شينجياڭ جاسىل كەن شارۋاشىلىعى تاجىريبەحاناسىن قۇرۋ سياقتىلاردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 14 ـ كۇنى ۇرىمجىدەن حابارلايدى. 3 ـ ايدىڭ 14 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشتى، ٴماجىلىس مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەندى، دايەكتىلەندىردى، اۆتونوميالى رايوندىق پارتكومنىڭ ورنالاستىرۋى بويىنشا، شينجياڭ جاسىل كەن شارۋاشىلىعى تاجىريبەحاناسىن قۇرۋ جانە «قارتتاردى كۇتىمدەۋ بويىنشا قىزمەت وتەۋ ىستەرىنىڭ دامۋىن ونان ارى قولداۋ جونىندەگى 10 تارماقتى شارا» سياقتىلاردى اقىلداستى.
ٴماجىلىس مىنالاردى باسا دارىپتەدى: يدەيا مەن ارەكەتتى مەملەكەتتىك ەكى ٴماجىلىستىڭ رۋحىمەن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىمەن شىن مانىندە بىرلىككە كەلتىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ”15 ـ بەسجىلدىق“ مەزگىلىندەگى ٴتۇرلى قىزمەتتەردى تىڭعىلىقتى ويداعىداي ىستەپ، جاڭا جاۋاپكەرشىلىك ارقالاۋ، جاڭا ىسكەرلىك كورسەتۋ ارقىلى پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىن ىلگەرىلەتۋ كەرەك. مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ٴبىر مەزگىلدەگى ماڭىزدى ساياسي مىندەت ەتىپ، ”15 ـ بەسجىلدىق“ جوبا باعدارلاماسىنداعى، ۇكىمەت قىزمەتىنەن بايانداماداعى ساياساتتىق ورايدى ىشكەرىلەي زەرتتەپ، جوبالاردىڭ ۇشتاسۋىن، نىسانداردىڭ ٴتۇيىلىسۋىن كۇشەيتىپ، بۇكىل ەلدىڭ دامۋ كەلەلى جاعدايىمەن اناعۇرلىم ويداعىداي توعىستىرۋ كەرەك. قوعام ورنىقتىلىعىن قورعاۋدى ماڭداي الدى ورىنعا قويۋعا تاباندى بولىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەپ، ەكولوگيالىق ورتا زاڭناماسىن، ۇلتتار ىنتىماعى، العاباسارلىعىن جەبەۋ زاڭىن، مەملەكەتتىڭ دامۋ جوباسى زاڭىن ىشكەرىلەي ۇيرەنۋ، دايەكتىلەندىرۋ كەرەك. ەكونوميكالىق، قوعامدىق دامۋعا اناعۇرلىم كوپ ساياسي ٴمان ۇستەپ، مۇناي، گاز، كەن ونىمدەرى، جاڭا ەنەرگيا، كومىردى تازا، جوعارى ٴونىمدى پايدالانۋ، استىق، جەمىس ـ جيدەك، كوكونىس سياقتى ەرەكشەلىككە، باسىمدىققا يە كاسىپ سالالارىن جەدەل دامىتىپ، جەرگىلىكتى جاعدايعا قاراي جاسىل ەسەپتەۋ قۋاتى، جاساندى زەردە سياقتى جاڭاشا وندىرگىش كۇشتەردى دامىتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن جەرگىلىكتى ورىندار ارا شارۋاشىلىق ـ ساۋدا سەلبەستىگىن تەرەڭدەتىپ، وڭتۇستىك شينجياڭنىڭ جوعارى ساپالى دامۋىن ىلگەرىلەتىپ، بىرگە بايۋدى تىڭعىلىقتى ىلگەرىلەتۋ كەرەك. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن قاتايتىپ، ناقتىلاندىرىپ، دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن مۇقيات ورىستەتىپ، ستيلى پاك، سالتى دۇرىس ساياسي ەكولوگيانى ۇزدىكسىز قالىپتاستىرۋ كەرەك.
ٴماجىلىس مىنالاردى اتاپ كورسەتتى: قاتىستى تاراۋلار شينجياڭ جاسىل كەن شارۋاشىلىعى تاجىريبەحاناسى قۇرىلىسىن بەلسەنە قولداپ، دارىندىلار قوسىنى، عىلمي زەرتتەۋ، قاراجات ۇسىنىلىمى سياقتى جاقتاردا ٴتۇيىندى تۇردە قامتاماسىز ەتۋ كەرەك. شينجياڭ جاسىل كەن شارۋاشىلىعى تاجىريبەحاناسى نازاردى شەشۋشى ستراتەگيالىق كەن ونىمدەرىنە شوعىرلاندىرىپ، كەنگە اينالۋ نازارياسى، بارلاۋ تەحنولوگيالىق ٴادىسى، بايلىقتى كەشەندى اشۋ ـ پايدالانۋ سياقتىلاردى ارقاۋ ەتىپ، نازاريادا جاڭالىق اشۋ مەن تەحنولوگيادا جاڭالىق اشۋدى كۇشەيتىپ، ستراتەگيالىق كەن بايلىعى ٴىرى بازاسى قۇرىلىسىن جەبەپ، جاڭا جاعدايدا ٴوندىرىس، وقىتۋ، زەرتتەۋ، قولدانۋ جاعىندا تەرەڭ ىستەستىك جاسايتىن جاڭالىق اشۋ تەحنولوگيا جۇيەسىن قالىپتاستىرۋعا دەم بەرىپ، شينجياڭنىڭ جاسىل كەن شارۋاشىلىعىنىڭ جالپىلىق ناقتى قۋاتىن ۇزدىكسىز جوعارىلاتۋ كەرەك.
ٴماجىلىس مىنالاردى باسا دارىپتەدى: قارتتاردى كۇتىمدەۋگە قىزمەت وتەۋمەن قامداۋدىڭ ۇيدە بولۋدى نەگىز، الەۋمەتتىك اۋماقتى سۇيەنىش ەتەتىن، قۇرىلىم كاسىپتىك تىرەك بولاتىن، ەمدەۋ مەن كۇتىمدەۋ ٴوزارا ۇشتاسقان جاعدايىن جەدەل قالىپتاستىرۋ كەرەك. ٴتۇرلى قارجىلاردى ٴبىر تۇتاس جوسپارلاپ، ويداعىداي پايدالانىپ، قارتتاردى كۇتىمدەۋگە قىزمەت وتەۋ تورى قۇرىلىسىن، ۇكىمەت باسقارۋىنداعى قارتتاردى كۇتىمدەۋ قۇرىلىمدارىنىڭ دارەجەسىن جوعارىلاتۋدى، جاڭالاۋدى، مۇمكىندىگى شەكتەۋلى قارتتاردى كۇتىمدەۋدى، ت. ب ٴتۇيىندى قامتاماسىز ەتۋ كەرەك. زەردەلى قارتتاردى كۇتىمدەۋ جاڭا ۇلگىسى جونىندە ىزدەنىس جاساپ، قوعامدىق كاپيتالدى قارتتاردى كۇتىمدەۋ كاسىپ سالاسىنا ات سالىسۋعا شابىتتاندىرىپ، ٴتۇرلى شارۋاشىلىق تۇلعالارىنىڭ ومىرشەڭ كۇشىن تاسقىنداتۋ كەرەك. قارتتاردى كۇتىمدەۋگە قىزمەت وتەۋ ولشەمى جۇيەسىن اقاۋسىزداندىرىپ، قىزمەت وتەۋ ٴتارتىبىن ارناعا ٴتۇسىرىپ، قارتتاردى كۇتىمدەۋگە قىزمەت وتەيتىن كاسىپتىك دارىندىلاردى كۇش سالا باۋلىپ، قارتتاردى كۇتىمدەۋ قۇرىلىمدارىنىڭ حاۋىپسىزدىك باسقارۋىن كۇشەيتۋ كەرەك.
ٴماجىلىس باسقا دا ىستەردى اقىلداستى.
