ءتۇزىم سەنىمىن بەكەمدەپ، تاماشا باستامانى جۇزەگە اسىرايىق
− 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ اشىلعاندىعىن قىزۋ قۇتتىقتايمىز
حالىق گازەتى باسماقالاسى
وتانىمىزدىڭ تاۋ - وزەندەرى گۇلدەي قۇلپىردى، جۇڭگونىڭ بايتاق دالاسى كوكتەم شۋاعىنا شومدى. 3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭدە سالتاناتپەن اشىلدى. 3000عا جۋىق مەملەكەتتىك حالىق قۇرىلتايى ۋاكىلى حالىقتىڭ ماڭىزدى تاپسىرماسىن ارقالاپ استانادا باس قوسىپ، ”15 - بەسجىلدىق“ دامۋ ۇلى جوسپارىن بىرگە اقىلداسىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ تىڭ تاراۋىن بىرگە جوسپارلايدى. ءبىز ءماجىلىستىڭ اشىلعاندىعىن قىزۋ قۇتتىقتايمىز!
اسا وزگەشە ءبىر جىلدا كەرەمەت كۇرەس ىزدەرى ورنەكتەلدى. 2025 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز قيىندىققا قارسى اتتانىپ، قايراتتانا العا ۇمتىلىپ، كۇردەلى دە الماعايىپ ەل ءىشى جانە حالىقارالىق جاعدايعا ءونىمدى توتەپ بەرىپ، كوپتەگەن ءىرى، ماڭىزدى ىستەردى تىندىرىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرىن ءساتتى ورىندادىق. ەلىمىز ەكونوميكاسى قىسىمعا توتەپ بەرە العا ىلگەرىلەپ، جاڭا، ساپالى بولۋعا قاراي دامىپ، ％5تىك ارتۋ قارقىنىمەن دۇنيە جۇزىندەگى نەگىزگى ەكونوميكالىق تۇلعالاردىڭ الدىڭعى قاتارىنان ۇزدىكسىز ورىن الىپ، قۋاتتى سەرپىمدىلىگى مەن ومىرشەڭ كۇشىن ايگىلەدى. جاساندى زەردە، كۆانتتىق عىلىم - تەحنولوگيا، بيولوگيالىق ءدارى - دارمەك سياقتى سالالاردا جاڭالىق اشۋ جەتىستىكتەرى ىركەس - تىركەس جارىققا شىعىپ، ەلىمىز جاڭالىق اشۋ قۋاتى ەڭ تەز جوعارىلاعان ەكونوميكالىق تۇلعالاردىڭ بىرىنە اينالىپ، قوزعالىس قۋاتى مەن باسىمدىعى ۇزدىكسىز قاۋلادى. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىستىڭ ۇلى جەڭىسىنەن كۇش - قۋات الىپ، الەمدىك باسقارۋ باستاماسى ارقىلى ورتاق تانىم ۇيىستىرىپ، ەلىمىز كۇن سايىن اۋمالى - توكپەلى دۇنيەدەگى ”ايقىندىققا تولى جاسىل القاپقا“ اينالىپ، ءىرى ەلدىك جاۋاپكەرشىلىگىن ايگىلەدى.
اسا وزگەشە 5 جىلدا كىسىنى قايران قالدىراتىن جۇڭگو كەرەمەتتەرى جاراتىلدى. ”14 - بەسجىلدىق“ مەزگىلىندە ەلىمىز ەكونوميكاسىنىڭ جالپى مولشەرى ءۇرتىس جاڭا وتكەلدەردەن ءوتىپ، 110 تريلليون يۋاندىق وتكەلدەن وتۋدەن 140 تريلليون يۋاننان اسۋعا دەيىنگى ”ءتورت ءۇرتىس سەكىرۋدى“ جۇزەگە اسىرىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەس مولشەرى ％30 اينالاسىندا بولدى. ەكونوميكالىق ناقتى قۋاتى، عىلىم - تەحنولوگيالىق ناقتى قۋاتى، مەملەكەت قورعانىسى ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى، تۇنىق سۋ، جاسىل تاۋ كوز تارتاتىن نەگىزگى تۇسكە اينالدى، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما جۇزەگە اسىرىلدى، بۇلار ءبىزدىڭ قايراتتانا ەكپىندەي ىلگەرىلەۋ، قۇلشىنا العا ۇمتىلۋ جىگەرىمىزدى، جالىنىمىزدى، قايراتىمىزدى بارىنشا كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ بەكىمىمىز بەن سەنىمىمىزدى بەكەمدەدى.
اساۋ تولقىنداردان بايىپپەن ءوتىپ، تار جول، تايعاق كەشۋگە جولىققان سايىن ورشەلەنە العا ۇمتىلدىق. پارتيا مەن مەملەكەت ىستەرىندە تىڭ دا كەلەلى تابىستارعا قول جەتىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالىپ، ”ەكىنى تۇراقتاندىرۋدىڭ“ شەشۋشى ءمانىن تولىق ايگىلەدى. باس شۋجي شي جينپيڭ بىلاي دەپ ىشكەرىلەي اتاپ كورسەتتى: ”تەك ستراتەگيالىق تاباندىلىقتى ساقتاپ، نىق قاداممەن ءىز قالدىرىپ تاباندى تۇردە العا باسىپ، كەزەڭ سايىن تىڭعىلىقتى ىلگەرىلەتسەك بولعانى، پارتيا مەن مەملەكەت ىستەرىندە، ءسوز جوق، ۇزدىكسىز شاعىن جەڭىستەردى توپتاپ ۇلكەن جەڭىسكە جەتەمىز، نىسانامىز، ءسوز جوق، ورىندالادى“.
ءتۇزىم ابزالدىلىعى − ءبىر مەملەكەتتىڭ ەڭ ۇلكەن ابزالدىلىعى. ”14 - بەسجىلدىق“ مەزگىلىندە، پارتيانىڭ باسشىلىعىندا، حالىق قۇرىلتايى ءتۇزىمى قۋاتتى ومىرشەڭ كۇشى مەن كورنەكتى ابزالدىلىعىن ۇزدىكسىز ايگىلەپ، جاڭا داۋىردەگى جاڭا جورىقتا پارتيا مەن حالىقتىڭ كۇرەس نىساناسىن جۇزەگە اسىرۋعا پارمەندى تۇزىمدىك قامتاماسىزدىق ازىرلەدى. وتكەن ءبىر جىلدا، پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى مەن ونىڭ تۇراقتى كوميتەتى پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتىپ، وعان ىرىقتىلىقپەن قىزمەت وتەپ، زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، زاڭ جۇيەسىن اناعۇرلىم كەمەلدەندىرىپ، باقىلاۋ قىزمەتىنىڭ باعىتتامالىلىعىن، ناقتى ونىمدىلىگىن كۇشەيتىپ، جاڭادان وزگەرىس ەنگىزىلگەن ۋاكىلدەر زاڭىن دايەكتىلەندىرۋدى، اتقارۋدى تۇتقا ەتىپ، ۋاكىلدەر قىزمەتىن تەرەڭدەتىپ، كەڭەيتىپ، حالىق قۇرىلتايىنىڭ سىرتقى قارىم - قاتىناس رولىن ساۋلەلەندىرىپ، ”ءتورت ورگان“ قۇرىلىسىن تىڭعىلىقتى ىلگەرىلەتىپ، ءار جاقتاعى قىزمەتتەردە تىڭ ىلگەرىلەۋشىلىكتەر مەن ناتيجەلەرگە قول جەتكىزىپ، رەفورماعا، دامۋعا، ورنىقتىلىققا پارمەندى كەپىل ازىرلەدى.
بيىل ”15 - بەسجىلدىقتىڭ“ باستاما جىلى، تاماشا باستاما جارتى تابىسقا جەتۋمەن بارابار. پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى نەگىزدى بەكەمدەۋدى، جاپپاي كۇش سالۋدى تياناق ەتىپ، ”15 - بەسجىلدىق“ مەزگىلىندەگى جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەر جونىندە ورنالاستىرۋ جاساپ، الداعى 5 جىلداعى ايبىندى جوبانى كەسكىندەدى. قازىر ەلىمىزدىڭ دامۋىندا ستراتەگيالىق وراي مەن حاۋىپ - قاتەر جانە سىن - سايىس قاتار ءومىر ءسۇرىپ، ايقىنسىز، مەجەلەۋ قيىن فاكتورلار كوبەيدى. نەعۇرلىم نىسانا زور، سىن - سايىس اۋىر بولعان سايىن، سولعۇرلىم ءتۇزىم سەنىمىن بەكەمدەي ءتۇسىپ، جۇڭگو كوممۋنيستىك پارتياسىنىڭ باسشىلىعى سىندى ساياسي ابزالدىلىق پەن جۇڭگوشا سوتسياليزمنىڭ ءتۇزىم ابزالدىلىعىن ساۋلەلەندىرىپ، ”جۇڭگو ءتۇزىمى“ ارقىلى ”جۇڭگو باسقارۋىنا“ تىرەك بولىپ، جۇڭگو كەرەمەتىن جاراتۋ كەرەك. پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، حالىق قۇرىلتايى ءتۇزىمىنىڭ ءتۇبىرلى ساياسي تۇزىمدىك رولىن تولىق ساۋلەلەندىرىپ، پارتيانىڭ قۋاتتاماسىن زاڭدىق تارتىپتەر ارقىلى مەملەكەتتىڭ ەركىنە جانە حالىقتىڭ ورتاق ارەكەتىنە اينالدىرۋعا شىنايى كەپىلدىك ەتىپ، پارتيانىڭ نازارياسىنىڭ، لۋشيانىنىڭ، باعىت - ساياساتتارىنىڭ جانە شەشىم - ورنالاستىرۋلارىنىڭ مەملەكەت قىزمەتىندە جاپپاي دايەكتىلەنۋىنە كەپىلدىك ەتكەندە، مەملەكەت پەن ۇلتتىڭ بولاشاعى مەن تاعدىرىن، ءسوز جوق، حالىقتىڭ قولىنا مىقتاپ ۇستاتۋعا بولادى.
جالپى بارىستىق حالىق دەموكراتياسىن دامىتۋ − جۇڭگو ۇلگىسىندەگى وسىزامانداندىرۋدىڭ ماندىك تالابى. كوپ بولىپ كۇش شىعارۋ، باعىتتاس، ساپارلاس بولۋ، جۇرت تىلەگىن ۇيىستىرۋ، ورتاق تانىم ۇيىستىرۋ، اقىل - پاراسات ۇيىستىرۋ، كۇش - قۋات ۇيىستىرۋ، مىنە بۇل − ناعىز جۇڭگو ۇلگىسىندەگى دەموكراتيانىڭ كورنەكتى ابزالدىلىعى. حالىق قۇرىلتايى ءتۇزىمى − ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەر. حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، حالىق بۇقاراسىمەن تىعىز بايلانىس جاساپ، بۇقارانىڭ ۇنىنە قۇلاق اسىپ، بۇقارانىڭ تىلەگىن اڭىس ەتىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، بۇكىل ەلدەگى ءار ۇلت حالقىن پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرۋگە، تياناقتاندىرۋعا جۇمىلدىرىپ، تۇتاس جىلداعى ءتۇرلى قىزمەتتەردى تىڭعىلىقتى، ويداعىداي ىستەسەك، ءسوز جوق، ”15 - بەسجىلدىقتى“ جاقسى باستاپ، جاقسى قادام تاستاۋعا پارمەندى تىرەك ازىرلەي الامىز. قالىڭ ۋاكىلدەردىڭ ساياسي دەڭگەيدى جوعارىلاتىپ، زاڭدا بەلگىلەنگەن قىزمەت جاۋاپكەرشىلىگىن ادالدىقپەن اتقارىپ، شىن سويلەپ، ناقتى جاعدايدى ايتىپ، ناقتى ءادىس - امال كورسەتىپ، كوپتىڭ اقىل - پاراساتىن شوعىرلاندىرىپ، ورتاق تانىم ۇيىستىرىپ، تاماشا شارالاردى كەڭىنەن قاراستىرىپ، پارتيا مەن حالىق ءۇشىن مىندەتىن ويداعىداي اتقارىپ، جاۋاپكەرشىلىگىن ويداعىداي ادا ەتۋىن ءۇمىت ەتەمىز.
اسقار تاۋلار مەن اساۋ وزەندەردەن ءوتىپ، تاۋ اسىپ، تاس باستىق. قازىر ءبىز جاپپاي سوتسياليستىك وسىزاماندانعان مەملەكەت قۇرۋدىڭ شەشۋشى كەزەڭىنە جەتتىك، ءسوز جوق، تاريح ۇتىلاماسىنداعى ”شەشۋشى ۇتىلاما تاياقشاسىن“ ويداعىداي جالعاستىرۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءسوزسىز، جەڭىسكە جەتۋ سەنىمىن بەكەمدەپ، اسقاق كۇرەس جىگەرىن ساقتاساق، ءسوز جوق، ”15 - بەسجىلدىقتىڭ“ تاماشا باستاماسىن جۇزەگە اسىرىپ، جۇڭگو ۇلگىسىندەگى وسىزامانداندىرۋدىڭ جاڭا جورىعىندا تاعى دا شۇعىلالى ناتيجە جاراتا الامىز.
ءماجىلىستىڭ تولىق تابىستى بولۋىن تىلەيمىز!
(شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)
