− 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
□ حالىق گازەتى باسماقالاسى
كەلەلى ىستەردى تالقىلاپ، كوپتىڭ اقىل ـ پاراساتىن شوعىرلاندىرىپ، جاڭا تاراۋ جازىپ، 14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى ٴتۇرلى كەڭەستىك تارتىپتەرىن تولىق ورىنداپ، 3 ـ ايدىڭ 12 ـ كۇنى بەيجيڭدە جەڭىسپەن جابىلدى. بۇل رەتكى ٴماجىلىس دەموكراتيانى تولىق ساۋلەلەندىرىپ، ٴىستى زاڭ بويىنشا قاتاڭ ىستەدى، ماجىلىسكە قاتىناسقان ۋاكىلدەر حالىقتىڭ ماڭىزدى تاپسىرماسىن ەستە بەرىك ساقتاپ، نەگىزگى زاڭدا جانە زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا دەموكراتيا، ىنتىماق، شىندىققا ۇمتىلۋ، ەكپىندەي ىلگەرىلەۋ سىندى ٴداۋىر سيمفونياسىن شىعانداتتى. ٴماجىلىستىڭ تابىسى قوماقتى بولىپ، نىسانا ـ مىندەتتەر ايقىندالدى، سەنىم مەن كۇش ـ قۋات جەتكىزىلدى، ٴماجىلىستىڭ تابىستى بولعاندىعىن قىزۋ قۇتتىقتايمىز!
بۇل رەتكى ٴماجىلىس − ”15 ـ بەسجىلدىقتىڭ“ باستاما جىلىندا اشىلعان ٴبىر رەتكى ماڭىزدى ٴماجىلىس. ٴماجىلىس وتكەن ٴبىر جىلداعى جانە ”14 ـ بەسجىلدىق“ مەزگىلىندەگى پارتيا مەن مەملەكەت ىستەرىندە قول جەتكەن جاڭا ەلەۋلى جەتىستىكتەردى جوعارى باعالادى، ۋاكىلدەر ٴبىر اۋىزدان: بۇل تۇپتەپ كەلگەندە، باس شۋجي شي جينپيڭنىڭ جول باستاپ، رول ۇستاۋىنىڭ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، ـ دەپ قارادى. ٴماجىلىس ۇكىمەت قىزمەتىنەن باياندامانى جانە باسقا دا ٴتۇرلى ماڭىزدى باياندامالاردى قارادى جانە بەكىتتى، ۋاكىلدەر ٴبىر اۋىزدان: ۇكىمەت قىزمەتىنەن باياندامادا پارتيا ورتالىق كوميتەتىنىڭ كەزەكتەگى جانە مۇنان بىلايعى ٴبىر مەزگىلدەگى قىزمەتتەر جونىندەگى ورنالاستىرۋلارى تولىق ايگىلەنىپ، ناتيجەلەر وبيەكتيۆ، جان ـ جاقتى قورىتىندىلانىپ، نىسانا ـ مىندەتتەر عىلمي، ۇيلەسىمدى ورنالاستىرىلعان، نەگىزگى تاقىرىبى ايقىن، ناقتى ىستەپ، العا باسىپ، ىنتىماقتاسۋعا جىگەرلەندىرەتىن تاماشا بايانداما، ـ دەپ قارادى. ٴماجىلىس ەكولوگيالىق ورتا زاڭناماسىن، ۇلتتار ىنتىماعى، العاباسارلىعىن جەبەۋ زاڭىن، مەملەكەتتىڭ دامۋ جوباسى زاڭىن قاراپ ماقۇلداپ، مەملەكەتتىك حالىق قۇرىلتايى تۇراقتى كوميتەتىنىڭ وتكەن ٴبىر جىلدا زاڭ بويىنشا مىندەت اتقارىپ، جاۋاپكەرشىلىك ارقالاپ، بورىشىن ادا ەتىپ، ٴار جاقتاعى قىزمەتتە تىڭ ىلگەرىلەۋشىلىككە جانە ونىمدىلىككە قول جەتكىزگەندىگىن تولىق تۇراقتاندىرىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن قۇلشىنا اشۋدا زاڭمەن باسقارۋ نەگىزىن نىعايتتى.
بۇل رەتكى ٴماجىلىستىڭ ماڭىزدى جەتىستىگى رەتىندە، ٴماجىلىس قاراپ تەكسەرىپ بەكىتكەن حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوبا باعدارلاماسى شي جينپيڭ جاڭا ٴداۋىر جۇڭگوشا سوتسياليزم يدەياسىن ٴسىڭىرىپ، پارتيا ورتالىق كوميتەتى جاساعان ايبىندى جوبانى ناقتى، جارامدى قۇرىلىس جۇرگىزۋ كارتاسىنا اينالدىرىپ، بۇكىل پارتيانىڭ جانە بۇكىل ەلدەگى ٴار ۇلت حالقىنىڭ اقىل ـ پاراساتى مەن ورتاق تىلەگىن شوعىرلى بەينەلەدى، پارتيانىڭ دارىپتەمەسى مەن حالىق ەركىنىڭ بىرلىگىن تولىق ايگىلەدى، ول ٴىس جۇزىندىككە ۇيلەسەتىن، ۇمىتكە بەيىمدەلگەن، بولاشاققا جەتەكتەيتىن جوعارى ساپالى جوبا باعدارلاماسى. ”15 ـ بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىل، بۇرىنعىعا مۇراگەر، كەيىنگىگە بۇيداگەر بولاتىن ماڭىزدى ورىنعا يە، ەلىمىزدىڭ دامۋىندا ستراتەگيالىق وراي مەن حاۋىپ ـ قاتەر، سىن ـ سايىستار قاتار ٴومىر ٴسۇرىپ، ايقىنسىز، مەجەلەۋ قيىن فاكتورلار كوبەيدى. ”15 ـ بەسجىلدىق“ كۇرەس نىساناسىن كوزدەپ، جاقسى جوبا مەن اتقارۋ قۋاتىن ۇشتاستىرىپ، باسىمدىقتاردى بەكەمدەپ، كەڭەيتىپ، بوگەتتىك تەجەمدەردى تالقانداپ، ولقىلىقتاردى، ٴالسىز تۇستاردى تولىقتاپ، ورنىقتىلىقتىڭ، دامۋدىڭ ايقىندىلىعىمەن ٴتۇرلى ايقىنسىزدىققا توتەپ بەرىپ، جۇڭگو ۇلگىسىندەگى وسىزامانداندىرۋ جالپى جاعدايىنا ساياتىن ستراتەگيالىق مىندەتتەردى ىلگەرىلەتۋدە كەلەلى سەرپىلىستەرگە قول جەتكىزسەك، ٴسوز جوق، سوتسياليستىك وسىزامانداندىرۋدى نەگىزىنەن جۇزەگە اسىرۋعا اناعۇرلىم بەرىك نەگىز قالاي الامىز.
باس شۋجي شي جينپيڭ بىلاي دەپ باسا دارىپتەدى:” ’15 ـ بەسجىلدىقتاعى‘ ەكونوميكالىق، قوعامدىق دامۋ نىسانا ـ مىندەتتەرىن ورىنداۋدا اناعۇرلىم كۇردەلى ورتاعا توتەپ بەرىپ، اناعۇرلىم كوپ تەرەڭ قاتپارلى قايشىلىقتاردى شەشۋ قاجەت“. جۇڭگو ۇلگىسىندەگى وسىزامانداندىرۋدى ىلگەرىلەتۋدەي بۇرىنعىلار ىستەپ كورمەگەن وسى جاسامپازدىق سيپاتتى ىستە اماليات بارىسىندا باتىلدىقپەن ىزدەنىس جاساۋعا، جاڭالىق اشۋ ارقىلى دامۋعا جەتەكشىلىك ەتۋگە، بولاشاققا قول جەتكىزۋگە تۋرا كەلەدى. ”15 ـ بەسجىلدىقتا“ ەكپىندەي ىلگەرىلەۋدە جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، رەفورما جاساۋدى، جاڭالىق اشۋدى ٴتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ٴتۇبىرلى ماقسات، پارتيانى جاپپاي قاتاڭ باسقارۋدى ٴتۇبىرلى قامتاماسىزدىق ەتىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتۋدە جاڭا جول اشىپ، ەكونوميكانىڭ جاڭا، ساپالى بولۋعا قاراي دامۋىن ىلگەرىلەتۋ بارىسىندا ستراتەگيالىق ىرىقتىلىقتى يگەرۋىمىز كەرەك. حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، پارتيانىڭ نازاريا، لۋشيان، باعىت ـ ساياساتتارىنىڭ جانە شەشىمدەرىنىڭ، ورنالاستىرۋلارىنىڭ مەملەكەت قىزمەتىندە جاپپاي دايەكتىلەندىرىلۋىنە جانە ٴونىمدى اتقارىلۋىنا كەپىلدىك ەتىپ، جالپى بارىستىق حالىق دەموكراتياسىن دامىتۋ بارىسىندا حالىقتىڭ ەركىن ايگىلەپ، حالىقتىڭ ۇقىق ـ مۇددەسىن قامتاماسىز ەتىپ، حالىقتىڭ جاسامپازدىق ومىرشەڭ كۇشىن قاۋلاتىپ، بۇكىل حالىقتىڭ اقىل ـ پاراساتى مەن كۇش ـ قۋاتىن ”15 ـ بەسجىلدىقتاعى“ نىسانا ـ مىندەتتەردى جۇزەگە اسىرۋعا اناعۇرلىم ٴونىمدى شوعىرلاندىرۋىمىز كەرەك.
اقيقات جولى قاراپايىم بولادى، ناقتى ىستەۋ بارىنەن ماڭىزدى؛ جاڭا جاعداي اشۋدا الدىمەن جاۋاپكەرشىلىك ارقالاۋ كەرەك. باسىپ وتكەن جولىمىزعا قايىرىلا قاراساق، كەدەي ٴارى ٴالسىز اۋىل شارۋاشىلىعى ەلىنەن دۇنيە ٴجۇزى بويىنشا جاساۋ كاسىبىندەگى ٴبىرىنشى ٴىرى ەلگە، دۇنيە جۇزىندەگى ەكىنشى ۇلكەن ەكونوميكالىق تۇلعاعا دەيىن، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋدەن، جاپپاي دوڭگەلەك داۋلەتتى قوعامدى ۋاعىندا قۇرىپ شىعۋدان ەكىنشى 100 جىلدىق كۇرەس نىساناسىنىڭ جاڭا جورىعىنا دەيىن تاماشا باستاما اشتىق، ٴبىز ناقتى ىستەۋگە سۇيەنىپ شۇعىلالى وتكەندى جاراتتىق، تاعى دا ناقتى ىستەۋگە سۇيەنىپ اناعۇرلىم كوركەم بولاشاقتى جاراتۋىمىز كەرەك. قالىڭ پارتيا مۇشەلەرى مەن كادرلار دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، ٴىس جۇزىندىكتى شىعار ٴتۇيىن ەتۋگە، قاعيدا بويىنشا ٴىس ىستەۋگە تاباندى بولىپ، سانالى تۇردە حالىق ٴۇشىن ناتيجە شىعارىپ، ناقتى ىستەۋ ارقىلى ناتيجە شىعارىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋعا قۇلشىنۋى كەرەك. ”15 ـ بەسجىلدىق“ جوبا باعدارلاماسىنىڭ جاپپاي اتقارىلۋىن ىلگەرىلەتۋدە مەملەكەتتىك حالىق قۇرىلتايى مەن جەرگىلىكتى ٴار دارەجەلى حالىق قۇرىلتايلارى بورىش ارقالاپ وتىر، جاۋاپكەرشىلىگى اۋىر. ساياسي تۇرعىدا بەرىك تۇرىپ، ساياسي كوزقاراستى، زاڭمەن باسقارۋ كوزقاراسىن، بۇقارالىق كوزقاراستى كۇشەيتىپ، حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، مىندەت اتقارۋ قابىلەتى مەن دەڭگەيىن ۇزدىكسىز جوعارىلاتىپ، بۇقارامەن اناعۇرلىم ويداعىداي ەتەنە بولىپ، حالىقتىڭ جاعدايىن تەكسەرىپ، حالىقتىڭ اقىل ـ پاراساتىن شوعىرلاندىرىپ، حالىق تۇرمىسىنا تيىمدىلىك جاساپ، حالىق ٴۇن قاتقان زامان جاۋاپ قايتارسا، ٴسوز جوق، ٴىس تىندىرىپ شارۋاشىلىق قۇرۋدىڭ، ىنتىماقتاسا ەكپىندەي ىلگەرىلەۋدىڭ قۇدىرەتتى كۇشىن ۇيىستىرا الادى.
جاڭا جورىق − جاڭا ۇزاق جورىق، ٴبىزدىڭ بولاشاعىمىز نۇرلى، دەسەدە باسار جولىمىز ميداي جازىق بولا بەرمەيدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ناقتى ىستەۋ ارقىلى ۇلى ىستەر تىندىرىپ، جاڭالىق اشۋ ارقىلى بولاشاققا قول جەتكىزىپ، ”15 ـ بەسجىلدىقتىڭ“ تاماشا باستاماسىن قۇلشىنا جۇزەگە اسىرىپ، ۇلى ارماننىڭ كوركەم رەالدىققا اينالۋىن نىق قاداممەن جۇزەگە اسىرايىق.
(شينحۋا اگەنتتىگىنىڭ 3 ـ ايدىڭ 12 ـ كۇنى بەيجيڭنەن بەرگەن حابارى)
