شينحۋا اگەنتتىگىنىڭ 3 - ايدىڭ 1 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەت كەڭسەسى «”1 - شىلدە وردەنىنە“ ەسىمىن كورسەتۋ جانە مەملەكەتتىك ”ەكى تاڭداۋلى، ءبىر وزات“ كانديداتتارىن كورسەتۋ قىزمەتىن ويداعىداي ىستەۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىنەدى) باسىپ تاراتتى. «حابارلاندىرۋدا» مىنالار اتاپ كورسەتىلدى: پارتيا ورتالىق كوميتەتى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى قارساڭىندا جۇڭگو كوممۋنيستىك پارتياسى ورتالىق كوميتەتى اتىنان ”1 - شىلدە وردەنىن“ تاراتىپ، مەملەكەتتىك تاڭداۋلى كوممۋنيستىك پارتيا مۇشەلەرىن، مەملەكەتتىك تاڭداۋلى پارتيا ىستەرى قىزمەتكەرلەرىن جانە مەملەكەتتىك وزات نەگىزگى ساتى پارتيا ۇيىمدارىن ماداقتاپ - سيلاۋدى ۇيعاردى.
«حابارلاندىرۋدا» مىنالار تالاپ ەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايى مەن 20 - كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋلارىن مۇقيات تياناقتاندىرىپ، ”1 - شىلدە وردەنىن“ باعالاۋ، تاراتۋ جانە مەملەكەتتىك ”ەكى تاڭداۋلى، ءبىر وزاتتاردى“ باعالاۋ، ماداقتاۋ - سيلاۋ قىزمەتىن تىڭعىلىقتى ويداعىداي ىستەپ، ەڭبەك سىڭىرگەن ۇلگىلەر مەن وزات تيپتەردىڭ رۋحاني كەلبەتىن تولىق ايگىلەپ، قالىڭ پارتيا ۇيىمدارى مەن پارتيا مۇشەلەرىنىڭ ءار شەپتە، ءار سالادا، ءتۇرلى قىزمەتتەردە قول جەتكىزگەن سۇبەلى تابىستارىن تولىق ايگىلەۋ؛ سەنىمدى بەكەمدەۋ، باس ماقساتتى امالياتتا ايگىلەۋ، ايانباي ۇلەس قوسۋ، پاك، كوپشىل بولۋ سىندى وسكەلەڭ قاسيەت پەن وسكەلەڭ رۋحتى بارىنشا اسقاقتاتىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىن ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باتىلدىقپەن جاۋاپكەرشىلىك ارقالاپ، ەرلىكپەن ۇزدىكتىككە ۇمتىلۋعا تاربيەلەپ جانە جەتەكتەپ، بۇكىل پارتيادا، بۇكىل قوعامدا وزاتتاردى قاستەرلەيتىن، جاقسىدان ءتالىم الۋعا تالپىناتىن قويۋ راي قالىپتاسۋىن ىلگەرىلەتىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ءتۇرلى نىسانالارى مەن مىندەتتەرىن ءساتتى ورىنداپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جاعدايىن ۇزدىكسىز اشۋ جولىندا بىرگە كۇرەس جۇرگىزۋ كەرەك.
«حابارلاندىرۋدا» ”1 - شىلدە وردەنىنە“ ەسىمىن كورسەتۋ جانە مەملەكەتتىك ”ەكى تاڭداۋلى، ءبىر وزاتتىققا“ كورسەتۋ سانى، شارتى جانە ءادىسى ايقىندالدى. ەسىم كورسەتكەن ورىنداردان (كورسەتكەن ورىن) ۇيىمدىق باسشىلىقتى كۇشەيتىپ، جاۋاپكەرشىلىك ارقالاۋدى كۇشەيتىپ، دەن قويا ۇيىمداستىرىپ اتقارۋ؛ پارتيا ىشىندەگى قاتىستى زاڭ - ەرەجەلەردە بەلگىلەنگەن ولشەمگە، شارتقا جانە تارتىپكە قاتاڭ نەگىزدەلىپ پارتكومنىڭ (پارتيا باسشىلىق گرۋپپاسى) باسشىلىق جانە وتكەلدى يگەرۋ رولىن شىنايى ساۋلەلەندىرۋ؛ ساياسي ولشەمدى ماڭداي الدى ورىنعا قويۋعا تاباندى بولىپ، ەسىمى كورسەتىلگەندەر مەن كورسەتىلگەن وبيەكتىلەردىڭ ۇنەمىلىك بەينەسىن جاپپاي تەكسەرىپ، ءىس جۇزىندىك ۇلەسىن، بۇقارانىڭ مويىنداۋىن باعالاۋ ولشەمى ەتۋ؛ دەموكراتيانى تولىق ساۋلەلەندىرىپ، ءار جاقتىڭ پىكىرىن كەڭىنەن تىڭداپ، العاباسارلىق سيپاتىن، ۋاكىلدىك سيپاتىن، داۋىرلىك سيپاتىن تولىق ايگىلەۋ تالاپ ەتىلدى.
