شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى 3 - ايدىڭ 5 - كۇنى تۇستەن بۇرىن ساعات 9دا حالىق سارايىندا اشىلادى، ءماجىلىس مەملەكەتتىك كەڭەستىڭ زۇڭليى لي چياڭنىڭ ۇكىمەت قىزمەتى جونىندەگى بايانداماسىن تىڭدايدى، حالىق شارۋاشىلىعى مەن قوعامدىق دامۋدىڭ 15 - بەسجىلدىق جوبا باعدارلاماسىنىڭ جوباسىن قاراپ تەكسەرەدى، مەملەكەتتىك كەڭەستىڭ 2025 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2026 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن، سونداي - اق 2026 - جىلعى حالىق شارۋاشىلىعى مەن قوعامدىق دامۋ جوسپار جوباسىن قاراپ تەكسەرەدى، مەملەكەتتىك كەڭەستىڭ ورتالىق پەن جەرگىلىكتى ورىننىڭ 2025 - جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىننىڭ 2026 - جىلعى مەجە ەسەپ جوباسى جونىندەگى بايانداماسىن، سونداي - اق ورتالىق پەن جەرگىلىكتى ورىننىڭ 2026 - جىلعى مەجە ەسەپ جوباسىن قاراپ تەكسەرەدى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي حۇڭجۇڭنىڭ جۇڭحۋا حالىق رەسپۋبليكاسىنىڭ ەكولوگيالىق ورتا زاڭناماسى جوباسى جونىندەگى تۇسىندىرمەسىن، جۇڭحۋا حالىق رەسپۋبليكاسىنىڭ ۇلتتار ىنتىماعى، العاباسارلىعىن جەبەۋ زاڭى جوباسى جونىندەگى تۇسىندىرمەسىن، جۇڭحۋا حالىق رەسپۋبليكاسىنىڭ مەملەكەتتىڭ دامۋ جوباسى زاڭى جوباسى جونىندەگى تۇسىندىرمەسىن تىڭدايدى. تۇستەن كەيىن ءارقايسى ۋاكىلدەر ۇيىرمەلەرى جالپى جيىن وتكىزىپ، ۇكىمەت قىزمەتىنەن باياندامانى قارايدى.
3 - ايدىڭ 5 - كۇنى تۇستەن بۇرىن مەملەكەتتىك ساياسي كەڭەس 14 - كەزەكتى كوميتەتىنىڭ 4 - ماجىلىسىنە قاتىناسقان مەملەكەتتىك ساياسي كەڭەس مۇشەلەرى 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ اشىلۋ جينالىسىنا سىرتتاي قاتىناسىپ، ۇكىمەت قىزمەتىنەن باياندامانى، جۇڭحۋا حالىق رەسپۋبليكاسىنىڭ ەكولوگيالىق ورتا زاڭناماسى جوباسى جونىندەگى تۇسىندىرمەنى، جۇڭحۋا حالىق رەسپۋبليكاسىنىڭ ۇلتتار ىنتىماعى، العاباسارلىعىن جەبەۋ زاڭى جوباسى جونىندەگى تۇسىندىرمەنى، جۇڭحۋا حالىق رەسپۋبليكاسىنىڭ مەملەكەتتىڭ دامۋ جوباسى زاڭى جوباسى جونىندەگى تۇسىندىرمەنى تىڭدايدى. 3 - ايدىڭ 5 - كۇنى تۇستەن كەيىن مەملەكەتتىك ساياسي كەڭەس 14 - كەزەكتى كوميتەتىنىڭ 4 - ءماجىلىسى گرۋپپالار جيىنىن وتكىزىپ، ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى جاعدايى جونىندەگى باياندامانى قارايدى.
ورتالىق راديو - تەلەۆيزيا باس ستانسياسى 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ اشىلۋ ماجىلىسىندە لي چياڭنىڭ ۇكىمەت قىزمەتىنەن جاساعان بايانداماسىن تەلەۆيزوردا تىكە تاراتادى؛ شينحۋا سايتى اشىلۋ ءماجىلىسىن ينتەرنەتتە سۋرەت، جازۋ فورماسىمەن تىكە تاراتادى.
