مۇشە ما حۋادۇڭ:
ناقتى ىستەپ، بورىشتى امالياتتا ايگىلەپ، ۇتىمدى شارا ارقىلى دامۋدى جەبەيمىن
□ انار بۇلت \ شينجياڭ گازەتىنىڭ ءتىلشىسى فان چيۇڭيان
”مىندەت وتەۋدە كوز ايانى بيىك، كەڭ اۋقىمدى ارناعا قويىپ، پارتيا مەن مەملەكەت كەلەلى جاعدايىنداعى شينجياڭنىڭ ءتۇرلى قىزمەتتەرىن جوعارى ساپالى دامىتۋدىڭ ءادىس - امالدارى مەن جولى جونىندە ىشكەرىلەي وي جۇگىرتىپ، ءوزىمنىڭ مىندەت وتەۋىمدە بەتالىستىڭ دۇرىس، نەگىزدىڭ بەرىك بولۋىنا كەپىلدىك ەتەمىن“. 3 - ايدىڭ 2 - كۇنى مەملەكەتتىك ساياسي كەڭەس 14 - كەزەكتى كوميتەتى تۇراقتى كوميتەتىنىڭ 15 - ماجىلىسىنە ۇسىنىس بويىنشا سىرتتاي قاتىناسقان مۇشەلەردىڭ اڭگىمە ماجىلىسىندە مەملەكەتتىك ساياسي كەڭەس مۇشەسى ما حۋادۇڭ ساياسي كەڭەس مۇشەلەرىنىڭ مىندەت وتەۋ قابىلەتىن جانە ساپاسىن، ونىمدىلىگىن جوعارىلاتۋ نەگىزگى تاقىرىبىن ارقاۋ ەتىپ پىكىر اۋىستىرىپ ءسوز سويلەگەندە باتىلدىقپەن وسىلاي دەدى.
3 - ايدىڭ 2 - كۇنى تۇستەن كەيىن مىندەت وتەۋدەگى تاماشا ناتيجەسىمەن ما حۋادۇڭ 2025 - جىلعى ”مەملەكەتتىك ساياسي كەڭەس مۇشەلەرىنىڭ مىندەتىن تاماشا وتەۋ سيلىعىن“ الدى.
ما حۋادۇڭ − كەن بايلىعىن تەكسەرۋ سالاسىنداعى عىلىم - تەحنولوگيا قىزمەتكەرى. مەملەكەتتىك ساياسي كەڭەس 14 - كەزەكتى كوميتەتىنىڭ 3 - ماجىلىسىندە ول تاپسىرعان 5 ۇسىنىس جوباسى شينجياڭنىڭ دامۋ قاجەتىمەن دالمە - ءدال تۇيىلىسكەن، وندا ءوز كاسىبىنىڭ باسىمدىعىن تياناق ەتىپ، نازاردى شينجياڭنىڭ وڭىرلىك عىلىم - تەحنولوگيادا جاڭالىق اشۋ ورتالىعى قۇرىلىسى، مۇناي - گاز بارلاۋ بولىكتەرىن اشۋ قاتارلى ەنەرگيا كاسىبىن دامىتۋدىڭ شەشۋشى سالالارىنا شوعىرلاندىرعان ۇسىنىس جوبالارى دا، شينجياڭنىڭ مادەنيەت - ساياحات كاسىپ سالاسى قۇرىلىسىمەن تىعىز بايلانىستىرىپ، سايرام كولىن اينالۋ ۆەلوسيپەد جارىسىنىڭ دارەجەسىن جوعارىلاتۋ، ءۇرىمجى حالىقارالىق اۋەجايىندا 144 ساعاتتىق شەكارادان ۆيزاسىز ءوتۋ سياقتىلار العا قويىلعان ۇسىنىس جوبالارى دا بار. تاڭدالعان تاقىرىپتارى شىنايى، كىرسۋ ءتۇيىنى ءدال بولعاندىقتان، 4 ۇسىنىس جوباسى ەستەلىككە الىنىپ، قۋزاپ ءبىتىرىلدى، مۇنىڭ ىشىندە مۇناي - گاز قورىن مولايتىپ ءونىم مولشەرىن ارتتىرۋعا قاتىستى ۇسىنىس جوباسى جونىندە جاراتىلىستىق بايلىق مينيسترلىگى قاتىستى ادامداردى شينجياڭعا ارنايى جىبەرىپ ءتۇيىلىستىرىپ ءبىر جاقتى ەتتى، بۇل ۇسىنىس جوباسى شينجياڭنىڭ 2025 - جىلى مۇناي - گاز قورىن مولايتىپ ءونىم مولشەرىن ارتتىرۋدى ىلگەرىلەتۋدە بەلسەندى رول اتقاردى.
”تەكسەرۋ - زەرتتەۋ جۇرگىزبەي تۇرىپ اقىل - كەڭەس ايتا المايمىز، تەكسەرۋ - زەرتتەۋ جۇرگىزۋدە ءبىرىنشى شەپكە بارۋ كەرەك“، - دەدى ما حۋادۇڭ. سول سەبەپتى ءبىر جىلدان بەرى، ول شينجياڭنىڭ جەر - جەرىن ارالاپ، ءبىرىنشى شەپكە بارىپ، سول جەردىڭ وزىندە تەكسەرۋ جۇرگىزدى. ءار رەتكى تەكسەرۋ - زەرتتەۋ قيمىلىندا ول قاتىستى ماتەريالداردى الدىن الا جيناپ، رەتتەپ، ءبىرىنشى شەپتە ۇعىسىپ بىلگەن جاعدايمەن ۇشتاستىرىپ ىشكەرىلەي وي جۇگىرتىپ، تەكسەرۋ - زەرتتەۋ بايانداماسىن جازۋعا بەلسەنە ات سالىسىپ، تەكسەرۋ - زەرتتەۋ ەستەلىگىن، كۇندەلىگىن دەر كەزىندە رەتتەدى. تىڭعىلىقتى تەكسەرۋ - زەرتتەۋدىڭ ارقاسىندا ونىڭ بەرگەن اقىل - كەڭەستەرى ءتىپتى دە رەال باعىتتامالىلىققا يە بولدى.
قۇلشىنا مىندەت وتەۋ − ما حۋادۇڭنىڭ وزگەرمەس تاباندىلىعى. ول ۇكىمەت ىسىنە اقىل - كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، تۇتاس جىلدا قوعام جاعدايى، حالىق رايىنا قاتىستى 20دان استام ينفورماتسيا جولدادى، مۇنىڭ ىشىندە ورتا ازيا كەن كاسىبى سەلبەستىگىن كۇشەيتۋگە قاتىستى ۇسىنىستار مەملەكەت باسشىلارىنىڭ بەكىتۋىنە يە بولدى؛ كوپ رەت اترەت باستاپ شارۋاشىلىق - ساۋدا ورتاسىنا دەموكراتيالىق باقىلاۋ جۇرگىزىپ، كاسىپورىنداردىڭ 30دان استام پىكىر - ۇسىنىسىن جيناپ، جەرگىلىكتى ورىننىڭ شارۋاشىلىق - ساۋدا ورتاسىن ساپالىلاندىرۋدى ىلگەرىلەتتى. نەگىزگى ساتىعا قىزمەت وتەۋ بارىسىندا، ول باستاماشى بولىپ شايار اۋدانىمەن ستراتەگيالىق سەلبەستىك كەلىسىمىن جاساسىپ، جوعارى ءونىمدى سۋ ۇنەمدەيتىن اۋىل شارۋاشىلىعىن دامىتۋعا اقىل - پاراسات قويماسى جاعىنان قولداۋ كورسەتىپ، مەملەكەتتىك ماقتا ينجەنەرياسى تەحنولوگياسىن زەرتتەۋ ورتالىعى وڭتۇستىك شينجياڭ بازاسى قۇرىلىسىنىڭ جۇمىس باستاۋىن جەبەدى؛ 30 ميلليون يۋان الەۋمەتتىك يگىلىك قارجىسىنا قول جەتكىزىپ، شايار اۋدانىندا ”تاكلاماكاندى اينالعان جىبەك جولى جاسىل القابى حالىق قۇرعان الەۋمەتتىك يگىلىك ورمان“ ارناۋلى كومەكتەسۋ - سۇيەمەلدەۋ ارەكەتىن اتقاردى، 2025 - جىلى كۇزدە 6 ميلليون ءتۇپ سەكسەۋىل ەگىلدى. بۇدان سىرت، ول تاعى 26 ءتۇرلى شينجياڭنىڭ جاسىل كەن كاسىبى عىلىم - تەحنولوگيا سۇرانىسى مەن نىسان ۇسىنىسىن العا قويىپ، كەن ىزدەۋدە قامال الۋعا جانە كاسىپ سالاسىنىڭ جوعارى ساپالى دامۋىنا پارمەندى تىرەك ازىرلەدى.
”شينجياڭنىڭ بايلىق ارتىقشىلىعى − مەملەكەتتىڭ ستراتەگيالىق قامتاماسىزدىعى، بايلىق باسىمدىعىن دامۋدىڭ ۇستەم باسىمدىعىنا اينالدىرۋ − مەنىڭ ساياسي كەڭەس مۇشەسى رەتىندەگى جاۋاپكەرشىلىگىم“. ما حۋادۇڭ مىنانى ءبىلدىردى: ”15 - بەسجىلدىقتىڭ“ باستاما جىلىندا ساياسي كەڭەس مۇشەلەرىنە ءتان مىندەت پەن بورىشىنان باستان - اياق جازباي، ساياسيدا پارتياعا تىعىز ىلەسىپ، ۇيرەنۋگە شىن ىنتىعىپ، مىندەت وتەۋدە دەن قويا بار كۇشىمدى جۇمساپ، ستيلدە شىندىققا جۇگىنىپ ناقتى ىستەر ىستەپ، ءتىپتى دە دالمە - ءدال ۇسىنىستارمەن، ءتىپتى دە تىڭعىلىقتى ارەكەتتەرمەن شينجياڭنىڭ جوعارى ساپالى دامۋىنا اقىل - كەڭەس بەرىپ، كۇش قوسىپ، مەملەكەتتىڭ كەلەلى جاعدايىنا قىزمەت وتەۋ بارىسىندا جاڭا داۋىردەگى ساياسي كەڭەس مۇشەلەرىنىڭ مىندەت وتەۋ جاۋاپناماسىن ويداعىداي جازامىن.
