چىن شياۋجياڭ، ەركىن تۇنياز، ٴزۇمىرات وبۇل، شاۋكەت يمىن قاتىناستى، حى جۇڭيوۋ سىرتتاي قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 10 ـ كۇنى بەيجيڭنەن حابارلايدى. 3 ـ ايدىڭ 10 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 4 ـ ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قارادى، ەكولوگيالىق ورتا زاڭناماسى جوباسىنىڭ وزگەرىس ەنگىزىلگەن نۇسقاسىن، ۇلتتار ىنتىماعى، العاباسارلىعىن جەبەۋ زاڭى جوباسىنىڭ وزگەرىس ەنگىزىلگەن نۇسقاسىن، مەملەكەتتىڭ دامۋ جوباسى زاڭى جوباسىنىڭ وزگەرىس ەنگىزىلگەن نۇسقاسىن قارادى. مەملەكەتتىك حالىق قۇرىلتايىنىڭ ۋاكىلدەرى چىن شياۋجياڭ، ەركىن تۇنياز، ٴزۇمىرات وبۇل، شاۋكەت يمىن باياندامانى قاراۋعا قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ سىرتتاي قاتىناستى.
ەڭ جوعارى حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، ساياسي ٴبولىمنىڭ مەڭگەرۋشىسى سۇن جىنپيڭ، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى قاتىستى جولداستار جيىنعا قاتىناسىپ، پىكىرلەردى تىڭدادى.
كۇڭ فيفي، قۇربان نياز، جۋ گۋاڭلان، مامەت جۇما، لي لان، مۇسا مامەت، گۇلميرا داۋلەت، ٴدىلمۇرات اسىمەتۇللا، پاڭ زىجيان، مۇساجان ٴعايرات، اكرام ٴمامتىمىن قاتارلى ۋاكىلدەر ىلگەرىندى ـ كەيىندى ٴسوز سويلەپ مىنالاردى ٴبىلدىردى: ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ قىزمەت باياندامالارىن بۇكىلدەي قۇپتايمىز. ەكى باياندامادا شي جينپيڭ زاڭمەن باسقارۋ يدەياسى ىشكەرىلەي دايەكتىلەندىرىلىپ، ناتيجەلەر جان ـ جاقتى، وبيەكتيۆتى، شىندىقتى ٴىس جۇزىنەن ىزدەۋ نەگىزىندە قورىتىندىلانىپ، قىزمەت ورنالاستىرۋ عىلمي، ناقتى، دالمە ـ ٴدال، پارمەندى بولىپتى، ٴادىليا قىزمەتىنىڭ كەلەلى جاعدايعا قىزمەت وتەۋ، حالىق ٴۇشىن ٴادىليا جۇرگىزۋ، زاڭمەن باسقارۋ جاۋاپكەرشىلىگىن ارقالاۋ بەرىك بەكىمى جانە تىڭعىلىقتى ونىمدىلىگى تولىق ايگىلەنىپتى. وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى نەگىزگى زاڭدا، زاڭداردا جۇكتەلگەن قىزمەت جاۋاپكەرشىلىگىن، بورىشتى ادالدىقپەن اتقارىپ، پارتيا مەن مەملەكەتتىڭ وزەكتى قىزمەتىن مىقتاپ ارقاۋ ەتىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، زاڭمەن باسقارۋ ارناسىندا مەملەكەتتىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن باتىل قورعاپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋگە دەم بەرىپ، ەكونوميكانىڭ، قوعامنىڭ جوعارى ساپالى دامۋىن قورعاپ، ٴار ۇلت بۇقاراسىنىڭ حالىق تۇرمىسى قۇت ـ ىرىسىن قامتاماسىز ەتىپ جانە ارتتىرىپ، ٴتۇرلى قىزمەتتەردە ەلەۋلى جاڭا ىلگەرىلەۋشىلىككە، جاڭا ناتيجەگە قول جەتكىزىپ، ەلىمىز ٴادىلياسىنىڭ تەبىنىن جانە جىلۋىن تولىق ايگىلەپ، ٴادىليانى حالىق ٴۇشىن جۇرگىزۋ قۇن بەتالىسىن تولىق ٴتۇسىندىرىپ، ادىلدىك پەن ادىلەتتىلىكتى قورعاۋدىڭ تالىقپاس تالپىنىسىن تولىق ايگىلەپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا پايدالى بولۋ سىندى قامتاماسىزداندىرۋ رولىن ٴونىمدى ساۋلەلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە بەرىك، پارمەندى زاڭمەن باسقارۋ تىرەگىن ازىرلەدى.
باياندامانى قاراۋ بارىسىندا، ۋاكىلدەر شينجياڭنىڭ شەتەلگە ساياتىن زاڭمەن باسقارۋ دارىندىلارىن جەتىلدىرۋ، توڭىرەكتەگى ەلدەردىڭ جەرگىلىكتى ورىندارىمەن اراداعى ٴادىليالىق سەلبەستىكتى كۇشەيتۋ، ٴادىليا بويىنشا شينجياڭعا كومەكتەسۋ قىزمەتىن تەرەڭدەتۋ، زاڭ جالپىلاستىرۋ ۇگىتىن جاسامپازدىقپەن ورىستەتۋ، اۋىل شارۋاشىلىعىنا ساياتىن ٴادىليالىق قامتاماسىزداندىرۋدى كۇشەيتۋ، ازامات جاسىنا تولماعانداردىڭ اقاۋسىز ەسەيىپ ـ ەرجەتۋىن زاڭمەن باسقارۋ ارقىلى قورعاۋ سياقتى قىزمەتتەر جونىندە پىكىر ـ ۇسىنىس بەردى.
ۋاكىلدەر ەكولوگيالىق ورتا زاڭناماسى جوباسى سياقتى 3 زاڭ جوباسىنىڭ وزگەرىس ەنگىزىلگەن نۇسقاسىن قۇپتايتىندىعىن ٴبىلدىردى.
مەملەكەتتىك حالىق قۇرىلتايىنىڭ ۋاكىلدەرى تيان شياڭلي، سارقىت اقان، لي شيانفا، ۋاڭ ميڭشان، ٴمامتىمىن قادىر، ٴانۋار تۇرسۇن، شۋە بين، باتۋ، شى گاڭ، ٴدىلشات سايىم، گاۋ جيميڭ قاتارلىلار ماجىلىسكە قاتىناستى. دۋ حۇڭيان قاتارلىلار ماجىلىسكە سىرتتاي قاتىناستى.
