اۆتونوميالى رايون مەملەكەتتىك ەكى ٴماجىلىستىڭ رۋحىن جەتكىزۋ، دايەكتىلەندىرۋ ٴماجىلىسىن اشتى
مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرىپ، سوتسياليستىك وسىزاماندانعان شينجياڭ قۇرۋ كەرەك
چىن شياۋجياڭ ٴسوز سويلەدى، ەركىن تۇنياز، ٴزۇمىرات وبۇل، نۇرلان ٴابىلماجىن، شاۋكەت يمىن، حى جۇڭيوۋ، جاڭ جۋ، چىن ميڭگو قاتىناستى
3 ـ ايدىڭ 14 ـ كۇنى اۆتونوميالى رايوننىڭ مەملەكەتتىك ەكى ٴماجىلىستىڭ رۋحىن جەتكىزۋ، دايەكتىلەندىرۋ ٴماجىلىسى اشىلدى. اۆتونوميالى رايوندىق پارتكومنىڭ شۋجيى چىن شياۋجياڭ ٴماجىلىستى باسقاردى ٴارى ٴسوز سويلەدى.
□ سۋرەتتى انار بۇلت\ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوننىڭ مەملەكەتتىك ەكى ٴماجىلىستىڭ رۋحىن جەتكىزۋ، دايەكتىلەندىرۋ ٴماجىلىسى 3 ـ ايدىڭ 14 ـ كۇنى اشىلدى. اۆتونوميالى رايوندىق پارتكومنىڭ شۋجيى چىن شياۋجياڭ ٴماجىلىستى باسقاردى ٴارى ٴسوز سويلەپ، بىلاي دەپ باسا دارىپتەدى: مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق قىزمەت باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى مىقتاپ ارقاۋ ەتىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، ەكونوميكانىڭ، قوعامنىڭ جوعارى ساپالى دامۋىن تىڭعىلىقتى ىلگەرىلەتىپ، زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرىپ، سوتسياليستىك وسىزاماندانعان شينجياڭ قۇرۋ كەرەك.
ەركىن تۇنياز، ٴزۇمىرات وبۇل، نۇرلان ٴابىلماجىن جەكە ـ جەكە مەملەكەتتىك ەكى ٴماجىلىستىڭ قاتىستى رۋحىن جەتكىزدى. شاۋكەت يمىن، حى جۇڭيوۋ، جاڭ جۋ، چىن ميڭگو ماجىلىسكە قاتىناستى.
چىن شياۋجياڭ بىلاي دەپ اتاپ كورسەتتى: وسى رەتكى مەملەكەتتىك ەكى ٴماجىلىس ”15 ـ بەسجىلدىقتىڭ“ باستاما جىلىندا اشىلعان سالتاناتتى جينالىس، مەملەكەتتىڭ ساياسي ومىرىندەگى ٴىرى ٴىس، بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا جۇمىلدىرىپ، سەنىمدى بەكەمدەپ، قايراتتانا العا ۇمتىلىپ، ”15 ـ بەسجىلدىقتى“ جاقسى باستاپ، جاقسى قادام تاستاۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە كەلەلى دە تەرەڭ مانگە يە. باس شۋجي شي جينپيڭ ەكى ٴماجىلىس كەزىندە ٴبىر قىدىرۋ ماڭىزدى ٴسوز سويلەپ، پارتيا مەن مەملەكەت ىستەرىنىڭ دامۋىنا ساياتىن كەلەلى نازاريالىق جانە امالياتتىق ماسەلەلەردى ىشكەرىلەي بايىمداپ، ”15 ـ بەسجىلدىق“ مەزگىلىندەگى ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە، جۇڭگو ۇلگىسىندەگى وسىزامانداندىرۋدى ۇزدىكسىز ىلگەرىلەتۋگە ايقىن العا باسۋ بەتالىسىن كورسەتتى، ٴتۇبىرلى بويسۇنۋ ولشەمىن ازىرلەدى. ٴبىز باس شۋجي شي جينپيڭنىڭ ەل ٴىشى ـ سىرتى جاعدايى جونىندەگى عىلمي تۇجىرىمىن ىشكەرىلەي ۇيرەنىپ، ٴتۇسىنىپ، تاريحي ىرىقتىلىق رۋحىمەن قيىن وتكەلدەن قامال الىپ، حاۋىپ ـ قاتەرلەردى جەڭىپ، سىن ـ سايىستى قارسى الۋىمىز؛ باس شۋجي شي جينپيڭنىڭ جاڭاشا وندىرگىش كۇشتەردى دامىتۋ جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، شينجياڭنىڭ جوعارى ساپالى دامۋىنىڭ جاڭا قوزعالىس قۋاتىن، جاڭا باسىمدىعىن جەدەل قالىپتاستىرۋىمىز؛ باس شۋجي شي جينپيڭنىڭ ەكونوميكانىڭ سەرپىمدىلىگىن كۇشەيتۋ جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، ەل ٴىشى جانە حالىقارا سىندى قوس اينالىمعا اناعۇرلىم ويداعىداي قىزمەت وتەۋىمىز جانە ونىمەن توعىسۋىمىز؛ باس شۋجي شي جينپيڭنىڭ بىرگە بايۋدى ىلگەرىلەتۋ جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، ٴار ۇلت بۇقاراسىنىڭ دامۋ ۇردىسىنە كەڭ كولەمدە ات سالىسۋىنا، دامۋ جەتىستىكتەرىنەن تولىق بىرگە يگىلىكتەنۋىنە مۇمكىندىك جاساۋىمىز؛ باس شۋجي شي جينپيڭنىڭ سالاماتتى جۇڭگو قۇرىلىسى جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، شينجياڭنىڭ دەنساۋلىق ساقتاۋ، سالاماتتىق ىستەرىنىڭ جوعارى ساپالى دامۋىن كۇش سالا ىلگەرىلەتۋىمىز؛ باس شۋجي شي جينپيڭنىڭ حالىق قۇرىلتايى جانە ساياسي كەڭەس قىزمەتىن جاقسى ىستەۋ جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، جالپى بارىستىق حالىق دەموكراتياسىن بەلسەنە دامىتۋىمىز؛ باس شۋجي شي جينپيڭنىڭ پارتيانى باسقارۋ، پارتيانى جونگە سالۋ جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋىمىز؛ باس شۋجي شي جينپيڭنىڭ زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرىپ، مەملەكەت قورعانىسى مەن ارميانى وسىزامانداندىرۋدىڭ ورنىقتى قاداممەن الىسقا جەتۋىن ىلگەرىلەتۋ جونىندەگى ماڭىزدى بايىمداۋىن ىشكەرىلەي ۇيرەنىپ، ٴتۇسىنىپ، جاڭا داۋىردەگى ارميانى قۇدىرەتتەندىرۋ ىستەرىنە پارمەندى قامتاماسىزدىق ازىرلەۋىمىز كەرەك. مەملەكەتتىك ەكى ٴماجىلىستىڭ رۋحىن ۇيرەنۋدى، دايەكتىلەندىرۋدى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، سەنىمدى بەكەمدەپ، قاجىرلىلىقپەن ىستەپ، قايسارلىقپەن العا ىلگەرىلەپ، قۇلشىنا باس شۋجي شي جينپيڭ كەسكىندەگەن سوتسياليستىك وسىزاماندانعان شينجياڭ قۇرۋ ايبىندى جوباسىن تاماشا رەالدىققا اينالدىرۋىمىز كەرەك.
چىن شياۋجياڭ بىلاي دەپ باسا دارىپتەدى: مەملەكەتتىك ەكى ٴماجىلىستىڭ رۋحىن ۇيرەنۋ، ۇگىتتەۋ، دايەكتىلەندىرۋ _ كەزەكتەگى جانە مۇنان بىلايعى ٴبىر مەزگىلدەگى ماڭىزدى ساياسي مىندەت. جەر ـ جەر، تاراۋلار دەن قويا ۇيىمداستىرىپ، ٴتۇرلى فورمالارمەن، ٴتۇرلى تاسىلدەرمەن بۇكىل رايونداعى پارتيا مۇشەلەرىن، كادرلاردى ىشكەرىلەي ۇيرەنۋگە، تۇسىنۋگە ۇيىمداستىرىپ، مەملەكەتتىك ەكى ٴماجىلىس رۋحىنىڭ باي مازمۇنىن، نىسانا ـ مىندەتتەرىن جانە كەلەلى ورنالاستىرۋلارىن دالمە ـ ٴدال ٴتۇسىنىپ، يگەرىپ، ۇيرەنۋدىڭ، دايەكتىلەندىرۋدىڭ ”ەڭ سوڭعى ٴبىر كيلومەترىن“ اشۋى كەرەك. پارتيا، ۇكىمەت ورىندارىنداعى نەگىزگى جاۋاپتى جولداستار باستاماشىلدىقپەن ۇيرەنىپ، الدىمەن ۇيرەنىپ، تەرەڭدەي ۇيرەنىپ، پارتيا مۇشەلەرى مەن كادرلارعا ۇلگى كورسەتىپ، ونەگە بولۋى كەرەك. ۇگىتتى ىشكەرىلەي ورىستەتىپ، ٴار دارەجەلى، ٴار ٴتۇرلى اقپارات مەديالارىنىڭ جان ـ جاقتى ۇگىتتەۋىن، حابارلاۋىن ٴبىر تۇتاس جوسپارلاپ، مەملەكەتتىك ەكى ٴماجىلىس رۋحىنىڭ تيانشان الابىنا تارالۋىن، سان مىڭداعان وتباسىلارىنا جەتۋىن ىلگەرىلەتۋ كەرەك. مەملەكەتتىك حالىق قۇرىلتايىنىڭ شينجياڭداعى ۋاكىلدەرى مەن شينجياڭدا تۇراتىن مەملەكەتتىك ساياسي كەڭەس مۇشەلەرى سول جەردىڭ وزىندە ماجىلىسكە قاتىناسۋ ارتىقشىلىعىن ساۋلەلەندىرىپ، ۇگىتتى بەلسەنە ورىستەتىپ، قالىڭ كادرلار مەن بۇقارانى اقىل ـ پاراسات پەن كۇش ـ قۋاتتى باس شۋجي شي جينپيڭنىڭ ماڭىزدى ٴسوزىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋگە، تياناقتاندىرۋعا، ۇيىستىرۋعا جەتەكتەۋى كەرەك. ەكولوگيالىق ورتا زاڭناماسىن، ۇلتتار ىنتىماعى، العاباسارلىعىن جەبەۋ زاڭىن، مەملەكەتتىڭ دامۋ جوباسى زاڭىن ۇيرەنۋدى، دايەكتىلەندىرۋدى مىقتى يگەرىپ، زاڭ جالپىلاستىرۋ ۇگىتىن كۇشەيتىپ، زاڭمەن باسقارۋ ارناسىندا شينجياڭنىڭ رەفورما، دامۋ، ورنىقتىلىق قىزمەتتەرىن ىلگەرىلەتۋ كەرەك.
چىن شياۋجياڭ بىلاي دەپ باسا دارىپتەدى: شينجياڭنىڭ ٴىس جۇزىندىگىمەن تىعىز ۇشتاستىرىپ، مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى كۇش سالا ىلگەرىلەتىپ، ”15 ـ بەسجىلدىقتىڭ“ تاماشا باستاماسىن جۇزەگە اسىرۋعا شىنايى كەپىلدىك ەتۋ كەرەك. قوعام ورنىقتىلىعىن قورعاۋدى ماڭداي الدى ورىنعا قويۋعا تاباندى بولىپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى ىشكەرىلەي ىلگەرىلەتىپ، ”ٴۇش ٴتۇرلى كۇشكە“ زاڭ بويىنشا قاتاڭ سوققى بەرۋ تەگەۋرىندى كۇيىن ساقتاۋدان اۋىتقىماي، شينجياڭنىڭ قوعامدىق كەلەلى جاعدايىنىڭ ٴۇرتىس ورنىقتىلىعىن، ۇزاق ۋاقىتتىق ورنىقتىلىعىن باتىل قورعاپ، ىشكى قابىلەتتى قاجىرلىلىقپەن شىڭداۋ ارقىلى سىرتقى سىن ـ سايىستارعا توتەپ بەرىپ، شينجياڭعا ساياتىن سىرتقى كۇرەستە ٴسوز بيلىگىن، ىرىقتىلىق ۇقىعىن مىقتاپ يگەرىپ، مەملەكەتتىڭ استىق، ەنەرگيا بايلىعى جانە ماڭىزدى كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن قامتاماسىز ەتۋ قابىلەتىن جوعارىلاتىپ، ەكونوميكا، فينانس، ٴوندىرىس حاۋىپسىزدىگى سياقتى سالالارداعى حاۋىپ ـ قاتەرلەردەن، كومەسكى كىناراتتاردان ساقتانۋدى جانە ونى جويۋدى ٴبىر تۇتاس جوسپارلاپ، جۇيەلىك حاۋىپ ـ قاتەر تۋىلماۋ تومەنگى شەگىن بەرىك ساقتاۋ كەرەك. جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ٴجۇرىپ، مەملەكەتتىڭ ۇلتتار ىنتىماعى، العاباسارلىعىن جەبەۋ زاڭىن جاريالاپ اتقارۋىنىڭ ماڭىزدى ورايىن يگەرىپ، ۇلتتار ىنتىماعى، العاباسارلىعىن جەبەيتىن جەرگىلىكتى زاڭ ـ ەرەجەلەردى جاساپ، جۇڭحۋا ۇلتى ورتاق تۇلعا تانىمىن بەكەمدەۋدىڭ، جۇڭحۋا ۇلتى ورتاق تۇلعا قۇرىلىسىنىڭ تۇزىمدەنۋىن، جۇيەلىلەنۋىن ىلگەرىلەتۋدىڭ ٴونىمدى ٴادىسى جونىندە بەلسەنە ىزدەنىس جاساپ، ۇلت ىستەرىن زاڭ بويىنشا باسقارۋ قابىلەتى مەن دەڭگەيىن جوعارىلاتىپ، ەلىمىزدە ٴدىندى جۇڭگوشالاندىرۋدى جۇيەلى ىلگەرىلەتىپ، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، مادەنيەت ارقىلى ادامعا ىقپال جاساۋعا ٴمان بەرىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋ كەرەك. شينجياڭنىڭ وزىندىك ەرەكشەلىگىنە ۇيلەسەتىن جوعارى ساپالى دامۋ جولى جونىندە بەلسەنە ىزدەنىس جاساپ، بايلىق ارتىقشىلىعىن، وڭىرلىك ورىن باسىمدىعىن، كاسىپ سالاسى نەگىزى مەن قورشاعان ورتانىڭ كوتەرىمدىلىگىن تياناق ەتىپ، جۇمىستاندىرۋدى ارتتىرۋدى باعدار ەتىپ، ەرەكشەلىككە، باسىمدىققا يە كاسىپ سالالارىن جەدەل دامىتىپ، باعىتتامالى تۇردە تىزبەكتى ۇزارتىپ، تىزبەكتى تولىقتاپ، تىزبەكتى كۇشەيتىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، جەرگىلىكتى جاعدايعا قاراي جاسىل ەسەپتەۋ قۋاتى، جاساندى زەردە سياقتى جاڭاشا وندىرگىش كۇشتەردى دامىتۋ؛ جوعارى دەڭگەيدە سىرتقا ەسىك اشۋدى كەڭەيتۋگە تاباندى بولىپ، مەملەكەتتىك ٴبىر تۇتاس ۇلكەن بازار قۇرىلىسىمەن جەدەل توعىسىپ، شارۋاشىلىق ـ ساۋدا ورتاسىن ساپالىلاندىرۋدان قامال الۋ ارەكەتىن اتقارىپ، ەل ىشىندەگى ۇلكەن اينالىمعا اناعۇرلىم ويداعىداي قىزمەت وتەۋ، حالىقارالىق اينالىممەن تۇتاسۋ؛ ەكولوگيالىق ورتا زاڭناماسىن جاپپاي دايەكتىلەندىرىپ، ەكولوگيالىق ورتانى قورعاۋدى جانە سۋ بايلىعىنان ۇنەمدى، شوعىرلى، جوعارى ٴونىمدى پايدالانۋدى كۇشەيتىپ، كورىكتى شينجياڭ قۇرۋ؛ بىرگە بايۋدى تىڭعىلىقتى ىلگەرىلەتىپ، حالىق تۇرمىسى تۇرلەرىنە قارجى قوسۋدىڭ ارا سالماعىن جوعارىلاتىپ، جوعارى ساپالى، تولىق جۇمىستانۋدى جەبەپ، سالاماتتى شينجياڭ قۇرىلىسىن ىلگەرىلەتىپ، حالىق تۇرمىسى قۇت ـ ىرىسىن ۇزدىكسىز ارتتىرۋ؛ وڭتۇستىك شينجياڭ سىندى ”شاحمات كوزىن“ كۇش سالا جانداندىرىپ، ساياساتتى، قارجىنى، نىساندى، دارىندىلاردى وڭتۇستىك شينجياڭعا بەيىمدەۋدى ىلگەرىلەتىپ، كورنەكتى ماسەلەلەردى كۇش سالا شەشۋ؛ بيڭتۋان مەن جەرگىلىكتى ورىننىڭ توعىسا دامۋىنىڭ جوبا ـ جوسپارىن جانە ۇزاق ٴونىمدى مەحانيزمىن كەمەلدەندىرىپ، شينجياڭدى باسقارۋ، شينجياڭدى ورنىقتىرۋ، شينجياڭدى گۇلدەندىرۋدىڭ قۋاتتى بىرىككەن كۇشىن قالىپتاستىرۋ كەرەك. سوتسياليستىك دەموكراتيالىق ساياسي قۇرىلىستى كۇشەيتىپ، جۇڭگوشا سوتسياليستىك ساياسي دامۋ جولىمەن بۇلجىماي ٴجۇرىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، زاڭ شىعارۋ ساپاسىن كۇش سالا جوعارىلاتىپ، باقىلاۋدىڭ ناقتى ونىمدىلىگىن كۇشەيتىپ، ۋاكىلدەردىڭ زاڭ بويىنشا مىندەت وتەۋىن قولداپ جانە قامتاماسىز ەتىپ، حالىق قۇرىلتايى قىزمەتىنىڭ جوعارى ساپالى دامۋىن ورنىقتىلىق بارىسىندا ىلگەرىلەتۋ كەرەك. پارتيانىڭ باسشىلىعىن، بىرلىكساپتى جانە كەڭەستىك دەموكراتيانى ورگانيكالى ۇشتاستىرۋعا تاباندى بولىپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، حالىق ساياسي كەڭەسىنىڭ ساياسي ۇيىمدىق، ۇكىمەت ىسىنە اقىل ـ كەڭەس بەرۋ، زەيىن ـ زەردەنى ۇيىستىرىپ كۇش ـ قۋاتتى شوعىرلاندىرۋ رولىن اناعۇرلىم ويداعىداي ساۋلەلەندىرۋ كەرەك. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن مىقتاپ ارقالاپ، پارتيانىڭ ساياسي قۇرىلىسىن ٴبىر تۇتاس باسشىلىققا الا وتىرىپ پارتيانىڭ ٴار جاقتاعى قۇرىلىسىن ىلگەرىلەتىپ، دۇرىس ناتيجە كوزقاراسىن ورناتۋ جانە ونى امالياتتا ايگىلەۋ ۇيرەنۋ تاربيەسىن مۇقيات ورىستەتىپ، قالىڭ پارتيا مۇشەلەرىن، كادرلاردى سانالى تۇردە حالىق ٴۇشىن ناتيجە شىعارۋعا، ناقتى ىستەۋ ارقىلى ناتيجە شىعارۋعا تاربيەلەپ، جەتەكتەپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، ستيل دۇرىستاۋدىڭ، ٴتارتىپتى قاتايتۋدىڭ، شىرىكتەسۋگە قارسى تۇرۋدىڭ ۇزاق ٴونىمدى مەحانيزمىن اقاۋسىزداندىرىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتۋگە بارىنشا كۇش سالىپ، ستيلى پاك، سالتى دۇرىس ساياسي ەكولوگيا ارقىلى تاماشا دامۋ ورتاسىنىڭ قالىپتاسۋىنا جەتەكشىلىك ەتۋ كەرەك.
ۋاڭ جيانشين، جاڭ يىڭچۇن، ٴيۇسۇپجان مامەت، ەلزات احمەتجان، قادەن كابەن، ۋاڭ لين، ۋاڭ گاڭ، اۆتونوميالى رايوندىق حالىق قۇرىلتايى تۇراقتى كوميتەتى، ۇكىمەت، ساياسي كەڭەس باسشىلىق القالارىنىڭ مۇشەلەرى، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، دەمالىسقا، زەينەتكە شىققان ٴىشىنارا ولكە دارەجەلى باسشىلار، اۆتونوميالى رايوننىڭ جانە ورتالىقتىڭ شينجياڭدا تۇراتىن قاتىستى ورىندارىنداعى، كاسىپورىندارىنداعى نەگىزگى جاۋاپتى جولداستار، دەموكراتيالىق پارتيا ـ توپتاردىڭ شينجياڭ رايوندىق كوميتەتتەرىندەگى جاۋاپتى جولداستار ۇرىمجىدەگى نەگىزگى ٴماجىلىس الاڭىندا ماجىلىسكە قاتىناستى. ايماق، وبلىس، قالالاردا، اۋدان، قالا، رايونداردا، بيڭتۋان ورگانىندا جانە شى، قالالاردا، تۋان الاڭداردا بولىمشە ٴماجىلىس الاڭى ورنالاستىرىلدى.
