شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى. «باس شۋجي شي جينپيڭنىڭ جەتەكشىلىگىندە كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتتى» اتتى كىتاپ تاياۋدا جۇڭگو كوممۋنيستىك پارتياسى ورتالىق كوميتەتى پارتيا مەكتەبى باسپاسىنان باسپادان شىعىپ، بۇكىل ەل كولەمىندە تاراتىلدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە تاريحي تابىستارعا قول جەتىپ، تاريحي وزگەرىستەر تۋىلدى. جاڭا داۋىردەگى قۇلاشىن كەڭ جايعان تاريحي بارىستى شىنايى، جاندى ەستەلىككە الۋ ءۇشىن، جۇڭگو كوممۋنيستىك پارتياسى ورتالىق كوميتەتى ۇگىت ءبولىمى مەن جۇڭگو كوممۋنيستىك پارتياسى ورتالىق كوميتەتى پارتيا مەكتەبى (مەملەكەتتىك اكىمشىلىك شۋەيۋانى) جاڭا داۋىردەگى ”تاريحي جەتىستىكتەر، تاريحي وزگەرىستەر“ جەلىلەس اۋىزشا بايانداۋ ماتەريالدارىن جيناۋ جانە رەتتەۋ قىزمەتىن بىرگە ۇيىمداستىرىپ ورىستەتتى. العاشقى توپتا ”كەدەيلىكتەن ارىلتۋدان قامال الۋ“ جونىندە اۋىزشا سۇحباتتاسۋ ورىستەتىلدى.
جاڭا داۋىردەن بەرى، كەدەيلىكتەن ارىلۋ سىندى دۇنيە جۇزىلىك قيىن ماسەلە الدىندا جۇڭگو كوممۋنيستىك پارتياسى مۇلدە كەدەيلىكتى جويۋ سىندى جاپالى مىندەتتى ورىنداپ، حالىق رازى بولاتىن، دۇنيە ءجۇزى كوز تىككەن داۋىرلىك جاۋاپناما تاپسىردى. بۇل كىتاپ ۋاكىلدىك سيپاتتى وقيعالاردى، ۋاكىلدىك سيپاتتى تۇلعالاردى نەگىزگى جەلى ەتىپ، ءوز باسىنان كەشىرۋشىلەردىڭ بايانداۋى ارقىلى وقىرماندارعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، مۇلدە كەدەيلىكتەن ارىلتۋى سىندى تاريحي كارتينانى قالپىنا كەلتىرىپ، كەدەيلىكتەن ارىلتۋدان قامال الۋدا قول جەتكەن كەلەلى تاريحي تابىستار مەن شىڭدالىپ قالىپتاسقان كەدەيلىكتەن ارىلتۋدان قامال الۋ رۋحىن جاندى بەينەلەپ، ”ەكىنى تۇراقتاندىرۋدىڭ“ شەشۋشى ءمانىن تولىق ايگىلەدى. بۇل كىتاپتىڭ باسپادان شىعۋى جۇڭگونىڭ كەدەيلىكتى ازايتۋ حيكاياسىن ويداعىداي بايانداۋعا ءبىرىنشى شەپ ماتەريالىن ازىرلەدى، كەدەيلىككە قارسى اتتانۋدىڭ جۇڭگوشا نازارياسىن زەرتتەۋدى تەرەڭدەتۋگە العاشقى تاريحي ماتەريال ازىرلەدى، جۇڭگونىڭ فيلوسوفيا، قوعامدىق عىلىمدار دەربەس ءبىلىم جۇيەسىن ورناتۋعا باعالى بايلىق ازىرلەدى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جۇرت جۇرەگىنە تەرەڭ ۇيالاۋىن ىلگەرىلەتۋگە جاندى وقۋلىق ازىرلەدى.
