اۆتونوميالى رايوندىق پارتكوم تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن ۇيرەندى، دايەكتىلەندىردى
چىن شياۋجياڭ ٴماجىلىستى باسقاردى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 3 ـ ايدىڭ 14 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ ماڭىزدى ٴسوزىنىڭ رۋحىن جانە مەملەكەتتىك ەكى ٴماجىلىستىڭ رۋحىن جەتكىزدى، ۇيرەندى، دايەكتىلەندىردى. اۆتونوميالى رايوندىق پارتكومنىڭ شۋجيى چىن شياۋجياڭ ٴماجىلىستى باسقاردى.
ٴماجىلىس مىنالاردى اتاپ كورسەتتى: مەملەكەتتىك ەكى ٴماجىلىس كەزىندە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى، ساياسي كەڭەس مۇشەلەرىنە امانداسا باردى ٴارى بىرىككەن گرۋپپا ماجىلىسىنە قاتىناستى، ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى، ٴبىر قىدىرۋ ماڭىزدى ٴسوز سويلەپ، جاڭاشا وندىرگىش كۇشتەردى دامىتۋ، ەكونوميكانىڭ سەرپىمدىلىگىن ارتتىرۋ، بىرگە بايۋدى ىلگەرىلەتۋ، سالاماتتى جۇڭگو قۇرىلىسى، پارتيانى باسقارۋ، پارتيانى جونگە سالۋ، مەملەكەت قورعانىسى مەن ارميانى وسىزامانداندىرۋدى ىلگەرىلەتۋ سياقتى كەلەلى نازاريالىق جانە امالياتتىق ماسەلەلەردى تەرەڭ بايىمداپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە ەكپىندەي ىلگەرىلەۋ كوورديناتاسىن بەلگىلەپ، العا باسۋ بەتالىسىن ايقىن كورسەتتى. ٴبىز مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، ”14 ـ بەسجىلدىق“ مەزگىلىندە ەلىمىزدىڭ دامۋدا قول جەتكىزگەن كەلەلى تابىستارىن تەرەڭ ٴتۇسىنىپ، سەنىمدى بەكەمدەپ، ەرلىكپەن العا باسىپ، ”15 ـ بەسجىلدىق“ مەزگىلىندەگى ەكونوميكانىڭ، قوعامنىڭ جوعارى ساپالى دامۋىن تىڭعىلىقتى ىلگەرىلەتىپ، پارتيا ورتالىق كوميتەتىنىڭ ورنالاستىرۋلارىن، تالاپتارىن سوتسياليستىك وسىزاماندانعان شينجياڭ قۇرۋدىڭ جاندى امالياتىنا شىن مانىندە اينالدىرۋىمىز كەرەك.
ٴماجىلىس مىنالاردى باسا دارىپتەدى: مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋ، ۇگىتتەۋ، دايەكتىلەندىرۋ _ كەزەكتەگى جانە بۇدان بىلايعى ٴبىر مەزگىلدەگى ماڭىزدى ساياسي مىندەت. جەتكىزۋدى، ۇيرەنۋدى دەن قويا ۇيىمداستىرىپ، پارتيا مۇشەلەرىن، كادرلاردى مەملەكەتتىك ەكى ٴماجىلىستىڭ رۋحىن ىشكەرىلەي ۇيرەنۋگە كوپ فورمامەن، ساتىلار بويىنشا، جاپپاي قامتىپ ۇيىمداستىرۋ كەرەك، تۇراقتى مۇشە جولداستار مەن ولكە دارەجەلى باسشىلار باستاماشىلدىقپەن ۇيرەنىپ، ونەگەلىك رولىن ساۋلەلەندىرۋى كەرەك. ۇگىتتى كەڭ كولەمدە ىشكەرىلەي ورىستەتىپ، ٴار ۇلت كادرلارى مەن بۇقاراسى قۋانا قۇپ الاتىن فورمالاردى قولدانىپ، مەملەكەتتىك حالىق قۇرىلتايىنىڭ شينجياڭداعى ۋاكىلدەرىنىڭ جانە شينجياڭدا تۇراتىن مەملەكەتتىك ساياسي كەڭەس مۇشەلەرىنىڭ سول جەردىڭ وزىندە ماجىلىسكە قاتىناسۋ ارتىقشىلىعىن ساۋلەلەندىرىپ، ۇگىتتىڭ قىزۋ ورلەۋىن جەدەل كوتەرىپ، ٴار ۇلت كادرلارى مەن بۇقاراسىن ىنتىماقتاسا ەكپىندەي ىلگەرىلەۋگە، ۇدەرە العا تارتۋعا جەتەكتەپ، سوتسياليستىك وسىزاماندانعان شينجياڭ قۇرۋدىڭ تەلەگەي كۇشىن ۇيىستىرۋ كەرەك. دايەكتىلەندىرۋدى، تياناقتاندىرۋدى مۇقيات يگەرىپ، پارتيا ورتالىق كوميتەتىنىڭ كەزەكتەگى جاعداي جونىندەگى عىلمي تۇجىرىمىن تەرەڭ ٴتۇسىنىپ، ۇكىمەت قىزمەتىنەن بايانداماداعى، ”15 ـ بەسجىلدىق“ جوبا باعدارلاماسىنداعى ”15 ـ بەسجىلدىق“ مەزگىلىندەگى جانە بيىلعى ەكونوميكالىق، قوعامدىق دامۋدىڭ باستى نىساناسى مەن كەلەلى مىندەتتەرى جونىندەگى ورنالاستىرۋلاردى، تالاپتاردى دالمە ـ ٴدال يگەرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، شينجياڭ قىزمەتى باس نىساناسىن مىقتاپ يگەرىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، قوعامدىق كەلەلى جاعدايدىڭ ۇزدىكسىز ورنىقتىلىعىنا شىنايى كەپىلدىك ەتۋدى ماڭداي الدى ورىنعا قويىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى، جوعارى ساپالى دامۋدى ىلگەرىلەتۋدى نەگىز، وڭتۇستىك شينجياڭداعى كورنەكتى ماسەلەلەردى شەشۋدى ٴتۇيىن، رەفورما جاساۋدى، جاڭالىق اشۋدى قوزعاۋشى كۇش، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدى كەپىل ەتىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، حالىق ساياسي كەڭەسىنىڭ ساياسي ۇيىمدىق، ۇكىمەت ىسىنە اقىل ـ كەڭەس بەرۋ، زەيىن ـ زەردەنى ۇيىستىرىپ كۇش ـ قۋاتتى شوعىرلاندىرۋ رولىن اناعۇرلىم ويداعىداي ساۋلەلەندىرىپ، بيڭتۋان مەن جەرگىلىكتى ورىننىڭ توعىسا دامۋىنىڭ جوسپارىن، جوباسىن جانە باياندى مەحانيزمىن كەمەلدەندىرىپ، ”15 ـ بەسجىلدىقتى“ جاقسى باستاۋعا، جاقسى قادام تاستاۋعا شىنايى كەپىلدىك ەتۋ كەرەك.
ٴماجىلىس باسقا دا ىستەردى اقىلداستى.
