جياڭ شياۋيان
جۋىقتا اشىلعان اۆتونوميالى رايوندىق پارتكوم تۇراقتى كوميتەتىنىڭ ماجىلىسىندە تارباعاتايدىڭ ”ەكى ولشەمدى كودتى جايمالاپ كاسىپورىنعا كىرۋ“ باقىلاۋ - باسقارۋ، قىزمەت وتەۋ ۇلگىسىن جالپىلاستىرۋ قىزمەتىنەن مالىمەت تىڭدالدى، بۇل زاڭ اتقارۋ ارەكەتىن سيفرلاندىرۋ تاسىلىمەن ارناعا ءتۇسىرۋدىڭ جەرگىلىكتى ورىنداعى سىناق تۇيىنىنەن بۇكىل شينجياڭدا اناعۇرلىم كەڭ كولەمدە جالپىلاستىرىلۋعا بەت العاندىعىن اڭعارتادى.
ۇزاق ۋاقىتتان بەرى، ءىشىنارا جەرلەردىڭ كاسىپورىندارعا ساياتىن تەكسەرۋىندە ”باس - باسىنا تەكسەرۋ، قايتالاي تەكسەرۋ، قالاعانىنشا تەكسەرۋ“ كوپتەگەن كاسىپورىندى قاتتى قالجىراتىپ، قالىپتى ءوندىرىس - شارۋاشىلىققا اۋىر كەدەرگىلىك جاسادى. ادامدى ءتىپتى قىنجىلتاتىنى، تەكسەرۋ ولشەمى بىردەي ەمەس، ءتارتىبى كۇڭگىرت بولعاندىقتان، كاسىپورىندار ۇنەمى ”نەنى تەكسەرەتىندىگىن بىلمەي“، تەكسەرۋگە توتەپ بەرۋدەن قالجىرايتىن. زاڭ اتقارۋ بارىسىنداعى مۇنداي ”بەيباستاقتىق“ شارۋاشىلىق - ساۋدا ورتاسىن بۇلدىرۋمەن بىرگە، ۇكىمەتتىڭ الەۋمەتتىك سەنىمدىلىگىنە دە زيان جەتكىزدى.
بۇگىنگى كۇندە تارباعاتاي ايماعى كاسىپورىندارعا ساياتىن تەكسەرۋ جالپى بارىسىن سيفرلاندىرىلعان باقىلاۋ - باسقارۋ ارناسىنا ەنگىزىپ، اكىمشىلىك زاڭ اتقارۋشى قىزمەتكەرلەر كاسىپورىنداردى تەكسەرۋگە كىرگەندە، ءسوز جوق، ەكى ولشەمدى كودتى جايمالاپ مالىمدەپ، ەكى ولشەمدى كودتى كورسەتىپ حابارلاندىرىپ، ءتىزىم بويىنشا تەكسەرىپ، تۇتاس بارىستىڭ قاداعالانۋىن، تۇتاس بارىستىڭ باقىلانۋىن جۇزەگە اسىرىپ، اكىمشىلىك زاڭ اتقارۋعا ”قۇرساۋ“ تاقتى. ساندى مالىمەتتەردە كورسەتىلۋىنشە، تارباعاتاي ايماعى ”ەكى ولشەمدى كودتى جايمالاپ كاسىپورىندارعا كىرۋدى“ جولعا قويعاننان بەرى، كاسىپورىندارعا قاتىستى تەكسەرۋ جيىلىگى ％9. 32 تومەندەگەن.
كاسىپورىن جونىنەن ايتقاندا، ”ەكى ولشەمدى كودتى جايمالاپ كاسىپورىنعا كىرۋ“ تالماۋ جەرگە تىكە سوقتىعىپ، اۋىرتپالىقتى جەڭىلدەتىپ، سەنىمدى سەرپىلتەدى. ارينە، ”ەكى ولشەمدى كودتى جايمالاپ كاسىپورىنعا كىرۋدى“ جالپىلاستىرۋدا ”ەكى ولشەمدى كودتى جايمالاۋمەن“ توقتاپ قالۋعا بولمايدى، ”ەكى ولشەمدى كودتى جايمالاۋدىڭ“ فورماعا اينالماۋىنا قالاي كەپىلدىك ەتۋگە بولادى؟ ”جۇمىسى بولماسا مازالاماۋ“ مەن ”ءونىمدى باقىلاۋ - باسقارۋدىڭ“ قاتىناسىن قالاي تەڭگەرۋگە بولادى؟ بۇل قاتىستى باقىلاۋ - باسقارۋ تاراۋلارىنىڭ دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، زاڭ اتقارۋ ماقساتىن يدەيالىق قاينارىنان ايقىنداپ، ۇكىمەت پەن ساۋداگەرلەردىڭ ەتەنە، پاك قاتىناسىن ونان ارى ورناتىپ، تۇزىمدە جاڭالىق اشۋ مەن تەحنولوگيالىق قۋات ۇستەۋدى ۇشتاستىرۋ ارقىلى حاۋىپسىزدىكتىڭ تومەنگى شەگىن ساقتاۋمەن بىرگە، بازار ومىرشەڭ كۇشىن تاسقىنداتۋىن قاجەت ەتەدى.
”تەكسەرۋدەن الاڭداۋ“ از بولسا، دامۋ سەنىمى ارتا تۇسەدى. ”ەكى ولشەمدى كودتى جايمالاپ، كاسىپورىنعا كىرۋدىڭ“ تىپتەن كوپ جەرلەردە تامىر تارتىپ، سيفرلاندىرۋ تاسىلىمەن زاڭ اتقارۋدىڭ جاريالىلىعىن ايگىلەپ، كاسىپورىنداردىڭ تابىس سەزىمىن، شارۋاشىلىق - ساۋدا ورتاسىنىڭ جاڭا بەينەسىن جارىققا شىعارۋدى كۇتەمىز.
(”جياڭ شياۋيان“ماقالا جولداۋ حات ساندىعى: xjrbplb@126.com)
