شينحۋا اگەنتتىگىنىڭ 3 ـ ايدىڭ 14 ـ كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «قوعامدىق قىزمەت كاسىپتىك قىزمەتكەرلەرى قوسىنى قۇرىلىسىن ىلگەرىلەتۋ جونىندەگى پىكىردى» باسىپ تاراتتى (تومەندە قىسقارتىلىپ «پىكىر» دەلىنەدى).
«پىكىردە» مىنالار العا قويىلدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ٴار رەتكى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، ٴتورتىنشى جالپى ٴماجىلىستىڭ ورنالاستىرۋلارىن مۇقيات تياناقتاندىرىپ، باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋلارىن جاپپاي دايەكتىلەندىرىپ، بۇقارانى بەتكە الۋعا، نەگىزگى ساتىعا قىزمەت وتەۋگە تاباندى بولىپ، كاسىبيلەندىرۋگە، مامانداندىرۋعا تاباندى بولىپ، قىزمەت ورنى كولەمىن كەڭەيتۋدى، قوسىن ساپاسىن جوعارىلاتۋدى، قىزمەت وتەۋ قابىلەتىن كۇشەيتۋدى ٴتۇيىن ەتىپ، باۋلۋ، ىستەتۋ، باعالاۋ، ىنتالاندىرۋ مەحانيزمىن كەمەلدەندىرىپ، پارتيانىڭ سوزىنە قۇلاق اسىپ، پارتياعا ىلەسەتىن، قابىلەتى كۇشتى، كاسىپكە ىسىلعان، سۇيىسپەنشىلىگى بار، ۇلەس قوسۋعا ٴمان بەرەتىن قوعامدىق قىزمەت كاسىپتىك قىزمەتكەرلەر قوسىنىن قۇرۋ كەرەك.
«پىكىردە» العا قويىلعان باستى نىسانا: 5 جىل شاماسىنداعى ۋاقىتتا قوعامدىق قىزمەت كاسىپتىك قىزمەتكەرلەر قوسىنىنىڭ قۇرىلىمى مەن ورنالاسىمىن اناعۇرلىم ۇيلەسىمدى ەتىپ، كاسىبيلەنۋ، ماماندانۋ دەڭگەيىن كورنەكتى جوعارىلاتىپ، جوعارى دەڭگەيلى دارىندىلاردىڭ جالپى مولشەرىن كورنەكتى زورايتىپ، قوعامدىق قىزمەت كاسىپتىك جۇمىس ورىندارىنىڭ كولەمىن ورنىقتى كەڭەيتۋ.
«پىكىر» 6 بولىك، 11 شارادان قۇرالعان. 1 ـ بولىك جالپى تالاپ، مۇندا قوعامدىق قىزمەت كاسىپتىك قىزمەتكەرلەرى قوسىنى قۇرىلىسىن ىلگەرىلەتۋدىڭ جەتەكشى يدەياسى، قىزمەت پرينسيبى، ٴادىسى مەن جولى جانە باستى نىساناسى ايقىندالدى. 2 ـ بولىكتەن 5 ـ بولىككە دەيىن جەكە ـ جەكە قوعامدىق قىزمەت كاسىپتىك قىزمەتكەرلەرىن باۋلۋ، ىستەتۋ، باعالاۋ، ىنتالاندىرۋ سىندى 4 بۋىندى ارقاۋ ەتە وتىرىپ ناقتى شارالار العا قويىلدى. 6 ـ بولىكتە ۇيىمداستىرىپ اتقارۋدى كۇشەيتۋ جاعىنان تالاپتار قويىلدى.
