىلىم ـ تەحنولوگيا شاعىن اۋلاسى سۋىق سۋ شايانىن جاساندى جولمەن ٴوسىرۋ قيىن بولۋ ماسەلەسىن شەشىپ، شايان ۋىلدىرىعىن جەتىلدىرۋ مولشەرىن %94.57كە جەتكىزىپ، كاسىپ سالاسى باقشاسىنىڭ جىلدىق ٴونىم قۇنىن 30 ميلليون يۋان ارتتىردى.
جەمەنەي تۇيە عىلىم ـ تەحنولوگيا شاعىن اۋلاسىنا سۇيەنىپ، شينجياڭ اۋىل شارۋاشىلىعى داشۋەسىنىڭ دوكتورانتى ما ۋانپىڭ عىلمي زەرتتەۋدەن قولدانۋعا دەيىنگى تۇتاس تىزبەك امالياتىن جۇزەگە اسىردى: دوكتورلىق ديسسەرتاتسيا جازىپ، 4SCI ديسسەرتاتسياسىن جاريالاپ، «قوس وركەشتى تۇيە ىندەتىنىڭ الدىن الۋ جانە ونى ەمدەۋ تەحنولوگياسى» ارناۋلى ماقالاسىن جازۋعا ات سالىسىپ، 2 ٴتۇرلى جەرگىلىكتى ولشەمدى باستاماشىلدىقپەن جاسادى. سونىمەن بىرگە ول ۇستازى سۋ جانچياڭ مەن گو چيڭيۇڭنىڭ جەتەكشىلىگىندە ورىنداعان ”پىسىپ ـ جەتىلگەن جولبارىس قۇيرىق شوبىمەن بوتانىڭ اۋىز قابىنۋىنان ساقتانۋ جانە ونى ەمدەۋ مىسالى“ اۆتونوميالى رايوننىڭ مىسالدار قامباسىنا تاڭدالىپ ٴارى مال شارۋاشىلىق رايوندارىندا جالپىلاستىرىلىپ، مالشىلاردىڭ كوپ جىلدان بەرگى قيىن ماسەلەسىن ٴونىمدى شەشتى. ”عىلىم ـ تەحنولوگيا شاعىن اۋلاسى مەنىڭ عىلمي ماقالامدى، شىنىمەن، مال فەرماسىندا جازۋىما مۇمكىندىك جاسادى“، ـ دەدى ول.
شينجياڭ اۋىل شارۋاشىلىعى داشۋەسىنىڭ وقىتۋشى ـ وقۋشىلارى ۇزاق ۋاقىت قىستاقتا، تۇيىندە تۇرىپ، ”وتىرىپ دياگنوز قويۋدى“ ”ارالاپ دياگنوز قويۋعا“ وزگەرتىپ، اتىز باسىنداعى ساباقحانا، شارۋالار كەشكى مەكتەبى سياقتى تاسىلدەر ارقىلى عىلىم ـ تەحنولوگيانى جالپىلاستىرۋدىڭ ”سوڭعى ٴبىر كيلومەترىن“ تۇتاستىردى. كوپ جەر ”عىلىم ـ تەحنولوگيا شاعىن اۋلاسى + سەلبەستىك كووپەراتيۆى + شارۋا وتباسى“، ”عىلىم ـ تەحنولوگيا شاعىن اۋلاسى + باستاماشى كاسىپورىن + بازا“ سياقتى ۇلگىلەر جونىندە ىزدەنىس جاساپ، كەدەيلىكتەن ارىلتۋدان قامال الۋ جەتىستىكتەرى مەن اۋىل ـ قىستاقتى گۇلدەندىرۋدى ٴونىمدى ۇشتاستىردى. قازىر 6 شاعىن اۋلا جۇڭگو اۋىل ـ قىستاق كاسىپتىك تەحنولوگيالىق قوعامىنىڭ ”مەملەكەتتىك ەڭ كوركەم عىلىم ـ تەحنولوگيا شاعىن اۋلاسى“ بولىپ باعالاندى، بىرەۋى مەملەكەتتىك ”تاڭداۋلى عىلىم ـ تەحنولوگيا شاعىن اۋلاسى قىزمەت مىسالى“ قاتارىنا تاڭدالدى.
شينجياڭ اۋىل شارۋاشىلىق داشۋەسى پارتكومىنىڭ شۋجيى شيە شۋچيڭ مىنالاردى ٴبىلدىردى: مەكتەپ عىلىم ـ تەحنولوگيا شاعىن اۋلاسى قۇرىلىسىن ۇزدىكسىز تەرەڭدەتىپ، اۋىل ـ قىستاقتى گۇلدەندىرۋدى جاپپاي ىلگەرىلەتۋگە، اۋىل شارۋاشىلىعىندا قۋاتتى رايون قۇرۋدى جەدەلدەتۋگە مىعىم كۇش قوسادى.
