اۆتونوميالى رايوننىڭ تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ قىزمەتىن ىلگەرىلەتۋ ٴماجىلىسى جانە ٴبىرىنشى ماۋسىمداعى ورنالاستىرۋ ٴماجىلىسى اشىلدى
اتموسفەرانىڭ لاستانۋىنان ساقتانۋ جانە ونى وڭاۋ قىزمەتىندە جاقسى باستاما اشۋدى، جاقسى قادام تاستاۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ يانفاڭ 3 ـ ايدىڭ 14 ـ كۇنى ۋجياچۇيدەن حابارلايدى. 3 ـ ايدىڭ 13 ـ كۇنى اۆتونوميالى رايوننىڭ تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ قىزمەتىن ىلگەرىلەتۋ ٴماجىلىسى جانە ٴبىرىنشى ماۋسىمداعى ورنالاستىرۋ ٴماجىلىسى ۋجياچۇي قالاسىندا اشىلدى. ٴماجىلىس شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، مەملەكەتتىك ەكى ٴماجىلىستىڭ رۋحىن تياناقتاندىرىپ، ناتيجەلەردى قورىتىندىلاپ، جاعدايعا تالداۋ جاساپ، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋدىڭ ٴتۇيىندى مىندەتتەرىن ورنالاستىردى. اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: جۋىق جىلدارى اۆتونوميالى رايوندىق پارتكوم مەن ۇكىمەت لاستانۋدى دالمە ـ ٴدال وڭاۋعا، لاستانۋدى عىلمي وڭاۋعا، لاستانۋدى زاڭ بويىنشا وڭاۋعا تاباندى بولىپ، تيانشاننىڭ سولتۇستىك بوكتەرىندەگى قالالار شوعىرىنىڭ ٴىس جۇزىندىگىنە ۇيلەسەتىن لاستانۋدان ساقتانۋ جانە ونى وڭاۋ جولىن قاراستىرىپ، اتموسفەرا ورتاسىنىڭ ساپاسىن تاريحي جاقسارتۋدى جۇزەگە اسىرۋدى ىلگەرىلەتتى. بيىل _ ”15 ـ بەسجىلدىقتىڭ“ باستاما جىلى، قورشاعان ورتا اۋا ساپاسىنىڭ جاڭا ولشەمى الدەقاشان جاريالاندى، يدەيالىق تانىمدى ونان ارى تەرەڭدەتىپ، جاعداي مەن سىن ـ سايىستارعا دۇرىس قاراپ، اتموسفەرانىڭ لاستانۋىنان ساقتانۋ جانە ونى وڭاۋدان قامال الۋدىڭ ۇزاققا سوزىلاتىن شايقاسىن پارمەندى ساياسي تاباندىلىقپەن ويداعىداي جۇرگىزۋ كەرەك.
ٴماجىلىس مىنالاردى باسا دارىپتەدى: نىسانا ـ مىندەتتەردى كوزدەپ، كۇش ـ قۋاتتى قيىندىقتاردان قامال الۋعا شوعىرلاندىرىپ، ۋاقىتپەن جارىساتىن ارىنمەن اتموسفەرانىڭ لاستانۋىنان ساقتانۋ جانە ونى وڭاۋ قىزمەتىنىڭ جاقسى باستاما اشۋىن، جاقسى قادام تاستاۋىن ىلگەرىلەتۋ كەرەك. تيانشاننىڭ سولتۇستىك بوكتەرىندەگى قالالار شوعىرىنىڭ ”15 ـ بەسجىلدىقتاعى“ اتموسفەرانىڭ لاستانۋىنان ساقتانۋ جانە ونى وڭاۋ ارەكەت جوسپارىن ويداعىداي جاساپ، ويداعىداي اتقارىپ، ٴتۇيىندى سالالاردا قامال الىپ، لاستانۋداعى قيىن ماسەلەلەردى دالمە ـ ٴدال شەشىپ، ونەركاسىپ كاسىپورىندارىن وڭاۋدى ماڭىزدىنىڭ ماڭىزدىسى ورنىنا قويۋدان جازباي، ”ٴبىر كاسىپورىنعا ٴبىر شارا“ سىندى وڭاۋ نىساندارىن ويداعىداي اتقارۋ، سونىمەن بىرگە شاڭ ـ توزاڭ ماسەلەسىنىڭ قايتا بەلەڭ بەرۋىنەن ساق بولىپ، وزوننان لاستانۋدان ساقتانۋدى جانە ونى تىزگىندەۋدى ويداعىداي يگەرۋ كەرەك. قۇرىلىمدى رەتتەۋدى تەرەڭدەتىپ، اتموسفەرانىڭ لاستانۋىن تۋ باستان تەجەۋ كەرەك. كاسىپ سالاسى قۇرىلىمىن ونان ارى ساپالىلاندىرىپ، رەتتەپ، ارتۋ مولشەرىن قاتاڭ تىزگىندەپ، ىركىندىنى ساپالىلاندىرىپ، جاڭادان كوركەيگەن جاسىل كاسىپ سالاسىن جەتىلدىرۋ، زورايتۋ؛ ەنەرگيا قۇرىلىمىن ونان ارى ساپالىلاندىرىپ، رەتتەپ، تازا ەنەرگيانى اشۋدى، پايدالانۋدى كۇشەيتىپ، كومىردەن پايدالانۋ كۇشەمەلىلىگىن تومەندەتىپ، وڭىرلىك كومىر تۇتىنۋ جالپى مولشەرىن ۇزدىكسىز قاتاڭ تىزگىندەۋ؛ قاتىناس ـ تاسىمال قۇرىلىمىن ونان ارى ساپالىلاندىرىپ، رەتتەپ، ”تاس جولدان تەمىر جولعا اۋىسۋدى“ بار كۇشپەن اتقارىپ، تەمىر جول ارناۋلى جەلىسى قۇرىلىسىن جەدەل ىلگەرىلەتىپ، جاسىل تاسىمال قۋاتىن جالپىلاستىرۋ كەرەك. عىلىم ـ تەحنولوگيالىق تىرەكتى كۇشەيتىپ، «تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرانىڭ لاستانۋىنان ساقتانۋ جانە ونى وڭاۋداعى تىرەكتى تەحنولوگيالاردان شوعىرلى ۇلگى كورسەتۋ» سياقتى كەلەلى عىلىم ـ تەحنولوگيا نىساندارىن جەدەل ىلگەرىلەتىپ، عىلمي زەرتتەۋ جەتىستىكتەرىن دەر كەزىندە مەڭگەرۋگە بولاتىن وڭاۋ تاسىلىنە اينالدىرىپ، باقىلاۋ ـ باسقارۋ جاعىندا ۇلكەن ساندى مالىمەت، بۇلتتىق ەسەپتەۋ سياقتى ينفورماتسيا تەحنولوگيالارىنان پايدالانۋدى كۇشەيتىپ، عىلىم ـ تەحنولوگيالىق قۋات ۇستەۋ ارقىلى اشىق اسپاندى قورعاۋ كەرەك.
ٴماجىلىس مىنالاردى باسا دارىپتەدى: قىزمەت جاۋاپكەرشىلىگىن قاتايتىپ، ٴتۇزىم قامتاماسىزدىعىن كۇشەيتىپ، سايكەسە بىرلەسىپ قيمىلداپ، تىلەكتەس، باعىتتاس بىرىككەن كۇش ارقىلى اتموسفەرانىڭ لاستانۋىنان ساقتانۋ جانە ونى وڭاۋ قىزمەتتەرىنىڭ تياناقتانۋىن، ەگجەي ـ تەگجەيلىلەنۋىن قامتاماسىز ەتىپ، وسى الاپتىڭ اشىق اسپانىن، اقشا بۇلتىن بىرگە ويداعىداي قورعاپ، ٴار ۇلت بۇقاراسىنىڭ باقىت سەزىمىن بارعان سايىن كۇشەيتۋ، بارعان سايىن ناقتىلاندىرۋ كەرەك.
ماجىلىستەن بۇرىن ماجىلىسكە قاتىناسقاندار ۋجياچۇي قالاسىنداعى ٴبىر ٴبولىم كاسىپورىندارعا، كۇنگاڭ _ شينيە تەمىر جولىنىڭ ارناۋلى جەلىسىنە بارىپ، ەلەكتروليتتىك اليۋمين ٴوندىرىس قۋاتىن اۋىستىرۋ، ٴتۇيىندى كاسىپ سالالارىنداعى كاسىپورىنداردى لاس زاتتاردى وتە از شىعاراتىن ەتىپ وزگەرتۋ سياقتى جاعدايلاردى ارقاۋ ەتىپ تەكسەرۋ ـ زەرتتەۋ جۇرگىزدى.
قايسار قيۇم، ۋان پيڭ قاتارلىلار قاتىستى قيمىلدارعا قاتىناستى.
