(14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندە 2026 - جىلى 3 - ايدىڭ 12 - كۇنى ماقۇلداندى)
14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى مەملەكەتتىك كەڭەس العا قويعان «جۇڭحۋا حالىق رەسپۋبليكاسىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوبا باعدارلاماسىن (جوبا)» قاراپ تەكسەردى، ٴماجىلىس مەملەكەتتىك حالىق قۇرىلتايى قازىنا ـ ەكونوميكا كوميتەتىنىڭ قاراپ تەكسەرۋ ناتيجەسى جونىندەگى بايانداماسىنا قوسىلدى، وسى جوبا باعدارلاماسىن بەكىتۋدى ۇيعاردى.
ٴماجىلىس بىلاي دەپ قارادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەلدەگى ٴار ۇلت حالقى قيىندىقتى ەڭسەرە ورگە ۇمتىلىپ، ۇدەرە العا تارتىپ، ”14 ـ بەسجىلدىق“ جوبانىڭ باستى نىسانا ـ مىندەتتەرىن جەڭىسپەن ورىندادى، ەلىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، مەملەكەت قورعانىسى ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلىپ، جۇڭگو ۇلگىسىندەگى وسىزامانداندىرۋدا تىڭ دا مىعىم قادام تاستالدى، ەكىنشى 100 جىلدىق كۇرەس نىساناسى، جاڭا ساپارىنىڭ تاماشا باستاماسى جۇزەگە استى. ”15 ـ بەسجىلدىق مەزگىلى سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىل، ٴسوز جوق، قاجىماي قۇلشىنىپ، ۇزدىكسىز كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەردى ىلگەرىلەتۋدە كەلەلى تابىستارعا قول جەتكىزىپ، سوتسياليستىك وسىزامانداندىرۋدى نەگىزىنەن جۇزەگە اسىرۋعا اناعۇرلىم بەرىك نەگىز قالاۋ كەرەك.
ٴماجىلىس مىنالاردى تالاپ ەتتى: ”15 ـ بەسجىلدىق“ مەزگىلىندە جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ٴار رەتكى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، ٴتورتىنشى جالپى ٴماجىلىستىڭ ورنالاستىرۋلارىن مۇقيات تياناقتاندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدى، ەكىنشى 100 جىلدىق كۇرەس نىساناسىن جۇزەگە اسىرۋدى ارقاۋ ەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس جوسپارلاپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەكونوميكالىق قۇرىلىستى وزەك، جوعارى ساپالى دامۋدى ىلگەرىلەتۋدى نەگىزگى تاقىرىپ، رەفورما جاساۋدى، جاڭالىق اشۋدى ٴتۇبىرلى قوزعاۋشى كۇش، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ٴتۇبىرلى ماقسات، پارتيانى جاپپاي قاتاڭ باسقارۋدى ٴتۇبىرلى قامتاماسىزدىق ەتۋگە تاباندى بولىپ، ەكونوميكانىڭ ساپاسىنىڭ ٴونىمدى جوعارىلاۋى مەن مولشەرىنىڭ ۇيلەسىمدى ارتۋىن جۇزەگە اسىرۋدى ىلگەرىلەتىپ، ادامنىڭ جان ـ جاقتى دامۋىن، جالپى حالىقتىڭ بىرگە بايۋدا نىق قادام تاستاۋىن ىلگەرىلەتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.
(شينحۋا اگەنتتىگى 3 ـ ايدىڭ 12 ـ كۇنى بەيجيڭنەن بەرگەن حابارى)
