اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) 2026 - جىلعى كوكتەمگى وقۋ ماۋسىمىنىڭ وقۋ باستاۋ سالتىن وتكىزدى
دۇرىس ناتيجە كوزقاراسىن ورناتىپ جانە امالياتتا ايگىلەپ، ىسىلعان قابىلەتتى شىڭداۋ كەرەك
انار بۇلت \ شينجياڭ گازەتىنىڭ ءتىلشىسى ۋاڭ نا 3 - ايدىڭ 1 - كۇنى ۇرىمجىدەن حابارلايدى. 3 - ايدىڭ 1 - كۇنى اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) 2026 - جىلعى كوكتەمگى وقۋ ماۋسىمىنىڭ وقۋ باستاۋ سالتىن وتكىزدى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ۋاڭ لين قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ”15 - بەسجىلدىق“ باستالعان جىلى باس شۋجي شي جينپيڭ دۇرىس ناتيجە كوزقاراسىن ونان ارى ورناتۋ جانە امالياتتا ايگىلەۋ ءۇشىن، ناتيجە قىزبالىعىنان ساقتانۋدى ەسكەرۋمەن بىرگە، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋدى دە ەسكەرۋ كەرەكتىگىن قايتا - قايتا باسا دارىپتەدى. ”ناتيجەنى كىم ءۇشىن شىعارۋدى“ ەستە بەرىك ساقتاپ، حالىق ءۇشىن ىستەۋ اۋەلگى ماقساتىنان باستان - اياق جازباۋ؛ ”قانداي ناتيجە شىعارۋدى“ ايقىنداپ، شىندىقتى ءىس جۇزىنەن ىزدەۋگە باستان - اياق تاباندى بولۋ؛ ”نەگە سۇيەنىپ ناتيجە شىعارۋدى“ ءبىلىپ، ناقتى ىستەپ جاۋاپكەرشىلىك ارقالاۋعا باستان - اياق تاباندى بولۋ كەرەك. شينجياڭدا قوعام ورنىقتىلىعى مەن باياندى تىنىشتىققا تالپىنۋ، جۇڭحۋا ۇلتى ورتاق تۇلعا تانىمىن بەكەمدەۋگە تالپىنۋ، حالىق تۇرمىسىن جاقسارتۋعا، جۇرت تىلەگىن ۇيىستىرۋعا تالپىنۋ، ەكولوگيالىق ورتانى قورعاۋعا تالپىنۋ كەرەك.
ءماجىلىس مىنالاردى باسا دارىپتەدى: ىسىلعان ساياسي قابىلەتتى شىڭداپ، عىلمي نازاريانى قولدانىپ دامۋ بەتالىسىن ايقىن ايىراتىن ساياسي قابىلەتتى، ءداۋىر تاقىرىبىنا تالداۋ جاسايتىن ويلاۋ قابىلەتىن، قىزمەتكە جەتەكشىلىك ەتەتىن، ىلگەرىلەتەتىن امالياتتىق قابىلەتتى جوعارىلاتۋ؛ ءبىر تۇتاس جوسپارلاپ سايكەستىرۋ قابىلەتىن شىڭداپ، جالپى جاعدايدى كوزدەۋ، كەلەلى جاعدايدى كوزدەۋ، ۇزاق بولاشاقتى كوزدەۋ ارقىلى نەگىز قالاۋ، تۇتاس تۇلعانى كوزدەۋ ارقىلى ءبىر تۇتاس جوسپارلاۋدى يگەرۋ قابىلەتىن جوعارىلاتۋ؛ رەفورما جاساۋ، جاڭالىق اشۋ قابىلەتىن شىڭداپ، تۋراشىلدىقتان اينىماي جاڭالىق اشۋ، رەفورمادا قامال الۋ، ءوز كۇشىنە سۇيەنىپ ءوزىن الۋەتتەندىرۋ قابىلەتىن جوعارىلاتۋ؛ حاۋىپ - قاتەردەن ساقتانۋ جانە ونى جويۋ قابىلەتىن شىڭداپ، وزگەرىستى سەزگىرلىكپەن بايقاۋ، وزگەرىستى ءدال تانۋ، وزگەرىسكە عىلمي توتەپ بەرۋ، وزگەرىسكە ىرىقتىلىقپەن ۇمتىلۋ قابىلەتىن كۇشەيتۋ؛ حالىقارالىق كۇرەس قابىلەتىن شىڭداپ، حالىقارالىق جاعدايدى اڭعارۋ، ەكى كەلەلى جاعدايدى ءبىر تۇتاس جوسپارلاۋ، حالىقارالىق ەرەجەلەردى قانىق ءبىلۋ، قولدانۋ، حالىقارالىق باسقارۋعا قاتىناسۋ، ستراتەگيالىق ىرىقتىلىققا قول جەتكىزۋ، حالىقارالىق حاۋىپ - قاتەردەن ساقتانۋ قابىلەتىن جوعارىلاتۋ كەرەك. ۇيرەنۋ جەتىستىكتەرىن قىزمەتتەگى قيىن ماسەلەلەردى شەشۋدىڭ، ىستەرىمىزدىڭ دامۋىن ىلگەرىلەتۋدىڭ قابىلەت دەڭگەيىنە شىن مانىندە اينالدىرۋ كەرەك.
