مۇشە ليۋ تاۋ:
ناقتى ءىس ىستەپ، مىندەتىمدى وتەپ، شەكارا ءوڭىردىڭ ءۇنىن جەتكىزەمىن
□ انار بۇلت \ شينجياڭ گازەتىنىڭ ءتىلشىسى سى لۋلۋ
2026 - جىلعى مەملەكەتتىك ەكى ءماجىلىس اشىلۋ الدىندا تۇر، 2 - ايدىڭ 27 - كۇنى مەملەكەتتىك ساياسي كەڭەستىڭ مۇشەسى، ”3 - قىركۇيەك“ ءىلمي قوعامى شينجياڭ رايوندىق كوميتەتىنىڭ مەڭگەرۋشى مۇشەسى ليۋ تاۋ ۇستەل الدىندا تاپجىلماي وتىرىپ ۇسىنىس جوبا ماتەريالدارىن رەتتەدى. وتكەن ءبىر جىلدا ول شينجياڭعا تامىر تارتىپ، ەنەرگيا حاۋىپسىزدىگى، ازامات جاسىنا تولماعانداردى قورعاۋ، عىلىم - تەحنولوگيادا جاڭالىق اشۋ سياقتى كەلەلى تاقىرىپتاردى مىندەت وتەۋ جاۋابىنا ەنگىزىپ، مەيىرلى، قۇندى ۇسىنىس جوبالارى ارقىلى جاڭا داۋىردەگى ساياسي كەڭەس مۇشەلەرىنىڭ جاۋاپكەرشىلىگى مەن بورىش ارقالاۋىن ايگىلەدى.
”ساياسي كەڭەس مۇشەلەرى نەگىزگى ساتىعا ىشكەرىلەي بارۋى، تىپتەن ءبىرىنشى شەپكە سۇيىسپەنشىلىك ورناتىپ، شينجياڭنىڭ باسىمدىعىن، بۇقارانىڭ ارمان - تىلەگىن مەملەكەتتىك ەكى ماجىلىسكە الا بارۋى كەرەك“، - دەدى ليۋ تاۋ. 2025 - جىلى ول مىندەت وتەۋ ماڭىزدى ءتۇيىنىن ەرەكشەلىككە يە بايلىقتان ۇتىمدى پايدالانۋ جانە جاستار مەن ورەندەردىڭ اقاۋسىز ەسەيىپ - ەرجەتۋى سىندى ەكى ۇلكەن سالاعا اۋدارىپ، تالاي رەت ونەركاسىپ باقشا رايوندارىنا، مەكتەپتەرگە، الەۋمەتتىك اۋماقتارعا بارىپ تەكسەرۋ - زەرتتەۋ جۇرگىزىپ، ءبىرىنشى شەپتىڭ جاعدايىن انىقتاپ، شەشۋشى ماسەلەلەردى ءدال تاپتى.
قۇمىل مايلى كومىرىنىڭ ”قارا التىن“ دەگەن اتى بار، انىقتالعان قورى مول، ماي قۇرامى جوعارى بولىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى ماڭىزدى ستراتەگيالىق بايلىق. ليۋ تاۋ وسى ”قوردانىڭ“ قۇنىن ابدەن بىلگەندىكتەن، ”3 - قىركۇيەك“ ءىلمي قوعامىنىڭ ماماندارىن ۇيىمداستىرىپ سانتاڭحۋ، نوم كەن رايونىنا تالاي رەت بارىپ ناقتى ارالاپ تەكسەرۋ - زەرتتەۋ جۇرگىزىپ، مايلى كومىر بايلىعىن اشىپ پايدالانۋدىڭ قازىرگى جاعدايىن، تەحنولوگيالىق بوگەتتەردى جانە دامۋ قاجەتىن ەگجەي - تەگجەيلى ۇعىستى. تولىق تەكسەرۋ - زەرتتەۋ جۇرگىزۋ نەگىزىندە، «قۇمىل مايلى كومىرىنەن جوعارى ونىمدىلىكپەن جالپىلىق پايدالانۋدى مەملەكەتتىڭ قاتىستى جوباسىنا ەنگىزۋ جونىندەگى ۇسىنىستى» تاپسىرىپ، مەملەكەتتىك ءتۇيىندى تاجىريبەحانا قۇرۋ، مەملەكەتتىڭ عىلىم - تەحنولوگيالىق ارناۋلى نىساندارىن ورنالاستىرۋ، ارالىق سىناق ارقىلى كادەگە جاراتۋ تۇعىرىن ورناتۋ، كاسىپتىك ولشەم جۇيەسىن ورناتۋ سىندى 4 جاقتان ناقتى ۇسىنىستار قويىپ، مايلى كومىردى تازا جانار زاتقا، جىنتىكتەلگەن حيميالىق ونىمگە جانە جاڭا ماتەريالعا اينالدىرۋدىڭ شەشۋشى تەحنولوگيالىق جولىن اشۋدى بەلسەنە ىلگەرىلەتىپ، مايلى كومىردىڭ كومىر نەگىزدىك مۇناي - تابيعي گاز بايلىعى جانە حيميا ونەركاسىبىنىڭ شيكىزاتى رەتىندە جان - جاقتى پايدالانىلۋ ونىمدىلىگىن جوعارىلاتتى.
”مايلى كومىر شينجياڭنىڭ باسىمدىققا يە بايلىعى، اسىرەسە، مەملەكەتتىڭ ستراتەگيالىق بايلىعى. ءبىز عىلىم - تەحنولوگيادا جاڭالىق اشۋ ارقىلى بايلىق باسىمدىعىن كاسىپ سالاسى باسىمدىعىنا، دامۋ باسىمدىعىنا اينالدىرىپ، مەملەكەتتىڭ ەنەرگيا حاۋىپسىزدىگىنە ۇلەس قوسامىز“. ليۋ تاۋ تىلشىلىكتى قابىلداعاندا وسىنى ايتتى.
جاستار مەن ورەندەر وتاننىڭ بولاشاعى، ينتەرنەت كەڭىستىگىنىڭ تازا بولۋ - بولماۋى ازامات جاسىنا تولماعانداردىڭ اقاۋسىز ەسەيىپ - ەرجەتۋىنە تىكەلەي قاتىستى. ”جاستار - ورەندەر ۇلگىسىنىڭ“ تولىق تياناقتانباۋى، زالالدى ينفورماتسيالاردىڭ ءبۇلدىرۋى سياقتى ماسەلەلەرگە مەڭزەس، ليۋ تاۋ مەكتەپ اۋلاسىنا، وتباسىلارىنا بارىپ، وقىتۋشى - وقۋشىلار مەن اتا - انالاردىڭ جۇرەك ءسوزىن تىڭداپ، «ازامات جاسىنا تولماعانداردىڭ ينتەرنەتتەن كورەتىن مازمۇندارىنىڭ حاۋىپسىزدىگىن، اقاۋسىزدىعىن قورعاۋ جونىندەگى ۇسىنىستى» جازدى. ول تۇعىردىڭ تۇلعالىق جاۋاپكەرشىلىگىن كۇشەيتىپ، ”جاستار - ورەندەر ۇلگىسىن“ ءماجبۇري تۇردە اشۋ جانە بەت - الپەتىن تانىتۋ، كۋالاندىرۋ مەحانيزمىن كەمەلدەندىرىپ، شەكارا ءوڭىر ەرەكشەلىگىندەگى ينتەرنەت مازمۇنىن تەكسەرۋ جۇيەسىن ورناتىپ، ينتەرنەت حاۋىپسىزدىگى تاربيەسىن مەكتەپ ساباعىنا ەنگىزىپ، وتباسى، مەكتەپ، قوعام سەلبەسىپ بىرگە باسقارۋ ارناسىن قالىپتاستىرىپ، ازامات جاسىنا تولماعاندارعا ينتەرنەت حاۋىپسىزدىگى ”باسقالقاسىن“ ورناتۋدى ۇسىندى.
ءبىر جىل مىندەت وتەۋ بارىسىندا توقتاۋسىز ىلگەرىلەدى. ەنەرگيا كاسىپ سالاسىن جوعارى ساپالى دامىتۋدان ازامات جاسىنا تولماعانداردىڭ ينتەرنەتتەگى حاۋىپسىزدىگىن قورعاۋعا دەيىن ليۋ تاۋدىڭ ۇسىنىس جوبالارى ءارى ستراتەگيالىق بيىك دەڭگەيدى، ءارى حالىق تۇرمىسىنداعى مەيىرىمدى كوزدەدى. 2026 - جىلعا كەلگەندە ول نازاردى عىلىم - تەحنولوگيادا جاڭالىق اشۋ مەن ەنەرگيا بايلىعىن دامىتۋعا ۇزدىكسىز شوعىرلاندىرىپ، ۇسىنىس جوبالاردى دەن قويا دايىنداپ، شينجياڭنىڭ عىلىم - تەحنولوگيادا جاڭالىق اشۋ قابىلەتىن جوعارىلاتۋدى جانە ەرەكشەلىككە يە بايلىقتى ىشكەرىلەي اشۋدى ىلگەرىلەتتى.
شەكارا وڭىردەگى قۇت مەكەنگە تامىر تارتىپ، مەملەكەت جوسپارى مەن حالىق تۇرمىسىنا كوڭىل ءبولدى. بيىل ليۋ تاۋ تەكسەرۋ - زەرتتەۋدىڭ قوماقتى تابىستارى مەن بۇقارانىڭ ارمان - تىلەگىن ارقالاپ سالتاناتتى جينالىسقا اتتانادى. ول مىنالاردى ءبىلدىردى: ۇزدىكسىز كوكىرەك كەرنەگەن قىزۋ ىنتامەن مۇشەلىك مىندەتىمدى وتەپ، كوبىرەك شىنايى ۇسىنىس قويىپ، جاقسى اقىل - كەڭەس بەرىپ، قولىمنان كەلگەنىنشە شينجياڭنىڭ جوعارى ساپالى دامۋىنا كۇش - قۋاتىمدى ارنايمىن.
