□ انار بۇلت \ شينجياڭ گازەتىنىڭ ٴتىلشىسى ۋاڭ نا
ناتيجە كوزقاراسى ماسەلەسى ٴتۇبىرلى ماسەلە، ول جالپى ٴۇشىن پارتيا قۇرۋعا، حالىق ٴۇشىن بيلىك جۇرگىزۋگە سايادى.
قازىر دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى بۇكىل پارتيادا ورىستەتىلۋدە. شينجياڭداعى جەر ـ جەر، تاراۋلار، ورىندار وسكەلەڭ ساياسي سانالىلىقپەن جەدەل ورنالاستىرۋ جاساپ، تىڭعىلىقتى، ٴتارتىپتى ورىستەتىپ، ۇيرەنۋ تاربيەسىنىڭ تابىستارى ارقىلى ”15 ـ بەسجىلدىقتا“ جاقسى باستاما اشۋعا، ٴساتتى قادام تاستاۋعا دەم بەردى.
”ناتيجەنى كىم ٴۇشىن شىعارۋ، قانداي ناتيجە شىعارۋ، ناتيجە شىعارۋدا نەگە سۇيەنۋ“ سىندى ٴتۇبىرلى ماسەلەگە ويداعىداي جاۋاپ بەرۋ دامۋ بەتالىسىن، ونىمدىلىگىن جانە نەگىزىن تىكەلەي بەلگىلەيدى. بىرنەشە كۇننەن بەرى، مەملەكەتتىك ەكى ماجىلىستە شينجياڭنان كەلگەن ۋاكىلدەر مەن مۇشەلەر قىزمەت ٴىس جۇزىندىگىمەن ۇشتاستىرىپ سىندارلى اقىل ـ كەڭەس بەردى.
”ناتيجەنى كىم ٴۇشىن شىعارۋعا“ ويداعىداي جاۋاپ بەردى
ۋاكىلدەر مەن مۇشەلەر دۇرىس ناتيجە كوزقاراسىن ورناتۋ جانە امالياتتا ايگىلەۋدە، ەڭ اۋەلى، ”ناتيجەنى كىم ٴۇشىن شىعارۋ“ ماسەلەسىنە ويداعىداي جاۋاپ بەرۋ كەرەكتىگىن ٴبىلدىردى.
ۋاكىل ۋ ۋىنشيۋ جىڭ اۋدانى تولى قالاشىعى ىجلىنمودۇن قىستاعىنان كەلگەن، ول جەردىڭ كۇن نۇرى جەتكىلىكتى، كليماتى قۇرعاق، كۇندىز بەن ٴتۇننىڭ تەمپەراتۋرا پارقى زور، قىستاق تۇرعىندارىنىڭ نەگىزگى كىرىسى ماقتا ەگۋدەن كەلەدى. ٴبىراق قىستاقتاعى بولەك ـ بولەك ”الاقانداي اتىز“، ”تىلكىم ـ تىلكىم جەردە“ ەگىن ەگۋگە ۋاقىت تا، كۇش تە كوپ كەتەدى.
جەر _ اۋىل ـ قىستاقتى گۇلدەندىرۋدىڭ وزەكتى بايلىعى، ىجلىنمودۇن قىستاعى ”ەكى كوميتەتى“ جەردىڭ بولەك ـ بولەك بىتىراندى بولۋى سىندى تۇيىنشەكتى ماسەلەگە مەڭزەس، شاعىن اتىزداردى ۇلكەن اتىزعا بىرىكتىرىپ، كولەمدەندىرىپ ەگۋدى جالپىلاستىرۋدى ۇيعاردى. قىستاق پارتيا ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى رەتىندە، ۋ ۋىنشيۋ بۇل ٴىستىڭ اتىز قىرىن تەگىستەي سالاتىنداي وڭاي ـ وسپاق ٴىس ەمەس ەكەندىگىن ابدەن بىلەدى، ”جەر _ شارۋالاردىڭ جان تامىرى، ٴسوز جوق، اۋىلداستاردىڭ مۇددەسى مەن اسەرىن تولىق ەسكەرىپ، كوپشىلىكتىڭ ۇقىق ـ مۇددەسىن قامتاماسىز ەتۋ كەرەك“.
ۋ ۋىنشيۋ باستاماشىلدىقپەن ٴوز ٴۇيىنىڭ اتىز قىرلارىن تەگىستەپ، وتباسىلارىن ارالاپ قىزمەت ىستەپ، ساياساتتى ۇعىندىرىپ، پايدانى ايقىن ٴتۇسىندىردى. قىستاق تۇرعىندارى كۇدىك ـ كۇماننان ارىلىپ، رەفورما، دامۋ جونىندە ورتاق تانىمعا كەلدى. قازىر قىستاقتاعى اتىزدار بىرىكتىرىلىپ، ارىق ـ توعان جالعاسىپ، جولدار ۇلاسىپ، قىستاق تۇرعىندارى كولەمدەندىرىپ ەگىپ، ماشينامەن جينايتىن بولدى، بۇرىنعىمەن سالىستىرعاندا، ماقتانىڭ مۋ باسىندىق ٴونىمى 100 كيلوگرامداي ارتىپ، كوپشىلىكتىڭ كىرىسى شىن مانىندە ارتتى.
”مەملەكەتتىك حالىق قۇرىلتايىنىڭ ۋاكىلى جانە نەگىزگى ساتى كادرى رەتىندە، مەن، ٴسوز جوق، بۇكىل ىنتا ـ پەيىلىممەن قىستاق تۇرعىندارى ٴۇشىن قىزمەت ىستەۋىم كەرەك“. ۋ ۋىنشيۋ باستان ـ اياق بۇقارانى كوكەيدە ساقتاپ، بۇقارا ٴۇشىن ماڭگى قىزمەت ىستەيتىندىگىن ٴبىلدىردى.
ۋاكىل مۇساجان ٴعايرات كۇنەس اۋدانى سوربۇلاق قالاشىعى كەرەگەتاس قىستاعىنان كەلگەن، الىس ـ جاقىنعا تانىمال بايۋ باستاماشىسى. ول ٴبىر ەلەكترمەن دانەكەرلەۋ دۇكەنىن اشىپ، ٴوزى بايىعاننان كەيىن اۋىلداستارىن ۇمىتپاي، كوپشىلىككە ەلەكترمەن دانەكەرلەۋ تەحنولوگياسىن تەگىن ۇيرەتىپ، ىلگەرىندى ـ كەيىندى 10 نەشە قىستاق تۇرعىنىنىڭ وسى ونەردى يگەرۋىنە جەتەكشىلىك ەتىپ، 4 قىستاق تۇرعىنىنىڭ ەلەكترمەن دانەكەرلەۋ دۇكەنىن اشۋىنا كومەكتەسىپ، كوپشىلىكتى باستاپ كىرىستى ارتتىرۋ جولىن اشتى.
اۋىلداستار اڭىس ەتكەن ەگىس اتىزىن سۋارۋ قولايسىز بولۋ، جول قاتىناسى ىركىلىسسىز بولماۋ سياقتى ماسەلەلەرگە مەڭزەس، مۇساجان ٴعايرات قىستاق تۇرعىندارىنىڭ ۇيلەرىنە، اتىز باسىنا ارنايى بارىپ جاعداي ۇعىستى. ونىڭ بەلسەنە جەبەۋىندە كەرەگەتاس قىستاعى جوعارى ولشەمدى ەگىنجاي قۇرىلىسىن باستادى، تامشىلاتىپ سۋارۋ قۇرىلعىلارىنىڭ جالپىلاسۋى شارۋالاردى ەگىس جۇمىسىنداعى الاڭنان ارىلتىپ، كىرىستى ارتتىرۋىن ٴتىپتى دە قامتاماسىز ەتتى.
”مەن شارۋا ۋاكىلىمىن ٴارى پارتيا مۇشەسىمىن، شارۋالاردىڭ جۇرەك ٴۇنىن بەلسەنە اڭىس ەتىپ، اۋىل ـ قىستاقتىڭ دامۋى ٴۇشىن قۇندى ۇسىنىس بەرۋىم كەرەك“. مۇساجان ٴعايرات بيىلعى ماجىلىسكە اكەلگەن ۇسىنىسىنىڭ اۋىل ـ قىستاق ساياحاتىنا قاتىستى ەكەندىگىن، وندا اۋىل ـ قىستاق جولدارى، اۆتوكولىك توقتاتۋ الاڭى، ساياحاتشىلارعا قىزمەت كورسەتۋ ورتالىعى سياقتى نەگىزدىك قۇرىلعىلاردى ٴتۇيىندى تۇردە كەمەلدەندىرىپ، ساياحات كاسىبىنىڭ اۋىل شارۋاشىلىعىمەن، مال شارۋاشىلىعىمەن ىشكەرىلەي توعىسۋىن ىلگەرىلەتۋ جونىندە ۇسىنىس قويعانىن ايتتى.
مۇساجان ٴعايرات بىلاي دەدى: بۇقارا كوپىرمەلىك ىستەۋدى، وبراز ينجەنەرياسىمەن اينالىسۋدى قاتتى جەك كورەدى. ٴار دارەجەلى پارتيا مۇشەلەرى، كادرلار، اسىرەسە، باسشى كادرلار بۇقارا كوڭىل ٴبولىپ وتىرعان جۇمىستاندىرۋ، وقۋعا ٴتۇسۋ، اۋرۋ كورسەتۋ، قارتتاردى كۇتىمدەۋ، بايۋ سياقتى ىستەردى كوكەيىندە بەرىك ساقتاپ، ناقتى ىستەپ، ويداعىداي ىستەپ، ونىمدىلىككە قول جەتكىزۋى كەرەك.
”قانداي ناتيجە شىعارۋ“ دەگەنگە ويداعىداي جاۋاپ بەردى
”قانداي ناتيجە شىعارۋ“ جونىندە ۋاكىلدەر مەن مۇشەلەر امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتاتىندىقتارىن ٴبىلدىردى.
شاپشال سىبە اۆتونوميالى اۋداندىق وقۋ ـ اعارتۋ مەكەمەسى وقۋشى قابىلداۋ جانە ەمتيحان ورتالىعىنىڭ مەڭگەرۋشىسى رەتىندە، مۇشە گۋان فاڭفاڭ دەرلىك اپتا سايىن ٴوزى بايلانىس جاسايتىن ورتا، باستاۋىش مەكتەپكە، بالاباقشاعا بارىپ، مەكتەپتىڭ، وقىتۋشى ـ وقۋشىلاردىڭ جانە اتا ـ انالاردىڭ قيىنشىلىقتارىن، تالاپ ـ تىلەگىن ۇعىسىپ، جوعارى ساپالى ۇسىنىس جوباسىن قويۋعا العاشقى ماتەريال توپتادى.
تەكسەرۋ ـ زەرتتەۋ بارىسىندا گۋان فاڭفاڭ اۋىل ـ قىستاق مەكتەپتەرىنىڭ ”ٴار كۇنى ٴبىر ساعات دەنە تاربيە ساباعىن ٴوتۋ“ ساياساتىن تياناقتاندىرعان كەزدە دەنە تاربيە وقىتۋشىسى جەتىسپەۋ ماسەلەسىنە ٴدوپ كەلگەندىگىن بايقايدى. ول وسى جونىندە 3 ۇسىنىس قويدى، ۇسىنىستاردىڭ بارلىعىن قاتىستى تاراۋلار بەلسەنە قابىلدادى جانە ىلگەرىلەتتى.
بىلتىر جىل باسىندا وقۋ ـ اعارتۋ مينيسترلىگى قاتارلى 5 تاراۋ بىرلەسىپ «وقۋشىلاردىڭ دەنە قۋاتىن كۇشەيتۋ جوسپارىن اتقارۋ جونىندەگى پىكىردى» باسىپ تاراتىپ، 20 تارماقتى پارمەندى شارانى ورتاعا قويدى. سول جىلى كوكتەمگى وقۋ ماۋسىمىنان باستاپ، شينجياڭداعى مىندەتتى وقۋ ـ اعارتۋ كەزەڭىندەگى مەكتەپتەردە دەنە تاربيە جانە سالاماتتىق ساباعى كۇنىنە ٴبىر وقۋ ساعاتىندىق ساباق بولىپ رەتتەلىپ ورنالاستىرىلىپ، ساباق ارالىعىنداعى ۋاقىت 15 مينۋتقا ۇزارتىلدى. ”بالالاردىڭ مەكتەپ اۋلاسىندا اسىر ساپ جۇرگەنىن كورىپ قاتتى قۋاندىم“، ـ دەدى گۋان فاڭفاڭ.
گۋان فاڭفاڭ مىنالاردى ٴبىلدىردى: وي ـ سانانى قاي ـ قاشان دا سەرگەك ۇستاپ، ىستەگەنىمىز وڭاي ولجا تابۋ، كوز الداعىنى ويلاۋ ٴىسى مە، الدە نەگىز قالاۋ، ۇزاق بولاشاققا پايدا جەتكىزۋ ٴىسى مە؟ دەگەندى ويلاۋىمىز كەرەك. نەگىزگى ساتىدا جاقسى ناتيجە دەگەنىمىز كوزبەن كورىپ، قولمەن ۇستاۋعا بولاتىن وزگەرىس. مەكتەپ اۋلاسى اناعۇرلىم حاۋىپسىز، وقىتۋشىلار اناعۇرلىم ساپالى، وتباسى مەن مەكتەپ اناعۇرلىم ەتەنە بولسا، مىنە بۇل بۇقارا مويىندايتىن تاماشا ناتيجە. ”حالىق رازى بولاتىن وقۋ ـ اعارتۋ ٴۇشىن قاجىماي ـ تالماي قۇلشىنۋىمىز كەرەك“، ـ دەدى گۋان فاڭفاڭ.
ۋاكىل پاڭ زىجياننىڭ كەڭسەسىنىڭ قابىرعاسىندا اۋە جەلىسى قاريتاسى بار، بەتىنە قىزىل قالاممەن كوپتەگەن بەلگى سالىنىپتى، ۇستەلىندە ەسكىرگەن «حالىقارالىق اۆياتسيا تورابى قۇرىلىسىن ىلگەرىلەتۋ جونىندەگى جەتەكشى پىكىر» مەن بىرنەشە تولتىرا سىزىق سىزىلعان حۇجات جاتىر. وسى اۋە جەلىسى قاريتاسى مەن بىرنەشە حۇجاتقا پاڭ زىجياننىڭ شەكارا ٴوڭىردىڭ جوعارى ساپالى دامۋىنا قىزمەت وتەۋ، قاشقار اۆياتسيا تورابى قۇرىلىسىن ىلگەرىلەتۋ جونىندەگى مىندەت وتەۋ اۋەلگى ماقساتى جۇكتەلگەن ەدى.
پاڭ زىجيان تۇرعان قاشقار ايماعىنىڭ ”5 شەكارا وتكەلى 8 ەلگە تۇتاسقان، ٴبىر جولى ەۆروپا مەن ازيانى جالعاعان“ وڭىرلىك باسىمدىعى بار، ول جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگى. 2025 ـ جىلعا دەيىن قاشقار لاينيڭ حالىقارالىق اۋەجايى ەل ٴىشى ـ سىرتى بويىنشا 94 جولاۋشى جۇك تاسىمال جەلىسىن اشتى، اۋە جەلىسى ەل ىشىندە 46 قالامەن، حالىقارادا 5 قالامەن تۇتاستى.
”اۆياتسيا تورابىنىڭ قابىلەت دارەجەسى قاشقاردىڭ ورتا ازياعا، وڭتۇستىك ازياعا باعىتتالعان كاسىپ سالاسىن شوعىرلاندىرۋ قابىلەتىن بەلگىلەۋدە“. پاڭ زىجيان بىلاي دەدى: قاشقار ايماعىنىڭ سىرتقى ساۋدا يمپورت ـ ەكسپورتىنىڭ جالپى قۇنى 100 ميلليارد يۋان دارەجەسىنە تەز كوتەرىلدى، ٴبىراق نەشە ون اۋە جەلىسى عانا بار، توراپتىڭ قابىلەت دارەجەسى جوعارىلاماسا، زات اينالىمى وزىندىك قۇنىن تومەندەتۋدى تەجەپ قانا قويماي، مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋىنا تىپتەن ىقپال جاسايدى.
پاڭ زىجيان جارتى جىل ۋاقىت جۇمساپ، قاشقارداعى سىرتقا باعىتتالعان بارلىق كاسىپورىن مەن شەكارا وتكەلدەرىن باقىلاۋ ـ باسقارۋ اۋماقتارىن تۇگەل جۋىق ارالاپ، جاعدايعا تەكسەرۋ ـ زەرتتەۋ جۇرگىزىپ، جۇرتتىڭ جۇرەك ۇنىنە قۇلاق ٴتۇرىپ، قاشقاردى مەملەكەتتىڭ حالىقارالىق اۆياتسيا تورابى يقۋاتى جۇيەسىنە ەنگىزۋ ۇسىنىسىن جازىپ، مەملەكەتتىك ەكى ماجىلىسكە الا كەلدى.
پاڭ زىجيان مىنالاردى ٴبىلدىردى: دۇرىس ناتيجە كوزقاراسىن ورناتۋ جانە امالياتتا ايگىلەۋدە ٴىس جۇزىندىكتى شىعار ٴتۇيىن ەتىپ، زاڭدىلىق بويىنشا ىستەپ، كوزسىزدىكپەن دۇرمەككە ىلەسپەي، ۇشقالاقتىققا سالىنباي، جوعارى ساپالى دامۋدى بۇلجىماي ىلگەرىلەتىپ، ىستەردىڭ دامۋىندا ۇزدىكسىز جاڭا جاعداي اشۋ كەرەك. ”وڭاي ولجانى عانا كوزدەيتىن، ۇتىمسىز دامۋ ويىنان باتىل ارىلىپ، قايراتتانا العا ۇمتىلىپ، ىرىقتىلىقپەن جاۋاپكەرشىلىك ارقالاپ، اناعۇرلىم كوپ حالىق تۇرمىسى ارمان ـ تىلەگىن تاماشا رەالدىققا اينالدىرۋ كەرەك“.
”ناتيجە شىعارۋدا نەگە سۇيەنۋ كەرەك“ دەگەنگە ويداعىداي جاۋاپ بەردى
”ناتيجە شىعارۋدا نەگە سۇيەنۋ كەرەك“ دەگەن ماسەلەگە ايالداعاندا، ۋاكىلدەر مەن مۇشەلەر ٴبىر اۋىزدان تەك قانا ”ناقتى ىستەۋ“ دەستى.
ۋاكىل ٴدىلمۇرات ٴاسميتۇللا شينجياڭ مەديتسينا داشۋەسىنە قاراستى 1 ـ شيپاحانا اس قورىتۋ، قان تامىر سىرتقى اۋرۋلار ورتالىعى ٴسۇت بەزى سىرتقى اۋرۋلار ٴبولىمىنىڭ مەڭگەرۋشىسى، شيپاحانانىڭ كلينيكالىق ٴبىرىنشى شەبىندە ۇزاق جىل تاپجىلماي قىزمەت ىستەپ كەلەدى. ول ناۋقاستارمەن پىكىر اۋىستىرۋدى حالىقتىڭ ۇنىنە قۇلاق اسۋدىڭ، حالىق تىلەگىن ۇيىستىرۋدىڭ ماڭىزدى جولى ەتتى، ۇجىمدى باستاپ ناۋقاس بولمەلەرىن تەكسەرگەندە، ناۋقاستارمەن جانە ولاردىڭ وتباسىنداعىلارمەن ۇنەمى اڭگىمەلەسىپ، قىزمەت وتەۋ، اقى الۋ، ورتا سياقتى جاقتارداعى پىكىر ـ ۇسىنىستاردى تىڭدادى.
شيپاگەر كابينەتىنەن، ناۋقاس بولمەلەرىن تەكسەرۋدەن مىندەت وتەپ، ۇسىنىس بەرۋگە دەيىن، ٴدىلمۇرات ٴاسميتۇللا كورگەندەرىن، ويلاعاندارىن حالىققا جاناسىمدى، تياناقتاندىرۋعا بولاتىن ۇسىنىسقا اينالدىرىپ، وسپە اۋرۋىنا شالدىققانداردىڭ ٴومىر ٴسۇرۋ سالىستىرماسىن جوعارىلاتۋ، جوعارى دەڭگەيلى مەديتسينا دارىندىلارىن باۋلۋدى كۇشەيتۋ، ەمدەۋ قۇرىلىمدارىنىڭ تەكسەرۋ ناتيجەسىن ٴوزارا مويىنداۋىن ىلگەرىلەتۋ سياقتى ۇسىنىستاردى ىلگەرىندى ـ كەيىندى تاپسىرىپ، مەملەكەتتىڭ قاتىستى تاراۋلارىنىڭ ايرىقشا ٴمان بەرۋىنە جانە بەلسەندى جاۋاپ قايتارۋىنا يە بولدى.
”بۇقارانىڭ سالاماتتىعى _ ەڭ كورنەكتى ناتيجە“. ٴدىلمۇرات ٴاسميتۇللا مىنانى ٴبىلدىردى: ناتيجەنىڭ ٴبارى ىستەۋدەن كەلەدى، شىنايى ىستەگەندە عانا ناتيجەنى شىنايى شىعارۋعا، شىنايى ناتيجە شىعارۋعا بولادى. كلينيكالىق امالياتتى تياناق ەتىپ، ٴپان قۇرىلىسى، دارىندىلاردى باۋلۋ، سالاماتتىق بويىنشا عىلىم جالپىلاستىرۋ سياقتى جاقتاردا اناعۇرلىم كوپ كۇش سالىپ، جوعارى ساپالى ۇسىنىس، كەڭەستىك جوبا ۇسىنىپ، ناقتى ىستەۋ ارقىلى ٴار ۇلت بۇقاراسىنىڭ سالاماتتىعىن قورعايمىز.
ٴۇرىمجى كەدەنىنە قاراستى الاتاۋ ساعاسى كەدەنى تەحنولوگيا ورتالىعىنىڭ مەڭگەرۋشىسى رەتىندە، ۋاكىل لي لان شەكارا وتكەلى ٴبىرىنشى شەبىندە ۇزاق ۋاقىت تامىر تارتىپ، قىزمەتتەستەرىمەن بىرگە يمپورت ـ ەكسپورت تاۋارلارىن تەكسەرۋ ـ ولشەۋ قىزمەتىن ورىستەتتى. بىلتىر ول ۇجىمدى باستاپ نەبارى 3 اي ۋاقىت جۇمساپ، ەگىس دارىلەرىنىڭ قالدىعى سياقتى 443 ٴتۇرلى تەكسەرۋ نىسانى بويىنشا تاجىريبە جاساۋدى باستاۋ مىندەتىن ورىندادى. ”مەملەكەت قاقپاسىنداعى بيولوگيالىق حاۋىپسىزدىكتى قورعاۋ _ قاسيەتتى بورىش، ٴار رەت زياندى ورگانيزمدەردى ٴساتتى توسىپ قالۋ ماعان قىزمەتتىڭ قۇنىن تەرەڭ سەزىندىرەدى“، ـ دەدى لي لان.
لي لان تەكسەرۋ ـ زەرتتەۋ جۇرگىزگەندە، شەكارا وتكەلىندە زات تاسىمال مولشەرىنىڭ ۇزدىكسىز ارتۋىنا ىلەسە، شەكارا اتتاعان تاسىمالدىڭ جوعارى دەڭگەيلى اينالىمىن ساقتاپ، كەن ونىمدەرى سياقتى يمپورت ەتىلگەن مولاڭ تاۋارلاردان ۇلگى الىپ تەكسەرۋگە جولداۋ ۇلگىسىنىڭ دامۋ سۇرانىسىنا اناعۇرلىم ۇيلەسۋدى قاجەت ەتەتىندىگىن بايقادى.
سونىمەن لي لان شەكارا وتكەلىندەگى ٴوندىرىس كاسىپورىندارى مەن زات اينالىمى سەرىكتەستىكتەرىن ارالاپ، كەدەن باس مەكەمەسىنىڭ رەفورما نىساندارىن تياناقتاندىرۋدى بار كۇشپەن ىلگەرىلەتىپ، لابوراتوريالىق تەكسەرۋ سالاسى جۇيەسىنىڭ ۇلاسۋىن، تۇتاسۋىن ىلگەرىلەتىپ، ”ٴبىر تەتىكپەن تەكسەرۋگە جولداۋدى“ جۇزەگە اسىرىپ، تەكسەرۋ جۇمىسى باسىنداعى جانە تاجىريبەحاناداعى ينفورماتسيادان دەر كەزىندە ورتاق يگىلىكتەنىپ، كاسىپورىنداردىڭ كەز كەلگەن ۋاقىتتا تەكسەرۋ قارقىنىن سۇراستىرۋىنا مۇمكىندىك جاساپ، كەدەننەن ٴوتۋ ونىمدىلىگىن كورنەكتى جوعارىلاتتى.
”دۇرىس ناتيجە كوزقاراسىن ورناتۋدا جانە امالياتتا ايگىلەۋدە ناقتى ەڭبەك ٴسىڭىرىپ، ناقتى شارا شىعارىپ، ناقتى ونىمدىلىككە ۇمتىلۋ كەرەك“. لي لان كاسىپورىنداردىڭ تالاپ ـ تىلەگىنە ۇزدىكسىز قۇلاق اسىپ، جۇمىس ٴتارتىبىن ساپالىلاندىرىپ، كارانتيندەۋ حاۋىپسىزدىگى تومەنگى شەگىن بەرىك ساقتاۋ نەگىزىندە كەدەننەن وتكىزۋدىڭ قولايلىلىق دارەجەسى مەن قارقىنىن بارىنشا جوعارىلاتىپ، مەملەكەت قاقپاسىنىڭ بيولوگيالىق حاۋىپسىزدىك قالتقىسىن بەكەمدەۋگە، سىرتقى ساۋدانىڭ ساپاسىن جوعارىلاتىپ ونىمدىلىگىن ارتتىرۋعا كۇش قوساتىندىعىن ٴبىلدىردى.
