”ىشكى قابىلەتتى ويداعىداي جەتىلدىرىپ، ءوزىن الۋەتتەندىرۋ كەرەك“
− باس شۋجي شي جينپيڭنىڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندىعى جونىندە ەستەلىك
□ شينحۋا اگەنتتىگىنىڭ تىلشىلەرى جۋ جيچاي، جاڭ يان
بار تىرشىلىك جاندانىپ جاڭا جىل باستالدى، ىرىس قارى جاۋىپ كوكتەمدى قارسى الدى.
3 - ايدىڭ 5 - كۇنى تۇستەن كەيىن حالىق سارايىنىڭ شىعىس زالىنان جىلى لەپ ەستى. قىزۋ شاپالاق ءۇنى ىشىندە باس شۋجي شي جينپيڭ ءماجىلىس الاڭىنا كىرىپ، ءوزى قۇرامىندا بولعان مەملەكەتتىك 14 - كەزەكتى حالىق قۇرىلتايىنىڭ 4 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى.
ۋاقىت وربيتاسى ستراتەگيانىڭ تەرەڭدىگىن تاڭبالاپ، يدەيانىڭ ۇلى كۇشىنە كۋا بولدى.
2023 - جىلى نازاردى ”جوعارى ساپالى دامۋعا“ شوعىرلاندىردى، 2024 - جىلى ”جەرگىلىكتى جاعدايعا قاراي جاڭاشا وندىرگىش كۇشتەردى دامىتۋدى“ باسا دارىپتەدى، 2025 - جىلى ”ەكونوميكالىق ءىرى ولكەلەردىڭ جۇكتىڭ اۋىرىن كوتەرۋىنىڭ“ كۇش سالۋ ءتۇيىنىن ايقىن كورسەتتى. ءار جىلى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، باس شۋجي بيىكتە تۇرىپ الىستى بولجاپ، ماڭىزدى جاعىن يگەرۋ ارقىلى كۇردەلى ىستەردى ءبىر جاقتى ەتىپ، جياڭسۋ مەن بۇكىل ەلدىڭ دامۋىنا جول باستاپ، باعدار بەلگىلەدى.
”15 - بەسجىلدىقتىڭ“ كارتيناسى جايىلدى، نىسانا - مىندەتتەردى بۇلجىماي كوزدەپ قولايلى جاعدايدان ۇتىمدى پايدالانۋ قاجەت، باس شۋجي ۋاكىلدەرمەن بەتپە - بەت ىشكەرىلەي پىكىر اۋىستىردى.
ۋاكىل جاڭ شياۋحۇڭ سۋجوۋ داشۋەسىنەن كەلگەن، ول باس شۋجيگە مەكتەپتىڭ ”عىلىم - تەحنولوگيا مەن وقۋ - اعارتۋدىڭ توعىسۋىن، ءوندىرىس پەن وقىتۋدىڭ توعىسۋىن“ ىلگەرىلەتۋ جونىندەگى ىزدەنىسىن تانىستىردى: ”كاسىپورىن تاجىريبەحاناسىن سۋجوۋ داشۋەسىندە قۇرىپ، سۋجوۋ داشۋەسى ساباقحاناسىن كاسىپورىندارعا كوشىرىپ، وقۋشىلاردىڭ باتىلدىقپەن ۇمتىلىس جاساپ، جاڭالىق اشا الۋىنا مۇمكىندىك جاسادىق“. سوڭعى 3 جىلدا مەكتەپ پەن كاسىپورىن بيولوگيالىق ءدارى - دارمەك، ونەركاسىپ جۇمساق بولشەگى سياقتى سالالاردا تاپشى بولىپ وتىرعان دارىندىدان 9441ىن قول ۇستاسا باۋلىپ، ءپان مەن كاسىپ سالاسىنىڭ ءتۇيىلىسۋىن ىلگەرىلەتىپ، كاسىپورىندارمەن بىرگە 200دەن استام جاڭالىق اشۋ بىرىككەن تۇلعاسىن قۇردى...
عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋ − جاڭاشا وندىرگىش كۇشتەردى دامىتۋدىڭ نەگىزگى جولى.
”جياڭسۋدىڭ جاڭاشا وندىرگىش كۇشتەردى دامىتۋ نەگىزى ءبىرشاما جاقسى، وقۋ - اعارتۋ، عىلىم - تەحنولوگيا، دارىندىلاردىڭ دامۋىن ءبىر تۇلعالى ىلگەرىلەتۋ كەرەك“، - دەدى باس شۋجي.
3 - ايدىڭ 5 - كۇنى تۇستەن بۇرىنعى ۋاكىلدەر ارناسىندا جياڭسۋ ليشياحى ءوڭىرى اۋىل شارۋاشىلىعى عىلىمىن زەرتتەۋ ورنىنان كەلگەن ۋاكىل گاۋ دىرۇڭ تەبىرەنە سول جىلى چاڭجياڭنىڭ ورتا، تومەنگى اعارىندا قىزىل كۇيە ىندەتى ءورشىپ، شارۋالاردىڭ ءبيداي اتىزىنىڭ جانىندا تۇرىپ ءۇنسىز كوز جاسىن كولدەتكەن كورىنىسى جۇرەگىن قاتتى اۋىرتقاندىعىن ايتتى. ”ءار ءتۇيىر ءداننىڭ بەينەتپەن كەلەتىندىگىن“ ابدەن بىلەتىن گاۋ دىرۇڭ ءبيداي اتىزىنا ەنىپ سورتتى تۇقىم جەتىلدىرۋمەن اينالىسىپ، تاپجىلماي ىستەپ 30 نەشە جىلدى وتكەردى.
”بۇگىن تەلەۆيزورعا شىقتىڭىز عوي؟ ەسىمىڭىزدى ەسىمە ساقتاپ الدىم“. ءماجىلىس الاڭىندا باس شۋجي شي جينپيڭ ونى بىردەن تانىدى.
”ءيا، مەن بۇرىننان ءبيداي تۇقىمىن جەتىلدىرۋمەن شۇعىلدانىپ كەلەمىن“، - دەدى گاۋ دىرۇڭ تەبىرەنە.
ول باس شۋجيگە سانسىز رەت بىرلەستىرۋ، قايتا - قايتا تاجىريبە جاساۋ ارقىلى ۇجىمنىڭ ىلگەرىندى - كەيىندى جوعارى قارسىلىق قۋاتتى، جوعارى ءتۇسىمدى ”ياڭماي 33“، ”ياڭماي 53“ تۇقىمدارىن جەتىلدىرىپ، ءبيدايدىڭ قىزىل كۇيە دەرتىنەن ءونىمدى ساقتانىپ - تىزگىندەپ، شارۋالاردىڭ ءدارى شاشۋدى ازايتۋىنا، استىق ءونىمىن ارتتىرۋىنا، سونداي - اق كىرىستەرىن ارتتىرۋىنا مۇمكىندىك جاساعاندىعىن ايتتى.
”سىزدەر جەتىلدىرگەن تۇقىم قانشا اۋماقتا جالپىلاستىرىلدى“؟ - دەپ سۇرادى باس شۋجي.
”چاڭجياڭنىڭ ورتا، تومەنگى اعارىنىڭ ەكىدەن ءبىر بولىگىن قامتىدى“.
ءبىر تال تۇقىم ءبىر ميلليارد نەشە ءجۇز ميلليون ادامنىڭ ىشەر اسىنا ساياتىن مەملەكەت جاعدايى. گاۋ دىرۇڭ سوزىندە مىنانى ءبىلدىردى: ”وندىرىسكە قاجەتتى، شارۋالار قارسى الاتىن اناعۇرلىم جاقسى تۇقىمدى ۇزدىكسىز جەتىلدىرىپ، ەلىمىزدىڭ تۇقىم شارۋاشىلىعىنىڭ گۇلدەنۋى، جۇڭگولىقتاردىڭ اس كەسەسىن مىقتى ۇستاۋى ءۇشىن اناعۇرلىم زور كۇش قوسامىن“!
باس شۋجي بىلاي دەپ ىقىلاستى تاپسىرما بەردى: ”تۇقىم شارۋاشىلىعى ەڭ ماڭىزدى، اۋىل شارۋاشىلىعىمەن شۇعىلدانۋ ءۇشىن، تۇقىم شارۋاشىلىعىنىڭ دەڭگەيىن كوتەرۋ كەرەك“.
جيڭجياڭ قالاسى دىشىڭ قىستاعىنان كەلگەن پارتيا باس ياچەيكاسىنىڭ شۋجيى، ۋاكىل ياڭ حىڭجۇن جەرگىلىكتى ورىننىڭ اۋىل - قىستاقتى گۇلدەندىرۋىنىڭ ”باستاماشىسى“. 20 نەشە جىلدا ول قىستاق تۇرعىندارىن باستاپ ياچەيكانى كۇشەيتىپ، كاسىپ سالاسىن گۇلدەندىرىپ، چاڭجياڭنىڭ سولتۇستىك جاعالاۋىنداعى وسى ”ءالسىز قىستاقتى“ دامىتىپ ”مەملەكەتتىك وركەنيەتتى قىستاققا“ اينالدىردى.
”سوڭعى جىلدارى ءتۇرلى دەنە تاربيە جارىستارىنىڭ دابىرالى وتكىزىلۋىنە ىلەسە، فۋتبول جارىسىن كورەتىن، سپورتقا قىزىعاتىن قىستاق تۇرعىندارى كوبەيدى“، - دەدى ياڭ حىڭجۇن تانىستىرىپ. بۇگىنگى تاڭدا، قىستاق تۇرعىندارىنىڭ قالتاسى قامپايدى، قورشاعان ورتا تىپتەن كورىكتەندى، اۋىل سالتى تىپتەن وركەنيەتتى بولدى.
جۇڭگو ۇلگىسىندەگى وسىزامانداندىرۋ − زاتتىق وركەنيەت پەن رۋحاني وركەنيەت ءوزارا سايكەسكەن وسىزامانداندىرۋ، اۋىل سالتى وركەنيەتى − اۋىل - قىستاقتى جاپپاي گۇلدەندىرۋ تاقىرىبىنىڭ ماڭىزدى مازمۇنى.
باس شۋجي بىلاي دەپ باسا دارىپتەدى: ”تانىستىرعان جاعدايىڭىزدان قاراعاندا، قىستاقتىڭ ەكونوميكاسى جاقسارىپتى، رۋحاني وركەنيەت قۇرىلىسىنا دا ءمان بەرىلىپتى، بۇل توتەنشە ماڭىزدى. اۋىل - قىستاقتا ىشەر اس، كيەر كيىم ماسەلەسى شەشىلمەسە، جۇرتشىلىق بايىماسا بولمايدى، ءبىراق تەك اقشا عانا، بايۋ عانا بولسا جانە بولمايدى. اۋىل - قىستاق رۋحاني وركەنيەتىنە بارىنشا ءمان بەرىپ، وقۋ - اعارتۋدى يگەرۋ، ەسكى سالت - سانانى وزگەرتۋدى يگەرۋ، مادەنيەت قۇرىلىسىن يگەرۋ كەرەك“.
جياڭسۋدىڭ دامۋى دامۋدىڭ بىركەلكى بولماۋى، تولىق بولماۋى ماسەلەسىن كۇش سالا ويداعىداي شەشۋدى قاجەت ەتەدى. جياڭسۋدىڭ سولتۇستىگىندەگى حۋاي - اننان كەلگەن ۋاكىل شى جىجۇن ”سالىستىرمالى تۇردە دامۋى كەنجە قالعان وڭىرلەردىڭ جوعارى ساپالى قارىشتاپ دامۋىن“ جەرگىلىكتى جاعدايعا قاراي ىلگەرىلەتۋ جاعدايىنان مالىمەت بەردى: جاڭاشا ونەركاسىپتەندىرۋ جولىمەن جۇرۋگە تاباندى بولىپ، سۋ تاسىمالى تورابىنىڭ باسىمدىعىن تولىق ساۋلەلەندىرىپ، ”جەرگىلىكتى ەرەكشەلىككە يە ونىمدەر“ ءىسىن ويداعىداي ىستەپ، ەكولوگيالىق اينالمالى اۋىل شارۋاشىلىعىن دامىتتىق...
ءسوز تاقىرىبى سول جەردىڭ ەرەكشەلىككە يە كاسىپ سالاسى ”شۇي - ي ۇساق تەڭىز شايانىنا“ شوعىرلاندى. سول جەردە جەتىلدىرىلگەن ۇساق تەڭىز شايانىنىڭ ”شۇي - ي − 1“ جاڭا تۇقىمى بار، ونىڭ دەنە سالماعى مەن مۋ باسىندىق ءونىمى ％18تىڭ ۇستىندە ارتىپ، بازاردا بارىنشا قارسى الىندى. شۇي - يدەگى اۋىل - قىستاق تۇرعىندارىنىڭ ％5. 32 كىرىسى ۇساق تەڭىز شايانىنان كەلەدى.
”ۇساق تەڭىز شايانى دامىپ ۇلكەن كاسىپ سالاسىنا اينالىپتى“، - دەدى باس شۋجي كۇلىمسىرەپ.
جەرگىلىكتى جاعدايعا قاراي كاسىپ سالاسىن دامىتۋدان وڭىرلەردىڭ سايكەستى دامۋى ماسەلەسىنە توقتالعاندا، باس شۋجي بىلاي دەپ باسا دارىپتەدى: سوڭعى جىلدارى جياڭسۋدا وڭىرلەر كىرىسىنىڭ، قالا مەن اۋىل كىرىسىنىڭ پارقى كورنەكتى ازايدى، حالىقتىڭ تۇرمىس دەڭگەيىنىڭ ءوسۋ كولەمى بۇكىل ەلدىڭ الدىڭعى لەگىندە بولدى، جالپى حالىقتىڭ بىرگە بايۋىن ىلگەرىلەتۋ جاعىندا بەلسەندى ىزدەنىس جاساۋ كەرەك.
28 جاستاعى مالتاۋ شەبەرى جاڭ يۇيفي 3كەزەك وليمپيادا سپورت جارىسىنا قاتىناسقان. ول باس شۋجيگە ءوزىنىڭ كۇرەس بارىسىن باياندادى.
باس شۋجي ونى سپورت الاڭىندا ۇزدىكسىز سايىسىپ، وتانعا داڭق اپەرۋمەن بىرگە، جاس سپورتشىلارعا ۇيرەتۋ، كومەكتەسۋ، ولاردى جەتەكتەۋ قىزمەتىن جاقسى ىستەۋگە جىگەرلەندىردى.
مەدال سالماعىنا ايانباي شايقاسۋ تەرى سىڭگەن؛ دەنە تاربيەنىڭ كوركەيۋى مەملەكەتتىڭ ەكپىندەي ىلگەرىلەگەندىگىن ايگىلەيدى. جارىس الاڭىنداعى ءار رەتكى سەرپىلىس ەجەلدەن جەكە - دارا شايقاس جاساۋ ەمەس، قاشاندا داۋرەندەگەن داۋىرمەن بىرگە العا باسۋ سانالادى، ول مەملەكەتتىڭ قۇدىرەتتەنۋىنەن، حالىقتىڭ قولداۋىنان قول ۇزە المايدى.
باس شۋجي شي جينپيڭ بىلاي دەپ اتاپ كورسەتتى: ”دەنە تاربيەدە قۋاتتى ەل بولۋ − وسىزاماندانعان قۇدىرەتتى ەلدىڭ ماڭىزدى بەلگىسى. دەنە تاربيەدە قۋاتتى بولۋ مىنا ەكى جاقتان بەينەلەنەدى: ءبىرى، جالپى حالىقتىق دەنە تاربيەدە قۋاتتى بولۋ، حالىقتىڭ دەنساۋلىق ساپاسى جوعارى بولۋ، ەندى ءبىرى، باسەكەلىك دەنە تاربيە جان - جاقتى دامىعان بولۋ.
3 - ايدىڭ 5 - كۇنى تۇستەن بۇرىن ”15 - بەسجىلدىق“ جوبا باعدارلاماسى جوباسى مەملەكەتتىك حالىق قۇرىلتايى ءماجىلىسىنىڭ قاراپ تەكسەرۋىنە ۇسىنىلدى، مەملەكەتتىڭ دامۋ جوباسى زاڭى جوباسى ءبىر ۋاقىتتا ءماجىلىستىڭ قاراۋىنا ۇسىنىلدى.
باس شۋجي شي جينپيڭ مۇنداعى تەرەڭ تولعانىستى بىلاي دەپ انىق ءتۇسىندىردى: ”بەسجىلدىق جوبانى جاساۋ جانە اتقارۋ − مەملەكەتتىڭ تۇزىمدىك ورنالاستىرۋى، جۇڭگو كوممۋنيستىك پارتياسىنىڭ ەل باسقارۋداعى ماڭىزدى تاجىريبەسى. جوبانى ويداعىداي جاساۋدا اتقارۋدى دا ىلگەرىلەتۋ كەرەك. جاقسى جوبا مەن اتقارۋ قابىلەتىن ۇشتاستىرۋ كەرەك. مەن ورتالىققا قىزمەتكە كەلگەننەن كەيىن ’12 - بەسجىلدىقتان‘ ’15 - بەسجىلدىققا‘ دەيىنگى جوبانى جاساۋعا قاتىناسىپ تەرەڭ اسەر الدىم. جوبانىڭ جاسالۋ بارىسى جالپى بارىستىق حالىق دەموكراتياسىن ساۋلەلەندىرۋ بارىسى بولىپ تابىلادى“.
”اسا ايرىقشا، اسا وزگەشە“ 5 جىلدى باسىپ ءوتىپ، ”14 - بەسجىلدىق“ ءساتتى اياقتالىپ، جۇڭگو ۇلگىسىندەگى وسىزامانداندىرۋدا جاڭا نىق قادام تاستالدى.
جاڭا جورىق، جاڭا جاعداي، جاڭا مىندەت، جاڭا سىن - سايىس.
”15 - بەسجىلدىقتاعى“ ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋدا اناعۇرلىم كۇردەلى ورتاعا توتەپ بەرىپ، اناعۇرلىم كوپ تەرەڭ قاتپارلى قايشىلىقتاردى شەشۋ قاجەت، باس شۋجي شي جينپيڭ ەكونوميكالىق ءىرى ولكەلەرگە زور ءۇمىت ارتتى: ”جياڭسۋ قاتارلى ەكونوميكالىق ءىرى ولكەلەر رەفورما جاساۋدىڭ، ەسىك اشۋدىڭ الدىڭعى لەگىندە تۇر، جاڭا جاعدايلاردى زەرتتەۋ، جاڭا ماسەلەلەردى شەشۋ جاعىندا كۇش سالۋى، تاجىريبە قالىپتاستىرۋى كەرەك“.
قانداي جاڭا جاعدايلار بار؟
بيىلعى ۇكىمەت قىزمەتىنەن باياندامادا 2026 - جىلعى دامۋدىڭ باستى مەجەلى نىساناسى ورتاعا قويىلدى: ەكونوميكانى ％5. 4تەن %5كە دەيىن ارتتىرىپ، ءىس جۇزىندىك قىزمەت بارىسىندا اناعۇرلىم ويداعىداي ناتيجەگە قول جەتكىزۋگە قۇلشىنۋ.
باس شۋجي بىلاي دەپ اتاپ كورسەتتى: ”ىشكى ءوندىرىس جالپى قۇنىنىڭ ارتۋىنا عانا قاراۋعا بولمايدى، قازىرگى ارتقانى قاتتى ناقتى قۋات، تالپىنىسىمىز − جاڭاشا وندىرگىش كۇشتەردى دامىتۋ. ۇزدىكسىز تيبىن جاڭالاپ دارەجەسىن ءوسىرۋ، ساپاسىن جوعارىلاتىپ بۋىن اۋىستىرۋ ارقىلى قادام سايىن العا ىلگەرىلەۋ كەرەك“.
جياڭسۋ جونىنەن العاندا، تۇتاس قوعامنىڭ زەرتتەۋ - اشۋ ۇسىنىلىمىنىڭ كۇشەمەلىلىگى جاسامپاز ەلدەر مەن وڭىرلەردىڭ ورتاشا دەڭگەيىنە جەتتى، باس شۋجي: ”جياڭسۋدىڭ بۇل جاعىنداعى نەگىزى ءبىرشاما جاقسى، قۇلشىنا الدىڭعى لەكتە ءجۇرۋى كەرەك“، - دەپ جىگەرلەندىردى.
قانداي جاڭا جاعدايلارعا ءدوپ كەلدى؟
سىرتقى ورتاداعى وزگەرىستىڭ ىقپالى تەرەڭدەپ، وڭىرلىك ساياسي حاۋىپ - قاتەر ۇزدىكسىز ارتىپ، دۇنيە ءجۇزى ەكونوميكاسىنىڭ قوزعالىس قۋاتى السىرەپ، كوپ جاقتىلىق، ەركىن ساۋدا اۋىر سوققىعا ۇشىرادى...
”ەكونوميكالىق ءىرى ولكەلەر دامۋ نەگىزى ورنىقتى، سىرتقى سوققىعا توتەپ بەرۋ قۋاتى كۇشتى بولعاندا عانا بۇكىل ەلدىڭ ەكونوميكالىق جالپى جاعدايىنىڭ ورنىقتىلىعىنا تىرەك بولا الادى. جياڭسۋ ەكونوميكانىڭ سەرپىمدىلىگىن كۇشەيتۋگە ۇزدىكسىز كۇش سالۋى كەرەك“. ”قىزمەتتىڭ سالماعىن ىشكى قابىلەتتى ويداعىداي جەتىلدىرۋگە، ءوزىن الۋەتتەندىرۋگە تۇسىرۋگە تاباندى بولۋى كەرەك“.
”15 - بەسجىلدىق“ جوبا ۇسىنىسىندا ”وسىزاماندانعان كاسىپ سالاسى جۇيەسىن قۇرىپ، ناقتى ەكونوميكانىڭ نەگىزىن بەكەمدەۋدى، زورايتۋدى“ 12 ءتۇرلى ستراتەگيالىق مىندەتتىڭ ماڭداي الدى ورنىنا قويۋ ”ابدەن ويلانۋدان وتكەن“.
باس شۋجي شي جينپيڭ باتىل تۇردە: ”جۇڭگو وسىنشاما ۇلكەن، ءبىز، ءسوز جوق، ناقتى ەكونوميكامەن شۇعىلدانۋىمىز كەرەك، ءبىر جاقتىڭ، ءبىر سالانىڭ قاعىس قالۋىنا بولمايدى. استىق سياقتى جۇڭگو كەسەسىنە دە، ءسوز جوق، جۇڭگو استىعى سالىنۋى، ءسوز جوق، ءوز كۇشىمىزگە سۇيەنىپ ءومىر ءسۇرۋىمىز كەرەك“، - دەدى.
قانداي جاڭا ماسەلەلەردى شەشۋ كەرەك؟
مىسالى، جاڭا كەزەكتى عىلىم - تەحنولوگيا توڭكەرىسى مەن كاسىپ سالاسى وزگەرىسىنىڭ ىقپالىندا، ءداستۇرلى كاسىپتەردە جۇمىسشى ىستەتۋ قاجەتى ازايىپ، قۇرىلىمدىق جۇمىستانۋ قايشىلىعى كورنەكتىلەنۋ ماسەلەسى؛ مىسالى، ءداستۇرلى كاسىپ سالالارى مەن جاڭادان گۇلدەنگەن كاسىپ سالالارىنىڭ كىرىس پارقىنىڭ بىرتىندەپ زورايۋ جاعدايى جارىققا شىعىپ، كىرىس پارقىن ازايتۋ جونىندە جاڭا سىن - سايىس الا كەلدى؛ مىسالى، جان سانىنىڭ قارتتانۋى مەن بالالاردىڭ ازايۋ دارەجەسىنىڭ ارتۋىنا ىلەسە، قارتتاردى كۇتىمدەۋ سياقتى نەگىزگى الەۋمەتتىك قىزمەت وتەۋ مەن قوعامدىق قامتاماسىزداندىرۋ دەڭگەيىن ونان ارى جوعارىلاتۋ شۇعىل قاجەت بولىپ وتىر ...
باس شۋجي شي جينپيڭ ءبىر - بىردەن ىشكەرىلەي تالداۋ جاساپ، بىلاي دەپ اتاپ كورسەتتى: ”وسى ماسەلەلەردىڭ بارلىعى ەلىمىز قازىرگى كەزەڭدە جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا جاپپاي جولىعىپ وتىرعان ماسەلەلەر. جياڭسۋ وسى ماسەلەلەردى بەلسەندى دە ىرىقتى تۇردە شەشىپ، بۇكىل ەل كولەمىندەگى حالىق تۇرمىسى ماسەلەلەرىن ويداعىداي شەشۋگە اقىل - پاراسات جانە كۇش - قۋات قوسۋى كەرەك“.
باستاما اشىپ، قادام تاستاپ، دۇرىس ناتيجە كوزقاراسىن ورناتۋ جانە امالياتتا ايگىلەۋ پارتيانىڭ وبرازىنا سايادى، دامۋ جالپى جاعدايىنا سايادى.
قازىر بۇكىل پارتيادا دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى ورىستەتىلۋدە، باس شۋجي بىلاي دەپ قاداعالاي تاپسىردى: ”پارتيانى باسقارۋ، پارتيانى جونگە سالۋ نەعۇرلىم ءونىمدى بولعان سايىن، ەكونوميكالىق، قوعامدىق دامۋدى قامتاماسىز ەتۋ سولعۇرلىم پارمەندى بولادى“، ”’جالپى ءۇشىن پارتيا قۇرۋ، حالىقتى باقىتقا كەنەلتۋ، عىلمي شەشىم جاساۋ، شىنايى يگەرىپ ناقتى ىستەۋ‘ جالپى تالابىن تياناقتاندىرىپ، قالىڭ پارتيا مۇشەلەرىن، كادرلاردى تاباندىلىقپەن ءىس تىندىرىپ ناتيجە شىعارۋعا جەتەكتەپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجەلەر جاراتۋعا قۇلشىنۋ كەرەك“.
جىل جوسپارىن ءاۋ باستان جاقسى جاساۋ كەرەك. الىس ساپارعا قادامداپ جەتەمىز.
(شينحۋا اگەنتتىگىنىڭ 3 - ايدىڭ 6 - كۇنى بەيجيڭنەن بەرگەن حابارى)
