2012 ـ جىلى 11 ـ ايدىڭ 14 ـ كۇنى پارتيا 18 ـ قۇرىلتايى جابىلۋدان بۇرىن شي جينپيڭ جولداس سۇڭ پيڭ جولداسپەن بىرگە.
□ سۋرەتتى شينحۋا اگەنتتىگى تاراتقان
1991 ـ جىلى 4 ـ ايدا جياڭ زىمين جولداس، سۇڭ پيڭ جولداس (الدىڭعى قاتار سولدان 2 ـ) قاتارلىلار پارتيا قۇرىلىسى نازارياسى جونىندەگى تالقى ماجىلىسىنە قاتىناسقان ۋاكىلدەرمەن اڭگىمەلەستى.
□ سۋرەتتى شينحۋا اگەنتتىگى تاراتقان
2007 ـ جىلى 10 ـ ايدىڭ 21 ـ كۇنى پارتيا 17 ـ قۇرىلتايى جابىلۋدان بۇرىن حۋ جينتاۋ جولداس سۇڭ پيڭ جولداسپەن بىرگە.
□ سۋرەتتى شينحۋا اگەنتتىگى تاراتقان
1985 ـ جىلى 9 ـ ايدىڭ 15 ـ كۇنى ەلىمىزدەگى كۇنىنە 10 مىڭ توننا تەمىر وندىرەتىن تۇڭعىش دومنا پەش − باۋگاڭ 1 ـ ٴنومىرلى دومنا پەشىنە وت جاعىلىپ سىناق رەتىندە ٴوندىرىس جۇرگىزىلدى. سۋرەتتە: سۇڭ پيڭ جولداس (سولدان 1 ـ) دومنا پەشكە وت جاعۋدا.
□ سۋرەتتى شينحۋا اگەنتتىگىنىڭ ٴتىلشىسى جاڭ پيڭ تۇسىرگەن
1990 ـ جىلى 7 ـ ايدىڭ ورتا، سوڭعى شەنىندە سۇڭ پيڭ جولداس (الدىڭعى قاتار سولدان 2 ـ) ىشكى موڭعۇل اۆتونوميالى رايونى باياننۇر قالاسى لينحى رايونى ماچاڭدي قىستاعىنا بارىپ، نەگىزگى ساتى پارتيا ياچەيكاسى قۇرىلىسى جاعدايىن ۇعىستى.
□ سۋرەتتى شينحۋا اگەنتتىگىنىڭ ٴتىلشىسى شى چاڭجياڭ تۇسىرگەن
1990 ـ جىلى 8 ـ ايدىڭ 14 ـ كۇنى سۇڭ پيڭ جولداس (وڭدا) شاندۇڭ ولكەسى ۋيحاي قالاسىنىڭ ۋىندىڭ رايونىندا قىزمەت تەكسەردى.
□ سۋرەتتى شينحۋا اگەنتتىگى تاراتقان
1991 ـ جىلى 6 ـ ايدىڭ 26 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ ۇيىمداستىرۋ ٴبولىمى، جۇڭگو كوممۋنيستىك پارتياسى ورتالىق كوميتەتىنىڭ ۇگىت ٴبولىمى قاتارلى ورىندار بەيجيڭدە جينالىس اشىپ، مەملەكەت بويىنشا جوعارى مەكتەپتەردەگى تاڭداۋلى يدەيا ـ ساياسي قىزمەتكەرلەرىن ماداقتاپ ـ سيلادى. سۋرەتتە: سۇڭ پيڭ جولداس (وڭدا) سيلىققا يە بولعان جەكەلەرگە سيلىق تاراتۋدا.
□ سۋرەتتى شينحۋا اگەنتتىگىنىڭ ٴتىلشىسى جاڭ يانحۇي تۇسىرگەن
1991 ـ جىلى 11 ـ ايدىڭ 13 ـ كۇنى سۇڭ پيڭ جولداس (سولدا) بەيجيڭ قالاسى تۇڭشيان اۋدانىنداعى (قازىرگى تۇڭجوۋ رايونى) جاڭجياۋان لياڭشۇيحى وزەنىن وڭاۋ ينجەنەرياسىنىڭ جۇمىس باسىنا كەلىپ ەڭبەككە قاتىناستى.
□ سۋرەتتى شينحۋا اگەنتتىگىنىڭ ٴتىلشىسى ليۋ جيانگو تۇسىرگەن
جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن ادال كوممۋنيزم جاۋىنگەرى، ۇزدىك پرولەتاريات توڭكەرىسشىسى، ساياساتشى، پارتيا مەن مەملەكەتتىڭ كورنەكتى باسشىسى، جۇڭگو كوممۋنيستىك پارتياسى 13 ـ كەزەكتى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ بۇرىنعى مۇشەسى سۇڭ پيڭ جولداس ناۋقاس سەبەبىنەن ەمدەۋ ٴونىم بەرمەي، 2026 ـ جىلى 3 ـ ايدىڭ 4 ـ كۇنى ساعات 15تەن 36 مينۋت وتكەندە بەيجيڭدە 109 جاسىندا قايتىس بولدى.
سۇڭ پيڭ جولداس، بۇرىنعى اتى سۇڭ يانپيڭ، 1917 ـ جىلى 4 ـ ايدا شاندۇڭ ولكەسىنىڭ جۇيشيان اۋدانىندا شارۋا وتباسىندا دۇنيەگە كەلگەن. بالالىق شاعىندا ول وتاندى قىزۋ ٴسۇيدى، تۋراشىل بولدى، قۇلشىنا ۇيرەندى. 1926 ـ جىلدان 1934 ـ جىلعا دەيىن چيڭداۋ، جينان، بەيپيڭ قاتارلى جەرلەردە وقىدى. 1934 ـ جىلدان 1937 ـ جىلعا دەيىن ىلگەرىندى ـ كەيىندى بەيپيڭ داشۋەسىنىڭ اۋىل شارۋاشىلىق شۋەيۋانىندا، چيڭحۋا داشۋەسىندە وقىدى. وسى ارالىقتا ول يدەيا جاعىندا العا باسىپ، نۇر ـ شۇعىلاعا تالپىنىپ، 9 ـ جەلتوقسان قوزعالىسىنا قاتىناستى ٴارى العاباسار ۇيىم − جۇڭحۋا ۇلتىن ازات ەتۋ اۆانگاردتار اترەتىنە قاتىناستى. 1936 ـ جىلى كوكتەمدە توڭكەرىستىك قىزمەتكە قاتىناستى، 1937 ـ جىلى 12 ـ ايدا جۇڭگو كوممۋنيستىك پارتياسىنا مۇشە بولدى. 1937 ـ جىلدان 1938 ـ جىلعا دەيىن ۇيىمنىڭ جىبەرۋىمەن گومين توڭكەرىستىك ارمياسى 14 ـ جۇنىنىڭ ٴتالىم ـ تاربيە كۋرسىنا قاتىناستى ٴارى ساياسي قىزمەتپەن شۇعىلداندى. 1938 ـ جىلدان 1947 ـ جىلعا دەيىن ىلگەرىندى ـ كەيىندى يان ـ ان ورتالىق كوميتەت پارتيا مەكتەبىنىڭ كادرى، يان ـ ان ماركسيزم ـ لەنينيزم شۋەيۋانى ۇيىمداستىرۋ ٴبولىمىنىڭ باستىعى، وقۋ ـ اعارتۋ باسقارماسىنىڭ باستىعى، ورتالىق كوميتەت پارتيا ىستەرىن زەرتتەۋ كەڭسەسىنىڭ حاتشىسى، ورتالىق كوميتەت وڭتۇستىك بيۋروسىنىڭ ۇيرەنۋ حاتشىسى، چۇڭچيڭ شينحۋا گازەتى مەكەمەسى رەداكسياسى ماتەريال كەڭسەسىنىڭ مەڭگەرۋشىسى، رەداكسيانىڭ باس حاتشىسى، شينحۋا اگەنتتىگى چۇڭچيڭ، نانجيڭ باس بولىمشەسىنىڭ جاۋاپتىسى بولدى، وسى مەزگىلدە تاعى جوۋ ىنلاي جولداستىڭ ساياسي حاتشىسى بولدى ٴارى جۇڭگو كوممۋنيستىك پارتياسى ۋاكىلدەر ۇيىرمەسىنىڭ حاتشىسى رەتىندە، كوممۋنيستىك پارتيا مەن گومينداڭنىڭ بەيبىتشىلىك كەلىسسوزىنە قاتىناسىپ، گومينداڭ كەرتارتپاشىلارىنا قارسى باتىل كۇرەس جۇرگىزدى.
1947 ـ جىلدان 1952 ـ جىلعا دەيىن سۇڭ پيڭ جولداس ىلگەرىندى ـ كەيىندى حاربين قالاسى گۋشياڭتۇن رايوندىق پارتكومنىڭ ورىنباسار شۋجيى، گارنيزون ۇلكەن اترەتىنىڭ جىڭۋيى، حاربين باس جۇمىسشى ۇيىمى جالپىلىق مەنشىكتەگى كاسىپورىندار ٴبولىمىنىڭ باستىعى، شىعىس سولتۇستىك باس جۇمىسشى ۇيىمى ۇگىت ٴبولىمىنىڭ باستىعى، باس حاتشىسى، ورىنباسار ٴتوراعاسى بولدى. ول اۋىل ـ قىستاق جەر رەفورماسى كۇرەسىندە پارتيانىڭ جەر رەفورماسى ساياساتىن مۇقيات دايەكتىلەندىرىپ، جارىققا شىققان بەلسەندىلەر اراسىنان كوممۋنيستىك پارتياعا مۇشە قابىلداۋعا باسا ٴمان بەردى. قالالارداعى جۇمىسشى ۇيىمى قىزمەتىندە ول نەگىزگى ساتى جۇمىسشى ۇيىمىن قۇرۋعا ٴمان بەرىپ، اعارتۋ تاربيەسىن جاپپاي ورىستەتىپ، جۇمىسشىلاردىڭ تاپتىق ساناسىن جوعارىلاتىپ، جاڭا رەكورد جاراتۋ قيمىلىن بەلسەنە ىلگەرىلەتىپ، جۇمىسشى ـ قىزمەتكەرلەردى وتانشىلدىق ەڭبەك باسەكەسىن ورىستەتىپ، امەريكا جيھانگەرلىگىنە قارسى تۇرىپ چاۋشيانعا كومەك بەرۋدى قولداۋعا جۇمىلدىردى، سونداي ـ اق امالياتپەن ۇشتاستىرا وتىرىپ، جۇمىسشى ـ قىزمەتكەرلەر قوزعالىسىنىڭ نازاريالىق ماسەلەلەرىن زەرتتەپ، وي جۇگىرتىپ، مول امالياتتىق تاجىريبە توپتادى.
1952 ـ جىلدان باستاپ سۇڭ پيڭ جولداس مەملەكەتتىك جوسپار كوميتەتىنىڭ مۇشەسى، ەڭبەك، ەڭبەكاقى، جوسپار مەكەمەسىنىڭ باستىعى، قوسىمشا ەڭبەك مينيسترلىگىنىڭ ورىنباسار مينيسترى بولدى، 1957 ـ جىلى مەملەكەتتىك جوسپار كوميتەتىنىڭ ورىنباسار مەڭگەرۋشىسى بولدى. مەملەكەتتىك جوسپار كوميتەتىنە بارىپ قىزمەت ىستەگەننەن كەيىن، ول 1 ـ بەسجىلدىق جوسپاردى جاساۋعا قاتىناسىپ، ەڭبەك، ەڭبەكاقى سالاسىندا ٴدوپ كەلگەن كۇردەلى ماسەلەلەرگە مەڭزەس، ەڭبەك، ەڭبەكاقى ٴتۇزىمى رەفورماسىن بەلسەنە ىلگەرىلەتتى. 1960 ـ جىلى ورتالىق كوميتەت ٴارقايسى ٴىرى ەكونوميكالىق سەلبەستىك رايوندارى قۇرىلىسىن كۇشەيتۋدى ۇيعارىپ، 6 ورتالىق بيۋرو قۇرىپ، مەملەكەتتىك جوسپار كوميتەتىنەن، ەكونوميكا كوميتەتىنەن كادر جىبەرىپ، ورتالىق بيۋرولاردىڭ جوسپار كوميتەتتەرىنە، ەكونوميكا كوميتەتتەرىنە قىزمەتكە قويدى. سول جىلدان باستاپ سۇڭ پيڭ جولداس ىلگەرىندى ـ كەيىندى ورتالىق كوميتەت باتىس سولتۇستىك بيۋروسىنىڭ مۇشەسى، باتىس سولتۇستىك بيۋرو جوسپار كوميتەتىنىڭ مەڭگەرۋشىسى، باتىس سولتۇستىك بيۋرو ٴۇش شەپ قۇرىلىسى كوميتەتىنىڭ ورىنباسار مەڭگەرۋشىسى، جۇڭگو حالىق ازاتتىق ارمياسى لانجوۋ اسكەري رايونى مەملەكەت قورعانىس قىزمەتى كەڭسەسىنىڭ ورىنباسار مەڭگەرۋشىسى بولدى. ول باتىس سولتۇستىك بيۋرو جوسپار كوميتەتىن باستاماشىلدىقپەن قۇرىپ، ورتالىق كوميتەتتىڭ رەتتەۋ باعىتىن دايەكتىلەندىرىپ، باتىس سولتۇستىك وڭىردە ەكونوميكانى دامىتۋعا قاتىستى 3 ـ بەسجىلدىق جوسپاردى جاساپ، قىرۋار جاسامپازدىق قىزمەتتەر ىستەدى. وسى مەزگىلدە ول تاعى دا مىندەتپەن تومەنگە ٴتۇسىپ، شانشي ولكەسى پۋچىڭ اۋداندىق پارتكومنىڭ شۋجيلىگىنە تاعايىندالدى، بۇقارانى ٴوندىرىستى دامىتۋعا جۇمىلدىرىپ، ٴبىرىنشى شەپكە ىشكەرىلەي ارالاسىپ، تەكسەرۋ ـ زەرتتەۋ جۇرگىزۋگە ٴمان بەرىپ، ٴىس جۇزىندىكتى شىعار ٴتۇيىن ەتە وتىرىپ ماسەلەلەردى شەشىپ، ٴوزى باس بولىپ ستيلدى جاقسارتىپ، بۇكىل اۋدانعا باسشىلىق ەتىپ، ورتالىقتىڭ ەكونوميكانى رەتتەۋ جانە اۋىل ـ قىستاق قىزمەتىن كۇشەيتۋ جونىندەگى ٴبىر قىدىرۋ باعىت ـ ساياساتتارىن دايەكتى اتقارىپ، حالىق شارۋاشىلىعىن قالپىنا كەلتىرۋ جانە دامىتۋ بارىسىندا كورنەكتى ناتيجەلەرگە قول جەتكىزدى. ول ”مادەنيەت زور توڭكەرىسىندە“ سوققىعا ۇشىراعانىمەن، باستان ـ اياق سەنىمى بەرىك، پارتياعا ادال بولدى. قىزمەتى قالپىنا كەلتىرىلگەننەن كەيىن، ۋاقىتتى مىقتى يگەرىپ تەكسەرۋ ـ زەرتتەۋ جۇرگىزىپ، مەملەكەت قورعانىسى زاۆودتارىنا، عىلمي زەرتتەۋ ورىندارىنا ىشكەرىلەي بارىپ، باتىس سولتۇستىك ٴوڭىر ٴۇش شەپ قۇرىلىسى جونىندە بەلسەنە پىكىر ـ ۇسىنىس بەردى.
1972 ـ جىلدان باستاپ سۇڭ پيڭ جولداس گانسۋ ولكەلىك پارتكومنىڭ شۋجيى (ول كەزدە ٴبىرىنشى شۋجي تاعايىندالاتىن)، ولكەلىك توڭكەرىستىك كوميتەتتىڭ ورىنباسار مەڭگەرۋشىسى بولدى، 1977 ـ جىلى گانسۋ ولكەلىك پارتكومنىڭ ٴبىرىنشى شۋجيى، ولكەلىك توڭكەرىستىك كوميتەتتىڭ مەڭگەرۋشىسى، ولكەلىك اسكەري رايوننىڭ ٴبىرىنشى جىڭۋيى، لانجوۋ اسكەري رايونىنىڭ ەكىنشى جىڭۋيى بولدى. گانسۋدا قۋاڭشىلىق اپاتى كوپ، ەگىس داقىلدارىنىڭ ٴونىمى تومەن ٴارى تۇراقسىز بولۋ سىندى كورنەكتى ماسەلەلەر الدىندا، ول اپاتتان قۇتقارۋ قىزمەتىنە بار كۇشپەن ات سالىسىپ، اۋىل شارۋاشىلىعى ٴوندىرىسىن يگەرۋگە ٴمان بەرىپ، شارۋالار قاۋىمىن ەسىنەن شىعارماي، ىشكەرىلەي تەكسەرۋ ـ زەرتتەۋ ورىستەتىپ، ”حىشي جانە ديڭشي“ قۇرىلىسى جوباسىن العا قويىپ جانە اتقارىپ، گانسۋدىڭ ەكونوميكالىق، قوعامدىق دامۋىن پارمەندى ىلگەرىلەتتى. ”تورتتىك توبە“ تالقاندالعاننان كەيىن، ول پوزيتسياسى ايقىن تۇردە كەدەرگىلەردى الاستاپ، اقيقاتتىڭ ولشەمى ماسەلەسى جونىندەگى زور تالقىنى باتىل قولدادى، يدەيانى ازات ەتىپ، بارلىق زاتتارعا باتىل تۇردە شىندىقتى ٴىس جۇزىنەن ىزدەۋ پوزيتسياسىن قولدانۋدى، تاريحي ماتەرياليزم مەن ديالەكتيكالىق ماتەرياليزم پوزيتسياسىن قولدانۋدى العا قويدى ٴارى «حالىق گازەتىندە» «بارلىعىندا ٴىس جۇزىندىكتى شىعار ٴتۇيىن ەتىپ، وبيەكتيۆ زاڭدىلىق بويىنشا ىستەيىك» دەگەن تاقىرىپتا ۇزاق ماقالا جاريالادى. ول وبالدى، جالعان، قاتە دەلولاردى بەلسەنە اقتاپ، كادرلار، زيالىلار ساياساتىن تياناقتاندىرىپ، ۇلتتار وڭىرلەرىنىڭ ورنىقتىلىعى مەن دامۋىنا ٴمان بەردى. پارتيا 11 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە بەلگىلەنگەن لۋشيان، باعىت ـ ساياساتتاردى باتىل دايەكتىلەندىرىپ، شارۋالاردىڭ تىلەگىنە سايكەسىپ، اۋىل شارۋاشىلىعىنىڭ دامۋ زاڭدىلىعىنا قۇرمەت ەتىپ، گانسۋدىڭ اۋىل ـ قىستاق رەفورماسىن ىلگەرىلەتۋ جونىندەگى 6 تارماقتى پىكىردى شىعارۋدى باسقارىپ، جەردى ونىمگە بىرلەستىرىپ وتباسىلارىنا كوتەرمەگە بەرۋ سياقتى رەفورما شارالارىن باتىل تياناقتاندىرىپ، شارۋالاردىڭ كەدەيلىكتەن ارىلىپ، بايۋ بەلسەندىلىگىن جۇمىلدىرىپ، اۋىل شارۋاشىلىق وندىرىسىندەگى ماسەلەلەردى شەشۋدى ىلگەرىلەتىپ، كەدەي وڭىرلەردىڭ بەت ـ بەينەسىن وزگەرتتى. ول داتۇڭحى وزەنىنىڭ سۋىن چينۋاڭچۋان رايونىنا جەتكىزۋ ينجەنەرياسىن زەرتتەۋ، جوبالاۋدى باسقارىپ، شۋلىحى وزەنى، حيحى وزەنى، جيڭتايچۋان ەلەكتر كۇشى ارقىلى سۋ تارتىپ سۋارۋ 2 ـ مەرزىمدىك قۇرىلىسى، تاۋحى وزەنىنەن سۋ باستاۋ سياقتى سۋ يگىلىگى ينجەنەريالارىن اتقارۋدى ىلگەرىلەتتى، جايلىم قۇرىلىسى مەن قۇمايتتانۋدان ساقتانۋ، قۇمدى تىزگىندەۋ قىزمەتىنە ٴمان بەرىپ، گانسۋدىڭ اۋىل ـ قىستاق نەگىزگى ەگىنجاي سۋ يگىلىگى قۇرىلىسى مەن ەكولوگيالىق ورتانى جونگە سالۋدا كورنەكتى ونىمدىلىككە قول جەتكىزۋىنە مۇمكىندىك جاسادى. ول تاڭداۋلى جاس كادرلاردى بايقاۋعا جانە باۋلۋعا، تاڭداپ وسىرۋگە باسا ٴمان بەردى، ول گانسۋ ولكەسىندە نەگىزگى باسشى بولىپ تۇرعان مەزگىلدە ٴبىر توپ توڭكەرىسشىل، جاس، ٴبىلىمدى، مامان كادرلار باسشىلىق ورىنعا شىقتى.
1981 ـ جىلى 1 ـ ايدا سۇڭ پيڭ جولداس مەملەكەتتىك جوسپار كوميتەتىنە قايتىپ كەلىپ، ورىنباسار مەڭگەرۋشى، پارتيا باسشىلىق گرۋپپاسىنىڭ ورىنباسار شۋجيى مىندەتىن وتەدى، 1982 ـ جىلى 12 ـ ايدا مەملەكەتتىك كەڭەس عىلىم ـ تەحنولوگيا باسشىلىق گرۋپپاسىنىڭ ورىنباسار باستىعى بولدى، 1983 ـ جىلى 6 ـ ايدا 6 ـ كەزەكتى مەملەكەتتىك حالىق قۇرىلتايىنىڭ 1 ـ ماجىلىسىندە مەملەكەتتىك كەڭەستىڭ مۇشەسى، قوسىمشا مەملەكەتتىك جوسپار كوميتەتىنىڭ مەڭگەرۋشىسى بولىپ تاعايىندالدى ٴارى مەملەكەتتىك جوسپار كوميتەتى پارتيا باسشىلىق گرۋپپاسىنىڭ شۋجيى بولدى. مەملەكەتتىڭ ەكونوميكالىق جاعدايىنىڭ بىرتىندەپ جاقسارۋىنا جانە جوسپار ٴتۇزىلىسى رەفورماسىنىڭ بىرتىندەپ تەرەڭدەۋىنە بايلانىستى، ەكونوميكالىق، قوعامدىق دامۋدا كوپتەگەن تىڭ احۋالدار مەن تىڭ ماسەلەلەر جارىققا شىقتى، ول پارتيا ورتالىق كوميتەتىنىڭ باسشىلىعىندا كورەگەندىك، ستراتەگيالىق، ماكرولىق، عىلميلىق پرينسيبىنە تاباندى بولىپ، ”6 ـ بەسجىلدىق“، ”7 ـ بەسجىلدىق“ جوسپار سىندى ەكى بەسجىلدىق جوسپاردى جاساۋعا قاتىناستى جانە باسقاردى ٴارى ونى اتقارۋدى مىقتى يگەردى. ول جالپى جاعدايعا جانە ۇزاق بولاشاقتىق ماسەلەلەرگە ساياتىن ماكرولىق زەرتتەۋگە ٴمان بەرىپ، ەنەرگيا، قاتىناس، حابارلاسۋ جانە شيكىزات ـ ماتەريال سياقتى نەگىزدىك ونەركاسىپ پەن نەگىزدىك قۇرىلعىلاردىڭ ورنالاسۋى مەن قۇرىلىسىن جەبەپ، حالىق شارۋاشىلىعىنىڭ ونان ارى رەتتەلۋى مەن قۇرىلىمىنىڭ ساپالىلانۋىن ىلگەرىلەتتى. ول دامۋ شارت ـ جاعدايى مەن ستراتەگيالىق شۇعىل قاجەتتى شىعار ٴتۇيىن ەتۋگە تاباندى بولىپ، جۇيەلى زەرتتەۋ نەگىزىندە بۇكىل ەلدىڭ مەملەكەت جەرى جالپى تۇلعالىق جوبا باعدارلاماسىن جاساۋدى باسقارىپ، 3 ـ شەپ كاسىپورىندارىن رەتتەۋدى ىلگەرىلەتىپ، وندىرگىش كۇشتەردىڭ ورنالاسۋىن ۇزدىكسىز كەمەلدەندىردى. ول «1986 ـ جىلدان 2000 ـ جىلعا دەيىنگى عىلىم ـ تەحنولوگيانى دامىتۋ جوباسىن» جاساۋعا قاتىناسىپ، باسشىلىق ەتىپ، عىلىم ـ تەحنولوگيا دارىندىلارىن ەنگىزۋدى جانە قوسىن قۇرىلىسىن كۇش سالا كۇشەيتىپ، عىلىم ـ تەحنولوگيادا قامال الۋ قىزمەتىن ورىستەتۋگە بارىنشا قولداۋ كورسەتتى. مەملەكەتتىڭ ەكونوميكالىق ٴتۇزىلىس رەفورماسىنىڭ جالپى تۇلعالىق ورنالاستىرۋىندا، ول جوسپار ٴتۇزىلىسى مەن جوسپار ٴادىسى رەفورماسىن ۇزدىكسىز جۇرگىزىپ، ينفورماتسيا تەحنولوگياسىنىڭ ۇشقان قۇستاي دامۋ بەتالىسىنا قاداعالاي نازار اۋدارىپ، جان ـ جاقتى تەڭگەرىلگەن جوسپار جاساۋ ٴادىسىن قولدانۋ نەگىزىندە، ولشەم ەكونوميكاسى مەن ماتەماتيكالىق مودەل سياقتى ادىستەردى قولدانۋعا شابىتتاندىرىپ، ەكونوميكالىق مەجەنى كۇشەيتىپ، جوسپاردىڭ عىلميلىعىن جوعارىلاتتى. ەكونوميكالىق قۇرىلىستى تەكسەرۋ مەن زەرتتەۋدى كۇشەيتۋگە نازار اۋدارىپ، ماكرولىق شەشىم جاساۋ ورەسىن جوعارىلاتىپ، ينجەنەريالىق قۇرىلىس نىساندارىنا كەڭەس بەرۋ، باعالاۋ قىزمەتى ٴتۇزىمىن ورناتۋدى ىلگەرىلەتىپ، ينجەنەريالىق قۇرىلىستىڭ ونىمدىلىگىن جوعارىلاتىپ، مەملەكەتتىڭ ەكونوميكالىق قۇرىلىسىنىڭ باياندى، اقاۋسىز دامۋىنا جانە ەكونوميكالىق ٴتۇزىلىس رەفورماسىنا بەلسەندى ۇلەس قوستى.
1987 ـ جىلى 5 ـ ايدا سۇڭ پيڭ جولداس ورتالىق كوميتەت ۇيىمداستىرۋ ٴبولىمىنىڭ باستىعى بولىپ تاعايىندالدى، 1987 ـ جىلى 11 ـ ايدا پارتيا 13 ـ كەزەكتى ورتالىق كوميتەتىنىڭ ٴبىرىنشى جالپى ماجىلىسىندە ورتالىق كوميتەت ساياسي بيۋروسىنىڭ مۇشەلىگىنە سايلاندى ٴارى قوسىمشا ورتالىق كوميتەت ۇيىمداستىرۋ ٴبولىمىنىڭ باستىعى بولدى. ول پارتيا ورتالىق كوميتەتىنىڭ كادرلار قوسىنىن ”تورتتەندىرۋ“ جونىندەگى باعىتىن باتىل دايەكتىلەندىرىپ، تياناقتاندىرىپ، كادرلار قوسىنى قۇرىلىسىن، اسىرەسە، ٴار دارەجەلى باسشىلىق القا قۇرىلىسىن ۇيىمداستىرۋ تاراۋلارىنىڭ وزەكتى مىندەتى رەتىندە مىقتى يگەردى. ول پارتيا 13 ـ قۇرىلتايىنىڭ كادرلاردى ورنالاستىرۋ گرۋپپاسىنىڭ قىزمەتىنە قاتىناسىپ، 7 ـ كەزەكتى مەملەكەتتىك حالىق قۇرىلتايى مەن 7 ـ كەزەكتى مەملەكەتتىك ساياسي كەڭەستىڭ كادرلار ٴىسىن ورنالاستىرۋىنا باستاماشىلدىقپەن دايىندالىپ، ۇكىمەت قۇرىلىمدارىن رەفورمالاۋ قىزمەتىنە قاتىناسىپ، ۇكىمەت قىزمەتكەرلەرى ٴتۇزىمىن ورناتۋ جونىندە جەتەكشى پىكىردى ورتاعا قويىپ، اۋىر مىندەت ارقالادى. پارتيا ورتالىق كوميتەتىنىڭ باسشىلىعىندا، ول كادرلار ٴىسى ٴتۇزىمى رەفورماسىن بەلسەنە ىلگەرىلەتىپ، پارتيا كادرلاردى باسقارۋ پرينسيبىنە تاباندى بولىپ، ٴار دارەجەلى باسشىلىق القالارى قۇرىلىسىن مىقتى يگەرىپ، ورتا جاس، جاس كادرلاردى ىستەتۋگە جانە جەتىلدىرۋگە ٴمان بەرىپ، يدەيالىق ستيل قۇرىلىسىن ماڭىزدى مىندەت ەتىپ، كادرلاردىڭ ۇيرەنۋىن، ولاردى باۋلۋدى كۇشەيتىپ، باسشى كادرلار اۋىس ـ كۇيىسىن باسشىلىقتى، جوسپارلى جانە ساتىلى تۇردە ىلگەرىلەتىپ، كادرلاردىڭ دەمالىسقا شىعۋ، زەينەتكە شىعۋ ٴتۇزىمى مەن باسشى كادرلاردىڭ مىندەت وتەۋ مەرزىمى ٴتۇزىمىن اتقارىپ، جەرگىلىكتى ورىنداردىڭ باسشى كادرلاردى جىلدىق باعالاۋ قىزمەتى ٴتۇزىمىن تۇڭعىش رەت ورناتىپ، باسشىلىق القاسى مەن كادرلار قوسىنىن قۇلشىنا ويداعىداي قۇرىپ، ٴار دارەجەلى باسشىلىق ۇقىقتىڭ ماركسيزمگە ادال ادامداردىڭ قولىندا بولۋىنا كەپىلدىك ەتتى. ول پارتيانىڭ نەگىزگى ساتى ۇيىمدىق قۇرىلىسىن كۇشەيتۋگە ايرىقشا ٴمان بەرىپ، نەگىزگى ساتىنى يگەرۋگە، نەگىز قالاۋعا تاباندى بولىپ، اۋىل ـ قىستاق پارتيا نەگىزگى ساتى ۇيىمىنىڭ، كاسىپورىن پارتيا ۇيىمىنىڭ، ورگان پارتيا ۇيىمىنىڭ ورنىن، رولىن جانە مىندەتىن ايقىنداپ، جاڭا جاعدايدا نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن ساۋلەلەندىرىپ، پارتيا ۇيىمىنىڭ جاۋىنگەرلىك قۋاتى مەن ۇيىستىرۋ قۋاتىن نىعايتتى. ول پارتيانى قاتاڭ باسقارۋ باعىتىنا تاباندى بولىپ، پارتيا مۇشەسى ولشەمىن قاتايتىپ، پارتيا مۇشەلەرىن دەموكراتيالىق جولمەن باعالاۋ ٴتۇزىمىن ورناتۋدى جانە تياناقتاندىرۋدى ىلگەرىلەتىپ، پارتيا مۇشەلەرىنە ۇنەمىلىك تاربيەنى، باسقارۋ مەن باقىلاۋدى كۇشەيتىپ، تولىمسىز پارتيا مۇشەلەرىن ٴبىر جاقتى ەتۋدى تۇيىندە سىناق ەتۋ قىزمەتىن ورىستەتتى ٴارى كولەمدى جالپىلاستىردى. ول ورتالىق كوميتەت ۇيىمداستىرۋ ٴبولىمى پارتيا قۇرىلىسىن زەرتتەۋ ورنىنىڭ قۇرىلۋىن ىلگەرىلەتىپ، پارتيا قۇرىلىسىنىڭ نازاريالىق جانە امالياتتىق ماسەلەلەرىن زەرتتەۋدى كۇشەيتتى. ۇيىمداستىرۋ تاراۋلارىنىڭ وزىندىك قۇرىلىسىنا ەرەكشە كوڭىل ٴبولىپ، ۇيىمداستىرۋ قىزمەتى كادرلارىنىڭ ٴارى ٴىس جۇرگىزۋشى، ٴارى زەرتتەۋشى بولۋىن باسا دارىپتەدى، ۇيىمداستىرۋ تاراۋلارىنداعى كادرلاردى جوسپارلى تۇردە تاربيەلەپ، ۇيىمداستىرۋ قىزمەتى كادرلار قوسىنىنىڭ ساپاسىن ۇزدىكسىز جوعارىلاتىپ، ۇيىمداستىرۋ تاراۋىن پارتيالىلىعى كۇشتى، ستيلى دۇرىس قىزمەت تاراۋى ەتىپ قۇرىپ شىقتى. 1989 ـ جىلى كوكتەم مەن جازدىڭ ٴولاراسىنداعى ساياسي تولقۋدا ول پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن باتىل قولداپ، بەرىك پارتيالىلىق پەن ۇيىمدىق تارتىپشەڭدىكتى ايگىلەدى.
1989 ـ جىلى 6 ـ ايدا سۇڭ پيڭ جولداس ورتالىق كوميتەت ساياسي بيۋروسىنىڭ تۇراقتى مۇشەسى، ورتالىق كوميتەت ۇيىمداستىرۋ ٴبولىمىنىڭ باستىعى بولدى، سول جىلى 7 ـ ايدا ورتالىق كوميتەت پارتيا قۇرىلىسى قىزمەت گرۋپپاسىنىڭ باستىعى بولىپ، پارتيا قۇرىلىسى مەن ۇيىمداستىرۋ قىزمەتىنە جۇمىس ٴبولىسى بويىنشا جاۋاپتى بولىپ، اۋىل شارۋاشىلىعى مەن اۋىل ـ قىستاق قىزمەتىنە دە كومەكتەستى. سول جىلى 12 ـ ايدا ورتالىق كوميتەت ۇيىمداستىرۋ ٴبولىمىنىڭ باستىعى مىندەتىن قوسىمشا وتەمەيتىن بولدى. حالىقارالىق، ەل ٴىشى جاعدايىنداعى تەرەڭ دە كۇردەلى وزگەرىستەرگە مەڭزەس، ول پارتيا قۇرىلىسىن كوكەي تەستى ويمەن، بايسالدى قاداممەن، زەيىن ـ زەردەسىن شوعىرلاندىرا وتىرىپ مىقتى يگەردى. پارتيا ورتالىق كوميتەتىنىڭ تالابى بويىنشا، ول «جۋىقتا بۇقارا كوڭىل ٴبولىپ وتىرعان ٴبىرقانشا ٴىستى ىستەۋ جونىندەگى قاۋلىنىڭ»، «پارتيا قۇرىلىسىن كۇشەيتۋ جونىندەگى حابارلاندىرۋدىڭ» تاراتىلۋىن ىلگەرىلەتىپ، پارتيا ورتالىق كوميتەتىنىڭ پارتيانى قاتاڭ باسقارۋ، باسشىلار باستاماشى بولۋ، حالىق رايىنا ٴمان بەرۋ، بۇقارامەن تىعىز بايلانىس جاساۋ بەكىمىن ايگىلەدى. ول پارتيانىڭ نەگىزگى لۋشيانىن جاپپاي دايەكتىلەندىرىپ، اتقارىپ، پارتيا باسشىلىعىنا تاباندى بولىپ، سوتسياليستىك دامۋ باعىتىنا تاباندى بولىپ، اداقتاپ تەكسەرۋ، اداقتاپ رەتتەۋ قىزمەتىن مىقتى يگەرىپ، تولىمدى كوممۋنيستىك پارتيا مۇشەسى بولۋ تاربيەسىن مۇقيات ورىستەتىپ، ٴبىر ٴبولىم ورىنداردا پارتيا مۇشەلەرىن قايتا تىزىمگە الىپ، پارتيا ٴتارتىبىن قاتايتىپ، پارتيا ۇيىمىنىڭ كىرشىكسىزدىگىنە كەپىلدىك ەتتى. ول يدەيالىق ـ ساياسي قىزمەتتى شىنايى كۇشەيتىپ، يدەيانى رەتكە سالۋدى يگەرىپ، پارتيانىڭ نەگىزگى لۋشيانىن دايەكتىلەندىرۋ، اتقارۋ، بۋرجۋازيالىق ەركىنسۋگە قارسى تۇرۋ تاربيەسىن ىشكەرىلەي جۇرگىزىپ، باسشى كادرلار اراسىندا كوپ ٴتۇرلى ۇيرەنۋ، زەرتتەۋ كۋرستارىن اشتى. باسشىلىق القا قۇرىلىسىن يگەرۋگە ٴمان بەرىپ، ساياسي ولشەمدى ٴبىرىنشى ورىنعا قويىپ، اۋدان (باسقارما) دارەجەلىدەن جوعارى باسشى كادرلارعا ىشكەرىلەي تەكسەرۋ جۇرگىزۋدى ۇيىمداستىردى ٴارى تەكسەرۋ ناتيجەسىنە نەگىزدەلىپ قاجەتتى رەتتەۋ جۇرگىزدى. ول جوعارى مەكتەپتەردىڭ، ورگانداردىڭ پارتيا قۇرىلىسىن ماڭىزدى ٴتۇيىن ەتىپ، نەگىزگى ساتى پارتيا ۇيىمى قۇرىلىسىن ونان ارى كۇشەيتىپ، پارتيانىڭ لۋشيان، باعىت ـ ساياساتتارىنىڭ دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتتى. ول پارتيا قۇرىلىسىندا ٴدوپ كەلىپ وتىرعان جاڭا جاعداي، جاڭا مىندەتتەرگە مەڭزەس، باسقا ەلدەر مەن ساياسي پارتيالاردىڭ، اسىرەسە، سوۆەت وداعىنداعى، شىعىس ەۆروپاداعى ساياسي پارتيالاردىڭ تاجىريبە ـ ساباقتارىن قورىتىندىلاۋعا ٴمان بەرىپ، نازاريانى امالياتپەن ۇشتاستىرۋعا تاباندى بولىپ، جاڭا جاعدايعا مۇقيات تالداۋ جاساپ، پارتيا قۇرىلىسى نازارياسىن ۇيرەنۋدى، زەرتتەۋدى جانە ۇگىتتەۋدى كۇش سالا يگەرىپ، پارتيانىڭ جەتەكشى يدەياسى، پارتيانىڭ باسىشىلىق ورنى، پارتيانىڭ باستى ماقساتى، دەموكراتيالىق ورتالىقتاندىرۋ ٴتۇزىمى سياقتى ماسەلەلەر جونىندە جۇيەلى تۇسىنىك جاساپ، پارتيانىڭ ساياسي بەتالىسىنا تاباندى بولۋدى باسا دارىپتەپ، پارتيا قۇرىلىسى مەن ۇيىمداستىرۋ قىزمەتىندە جاڭا جاعداي اشۋعا ماڭىزدى ۇلەس قوستى. ول اۋىل شارۋاشىلىعى مەن اۋىل ـ قىستاق قىزمەتىنە نازار اۋدارىپ، ىشكەرىلەي تەكسەرۋ ـ زەرتتەۋ جۇرگىزىپ، ورتالىق كوميتەتتىڭ شەشىم جاساۋىنا پىكىر ـ ۇسىنىس قويىپ، اۋىل شارۋاشىلىعىن دامىتۋدى ۇزاق ۋاقىتتىق ستراتەگيالىق ٴمان الاتىن مىندەت ەتىپ، اۋىل شارۋاشىلىعى نەگىزىن بەكەمدەپ، استىقتى دامىتۋعا دەم بەرەتىن ۇزاق ۋاقىتتىق ساياساتتاردى جاساپ، اۋىل ـ قىستاق ەكونوميكاسىن جانداندىرىپ، اۋىل ـ قىستاق رەفورماسىن تەرەڭدەتۋدى بەلسەنە ىلگەرىلەتتى. ٴبىر ٴبولىم اۋىل ـ قىستاق نەگىزگى ساتى پارتيا ۇيىمدارىنىڭ بوساڭسۋى سياقتى ماسەلەلەرگە مەڭزەس، شاندۇڭ ولكەسىنىڭ لايشي اۋدانىندا مەملەكەتتىك اۋىل ـ قىستاق قىستاق دارەجەلى ۇيىمدىق قۇرىلىس قىزمەتى اڭگىمە ٴماجىلىسىن اشىپ، قىستاق دارەجەلى ۇيىمدىق قۇرىلىستى كۇشەيتۋدىڭ جەتەكشى يدەياسىن جانە قىزمەت نىساناسىن ايقىنداپ، پارتيا ياچەيكاسى باسشىلىعىنداعى قىستاق دارەجەلى ۇيىمدىق قۇرىلىس قىزمەت ارناسىن تۇراقتاندىردى، بۇل پارتيانىڭ اۋىل ـ قىستاق قىزمەتىنە باسشىلىعىن كۇشەيتۋدە، اۋىل ـ قىستاق كەلەلى جاعدايىن ورنىقتىرۋدا، اۋىل ـ قىستاق رەفورماسىن تەرەڭدەتۋدە ماڭىزدى جەتەكشىلىك ٴمان الدى. ول جەرگىلىكتى ورىننىڭ تاجىريبەلەرىن قورىتىندىلاۋ نەگىزىندە، 3 جىل ۋاقىتپەن اۋىل ـ قىستاق سوتسياليستىك يدەيالىق تاربيەسىن ورىستەتۋدى ورتاعا قويدى جانە ۇيىمداستىرىپ ورىستەتتى، تاربيە قيمىلىندا زور توپتاعى كادرلار اۋىل ـ قىستاققا تۇسۋگە جۇمىلدىرىلدى، ولار پارتيانىڭ نەگىزگى لۋشيانى مەن باعىت ـ ساياساتتارىن ۇگىتتەدى، اۋىل ـ قىستاق نەگىزگى ساتى ۇيىمدارىن جونگە سالدى، كوپتەگەن يگى ىستەر، ناقتى ىستەر ىستەپ، پارتيانىڭ حالىق بۇقاراسىمەن قاتىناسىن پارمەندى تۇردە نىعايتتى. پارتيا ورتالىق كوميتەتىنىڭ ورنالاستىرۋى بويىنشا، ول سىرتقى ىستەر قيمىلدارىنا بەلسەنە ات سالىسىپ، كوپ رەت جۇڭگو كوممۋنيستىك پارتياسىنىڭ ۋاكىلدەر ۇيىرمەسىن باستاپ شەتەلدە ساپاردا بولىپ، جۇڭگوعا كەلگەن شەتەل ساياسي پارتيالارىنىڭ ۋاكىلدەر ۇيىرمەسى مەن حالىقارالىق دوس قايراتكەرلەردى كۇتىپ الىپ، ساياسي پارتيالار اراسىنداعى دوستىق بارىس ـ كەلىستى جەبەۋگە ۇلەس قوستى.
1992 ـ جىلى 10 ـ ايدا سۇڭ پيڭ جولداس ورتالىق كوميتەت ساياسي بيۋروسىنىڭ تۇراقتى مۇشەسى مىندەتىن وتەمەيتىن بولدى. باسشىلىق قىزمەت ورنىنان شەگىنگەننەن كەيىن دە ول پارتيا مەن مەملەكەت ىستەرىنىڭ دامۋىنا كوڭىل ٴبولىپ، پارتيا نازارياسىن جانە پارتيا تاريحىن زەرتتەۋ، مەملەكەت مەنشىگىندەگى كاسىپورىندار رەفورماسى، اۋىل شارۋاشىلىعى، اۋىل ـ قىستاق، شارۋالار ماسەلەسى، حالىق سانى جاعدايى وزگەرىسى، جاستار مەن ورەندەردىڭ ەسەيىپ ـ ەرجەتۋى سياقتىلارعا نازار اۋدارىپ، حالىق بۇقاراسىن كوكەيىنەن شىعارمادى. پارتيانىڭ 18 ـ قۇرىلتايىنان بەرى، ول شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىن باتىل قولداپ ـ قۋاتتادى، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى باتىل قولدادى.
سۇڭ پيڭ جولداس جۇڭگو كوممۋنيستىك پارتياسى 11 ـ كەزەكتى، 12 ـ كەزەكتى، 13 ـ كەزەكتى ورتالىق كوميتەتىنىڭ مۇشەسى، 13 ـ كەزەكتى ورتالىق كوميتەت ساياسي بيۋروسىنىڭ مۇشەسى، 13 ـ كەزەكتى ورتالىق كوميتەت ساياسي بيۋروسىنىڭ تۇراقتى مۇشەسى (13 ـ كەزەكتى ورتالىق كوميتەتتىڭ ٴتورتىنشى جالپى ماجىلىسىندە كوبەيتىلىپ سايلانعان).
سۇڭ پيڭ جولداس ٴومىر بويى پارتياعا، حالىققا، كوممۋنيزم ىسىنە ادال بولدى. ول بەرىك كوممۋنيستىك مۇرات ـ سەنىمگە جانە بەرىك پارتيالىلىققا يە، پارتيا مەن حالىق ىستەرى ٴۇشىن شوگەلدىكپەن ىستەپ، قاجىماي ـ تالماي كۇرەس جۇرگىزىپ، اقتىق دەمىنە دەيىن قىزمەت ەتىپ، وشپەس ەڭبەك ٴسىڭىردى. ول ماركسيزم ـ لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن مۇقيات ۇيرەنىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ لۋشيان، باعىت ـ ساياساتتارىن باتىل دايەكتىلەندىرىپ، اتقارىپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ٴبىر اۋىزدىلىقتى بۇلجىماي ساقتادى. ول يدەيانى ازات ەتۋگە، شىندىقتى ٴىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ ناقتى ٴىس ىستەۋگە تاباندى بولىپ، ساياسي كەلەلى جاعداي تۇرعىسىنان ماسەلەلەردى باقىلاۋعا، ماسەلەلەرگە تالداۋ جاساۋعا جانە ونى ٴبىر جاقتى ەتۋگە شەبەر بولدى، اسا كۇشتى ساياسي سەزگىرلىككە جانە ساياسي پارىقتاۋ قابىلەتىنە يە، ۇلكەن دۇرىس پەن ۇلكەن بۇرىس الدىندا باستان ـ اياق وي ـ سانانى سەرگەك ۇستاپ، ٴتۇرلى داۋىلدى تولقىنداردىڭ سىنىنان ٴوتتى. ول بارلىق ىستە ٴىس جۇزىندىكتى شىعار ٴتۇيىن ەتۋگە، نازاريانى امالياتپەن ۇشتاستىرۋعا تاباندى بولىپ، ماركستىك تۇرعى، كوزقاراس، ٴادىس ارقىلى ماسەلەگە تالداۋ جاساۋعا، ماسەلەنى شەشۋگە، امالياتقا جەتەكشىلىك ەتۋگە، قىزمەتتى ىلگەرىلەتۋگە باسا ٴمان بەردى. ول ماسەلەنى ديالەكتيكالىق تۇرعىدان، جان ـ جاقتى ويلاستىرىپ، ٴىستى ٴبىر جاقتى ەتۋدە بايىپتى دا بايسالدى بولىپ، تەكسەرۋ ـ زەرتتەۋگە باسا ٴمان بەرىپ، تۇرلىشە پىكىرلەرگە قۇلاق اسۋعا شەبەر بولىپ، ٴار جاقتىڭ بەلسەندىلىگىن جۇمىلدىرىپ جانە ساۋلەلەندىرىپ، ەرەن ماكرولىق شەشىم جاساۋ قابىلەتى مەن كورنەكتى باسشىلىق ونەرىن ايگىلەدى. ول پارتيالىلىقتى دارىپتەپ، كەلەلى جاعدايمەن ساناسىپ، پارتيا ٴتارتىبى مەن پارتيا ىشىندەگى ساياسي تۇرمىس ولشەمىنە قاتاڭ بويسۇنىپ، پارتيانىڭ دەموكراتيالىق ورتالىقتاندىرۋ ٴتۇزىمىن ونەگەلىلىكپەن اتقارىپ، بۇقارامەن ەتەنە بايلانىس ورناتتى، 100 جاستاعى كەزىندە دە جاي پارتيا مۇشەسى سالاۋاتىمەن ٴوزى تۇرعان پارتيا ياچەيكاسىنا بارىپ، ارناۋلى تاقىرىپتىق ۇيىمدىق تۇرمىس جيىنىنا قاتىناستى. ول ٴادىل، تۋراشىل، اشىق ـ جارقىن، كىشى پەيىل دە بايسالدى، ادامدارمەن جاناسىمدى بولدى، وزىنە قاتاڭ تالاپ قويدى، پاك، كىرشىكسىز بولدى، ٴوزى ونەگە كورسەتىپ، ۇقىپتى، ۇنەمشىل بولدى، وتباسىنداعىلار مەن قاسىنداعى قىزمەتكەرلەرگە قاتاڭ تالاپ قويىپ، كوممۋنيستىك پارتيا مۇشەسىنىڭ ساياسي قاسيەتى مەن ٴمورالدىق قاسيەتىن باستان ـ اياق ساقتادى. ول بىلىمگە، دارىندىلارعا قۇرمەت ەتىپ، جولداستارعا كوڭىل ٴبولىپ، كادرلاردى ايالاپ، قالىڭ كادرلار مەن بۇقارانىڭ قۇرمەتى مەن ارداقتاۋىنا بولەندى.
سۇڭ پيڭ جولداستىڭ ٴومىرى − توڭكەرىستىك ٴومىر، جاۋىنگەرلىك ٴومىر، شۇعىلالى ٴومىر، اقيقاتقا تالپىنعان، العا باسۋعا تالپىنعان، كوممۋنيزم ىستەرى ٴۇشىن كۇرەسكەن ٴومىر. ونىڭ قازاسى − پارتيا مەن مەملەكەت ٴۇشىن اۋىر جوعالتۋ. ونىڭ توڭكەرىستىك رۋحى، وسكەلەڭ ٴمورالى جانە تاڭداۋلى ستيلى ماڭگى ٴبىزدىڭ ۇيرەنۋىمىزگە تاتيدى. ٴبىز قايعىنى قايراتقا اينالدىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، ٴبىر نيەت، ٴبىر تىلەكتە بولا وتىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىمىز كەرەك.
سۇڭ پيڭ جولداس ماڭگى جاسايدى!
(شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى)
