2 - ايدىڭ 28 - كۇنى ءۇرىمجى جوعارى، جاڭا تەحنولوگيالىق كاسىپ سالالارىن اشۋ رايونى (جاڭا قالا رايونى) ”كوكتەمدە شارۋا جۇمىسكەرلەرگە مەيىر جەتكىزۋ“ ارناۋلى قىزمەتكەر قابىلداۋ جينالىسىن وتكىزدى، 60 كاسىپورىن 2249 جۇمىس ورنىن ازىرلەدى. سۋرەتتە: ادام ىستەتەتىن ورىنداردىڭ ۋاكىلدەرى مەن جۇمىس ىزدەۋشىلەر پىكىر اۋىستىرۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى زوۋ ي تۇسىرگەن
□ انار بۇلت \ شينجياڭ گازەتىنىڭ ءتىلشىسى ما بەي
ەڭبەكشىلدىڭ كوكتەمى ەرتە كەلەر، تاسقىنداعان قايراتپەن جاڭا ساپارعا اتتاندى.
2 - ايدىڭ 27 - كۇنى مەرەكەلىك لەپ ءالى تاراي قويماعان، اۆتونوميالى رايوندىق الەۋمەتتىك جۇمىستاندىرۋ قىزمەت وتەۋ ورتالىعىنىڭ زالى ادامدار ءيىن تىرەسىپ، ەرەكشە دۋمانعا بولەندى.
اۆتونوميالى رايوننىڭ 2026 - جىلى جوعارى مەكتەپتەردەن وقۋ تاۋىساتىن وقۋشىلارعا ارنالعان كوكتەمگى قىزمەتكەر قابىلداۋ بويىنشا بۇكىل ەلدى ارالايتىن (شينجياڭ بەكەتى) تۇڭعىش رەتكى قىزمەتكەر قابىلداۋ جينالىسى وسى ارادا دابىرالى باستالىپ، كوكتەمدە دارىندىلاردى قابىلداۋدىڭ شىمىلدىعى اشىلدى.
مەرەكەدەن كەيىنگى قىزمەت ىزدەۋ، جۇمىسشى ىستەتۋ قاۋىرت مەزگىلىنە سايكەسۋ ءۇشىن، 2 - ايدىڭ 10 - كۇنىنەن باستاپ بۇكىل شينجياڭ ”كوكتەم سامالى ارەكەتى جانە جۇمىستانۋعا كومەكتەسۋ ماۋسىمى“ ارناۋلى قيمىلىن تەڭ قادامدا ورىستەتتى. جەر - جەردەگى ادام كۇشى بايلىعى جانە قوعامدىق قامتاماسىزداندىرۋ تاراۋلارى مەرەكەدەن كەيىن جۇمىس ورنىنا قايتۋ، قىزمەت ىزدەۋ جانە قىزمەتكەر قابىلداۋ سىندى ”التىن تەرەزە مەزگىلىن“ مىقتى يگەرىپ، جۇمىستانۋدىڭ ”كوكتەم سامالىن“ الەۋمەتتىك اۋماقتارعا، اۋىل - قىستاقتارعا، كاسىپورىندارعا جەتكىزدى. ادام ىستەتۋ بازارىنىڭ قىزعىندىلىعىندا شينجياڭ ەكونوميكاسىنىڭ جىل باسىنان باستاپ قايراتتانا ۇمتىلۋ سىندى اسقاق ارىنى جاسىرىنىپ جاتتى.
2 - ايدىڭ 24 - كۇنىنە دەيىن بۇكىل شينجياڭ بويىنشا بيىل جيىنى 275 رەت ينتەرنەت جەلىسىندە قىزمەتكەر قابىلداۋ جينالىسى، 355 رەت ينتەرنەت جەلىسىنەن تىس قىزمەتكەر قابىلداۋ جينالىسى وتكىزىلىپ، 180 مىڭنان استام جۇمىس ورنى ازىرلەنىپ، تۇتاس جىلداعى جۇمىستاندىرۋ قىزمەتىندە جاقسى قادام تاستاۋعا، جاقسى باستاما اشۋعا بەرىك نەگىز قالادى.
دالمە - ءدال قامتاماسىزداندىردى، ءتۇيىندى قاۋىمنىڭ جۇمىستانۋى ورنىقتى بولدى
تاياۋدا شاۋەشەك قالاسىندا 2026 - جىلعى كوكتەم سامالى ارەكەتى جانە جۇمىستانۋعا كومەكتەسۋ ماۋسىمىنداعى ”قىسقى دەمالىستا جۇمىستانۋدى جەبەۋ . كوكتەمدە شارۋا جۇمىسكەرلەرگە مەيىر جەتكىزۋ“ ارناۋلى قىزمەتكەر قابىلداۋ قيمىلىندا 12 تاڭداۋلى كاسىپورىن 156 جۇمىس ورنىن الا كەلدى، بۇل ازىق - تۇلىك وڭدەۋ، اۋىل شارۋاشىلىعى عىلىم - تەحنولوگياسى، ينتەرنەتتىك حاباربايلانىس سياقتى كوپتەگەن سالانى قامتىدى، بيىل وقۋ تاۋىساتىن كوپتەگەن وقۋشىلار كورمە ورنىن قورالاپ الىپ، مۇقيات اقىل - كەڭەس سۇرادى.
شينجياڭ قازىنا - ەكونوميكا داشۋەسىنەن وقۋ بىتىرگەن مي نانا بىلاي دەدى: بۇل رەتكى قىزمەتكەر قابىلداۋ جينالىسىندا ءوز ماماندىعىمىزبەن سايكەس كەلەتىن جۇمىس ورنى بولۋمەن بىرگە، دارىندى ەنگىزۋ ساياساتى ايقىن ءتۇسىندىرىلىپ، جۇمىس ىزدەۋشىلەرگە ايقىن بەتالىس كورسەتىلدى.
سانجى شۋەيۋانىنان وقۋ بىتىرگەن ياڭ يۇنجۇڭ ءوزى ۇناتاتىن جۇمىس ورنىنا قىسقاشا ءومىر بايانىن بەرىپ، ءوزى ۇيرەنگەن ونەرىمەن كوڭىلدەگىدەي جۇمىس تاپقىسى كەلەتىندىگىن ايتتى.
شاۋەشەك عانا ەمەس، ءۇرىمجىنىڭ كوپ جەرى جوعارى مەكتەپتەن وقۋ بىتىرگەن وقۋشىلار ”قىسقى دەمالىستا جۇمىستانۋدى جەبەپ، جۇرت جۇرەگىن جىلىتۋ ارەكەتىن“ بىردەي باستادى، ينتەرنەتتە جۇمىسقا قابىلداۋ ۇگىت لەكسيا جينالىسى، ينتەرنەتتە ارناۋلى قىزمەتكەر قابىلداۋ جينالىسى ىركەس - تىركەس وتكىزىلىپ، وقۋ بىتىرگەن وقۋشىلارعا قولايلى جۇمىس ىزدەۋ ارناسىن ازىرلەدى.
اۋات اۋدانى دولان اۋىلىندا ”ارالاپ ءجۇرىپ قىزمەتكەر قابىلداۋ جينالىسى“ تىكەلەي قىستاق تۇرعىندارىنىڭ ەسىك الدىندا اشىلدى. سىرتقا شىعىپ جۇمىستانعان اۋىلداستار ساحناعا شىعىپ، وزدەرىنىڭ جۇمىستانۋ كەشىرمەلەرىن ءبولىسىپ، جانىنداعى ادامداردىڭ حيكاياسى ارقىلى ءتىپتى دە كوپ اۋىلداستاردى ىرىقتىلىقپەن جۇمىس تابۋعا جەتەكتەدى.
قىزمەتكەر قابىلداۋ جينالىسىندا دولان اۋىلىنىڭ تۇرعىنى ابدوللا ابدۇرەيىم مەن شينجياڭداعى ءبىر توقىماشىلىق سەرىكتەستىگى العاشقى قادامدا جۇمىسقا ورنالاسۋ نيەتىنە كەلدى. ”ۇيگە جاقىن، كىرىسى تۇراقتى جۇمىس تاۋىپ ىستەسەم دەيمىن، سوندا وتباسىما دا قارايلاسا الامىن، كوپ اقشا دا تابا الامىن“، - دەدى ول كۇلىپ.
اۋىل - قىستاق ەڭبەككۇشتەرى، جۇمىستانۋى قيىن ادامدار سياقتى قاۋىمنىڭ ەرەكشەلىگىنە مەڭزەس، جەر - جەر قىزمەت وتەۋ اياسىن ۇزدىكسىز كەڭەيتتى. بايىنعولين موڭعۇل اۆتونوميالى وبلىسى جۇمىستاندىرۋ ارقىلى حالىقتىڭ جاعدايىن ۇعىسۋ قيمىلىن ىشكەرىلەي ورىستەتىپ، قيىنشىلىعى بارلاردى ”ءتورتتى انىقتاۋ“ بويىنشا ءبىر - بىردەن تەكسەرۋدى جۇزەگە اسىردى؛ حوتان ايماعى ءتۇيىندى قاۋىم ءۇشىن يكەمدى كومەكتەسۋ - سۇيەمەلدەۋ ءتىزىمىن ورناتىپ، جيىنى 1500دەن استام جۇمىسسىز ادامنىڭ قايتادان جۇمىس ورنىنا كەلۋىنە كومەكتەستى.
قالادان اۋىل - قىستاققا دەيىن، جوعارى مەكتەپ تاۋىسقان وقۋشىلاردان شارۋا جۇمىسكەرلەرگە دەيىن ”تامشىلاتىپ سۋارۋ“ ۇلگىسىندەگى قىزمەت وتەۋ ءتۇيىندى قاۋىمنىڭ جۇمىستانۋ جولىن بارعان سايىن ورنىقتىردى. بيىل جىل باسىنان بەرى، بۇكىل شينجياڭ بويىنشا 10 مىڭعا جۋىق جۇمىسسىز ادامنىڭ قايتالاي جۇمىستانۋىنا كومەك كورسەتىلىپ، اۋىلىنا قايتقان 30 مىڭعا جۋىق شارۋا جۇمىسكەر ءوز جەرىنەن جاڭا جۇمىس تاپتى.
قىزمەتكەر قابىلداۋدا قورشاۋدى بۇزدى، جۇمىس ىزدەۋ، جۇمىسكەر قابىلداۋ اناعۇرلىم قولايلى بولدى
”بۇرىن قىسقاشا ءومىر باياندى ينتەرنەتتە جولداۋشى ەدىك، تەڭىزدەن تەبەن ىزدەگەندەي بولاتىنبىز. بۇگىن ناقتى ورىندا ۇستازبەن اڭگىمەلەسىپ بولعان سوڭ، قىسقاشا ءومىر باياندى جاقسىلاپ وزگەرتتىك، قىزمەت ىزدەۋ نىساناسى دا ايقىندالدى“. اۆتونوميالى رايوننىڭ 2026 - جىلى جوعارى مەكتەپتەردەن وقۋ تاۋىساتىن وقۋشىلاردى كوكتەمگى قىزمەتكە قابىلداۋ بويىنشا بۇكىل ەلدە ارالاۋ (شينجياڭ بەكەتى) تۇڭعىش رەتكى قىزمەتكەر قابىلداۋ جينالىسىندا شينجياڭ داشۋەسىنىڭ ەلەكتر ينجەنەرياسى ماماندىعىنان وقۋ تاۋىسقان جاڭ چىڭ قىسقاشا ءومىر بايانىنان ءبىر جولدا 3 نۇسقاسىن تاپسىردى.
جىل باسىنداعى قىزمەتكەر قابىلداۋ بازارىنىڭ دۋمانى اسىپ قانا قويماي، ”ءتاسىلى“ دە جاڭاردى.
ءۇرىمجى قالاسىنىڭ ادام كۇشى بايلىعى بازارىندا AI جۇمىس ىزدەۋ ءبىر تۇلعالى اپپاراتى، AI بەتپە - بەت ەمتيحان قامباسى قارسى الۋعا يە بولىپ، جۇمىس ورنىن زەردەلى سايكەستىرۋ، ەلىكتەمەلى جەلىدە بەتپە - بەت ەمتيحانعا قاتىناسۋ ارقىلى جۇمىس ىزدەۋ ونىمدىلىگى بىردەن جوعارىلادى.
كورلا قالاسىنىڭ قىزمەتكەر قابىلداۋ تىكە تاراتۋ بولمەسىندە ”جۇمىستانۋ جول باستاۋشىسى“ سايتتاستاردى باستاپ ەلىتۋ ۇلگىسىندەگى ”بۇلتتىق كورمە ارالاۋ“ جۇرگىزدى، كاسىپورىن HR دەر كەزىندە جەلىدە جاۋاپ قايتارىپ، ەكرانداعى لەبىزدەر ۇزدىكسىز جاڭالانىپ، ەرەكشە دۋمانعا بولەندى.
قاشقار ايماعى جەرگىلىكتى ورىننىڭ كاسىپ سالاسى ەرەكشەلىگىمەن ۇشتاستىرىپ، قىزمەتكەر قابىلداۋ اياسىن مادەنيەت - ساياحات، جاڭا ەنەرگيا سياقتى جاڭادان گۇلدەنگەن سالالارعا دەيىن كەڭەيتىپ، كاسىپ سالاسىنىڭ دامۋى مەن جۇمىستانۋدى جەبەۋدىڭ ”قوس باعىتتا اتتانۋىنا“ مۇمكىندىك جاسادى.
”مەرەكەدەن كەيىن جۇمىس باستاعاندا، ءبىز ادام قابىلداۋعا اسىقتىق، بۇل جۇمىسقا قابىلداۋ جينالىسى وتە دەر كەزىندە اشىلدى“. قاشقار ايماعىنىڭ ”كوكتەم سامالى ارەكەتىنىڭ“ تۇڭعىش رەتكى قىزمەتكەر قابىلداۋ جينالىسىندا شينجياڭ جىحۇي يىڭتۇڭ قازىنا - سالىق وكىلەتتى شەكتى سەرىكتەستىگىنىڭ جاۋاپتىسى ۋ جىندۇڭ بىلاي دەدى: جۇمىس باسىندا ۇشتاسۋ ونىمدىلىگى وتە جوعارى، جۇمىس ىزدەۋشىلەردىڭ جالپىلىق ساپاسى دا جاقسى بولىپ، كاسىپورىنداردىڭ جۇمىسشى ىستەتۋدەگى ولقىلىقتارىن بىردەن شەشتى.
ادامدى تىپتەن اسىقتىرعانى، 3 - ايدىڭ 13 - كۇنى بۇكىل ەلدەگى قالالاردا بىرلەسىپ قىزمەتكەر قابىلداۋدىڭ نەگىزگى جينالىس الاڭى قيمىلى شينجياڭ حالىقارالىق ءماجىلىس - كورمە ورتالىعىندا وتكىزىلەدى ەكەن. مەجەمەن 500دەن استام ادام ىستەتۋشى ورىن الاڭعا كىرىپ، قىزمەتكەر قابىلداپ 10 مىڭنان استام جۇمىس ورنىن ازىرلەيدى.
سول كەزدە ءارقايسى ايماق، وبلىستار بولىمشە جينالىس الاڭىن، ءارقايسى جوعارى مەكتەپتەردە جىلجىمالى جينالىس الاڭىن قۇرىپ، ءوڭىردى جاپپاي قامتۋدى، نيەتتى كاسىپورىنداردى جاپپاي قامتۋدى شىن مانىندە جۇزەگە اسىرادى.
ساياسات تىكە جەتكىزىلدى، پايدا قاز - قالپىندا ىسكە اسىرىلدى
”ناقتى ورىندا جۇمىس تابۋمەن عانا شەكتەلمەي، تاعى قوعامدىق قامسىزداندىرۋ جاعدايىن، قوسىمشا قاراجات جاعدايىن دا ۇعىسىپ، ءبىر جولدا بىرنەشە ءىستى تۇگەلدەي ءتۇسىنىپ الاتىن بولدىق“.
سانجى حۇيزۋ اۆتونوميالى وبلىسىنىڭ ”كوكتەم سامالى ارەكەتى جانە جۇمىستانۋعا كومەكتەسۋ ماۋسىمى“ قىزمەتكەر قابىلداۋ جينالىسىندا شينجياڭ داشۋەسىنەن وقۋ بىتىرگەن ۋ يۋانشىڭ دارىندى ەنگىزۋ ساياساتىن انىق سۇراپ، اۋىلىنىڭ دارىندى ەنگىزۋ، دارىندىلاردى الىپ قالۋداعى شىن پەيىلىن شىنايى سەزىندى.
قازىر شينجياڭنىڭ جەر - جەرىندەگى قىزمەتكەر قابىلداۋ جينالىستارىندا ساياساتتىق كەڭەس بەرۋ اۋماقتارى، كاسىپتىك جەتەكشىلىك اۋماقتارى ولشەمدى دايىنداماعا اينالدى.
قىزمەتكەرلەر شارۋاشىلىق قۇرۋ كەپىل قارىز اقشاسى، قوعامدىق قامتاماسىزداندىرۋ قوسىمشا قاراجاتى سياقتى ساياساتتاردى قاراپايىم دا ۇعىنىقتى تىلمەن ءتۇسىندىرىپ، بۇقارانىڭ ”تۇسىنە الۋىنا، انىق ەسەپتەي الۋىنا، ايقىن بىتىرە الۋىنا“ شىنايى كەپىلدىك ەتتى.
ساياساتتىڭ پايداسىن كاسىپورىندار مەن بۇقارانىڭ قولىنا اناعۇرلىم تەز جەتكىزۋ ءۇشىن، جەر - جەر ”تىكەلەي قوسىمشا قاراجات بەرىپ تەز ءبىتىرۋدى“، ”ءوتىنىشسىز - اق دەرەۋ يگىلىكتەندىرۋدى“ زور كۇشپەن جالپىلاستىردى. 2 - ايدىڭ 24 - كۇنىنە دەيىن بيىل بۇكىل شينجياڭ بويىنشا جالپى 160 ميلليون يۋاننان استام ءتۇرلى جۇمىستاندىرۋ قوسىمشا قاراجاتى تاراتىلىپ، شىنايى ۇسىنىلىم كاسىپورىنداردىڭ جۇمىسشى ىستەتۋ ومىرشەڭدىك كۇشىن شىنايى قاۋلاتتى.
شاۋەشەك قالالىق ادام كۇشى بايلىعى بويىنشا قىزمەت وتەۋ ورتالىعىنىڭ كادرى زۇلحۇمار بىلاي دەدى: ”ءبىزدىڭ قىزمەت كورسەتۋدى ءىس ءبىتىرۋ تەرەزەسىنەن بۇقارانىڭ ەسىك الدىنا كوشىرۋدەگى ماقساتىمىز جۇمىس ىزدەۋشىلەرگە قامقورلىقتىڭ ءوز جاندارىندا ەكەنىن شىنايى سەزىندىرۋ“.
اۆتونوميالى رايوندىق الەۋمەتتىك جۇمىستاندىرۋ بويىنشا قىزمەت وتەۋ ورتالىعىنىڭ قاتىستى جاۋاپتىسى تانىستىرىپ بىلاي دەدى: كەلەسى قادامدا بۇكىل شينجياڭداعى ءار دارەجەلى الەۋمەتتىك جۇمىستاندىرۋ بويىنشا قىزمەت وتەۋ قۇرىلىمدارى كوكتەمگى ادام كۇشى بايلىعى بازارىنىڭ قامداۋ - قاجەتسىنۋ بىردەي ارتقان تاماشا ورايدى ۇزدىكسىز مىقتى يگەرىپ، ۋاقىتتى ۇتىپ، جۇمىسشى ىستەتۋگە كەپىلدىك ەتىپ، دارىندىلاردى ەنگىزىپ، كاسىپورىنداردىڭ ادام ىستەتۋىنە قىزمەت وتەۋدى، قامتاماسىز ەتۋدى بار كۇشپەن ويداعىداي ىستەپ، دارىندى مەن قىزمەت ورنىنىڭ قاجەتىن دالمە - ءدال سايكەستىرىپ، شينجياڭ كاسىپ سالاسىنىڭ جوعارى ساپالى دامۋىنا ادام كۇشى بايلىعى جاعىنان مىعىم تىرەك ازىرلەيدى.
