شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى قارادى

　　شوكىرات زاكىر، چىن شياۋجياڭ، ەركىن تۇنياز، ٴزۇمىرات وبۇل، شاۋكەت يمىن قاتىناستى، حى جۇڭيوۋ سىرتتاي قاتىناستى

　　انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 9 ـ كۇنى بەيجيڭنەن حابارلايدى. 3 ـ ايدىڭ 9 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 4 ـ ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن، مەملەكەتتىك حالىق قۇرىلتايى تۇراقتى كوميتەتىنىڭ زاڭدى اداقتاۋ قىزمەتى احۋالى جانە قاتىستى زاڭدار مەن قاۋلىلاردى ٴبىر جاقتى ەتۋ پىكىرى جونىندەگى بايانداماسىن قارادى. مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، چىن شياۋجياڭ، ەركىن تۇنياز، ٴزۇمىرات وبۇل، شاۋكەت يمىن قاراۋعا قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ سىرتتاي قاتىناستى.

　　مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى سياقتى تاراۋلارداعى جولداستار، مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىندەگى جولداستار جيىنعا قاتىناسىپ، پىكىرلەردى تىڭدادى.

　　ۋاكىل شوكىرات زاكىر بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن بۇكىلدەي قۇپتايمىن. باياندامادا وتكەن ٴبىر جىلداعى تۇراقتى كوميتەتتىڭ قىزمەت ناتيجەسى جان ـ جاقتى قورىتىندىلانىپ، بيىلعى باستى مىندەتتەر جۇيەلى ورنالاستىرىلىپتى، بۇل ٴتۇزىم ابزالدىلىعىن ايگىلەگەن، زاڭمەن باسقارۋ رۋحىن اسقاقتاتقان، حالىقتىق سۇيىسپەنشىلىگى قويۋ تاماشا بايانداما بولدى. وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، پارتيانىڭ جالپى بەتتىك باسشىلىعىن، اسىرەسە، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىن حالىق قۇرىلتايى قىزمەتىنىڭ ٴار جاعىنا، جالپى بارىسىنا باستان ـ اياق ٴسىڭىردى؛ قاتاڭ تۇردە نەگىزگى زاڭ بويىنشا مىندەت وتەپ، نەگىزگى زاڭنىڭ بەدەلى مەن ابىرويىن باتىل قورعاپ، زاڭ شىعارۋ قىزمەتىندەگى جەتەكشىلىك رولىن ساۋلەلەندىرىپ، جۇڭگوشا سوتسياليستىك زاڭ جۇيەسىنىڭ اناعۇرلىم عىلمي دا كەمەلدى بولۋىن ىلگەرىلەتتى؛ پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن مىقتاپ ارقاۋ ەتىپ، دۇرىس باقىلاۋ جۇرگىزدى، ٴونىمدى باقىلاۋ جۇرگىزدى، زاڭ بويىنشا باقىلاۋ جۇرگىزدى؛ جالپى بارىستىق حالىق دەموكراتياسىن سانالىلىقپەن امالياتتا ايگىلەپ، حالىق تىلەگىن قابىلداۋ، حالىقتىڭ اقىل ـ پاراساتىن شوعىرلاندىرۋ قىزمەت مەحانيزمىن ۇزدىكسىز اقاۋسىزداندىردى؛ ۋاكىلدەر قىزمەتىن ونان ارى تەرەڭدەتىپ، كەڭەيتىپ، ۋاكىلدەردىڭ مىندەتىن زاڭ بويىنشا اتقارۋىن، رولىن ساۋلەلەندىرۋىن قولدادى جانە قامتاماسىز ەتتى. ٴبىز شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، پارتيا مەن مەملەكەتتىڭ قىزمەت كەلەلى جاعدايىن ارقاۋ ەتە وتىرىپ، مىندەت اتقارىپ، جاۋاپكەرشىلىكتى ادا ەتىپ، زاڭ شىعارۋ، باقىلاۋ، ۋاكىلدەر، سىرتپەن بارىس ـ كەلىس سياقتى قىزمەتتەردى تىڭعىلىقتى ويداعىداي ىستەپ، ”15 ـ بەسجىلدىقتىڭ“ تاماشا باستاماسىن جۇزەگە اسىرۋعا زاڭمەن باسقارۋ بەرىك قامتاماسىزدىعىن قۇلشىنا ازىرلەۋىمىز كەرەك.

　　ۋاكىل ەركىن تۇنياز بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىنا باستان ـ اياق شي جينپيڭ زاڭمەن باسقارۋ يدەياسى، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسى ٴسىڭىرىلىپ، ٴتۇزىم ابزالدىلىعى ايگىلەنىپ، حالىق قۇرىلتايىنىڭ ەرەكشەلىگى بەينەلەنىپتى، زاڭمەن باسقارۋ كۇشىنە تولى ەكەن، مەملەكەتتىك حالىق قۇرىلتايى تۇراقتى كوميتەتىنىڭ جاڭا جورىقتا جاڭا ىسكەرلىك كورسەتىپ، تىڭ ۇلەس قوساتىن جاۋاپكەرشىلىك ارقالاۋى تولىق ايگىلەنىپتى، بۇكىلدەي قۇپتايمىن. وتكەن ٴبىر جىلدا مەملەكەتتىك حالىق قۇرىلتايىنىڭ تۇراقتى كوميتەتى باستان ـ اياق پارتيانىڭ جالپى بەتتىك باسشىلىعىنا تاباندى بولۋدى ەڭ جوعارى ساياسي پرينسيپ ەتىپ، حالىق قۇرىلتايى تۇزىمىنە دايەكتى تۇردە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، جوعارى ساپالى زاڭ شىعارۋدى تىڭعىلىقتى ىلگەرىلەتتى، زاڭمەن باسقارۋ نەگىزىن اناعۇرلىم بەكەمدەدى؛ دۇرىس باقىلاۋ جۇرگىزىپ، ٴونىمدى باقىلاۋ جۇرگىزىپ، زاڭ بويىنشا باقىلاۋ جۇرگىزىپ، باقىلاۋدى پارمەندى دە ٴونىمدى اتقاردى؛ حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىق ٴۇشىن مىندەت وتەۋ نەگىزىن بەكەمدەدى؛ كوپ ساتىلى، كوپ ارنالى، كوپ سالالى شەتەلدەرمەن بارىس ـ كەلىستى بەكەمدەپ جانە تەرەڭدەتىپ، ديپلوماتياعا بەلسەندىلىكپەن، ىسكەرلىكپەن قىزمەت وتەدى. ٴبىز باياندامادا العا قويىلعان ٴتۇرلى مىندەتتەردى مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىن ٴبىر تۇلعالى ىلگەرىلەتىپ، جالپى بارىستىق حالىق دەموكراتياسىن امالياتتا ايگىلەپ، حالىق قۇرىلتايىنىڭ جانە ونىڭ تۇراقتى كوميتەتىنىڭ باقىلاۋىن سانالىلىقپەن قابىلداپ، حالىق قۇرىلتايى ۋاكىلدەرىنىڭ كەڭەستىك جوبالارىنىڭ، ۇسىنىستارىنىڭ ٴبىتىرىلۋ دەڭگەيىن جوعارىلاتىپ، جوعارى ساپالى دامۋدى تىڭعىلىقتى ىلگەرىلەتەمىز.

　　ۋاكىل ٴزۇمىرات وبۇل بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىندا شي جينپيڭ زاڭمەن باسقارۋ يدەياسى، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسى ىشكەرىلەي دايەكتىلەندىرىلىپتى، بۇل ۇلى تۋدى بيىك ۇستاعان، ٴتۇزىم سەنىمىن ايگىلەگەن، حالىقتى بارىنەن جوعارى قويۋعا تاباندى بولعان، زاڭمەن باسقارۋ رۋحىن اسقاقتاتقان تاماشا بايانداما. بۇكىلدەي قۇپتايمىن. وتكەن ٴبىر جىلدا مەملەكەتتىك حالىق قۇرىلتايى تۇراقتى كوميتەتى پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، پارتيانىڭ جالپى بەتتىك باسشىلىعىن باستان ـ اياق حالىق قۇرىلتايى قىزمەتىنىڭ تۇتاس بارىسىنا ٴسىڭىرىپ، نەگىزگى زاڭنىڭ، زاڭداردىڭ جاپپاي، ٴونىمدى اتقارىلۋىنا كەپىلدىك ەتىپ، تاماشا زاڭ ارقىلى رەفورمانى ىلگەرىلەتىپ، دامۋدى جەبەپ، شەبەرلىكپەن باسقارۋدى قامتاماسىز ەتىپ، باقىلاۋ كۇشى ارقىلى رەفورما، دامۋ، ورنىقتىلىق كەلەلى جاعدايىن قورعاپ، جوعارى ساپالى ۋاكىلدەر قىزمەتى ارقىلى جالپى بارىستىق حالىق دەموكراتياسىن امالياتتا ايگىلەپ، ناعىز تاتىمدى جوعارى ٴنومىرلى جاۋاپناما تاپسىردى. اۆتونوميالى رايوندىق حالىق قۇرىلتايى تۇراقتى كوميتەتى ورنىقتىلىق بارىسىندا ىلگەرىلەپ، حالىق قۇرىلتايى قىزمەتىنىڭ جوعارى ساپالى دامۋىن جەبەپ، ”14 ـ بەسجىلدىقتىڭ“ تابىسپەن اياقتالۋىنا بەلسەندى ۇلەس قوستى. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال جاپپاي دايەكتىلەندىرىپ، مەملەكەتتىك حالىق قۇرىلتايى تۇراقتى كوميتەتىنىڭ ورنالاستىرۋلارىمەن ٴتۇيىلىسىپ، ەكولوگيالىق ورتا زاڭناماسى سياقتى 3 ماڭىزدى زاڭدى دايەكتىلەندىرىپ، اتقارىپ، زاڭ شىعارۋ، باقىلاۋ، ۋاكىلدەر قىزمەتتەرىن تىڭعىلىقتى ىستەپ، زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرىپ سوتسياليستىك وسىزاماندانعان شينجياڭ قۇرامىز.

　　ۋاكىل شاۋكەت يمىن بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىندا شي جينپيڭ زاڭمەن باسقارۋ يدەياسى، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسى ىشكەرىلەي دايەكتىلەندىرىلگەن، ساياسي جەتەكشىلىككە تاباندى بولعان، ٴتۇزىم سەنىمىنە تولى، زاڭمەن باسقارۋ رۋحى ايگىلەنگەن، حالىقتىق سۇيىسپەنشىلىك قامتىلعان، جاۋاپكەرشىلىك ارقالاپ ىسكەرلىك كورسەتۋ ايگىلەنگەن، بۇكىلدەي قۇپتايمىن. وتكەن ٴبىر جىلدا مەملەكەتتىك حالىق قۇرىلتايى جانە ونىڭ تۇراقتى كوميتەتى حالىق قۇرىلتايى ٴتۇزىمىنىڭ پارتيانىڭ مەملەكەتتىڭ بيلىك ورگاندارىنا باسشىلىق ەتۋىندەگى ماڭىزدى دانەكەرى، جالپى بارىستىق حالىق دەموكراتياسىن جۇزەگە اسىرۋداعى ماڭىزدى ٴتۇزىمى، مەملەكەتتى جاپپاي زاڭمەن باسقارۋدى ىلگەرىلەتۋدەگى ماڭىزدى كۇشى رەتىندەگى رولىن تولىق ساۋلەلەندىرىپ، پارتيانىڭ حالىق قۇرىلتايى قىزمەتىنە جالپى بەتتىك باسشىلىعىنا باستان ـ اياق تاباندى بولىپ، نەگىزگى زاڭنىڭ اتقارىلۋىن باقىلاۋدى ۇزدىكسىز كۇشەيتتى، زاڭ شىعارۋ قىزمەتىنىڭ ونىمدىلىگى كورنەكتى، باقىلاۋ قىزمەتى دالمە ـ ٴدال، پارمەندى بولدى، ۋاكىلدەردىڭ رولى تولىق ساۋلەلەندىرىلدى، سىرتقى بارىس ـ كەلىس بەلسەندى، ٴونىمدى بولىپ، وزىندىك قۇرىلىس جاپپاي كۇشەيتىلدى. ٴبىز حالىق قۇرىلتايى قىزمەتىنىڭ جالپى بەتالىسىن، ۇلكەن پرينسيبىن، ۇلكەن قيسىنىن ونان ارى مىقتاپ يگەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى ارقاۋ ەتىپ، نەگىزگى زاڭدى اتقارۋ جانە باقىلاۋ قىزمەت جاۋاپكەرشىلىگىن مۇقيات اتقارىپ، جۇڭگوشا سوتسياليستىك زاڭ جۇيەسىن ۇزدىكسىز كەمەلدەندىرىپ، باقىلاۋ قىزمەتىن پارمەندى تۇردە ويداعىداي ىستەپ، ۋاكىلدەردىڭ رولىن اناعۇرلىم ويداعىداي ساۋلەلەندىرىپ، ”15 ـ بەسجىلدىقتى“ جاقسى باستاۋعا، جاقسى قادام تاستاۋعا دەم بەرەمىز.

　　مين شياۋچيڭ، ٴزاينۇرا تالعات، ٴميناۋار ابەيبوللا قاتارلى ۋاكىلدەر ٴسوز سويلەپ مىنالاردى ٴبىلدىردى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قۇپتايمىز. مەملەكەتتىك حالىق قۇرىلتايىنىڭ ۋاكىلى رەتىندە، پارتيا مەن حالىق جۇكتەگەن قىزمەت جاۋاپكەرشىلىگىمىزدى، بورىشىمىزدى اناعۇرلىم ويداعىداي ارقالاپ، باياندامانىڭ ٴتۇرلى تالاپتارىن مۇقيات تياناقتاندىرىپ، نازاريامەن قارۋلانۋدى ۇزدىكسىز كۇشەيتىپ، زاڭ بويىنشا مىندەت وتەۋ قابىلەتىمىزدى جوعارىلاتىپ، ٴار ۇلت بۇقاراسىمەن بايلانىستى قويۋلاتىپ، پارتيا مەن مەملەكەت قىزمەتىنىڭ كەلەلى جاعدايىمەن تىعىز ۇشتاستىرىپ، شينجياڭنىڭ رەفورما، دامۋ، ورنىقتىلىق ىستەرىن ىلگەرىلەتۋدى ارقاۋ ەتىپ، ٴوز قىزمەت ورنىمىزدى تياناق ەتىپ، ىشكەرىلەي تەكسەرۋ ـ زەرتتەۋ جۇرگىزىپ، حالىق قۇرىلتايى قىزمەتى مەن باسقا دا ٴار جاقتاعى قىزمەتتەردى ويداعىداي ىستەۋگە اقىل ـ كەڭەس بەرىپ، جاڭا جورىقتا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ۋاكىلدىك كۇشىمىزدى ارنايمىز.

　　باياندامانى قاراۋ بارىسىندا ۋاكىلدەر مەملەكەتتىك حالىق قۇرىلتايى تۇراقتى كوميتەتىنىڭ زاڭدى اداقتاۋ قىزمەتى احۋالى جانە قاتىستى زاڭدار مەن قاۋلىلاردى ٴبىر جاقتى ەتۋ پىكىرى جونىندەگى بايانداماسىن قۇپتايتىندىقتارىن ٴبىلدىردى.

　　مەملەكەتتىك حالىق قۇرىلتايىنىڭ ۋاكىلدەرى تيان شياڭلي، سارقىت اقان، لي شيانفا، ۋاڭ ميڭشان، ٴمامتىمىن قادىر، ٴانۋار تۇرسۇن، شۋە بين، باتۋ، شى گاڭ، ٴدىلشات سايىم، گاۋ جيميڭ قاتارلىلار جيىنعا قاتىناستى. دۋ حۇڭيان قاتارلىلار جيىنعا سىرتتاي قاتىناستى.