(14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندە 2026 - جىلى 3 - ايدىڭ 12 - كۇنى ماقۇلداندى)
14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى مەملەكەتتىك كەڭەستىڭ زۇڭليى لي چياڭ جاساعان ۇكىمەت قىزمەتىنەن باياندامانى تىڭدادى جانە قارادى. ٴماجىلىس ”14 ـ بەسجىلدىق“ مەزگىلىندە ەلىمىزدىڭ ەكونوميكالىق، قوعامدىق دامۋدا قول جەتكىزگەن كەلەلى تابىستارىن جوعارى باعالاپ، مەملەكەتتىك كەڭەستىڭ وتكەن ٴبىر جىلداعى قىزمەتتەرىن تولىق تۇراقتاندىردى، باياندامادا العا قويىلعان ”15 ـ بەسجىلدىق“ مەزگىلىندەگى باستى نىسانالاردى، كەلەلى مىندەتتەردى جانە 2026 ـ جىلعى قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.
ٴماجىلىس مىنالاردى تالاپ ەتتى: مەملەكەتتىك كەڭەس پەن جەرگىلىكتى ورىنداعى ٴار دارەجەلى حالىق ۇكىمەتتەرى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ٴار رەتكى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ جانە ورتالىقتىڭ ەكونوميكالىق قىزمەت ٴماجىلىسىنىڭ ورنالاستىرۋلارىن مۇقيات تياناقتاندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياسات اتقارىپ، ساياساتتىڭ بولجامدىلىعىن، باعىتتامالىلىعىن، سايكەسىمدىلىگىن كۇشەيتىپ، ىشكى سۇرانىستى ۇزدىكسىز كەڭەيتىپ، قامداۋدى ساپالىلاندىرىپ، ارتۋ مولشەرىن ساپالىلاندىرىپ، ساقتالۋ مولشەرىن جانداندىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، وسىزاماندانعان كاسىپ سالاسى جۇيەسىن قۇرىپ، مەملەكەتتىك ٴبىر تۇتاس ۇلكەن بازار قۇرىلىسىن ىشكەرىلەي ىلگەرىلەتىپ، ٴتۇيىندى سالالارداعى حاۋىپ ـ قاتەرلەردەن ۇزدىكسىز ساقتانىپ جانە ونى جويىپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، ەكونوميكانىڭ ساپاسىنىڭ ٴونىمدى جوعارىلاۋى مەن مولشەرىنىڭ ۇيلەسىمدى ارتۋىن جۇزەگە اسىرۋدى ىلگەرىلەتىپ، حالىق تۇرمىسىن پارمەندى قامتاماسىزداندىرىپ جانە جاقسارتىپ، قوعامنىڭ جاراسىمدىلىعى مەن ورنىقتىلىعىن ساقتاپ، ”15 ـ بەسجىلدىقتىڭ“ تاماشا باستاماسىن جۇزەگە اسىرۋى كەرەك.
ٴماجىلىس مىناعان ۇندەدى: بۇكىل ەلدەگى ٴار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ٴسوزسىز، جەڭىسكە جەتۋ سەنىمىن بەكەمدەپ، اسقاق كۇرەس جىگەرىن ساقتاپ، ٴبىر نيەت، ٴبىر تىلەكتە بولىپ، شىنايى يگەرىپ ناقتى ىستەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن قاجىماي ـ تالماي كۇرەس جۇرگىزەيىك!
(شينحۋا اگەنتتىگىنىڭ 3 ـ ايدىڭ 12 ـ كۇنى بەيجيڭنەن بەرگەن حابارى)
