− ۋاكىلدەر، مۇشەلەر شينجياڭعا قايتىپ كەلىپ مەملەكەتتىك ەكى ءماجىلىس رۋحىن باستاماشىلدىقپەن ۇيرەندى، ۇگىتتەدى، دايەكتىلەندىردى
□ انار بۇلت \ شينجياڭ گازەتىنىڭ تىلشىلەرى
مەملەكەتتىك ەكى ءماجىلىس جابىلعاننان كەيىن، شينجياڭنان كەلگەن مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى مول تابىسپەن جانە اۋىر جاۋاپكەرشىلىكپەن قىزمەت ورىندارىنا ىركەس - تىركەس قايتىپ كەلدى.
بيىل ”15 - بەسجىلدىقتىڭ“ باستاما جىلى. مەملەكەتتىك ەكى ءماجىلىس كەزىندە باس شۋجي شي جينپيڭ ۇيىرمە - گرۋپپالاردىڭ باياندامانى قاراۋىنا، تالقىلاۋىنا 3 رەت قاتىناسىپ، ۋاكىلدەرمەن، مۇشەلەرمەن مەملەكەت ءىسىن بىرگە اقىلداسىپ، ءبىر قىدىرۋ ماڭىزدى ءسوز سويلەپ، ”15 - بەسجىلدىقتاعى“ ەكونوميكالىق، قوعامدىق دامۋعا ايقىن العا باسۋ بەتالىسىن كورسەتتى، ماڭىزدى بويسۇنۋ ولشەمىن ازىرلەدى.
العاشقى قادام − ۇمتىلۋ، باستاما − شەشۋشى شايقاس. كوپشىلىك مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ جانە مەملەكەتتىك ەكى ءماجىلىستىڭ رۋحىمەن بىرلىككە كەلتىرىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، زەيىن - زەردەنى شوعىرلاندىرىپ، كۇش - قۋاتتى ۇيىستىرىپ جاڭا جورىقتى باستاپ، تياناقتاندىرۋدى بوساڭسىماي مىقتى يگەرىپ، ”15 - بەسجىلدىقتا“ تاماشا باستاما اشۋدى جۇزەگە اسىرۋعا شىنايى كەپىلدىك ەتىپ، سوتسياليستىك وسىزاماندانعان شينجياڭ قۇرۋعا تىڭ ۇلەس قوسامىز.
”جۇرت جۇرەگىن تەبىرەنتىپ، ادامدى جەلپىندىردى، ءماجىلىس زالىنداعى قىزۋ قول شاپالاق ءۇنى ءالى قۇلاق تۇبىمىزدە جاڭعىرىپ تۇر“. مەملەكەتتىك حالىق قۇرىلتايىنىڭ ۋاكىلى لي يۇنفي بىلاي دەدى: ”وسى ’ىستىق ىنتانى‘ قىزمەت ورنىمىزعا الىپ قايتىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، اناعۇرلىم اسقاق جىگەرمەن ناقتى شايقاستىق جاتتىعۋعا ات سالىسىپ، اناعۇرلىم ناقتى ستيلمەن كومەسكى حاۋىپ - قاتەرلەردى ءبىر - بىردەن تەكسەرۋدى تەرەڭدەتىپ، ءورت ءسوندىرۋ، ورتتەن ساقتانۋ حاۋىپسىزدىگى قورعانىس شەبىن باتىل بەكەمدەپ، ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىنە قورعاۋشى بولامىن“.
”تۇرعىنداردىڭ ەمدەۋ قامسىزداندىرۋىندا ادام باسىنا بەرىلەتىن قازىنالىق قوسىمشا قاراجات ولشەمى 24 يۋان جوعارىلادى، قالا، اۋىل تۇرعىندارىنىڭ نەگىزدىك زەينەتاقىسىنىڭ ايلىق ەڭ تومەنگى ولشەمى تاعى دا 20 يۋان جوعارىلادى... بۇل سان - سيفرلار تىم ماردىمسىز كورىنگەنىمەن، بارلىعى بۇقارانىڭ كوڭىلىندەگى ’ۇلكەن ەسەپ داپتەرىنە‘ جازىلعان“. قايتىپ بارا جاتقان جولدا مەملەكەتتىك حالىق قۇرىلتايىنىڭ ۋاكىلى ابدىمامەت وبۇل تولىق جوسپار جاساپ: ”ەڭ جاڭا ورنالاستىرۋدى الىپ قايتىپ، ناقتى ىستەۋ ارقىلى جاقسى ساياساتتى نەگىزگى ساتىعا جەتكىزىپ، اۋىل - قىستاقتىڭ دامۋىنا اناعۇرلىم زور ءۇمىت سيلاپ، قىستاق تۇرعىندارىنىڭ تۇرمىسىن بارعان سايىن جاقسارتۋعا جاعداي جاسايمىز“، - دەدى.
بيىلعى مەملەكەتتىك ەكى ماجىلىستە مادەنيەت ارقىلى حالىققا تيىمدىلىك جاساۋ تاقىرىبى جۇرت نازارىن اۋداردى. ۇكىمەت قىزمەتىنەن باياندامادا حالىقتىڭ رۋحاني تۇرمىسىن بىرگە بايىتۋدى جەبەۋ كوزدە ۇستالدى.
”مادەنيەتتىڭ ومىرشەڭ كۇشى حالىق اراسىندا، حالىققا تيىمدىلىك جەتكىزۋدىڭ تياناعى قاشاندا نەگىزگى ساتىدا“. مەملەكەتتىك حالىق قۇرىلتايىنىڭ ۋاكىلى ءدىلشات پارحات بىلاي دەدى: ادەبيەت - كوركەمونەر شەبىندەگى حالىق قۇرىلتايى ۋاكىلى رەتىندە، جاۋاپكەرشىلىگىمنىڭ اۋىر ەكەنىن تەرەڭ سەزىندىم. قىزمەت ورنىما قايتىپ بارعاننان كەيىن، مەملەكەتتىك ەكى ءماجىلىستىڭ رۋحىن مۇقيات ۇگىتتەپ، دايەكتىلەندىرىپ، مەملەكەتتىك ەكى ءماجىلىستىڭ رۋحىن مىندەت وتەۋدەگى ناقتى ناتيجەگە اينالدىرىپ، تۇرمىسقا ىشكەرىلەي ارالاسىپ، حالىق اراسىنا تامىر تارتىپ، ءداۋىردىڭ دامۋىن، حالىقتىڭ جۇرەك ءۇنىن، ۇلت رۋحىن شىعارماشىلىقپەن توعىستىرىپ، حالىق بۇقاراسىنىڭ رۋحاني مادەنيەت تۇرمىسىن بايىتۋعا كۇش قوسامىن.
3 - ايدىڭ 13 - كۇنى گومينداڭ توڭكەرىستىك كوميتەتىنىڭ شينجياڭ رايوندىق كوميتەتى ءماجىلىس اشىپ، مەملەكەتتىك ەكى ءماجىلىستىڭ رۋحىن جەتكىزدى، ۇيرەندى. مەملەكەتتىك ساياسي كەڭەستىڭ تۇراقتى مۇشەسى سۇڭ ياجۇن مىنالاردى ءبىلدىردى: بۇكىل رايونداعى گومينداڭ توڭكەرىستىك كوميتەتى ۇيىمدارى مەن گومينداڭ توڭكەرىستىك كوميتەتىنىڭ مۇشەلەرى باس شۋجي شي جينپيڭنىڭ مەملەكەتتىك ەكى ءماجىلىس كەزىندەگى ماڭىزدى سوزدەرىنىڭ جانە مەملەكەتتىك ەكى ءماجىلىستىڭ رۋحىن ىشكەرىلەي ۇيرەنۋدى، ءتۇسىنۋدى كەزەكتەگى ماڭىزدى ساياسي مىندەت ەتىپ، ۇيرەنۋ جەتىستىكتەرىن مىندەت اتقارۋدىڭ قوزعاۋشى كۇشىنە اينالدىرىپ، گومينداڭ توڭكەرىستىك كوميتەتىنىڭ ءتۇرلى قىزمەتتەرىنىڭ تاعى دا تىڭ ساتىعا كوتەرىلۋىن ىلگەرىلەتۋى كەرەك. جۇڭگو كوممۋنيستىك پارتياسى ورتالىق كوميتەتىنىڭ 8 ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەپ، كەڭەيتىپ، دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن تىڭعىلىقتى ورىستەتىپ، يدەيا - ساياسي جەتەكشىلىكتى ۇزدىكسىز كۇشەيتىپ، وزىندىك قۇرىلىستى تاباندىلىقپەن كۇشەيتىپ، نازاردى جوعارى ساپالى دامۋ، جاڭاشا وندىرگىش كۇشتەردى جەتىلدىرۋ سياقتى مىندەتتەرگە شوعىرلاندىرىپ، مىندەت وتەۋ دەڭگەيىن ۇزدىكسىز جوعارىلاتىپ، اۋىل - قىستاقتى گۇلدەندىرۋدە تۇيىندە تۇرىپ كومەكتەسۋ - سۇيەمەلدەۋدى جانە وتاننىڭ بىرلىككە كەلۋىن جەبەۋ قىزمەتىن ۇزدىكسىز ويداعىداي ىستەپ، ىسىلعان ستيلمەن جاڭا داۋىردەگى گومينداڭ توڭكەرىستىك كوميتەتىنىڭ جاۋاپكەرشىلىك ارقالاپ ىسكەرلىك كورسەتۋىن ايگىلەۋىمىز كەرەك.
مەملەكەتتىك ەكى ءماجىلىس جابىلعاننان كەيىن، مەملەكەتتىك ساياسي كەڭەستىڭ مۇشەسى ۋاڭ ۋي ءبيدايدىڭ توزىمدىلىك سيپاتتى تۇقىمدىق زات بايلىعىندا جاڭالىق اشۋ جانە دارىلىك ماقسارى تۇقىمىن سۇرىپتاۋ نىسانى قىزمەتىنە دەرەۋ كىرىستى. ”ۇكىمەت قىزمەتىنەن باياندامادا تۇقىم شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، قامال الۋ سيپاتتى سورتتى تۇقىم تۇرلەرىن سۇرىپتاپ جەتىلدىرۋ، جالپىلاستىرۋدى جەدەلدەتۋ العا قويىلدى“. ول بىلاي دەدى: شينجياڭ مەملەكەتتىك ساپالى ەگىن، مال شارۋاشىلىعى ونىمدەرى ماڭىزدى قامداۋ بازاسىن قۇرۋعا كۇش سالۋدا، مەملەكەتتىك ەكى ءماجىلىستىڭ رۋحىن عىلمي زەرتتەۋ ءبىرىنشى شەبىنە جەتكىزىپ، وڭىرلىك ورىن باسىمدىعىن تياناق ەتىپ، نازاردى ءبيداي، جۇگەرى، ماقتا سياقتى ەرەكشە داقىلدارعا شوعىرلاندىرىپ، تۇقىمدىق زات بايلىعىن قورعاۋدى جانە ساپالى تۇقىم جەتىلدىرۋدەن قامال الۋدى كۇشەيتىپ، سىناق ەتۋ تەحنولوگياسىن زەرتتەۋدى قۇلشىنا ورىستەتىپ، جوعارى ءونىمدى، ءتوزىمدى، ساپالى قامال الۋ سيپاتتى سورتتى تۇقىم تۇرلەرىن جەتىلدىرۋگە دەم بەرىپ، تۇقىم شارۋاشىلىعىندا جاڭالىق اشۋ ارقىلى استىق حاۋىپسىزدىگىنىڭ نەگىزىن بەكەمدەيمىز.
(ءتىلشى ليۋ شياڭ، قاتىناسقان تىلشىلەر لي جيا - ني، ۋاڭ نا، گو ليڭ، جاڭ يانفاڭ)
