ۇكىمەت قىزمەتىنەن بايانداما، ”15 - بەسجىلدىق“ جوبا باعدارلاماسى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى
ەكولوگيالىق ورتا زاڭناماسى، ۇلتتار ىنتىماعى، العاباسارلىعىن جەبەۋ زاڭى، مەملەكەتتىڭ دامۋ جوباسى زاڭى سياقتىلاردى ماقۇلدادى، شي جينپيڭ ءتوراعا بۇيرىعىنا قول قويدى
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءتوراعالار مىنبەسىنەن ورىن الدى، جاۋ لىجي باسقاردى ءارى ءسوز سويلەدى
3 ـ ايدىڭ 12 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى بەيجيڭ حالىق سارايىندا جابىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الدى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
3 ـ ايدىڭ 12 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى بەيجيڭ حالىق سارايىندا جابىلۋ جيىنىن وتكىزدى. ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى جاۋ لىجي جابىلۋ جيىنىن باسقاردى ٴارى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى شىن حۇڭ تۇسىرگەن
شينحۋا اگەنتتىگىنىڭ 3 ـ ايدىڭ 12 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىنداعاننان كەيىن، 3 ـ ايدىڭ 12 ـ كۇنى تۇستەن كەيىن بەيجيڭ حالىق سارايىندا جابىلدى. ٴماجىلىس ۇكىمەت قىزمەتىنەن بايانداما، ”15 ـ بەسجىلدىق“ جوبا باعدارلاماسى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى. ٴماجىلىس ەكولوگيالىق ورتا زاڭناماسىن، ۇلتتار ىنتىماعى، العاباسارلىعىن جەبەۋ زاڭىن، مەملەكەتتىڭ دامۋ جوباسى زاڭىن، مەملەكەتتىك حالىق قۇرىلتايى تۇراقتى كوميتەتىنىڭ زاڭداردى اداقتاۋ قىزمەتى جاعدايى جانە قاتىستى زاڭدار مەن قاۋلىلاردى ٴبىر جاقتى ەتۋ پىكىرى جونىندەگى بايانداماسىن بەكىتۋ جونىندەگى قاۋلىنى ماقۇلدادى، مەملەكەت ٴتوراعاسى شي جينپيڭ 70 ـ ٴنومىرلى، 71 ـ ٴنومىرلى، 72 ـ ٴنومىرلى، 73 ـ ٴنومىرلى ٴتوراعا بۇيرىعىنا قول قويدى.
جابىلۋ جيىنىن ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى جاۋ لىجي باسقاردى. ٴماجىلىس ٴتوراعالار القاسىنىڭ تۇراقتى ٴتوراعالارى، اتقارۋشى ٴتوراعالارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ليۋ چي ٴتوراعالار مىنبەسىنىڭ اتقارۋشى ٴتوراعالار ورنىنا جايعاستى.
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ٴماجىلىس ٴتوراعالار القاسىنىڭ مۇشەلەرى ٴتوراعالار مىنبەسىنەن ورىن الدى.
جيىنعا قاتىناسۋعا ٴتيىستى ۋاكىل 2878 ادام، قاتىناسقانى 2762 ادام، قاتىناسا الماعانى 116 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن كەيىن ساعات 3تە جاۋ لىجي جيىننىڭ باستالعاندىعىن جاريالادى.
جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ ۇكىمەت قىزمەتىنەن بايانداما جونىندەگى قارارىن ماقۇلدادى. قاراردا مىنالار اتاپ كورسەتىلدى: ٴماجىلىس ”14 ـ بەسجىلدىق“ مەزگىلىندەگى ەلىمىزدىڭ ەكونوميكالىق، قوعامدىق دامۋدا قول جەتكىزگەن كەلەلى جەتىستىكتەرىن جوعارى باعالاپ، مەملەكەتتىك كەڭەستىڭ وتكەن ٴبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان ”15 ـ بەسجىلدىق“ مەزگىلىندەگى باستى نىسانالارعا، كەلەلى مىندەتتەرگە جانە 2026 ـ جىلعى قىزمەت ورنالاستىرۋلارىنا قوسىلىپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوبا باعدارلاماسى جونىندەگى قاراردى ماقۇلدادى. قاراردا مىنالار اتاپ كورسەتىلدى: ٴماجىلىس مەملەكەتتىك حالىق قۇرىلتايى قازىنا ـ ەكونوميكا كوميتەتىنىڭ قاراپ تەكسەرۋ ناتيجەسى جونىندەگى بايانداماسىنا قوسىلىپ، وسى جوبا باعدارلاماسىن بەكىتۋدى ۇيعاردى. ٴماجىلىس مىنالاردى تالاپ ەتتى: ”15 ـ بەسجىلدىق“ مەزگىلىندە شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس جوسپارلاپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەكونوميكالىق قۇرىلىستى وزەك ەتۋگە تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، رەفورما جاساۋ، جاڭالىق اشۋدى ٴتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ٴتۇبىرلى ماقسات، پارتيانى جاپپاي قاتاڭ باسقارۋدى ٴتۇبىرلى قامتاماسىزدىق ەتىپ، ەكونوميكانىڭ ساپاسىنىڭ ٴونىمدى جوعارىلاۋى مەن مولشەرىنىڭ ۇيلەسىمدى ارتۋىن جۇزەگە اسىرۋدى ىلگەرىلەتىپ، ادامنىڭ جان ـ جاقتى دامۋىن، جالپى حالىقتىڭ بىرگە بايۋىن ىلگەرىلەتۋدە نىق قادام تاستاپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.
جيىن داۋىسقا سالۋ ارقىلى ەكولوگيالىق ورتا زاڭناماسىن، ۇلتتار ىنتىماعى، العاباسارلىعىن جەبەۋ زاڭىن، مەملەكەتتىڭ دامۋ جوباسى زاڭىن ماقۇلدادى. ەكولوگيالىق ورتا زاڭناماسى 2026 ـ جىلى 8 ـ ايدىڭ 15 ـ كۇنىنەن باستاپ اتقارىلادى، ۇلتتار ىنتىماعى، العاباسارلىعىن جەبەۋ زاڭى 2026 ـ جىلى 7 ـ ايدىڭ 1 ـ كۇنىنەن باستاپ اتقارىلادى، مەملەكەتتىڭ دامۋ جوباسى زاڭى جاريالانعان كۇننەن باستاپ اتقارىلادى.
جيىن 14 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ 2025 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2026 ـ جىلعى حالىق شارۋاشىلىعى مەن قوعامدىق دامۋ جوسپارى جونىندەگى قارارىن داۋىسقا سالىپ ماقۇلدادى، 2025 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2026 ـ جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى، 2026 ـ جىلعى حالىق شارۋاشىلىعى مەن قوعامدىق دامۋ جوسپارىن بەكىتۋدى ۇيعاردى؛ 14 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ 2025 ـ جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ جاعدايى جانە 2026 ـ جىلعى ورتالىق پەن جەرگىلىكتى ورىن مەجە ەسەبى جونىندەگى قارارىن داۋىسقا سالىپ ماقۇلدادى، 2025 ـ جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ جاعدايى جانە 2026 ـ جىلعى ورتالىق پەن جەرگىلىكتى ورىن مەجە ەسەپ جوباسى جونىندەگى باياندامانى بەكىتۋدى، 2026 ـ جىلعى ورتالىقتىڭ مەجە ەسەبىن بەكىتۋدى ۇيعاردى.
جيىن 14 ـ كەزەكتى مەملەكەتتىك حالىق قۇرىلتايى 4 ـٴماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قارارىن داۋىسقا سالىپ ماقۇلدادى. قاراردا مىنالار اتاپ كورسەتىلدى: ٴماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ٴبىر جىلداعى قىزمەتىن تولىق تۇراقتاندىرىپ، باياندامادا العا قويىلعان الداعى ٴبىر جىلداعى مىندەتتەردى قۇپتاپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قارارىن، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قارارىن ماقۇلداپ، وسى ەكى باياندامانى بەكىتۋدى ۇيعاردى.
جيىن 14 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ زاڭداردى اداقتاۋ قىزمەتى جاعدايى جانە قاتىستى زاڭدار مەن قاۋلىلاردى ٴبىر جاقتى ەتۋ پىكىرى جونىندەگى بايانداماسىن بەكىتۋ جونىندەگى قاۋلىسىن داۋىسقا سالىپ ماقۇلدادى.
ونان سوڭ جاۋ لىجي ٴسوز سويلەدى. ول بىلاي دەدى: 14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىندادى. ٴماجىلىس دەموكراتيانى اسقاقتاتۋعا، كوپتىڭ اقىل ـ پاراساتىن شوعىرلاندىرۋعا تاباندى بولىپ، ٴىستى زاڭ بويىنشا قاتاڭ ىستەپ، كەڭ كولەمدى ورتاق تانىم قالىپتاستىردى، بۇل زەيىن ـ زەردەنى، كۇش ـ قۋاتتى شوعىرلاندىراتىن، شىنايى يگەرىپ ناقتى ىستەيتىن، ىنتىماقتاسا ەكپىندەي ىلگەرىلەيتىن ٴماجىلىس بولدى.
جاۋ لىجي بىلاي دەپ اتاپ كورسەتتى: ۋاكىلدەر پارتيا مەن حالىقتىڭ ماڭىزدى تاپسىرماسىن ارقالاپ، زاڭدا بەلگىلەنگەن قىزمەت جاۋاپكەرشىلىكتەرىن مۇقيات اتقارىپ، ۇكىمەت قىزمەتىنەن بايانداما سياقتى باياندامالاردى قاراپ بەكىتتى، حالىق شارۋاشىلىعى مەن قوعامدىق دامۋدىڭ ”15 ـ بەسجىلدىق“ جوبا باعدارلاماسىن جانە جىلدىق جوسپاردى، مەجە ەسەپتى تەكسەرىپ بەكىتتى، ەكولوگيالىق ورتا زاڭناماسىن، ۇلتتار ىنتىماعى، العاباسارلىعىن جەبەۋ زاڭىن، مەملەكەتتىڭ دامۋ جوباسى زاڭىن قاراپ ماقۇلدادى. ٴماجىلىس جەتىستىكتەرى پارتيانىڭ دارىپتەمەسى مەن حالىق ەركىنىڭ وسكەلەڭ بىرلىگىن ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ىنتىماقتاسا كۇرەس جۇرگىزىپ، داۋىرمەن بىرگە العا باسىپ مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ۇزدىكسىز العا ىلگەرىلەتەتىن بەرىك سەنىم مەن تەلەگەي كۇشتى ايگىلەدى.
جاۋ لىجي بىلاي دەدى: 5 جىلدىق جوبانى جاساۋ جانە اتقارۋ جۇڭگو كوممۋنيستىك پارتياسىنىڭ ەل باسقارۋداعى ٴبىر ماڭىزدى تاجىريبەسى، جۇڭگوشا سوتسياليستىك ٴتۇزىمنىڭ ٴبىر ماڭىزدى ساياسي ابزالدىلىعى. ”15 ـ بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىل، ”15 ـ بەسجىلدىق“ جوبا باعدارلاماسىن ويداعىداي اتقارۋ كەلەلى مانگە يە.
جاۋ لىجي بىلاي دەپ اتاپ كورسەتتى: ٴبىز پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ٴار رەتكى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ٴتورتىنشى جالپى ٴماجىلىستىڭ ورنالاستىرۋلارىن مۇقيات تياناقتاندىرىپ، پارتيا ورتالىق كوميتەتىنىڭ ”15 ـ بەسجىلدىق“ مەزگىلى جونىندە بەلگىلەگەن ستراتەگيالىق ورنىن تەرەڭ تانىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسىن، ماڭىزدى پرينسيبىن، نىسانا ـ مىندەتتەرىن، ساياسات ـ شارالارىن دۇرىس يگەرىپ، وسى رەتكى ٴماجىلىستىڭ ورنالاستىرۋى بويىنشا ٴتۇرلى قىزمەتتەردى تىڭعىلىقتى، ٴونىمدى ويداعىداي ىستەپ، ٴوز ٴىسىمىزدى تاباندىلىقپەن ويداعىداي ىستەپ، ”15 ـ بەسجىلدىقتا“ تاماشا باستامانى قۇلشىنا جۇزەگە اسىرىپ، ۇلى ارماندى بىرتىندەپ تاماشا رەالدىققا اينالدىرۋىمىز كەرەك.
جاۋ لىجي بىلاي دەدى: ٴبىز حالىق قۇرىلتايىنىڭ فۋنكتسياسى مەن قىزمەت جاۋاپكەرشىلىگىن تياناق ەتىپ، پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جالپى بارىستىق حالىق دەموكراتياسىن امالياتتا ايگىلەپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، مەملەكەتتىڭ ٴتۇبىرلى ساياسي ٴتۇزىمى باسىمدىعىن شىنايى ساۋلەلەندىرىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىمىزدى مۇقيات اتقارىپ، ”15 ـ بەسجىلدىقتاعى“ نىسانا ـ مىندەتتەردى جۇزەگە اسىرۋعا زاڭمەن باسقارۋ قامتاماسىزدىعىن ازىرلەۋىمىز كەرەك؛ حالىق قۇرىلتايى ۋاكىلدەرى حالىقتىڭ مۇددەسى مەن ەركىنە ادالدىقپەن ۋاكىلدىك ەتىپ، زاڭ بويىنشا مىندەتىن اتقارىپ، جاۋاپكەرشىلىگىن ادا ەتىپ، بۇقارامەن تىعىز بايلانىس جاساپ، ٴوز قىزمەت ورنىندا ەڭبەك ٴسىڭىرىپ، ۇلەس قوسۋى كەرەك.
جاۋ لىجي بىلاي دەپ اتاپ كورسەتتى: ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن وي ـ سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە تاباندى بولىپ، ”ٴتورت تانىمدى“ ونان ارى كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ٴبىر نيەت، ٴبىر تىلەكتە بولىپ، قايراتتانا العا ۇمتىلىپ، شىندىققا جۇگىنىپ ناقتى ىستەپ، حالىق ٴۇشىن ناتيجە جاراتۋعا، ناقتى ٴىس ىستەۋ ارقىلى ناتيجە جاراتۋعا قۇلشىنىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن ۇزدىكسىز اشۋىمىز كەرەك.
تۇستەن كەيىن ساعات 3تەن 40 مينۋتتا جاۋ لىجي جۇڭحۋا حالىق رەسپۋبليكاسى 14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى جابىلعاندىعىن جاريالادى. ٴماجىلىس ايبىندى مەملەكەت انىمەن اياقتادى.
ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ليفىڭ، جاڭ گوچيڭ، چىن ۋىنچيڭ، چىن جينيڭ، چىن مين ـ ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، جاڭ شىڭمين، ۋ جىڭلۇڭ، شىن يچين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن قاتارلىلار دا ٴتوراعالار مىنبەسىنەن ورىن الدى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ٴماجىلىستى سىرتتاي تىڭدادى.
شەتەلدەردىڭ جۇڭگودا تۇراتىن ەلشىلەرى ٴماجىلىستى سىرتتاي تىڭدادى.
