مەرەكەدەن كەيىن ءوندىرىس قاربالاس بولدى، ناقتى ىستەۋ ارقىلى جاڭا كورىنىس كەسكىندەلدى
□ انار بۇلت \ شينجياڭ گازەتىنىڭ تىلشىلەرى
باقشا رايونىنداعى كاسىپورىنداردا ماشينالار گۇرىلدەپ تاپسىرىستى قاۋىرت ورىنداسا، شەكارا وتكەلىندەگى جۇك اۆتوموبيلدەرى كەدەننەن ءوتۋ قاربالاستىعىنا ءتۇستى، ەگىنجايلاردا كوكتەمگى سۋارۋ، كوكتەمگى بۇتاۋ جاپپاي باستالسا، جىلىجايلاردا كوشەتتەر ءوسىرىلىپ، جەمىس - كوكونىستەر تەرىلىپ جاسىل لەپ ەستى... كوكتەم مەرەكەسى دەمالىسى وتكەننەن كەيىن تيانشان الابىنىڭ بارلىق جەرىندە كوكتەمدى ەرتە كۇتىپ العان، ناقتى ىستەپ، جاڭا ساپار باستاعان دۋماندى جاعداي جارىققا شىقتى.
تۇتاس تىزبەك بويىنشا قىزمەت وتەدى
جاڭاشا شارۋالار ”جاڭاشا اۋىل شارۋاشىلىعى جۇمىستارىن“ ارقالادى
”قازىر تەمپەراتۋرا جوعارىلاپ، جازدىق ءبيداي ەگەتىن ۋاقىت جەتتى. ءبىز تۇقىم، تىڭايتقىش، تامشىلاتىپ سۋارۋ تۇتىكشەلەرىن الدىن الا تولىق دايىنداپ قويدىق، تەحنيكتەر جۇمىس باسىنا كەلىپ، قالاي تىڭايتقىش بەرىپ ەگىن ەككەندە جازدىق ءبيدايدىڭ ءونىم مولشەرىن اناعۇرلىم جوعارىلاتۋعا بولاتىندىعى جونىندە جەتەكشىلىك ەتتى. 2 - ايدىڭ 26 - كۇنى حوشۇت اۋدانىنداعى شينجياڭ چيڭيۋان اۋىل شارۋاشىلىعىن دامىتۋ شەكتى سەرىكتەستىگىنىڭ جوعارى ولشەمدى ەگىنجايىندا ەگىمشىلىك وتباسى ياڭ باۋشي بەيدوۋ جول نۇسقاۋ جۇيەسىن ورناتقان ۇلكەن ات كۇشىندىك تۇقىم سەبۋ ماشيناسىمەن جازدىق ءبيداي ەگىپ جاتىر ەكەن، بيىلعى استىقتان مول ءونىم الۋعا تولىق سەنىمدى.
بيىل حوشۇت اۋدانى 25 مىڭ مۋدان استام جەرگە جازدىق ءبيداي ەگۋدى جوسپارلادى، كوكتەم مەرەكەسى دەمالىسىنان كەيىن تۇقىم ءسىڭىرۋ قىزمەتى باستالدى، اۋداندىق اۋىل شارۋاشىلىق تاراۋلارى شارۋا وتباسىلارىنا بەيدوۋ جول نۇسقاۋ جۇيەسىندىك تۇقىم سەبۋ تەحنولوگياسىن جالپى بەتتىك جالپىلاستىرىپ، تۇقىم ءسىڭىرۋ ساپاسىن اناعۇرلىم جوعارىلاتتى. اۋىل - قىستاققا تامىر تارتقان جاڭاشا شارۋالار قاتار ارالىعى 5. 10 سانتيمەترلىك جاڭا تۇرپاتتى ءبيداي تۇقىمىن سەبۋ ماشيناسى ارقىلى تۇقىم سەبۋ، قاتار ارالىعىن 40 سانتيمەترلىك تامشىلاتىپ سۋارۋ تۇتىكشەسىن سايكەستى قولدانۋ تەحنولوگياسىن تەز ارادا يگەردى، وسىلاي ىستەگەندە اتىزداعى اۋا الماستىرۋ، جارىق وتكىزۋ شارت - جاعدايىن ءونىمدى جاقسارتىپ، سۋارۋدىڭ ءتىپتى دە بىركەلكى بولۋىنا شىنايى كەپىلدىك ەتىپ، ءبيدايدى ءوسۋ - جەتىلۋ مەزگىلىندە جەتكىلىكتى جارىقپەن جانە سۋمەن قامداۋعا بولادى.
سول كۇنى لوپنۇر اۋدانىنداعى شينجياڭ شىفاڭ جيۋساۋ جۇڭي ءدارى ءشوپ ەگۋ شەكتى سەرىكتەستىگىنىڭ قىزىل ميا ەگىمشىلىك بازاسىندا ءىرى تۇرپاتتى قازۋ ماشينالارى گۇرىلدەپ توپىراق قاباتىن تەرەڭ جىرتىپ، پىسقان قىزىل ميانىڭ تامىرىن قازىپ شىقتى، جۇمىسكەرلەر ىلەسە ءجۇرىپ تەز ارادا تەرۋ، ىرىكتەۋ، توپىراعىن ارىلتۋ، بايلاۋ سياقتى قىزمەتتەر ىستەدى، تاسىمال اۆتوموبيلدەرى قايشالىسىپ، جاڭا قىزىل ميا تامىرىن كاسىپورىننىڭ وڭدەۋ سەحىنا جەتكىزدى.
وسى سەرىكتەستىكتىڭ جاۋاپتىسى جاۋ زىلۇڭ بىلاي دەدى: ”بيىل ءبىز ماشينالاسقان جۇمىس دەڭگەيىن اناعۇرلىم جوعارىلاتىپ، وڭدەۋ تەحنولوگياسىن ۇزدىكسىز ساپالىلاندىرىپ، قىزىل ميا ونىمدەرىنىڭ ساپاسىن ۇزدىكسىز جوعارىلاتىپ، جۇڭي ءدارى ءشوپ كاسىپ سالاسىنىڭ ساپاسىن ءوسىرىپ ونىمدىلىگىن ارتتىرۋدى ىلگەرىلەتەمىز“.
شينجياڭ حۇڭچيپو ەگىن، مال شارۋاشىلىعىنا قارجى قوسۋ، دامىتۋ توبى شەكتى جاۋاپكەرشىلىك سەرىكتەستىگىنىڭ جەمىس باعىندا ورمان شارۋاشىلىعى تەحنيكتەرى جەمىس ەگەتىن ديقاندارعا قالامشا وتىرعىزۋ، كونە اعاشتاردى وزگەرتۋ، بۇتاۋ، تەلۋ، كوكتەمگى سۋارۋ، تىڭايتقىش بەرۋ سياقتى تەحنولوگيالىق قىزمەت وتەدى. بيىل وسى سەرىكتەستىك ”بيڭتاڭشيننىڭ“ وزەكتى ساپاسىن ساقتاۋ نەگىزىندە ”جاڭا تەحنولوگيا، جاڭا تۇقىم، جاڭا ۇلگى، جاڭا مەحانيزم، جاڭا بەينە“ ۇستانىمىمەن كاسىپ سالاسى وزگەرىسىن ىلگەرىلەتىپ، كونە جەمىس باعىن جاڭالاۋدى، وزگەرتىپ قۇرۋدى جەدەلدەتىپ، ”حۇڭچيپو“ ماركاسىنىڭ بۇكىل ەلدەگى، اۋەلى، حالىقارالىق بازارداعى تانىمالدىلىعى مەن يەلەۋ مولشەرىن زور كۇشپەن جوعارىلاتادى.
”جىل ەسەبى كوكتەمدە. ءبىز ۋاقىتپەن جارىسىپ، اقسۋدىڭ بيڭتاڭشين الماسى سياقتى اۋىل شارۋاشىلىعى ونىمدەرىن ساتۋدا تاپسىرىسقا، بازارعا تالاسىپ، جەمىس ورمانى ەگىمشىلىگىن باسقارۋ، مال شارۋاشىلىعىندا ءتول الۋ، ءتولدى قاتارعا قوسۋ سياقتى جاقتاردا ەگىس ۋاقىتىن كوزدەپ، ورايدى الدىمەن يگەرۋىمىز كەرەك“، - دەدى 2 - ايدىڭ 26 - كۇنى شينجياڭ حۇڭچيپو ەگىن، مال شارۋاشىلىعىنا قارجى قوسۋ، دامىتۋ توبى شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى ۋاڭ ۋىنبين.
تولىق كوتەرىمدىلىكپەن جۇمىس جۇرگىزدى
العاشقى ماۋسىمدا ءساتتى باستاما اشتى
”15 - بەسجىلدىقتىڭ“باستاما جىلىندا ءبىرىنشى ماۋسىمداعى ءوندىرىستى مىقتى ۇستاۋ توتەنشە ماڭىزدى. ءۇش تاۋ، ەكى ويپاتتىڭ اراسىنداعى مەرۋەرتتەي قالا - قالاشىقتار مەن ونەركاسىپ باقشا رايوندارىندا ءتۇرلى كاسىپورىندار قاۋىرت ءوندىرىس جۇرگىزىپ، العاشقى ماۋسىمدا ”ءساتتى باستاما“ اشۋعا قۇلشىندى.
كوكتەم كەلىسىمەن شينجياڭداعى تۇڭعىش ونەركاسىپ ءونىم قۇنى 100 ميلليارد يۋاننان اسقان اشۋ رايونى − شينجياڭ جۇندۇڭ ەكونوميكالىق - تەحنولوگيالىق اشۋ رايونىندا شينجياڭ گى - ىنسى كرەمني كاسىبى عىلىم - تەحنولوگيا شەكتى سەرىكتەستىگى كەسىكتى بۇيىم بازارىنىڭ تۇراقتى ورنالاستىرىلۋىنا جانە ساپالى ورگانيكالى كرەمني قاريدارلار بايلىعىنا سۇيەنىپ، تاپسىرىس جەتكىلىكتى بولدى. ءونىمنىڭ ۋاعىندا ءساتتى تاپسىرىلۋىنا كەپىلدىك ەتۋ ءۇشىن، سەرىكتەستىك كوكتەم مەرەكەسى دەمالىسىندا ءوندىرىستى توقتاتپادى، مەرەكەدەن كەيىن دەمالاتىن جۇمىسشى - قىزمەتكەرلەر تۇگەلدەي قىزمەت ورنىنا كەلىپ، تولىق ءونىم الۋعا كەپىلدىك ەتتى. وسى سەرىكتەستىكتىڭ باس ديرەكتورى چىن شاۋميڭ تانىستىرىپ بىلاي دەدى: بيىل 1 - ماۋسىمدا مەجەمەن 48 مىڭ توننا كرەمني كەسەگىن ءوندىرىپ، سايكەس مەزگىلدەگىدەن ％10 ارتتىرىپ، ءوندىرىس قۋاتىن جارىققا شىعارۋ ارقىلى اشۋ رايونىنىڭ ءساتتى باستامانى جۇزەگە اسىرۋىنا دەم بەرەمىز.
جۇندۇڭ اشۋ رايونى تيانلين اليۋمين كاسىبى جاساۋ شەكتى سەرىكتەستىگىنىڭ اليۋمين تاياقشاسىن قۇيۋ سەحىندا جۇمىسشىلار كەزەكتەسىپ جۇمىس ىستەپ، ءوندىرىس جەلىسى جوعارى ونىمدىلىكپەن جۇمىس جۇرگىزدى. ”قازىر تاپسىرىس جىل سوڭىنا دەيىن ءتىزىلىپ بولدى. كوكتەم مەرەكەسى دەمالىسىندا كاسىپورىننان 80 قىزمەتكەر قىزمەت ورىندارىنان تاپجىلماي، تاپسىرۋعا بار كۇشپەن كەپىلدىك ەتتى“، - دەدى سەرىكتەستىكتىڭ ورىنباسار باس ديرەكتورى ۋ دۇڭچياڭ.
ساۋان قالاسىنداعى شينجياڭ حۇڭجي زەردەلى اۋىل شارۋاشىلىق ماشينالارى جابدىقتارىن جاساۋ شەكتى سەرىكتەستىگىنىڭ ءوندىرىس سەحىندا ماشينالار گۇرىلدەپ، دانەكەرلەۋدەن وت ۇشقىندارى شاشىراپ، جۇمىسشىلار قاربالاس، ءتارتىپتى تۇردە دانەكەرلەۋ، قۇراستىرۋ، سىناۋ جۇمىستارىن جۇرگىزىپ جاتتى. وسى سەرىكتەستىكتىڭ ءوندىرىس زاۆودىنىڭ باستىعى ياڭ سۇڭجيە بىلاي دەپ تانىستىردى: 2025 - جىلدىڭ سوڭىندا سەرىكتەستىك قازاقستاننان كوپتەگەن ماشينا جانە جابدىق تاپسىرىسىن قابىلدادى، قازىر بارلىق ءوندىرىس جەلىسى تولىق جۇمىس جۇرگىزۋدە.
2 - ايدىڭ 26 - كۇنى قارامايلى قالاسى ورقى رايونىندا ىزعارلى جەل سۇيەكتەن ءوتىپ، قار ۇشقىندادى، قارامايلى قالاسى فۋچىڭ ەنەرگيا توبى شەكتى سەرىكتەستىگى مايلى قۇم كەنى ءوندىرىس الاڭىنان قىزۋ ەڭبەك دۋمانى مەن مۇندالايدى. كورسەتكىش اسپاپ مەڭگەرۋ بولمەسىنىڭ ەكرانىندا ءتۇرلى ءوندىرىس ساندى مالىمەتتەرى ءدال ۋاقىتىندا وزگەرىپ تۇردى؛ SAGD ۇڭعىما گرۋپپاسىنىڭ جانىندا شارلاپ تەكسەرۋشىلەر قالىڭ قاردى ومبىلاپ ءجۇر؛ ءبىر جاقتى ەتۋ پۋنكتىندە جابدىقتاردىڭ داۋىسى ەكپىندەي ىلگەرىلەۋدىڭ سيمفونياسىن اسقاقتاتتى...
”كوكتەم مەرەكەسى كەزىندە ءبىز دەمالمادىق“، 69 جۇپ SAGD ۇڭعىما گرۋپپاسى ورنىقتى جۇمىس جۇرگىزدى، قازىر كۇنىنە 430 توننا مۇناي ءوندىرىلىپ، ءونىم مولشەرى ارتۋ كۇيىن ساقتادى“. سەرىكتەستىكتىڭ ورىنباسار باس ديرەكتورى ليۋ تۇڭحۇي بىلاي دەدى: بيىل سەرىكتەستىك تەحنولوگيادا قامال الۋ مەن سەلبەستىكتى ۇزدىكسىز كۇشەيتىپ، ءوندىرىس قۋاتى قۇرىلىسىن جەدەلدەتىپ، 200 مىڭ توننا مۇناي، مايلى قۇم ءونىم مولشەرى جىلدىق نىساناسىن بار كۇشپەن جۇزەگە اسىرىپ، قارامايلى قالاسىنىڭ ەنەرگيا كاسىبىنىڭ جوعارى ساپالى دامۋىنا ۇلەس قوسادى.
ناقتى ىستەپ، جاڭا تاراۋ جازۋدا
جۇمىستى قالپىنا كەلتىرۋدىڭ ”جينالۋ دابىلىن“ قاقتى
كوكتەم مەرەكەسى دەمالىسى وتكەننەن كەيىن، شينجياڭداعى ءار سالا، ءار كاسىپ جۇمىستى قالپىنا كەلتىرۋدىڭ ”جينالۋ دابىلىن“ قاعىپ، ”مەرەكەلىك كۇيدەن“ دەرەۋ ”ءوندىرىس ۇلگىسىنە“ اۋىستى.
2 - ايدىڭ 24 - كۇنى تۇرپان قالاسى ءتۇيىندى قىزمەتتەردى ىلگەرىلەتۋ ءماجىلىسىن اشىپ، بۇكىل قالاداعىلاردى ”شينجياڭنىڭ العاشقى كوكتەمى · تۇرپاندا گۇل اشىلدى“ جاڭا تانىمىمەن جانە ”تەبىندەگەن جاڭا كۇش، باسىپ وزىپ شارىقتاۋ“ جاڭا بەينەسىمەن الداعى كوكتەمدەگى ءتۇيىندى قىزمەتتەردى جاپپاي ىلگەرىلەتۋگە جۇمىلدىردى؛ 2 - ايدىڭ 25 - كۇنى حوتان ايماعىندا 1 - توقسانداعى نىسانداردىڭ باستالۋى، جۇمىستى قالپىنا كەلتىرۋى ءارقايسى اۋدان، قالادا جاپپاي باستالدى، 380 نىساننىڭ جۇمىسى باستالدى، قالپىنا كەلتىرىلدى، بۇعان جالپى 85 ميلليارد 758 ميلليون يۋان قارجى قوسىلدى؛ كوكتەم مەرەكەسى دەمالىسىنان كەيىنگى العاشقى قىزمەت كۇنىندە قاشقار ايماعىنداعى كاسىپورىندار ”ءوندىرىس ۇلگىسىنە“ جەدەل ءوتىپ، العاشقى ماۋسىمداعى جۇمىستىڭ ءساتتى باستالۋىنا كۇش سالدى... پامير ۇستىرتىندەگى تورعات شەكارا وتكەلىندە زات اينالىمى كاسىپورىندارى جۇمىستى، ءوندىرىستى جاپپاي قالپىنا كەلتىرىپ، كەدەننەن ءوتۋ جۇمىسى قاۋىرت ءجۇرىلىپ جاتتى. 2 - ايدىڭ 26 - كۇنى شينجياڭ ينو حالىقارالىق زات اينالىمى شەكتى سەرىكتەستىگى تاسىمالداۋعا جاۋاپتى بولعان 100دەن استام ەكسپورت تاۋار اۆتوكولىگى كەدەننەن ءوتۋ راسمياتىن ءساتتى ءبىتىرىپ، قىرعىزستانعا جول الدى. بيىل جىل باسىنان بەرى، وسى شەكارا وتكەلىنەن ەكسپورت ەتىلگەن تاۋار اۆتوموبيل 2700دەن استى.
قاراستى اۋماقتاعى سىرتقى ساۋدا - زات اينالىمى كاسىپورىندارىنىڭ جۇمىستى جوعارى ونىمدىلىكپەن قالپىنا كەلتىرۋىنە، ىركىلىسسىز جۇمىس جۇرگىزۋىنە دەم بەرۋ ءۇشىن، شينجياڭ شەكارادان كىرىپ - شىعۋ شەكارا قورعانىس تەكسەرۋ باس پۋنكتى تورعات شەكارادان كىرىپ - شىعۋ شەكارا قورعانىس تەكسەرۋ پۋنكتى ”14 × 7 ساعات“ سىندى كەدەننەن ءوتۋ ۇلگىسى ارقىلى كەدەننەن ءوتۋ ءتارتىبىن ساپالىلاندىرىپ، زات اينالىمى اۆتوكولىكتەرىن جانە بىرگە كەلگەن ادامداردى كەلگەن زاماندا تەكسەرىپ، تەكسەرۋ بۋىندارىن ىقشامداپ، تەكسەرۋ ۋاقىتىن قىسقارتىپ، شەكارا اتتاعان زات اينالىمى ساۋداسىنىڭ ۇزدىكسىز ورلەۋىنە دەم بەردى.
2 - ايدىڭ 25 - كۇنى تاڭەرتەڭ، ماشينا ءۇنى تورسىلداق داۋىسىنا قوسىلىپ ءپىشان اۋدانىنداعى G30 ليانيۇنگاڭ − قورعاس جوعارى قارقىندى تاس جولىندا جاڭعىردى... جۇڭگو تەمىر جول 1 - مەكەمەسى توبى شەكتى سەرىكتەستىگى G30 ليانيۇنگاڭ − قورعاس جوعارى قارقىندى تاس جولىن وزگەرتىپ كەڭەيتىپ سالۋ قۇمىل − تۇيىق بولىگى 10 - مەردىگەرلىك نىسان ءبولىمى جۇمىستى جاپپاي قالپىنا كەلتىردى. وسى نىساننىڭ جاۋاپتىسى چاڭ ۋىنجۇن بىلاي دەدى: نىسانداعى بارلىق قۇرىلىسشىلار جۇمىس قارقىنىن كۇش سالا ىلگەرىلەتىپ، نىساننىڭ ءونىمدى، ءتارتىپتى، ورنىقتى ىلگەرىلەۋىنە كەپىلدىك ەتۋدە.
كوكتەم مەرەكەسى دەمالىسى اياقتاپ، جەتكىزۋ بازارى جۇمىستى، ءوندىرىستى قالپىنا كەلتىرۋدىڭ جوعارى ورلەۋىن قارسى الدى. 2 - ايدىڭ 26 - كۇنى جۇڭگو پوچتا توبى شەكتى سەرىكتەستىگى شىڭگىل اۋداندىق بولىمشە سەرىكتەستىگىنىڭ جيناۋ - جەتكىزۋ بولىمىندە جىكتەۋ، كولىككە تيەۋ، جونەلتۋ بۋىندارى ءتارتىپتى اينالىمعا ءتۇسىپ، پوچتا جولدامالارىن ءبىر جاقتى ەتۋ جانە جەتكىزۋ ونىمدىلىگى مەرەكەدەن بۇرىنعى ورەگە جەتىپ، قالا، اۋىلداردا قىزمەت وتەۋى جاپپاي تەزدەدى. قازىر بۇل بولىمشە سەرىكتەستىك نازاردى وقۋ باستاۋ ماۋسىمى، كوكتەمگى ەگىس دايىندىعى، ەلەكتروندى ساۋداداعى قايتالامالى زاكاز سياقتى ءتۇيىندى سۇرانىستارعا شوعىرلاندىرىپ، جەتكىزۋ رەتىن جيىلەتىپ، سايكەسۋ قارقىنىن جوعارىلاتىپ، اۋدان ورتالىعىندا الدىن الا كەلىسكەن جولدامالار 2 ساعات ىشىندە جەتكىزىلدى، اۋىل - قىستاقتىڭ سول كۇنگى جولدامالارى سول كۇنى اداقتالدى.
(ءتىلشى جاڭ جىلي، قاتىناسقان تىلشىلەر ۋي يۇڭگۇي، گى يوۋجۇن، چىن جياڭلين، دۋ جيانحۇي، جاڭ رۇيلين، ءرايدا، ەرىكتى تىلشىلەر چاڭ في، چىن يان، گاۋ يۇيفي، ران يۇنچۋ، سۇڭ لياڭبي، لي اننا، ساۋ پىڭ، شيە شياۋيان)
