_ ۋاكىلدەر مەن مۇشەلەر شينجياڭعا قايتىپ كەلىپ، مەملەكەتتىك ەكى ٴماجىلىستىڭ رۋحىن باستاماشىلدىقپەن ۇيرەندى، ۇگىتتەدى، دايەكتىلەندىردى
□ انار بۇلت \ شينجياڭ گازەتىنىڭ تىلشىلەرى جاڭ يانفاڭ، ۋاڭ نا
مەملەكەتتىك ەكى ٴماجىلىس اياقتاعاننان كەيىن، مەملەكەتتىك حالىق قۇرىلتايىنىڭ شينجياڭداعى ۋاكىلدەرى مەن مەملەكەتتىك ساياسي كەڭەستىڭ شينجياڭدا تۇراتىن مۇشەلەرى مول تابىسپەن جانە بورىش، جاۋاپكەرشىلىكپەن قىزمەت ورىندارىنا ورالىپ، ٴىس جۇزىندىك ارەكەتتەرى ارقىلى ۇلگىلىك، جەتەكشىلىك رولدارىن ساۋلەلەندىردى. باس شۋجي شي جينپيڭنىڭ مەملەكەتتىك ەكى ٴماجىلىس كەزىندە سويلەگەن ماڭىزدى ٴسوزىنىڭ جانە مەملەكەتتىك ەكى ٴماجىلىستىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، ەكى ٴماجىلىستىڭ ”جاعىمدى ٴۇنىن“ شينجياڭداعى نەگىزگى ساتى كادر ـ جۇرتشىلىعىنا جەتكىزىپ، كوپشىلىكتى كۇش ۇستىنە كۇش قوسىپ، قۇلشىنا كۇرەس جۇرگىزىپ، ”15 ـ بەسجىلدىقتا“ جاقسى باستاما اشۋدى جۇزەگە اسىرۋدى ىلگەرىلەتىپ، جۇڭگو ۇلگىسىندەگى وسىزاماندانعان شينجياڭ تاراۋىن قۇلشىنا جازۋعا شابىتتاندىردى.
3 ـ ايدىڭ 14 ـ كۇنى مەملەكەتتىك حالىق قۇرىلتايىنىڭ ۋاكىلى مۇساجان ٴعايرات اۋىلى كۇنەس اۋدانى سوربۇلاق قالاشىعى كەرەگەتاس قىستاعىنا قايتىپ كەلىسىمەن اۋىلداستار ونى قاۋمالاي كەلىپ ورتاعا الدى. ٴوزى تيجارات جۇرگىزگەن دانەكەرلەۋ دۇكەنىنىڭ الدىندا مۇساجان ٴعايرات كوپشىلىككە مەملەكەتتىك ەكى ٴماجىلىستىڭ رۋحىن ٴتۇسىندىرىپ، ۇكىمەت قىزمەتىنەن بايانداماداعى كوپشىلىك ەڭ كوڭىل ٴبولىپ وتىرعان ”اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ“ بولىگىن ٴتۇيىندى تانىستىردى، سونداي ـ اق ماجىلىسكە قاتىناسقان كەزدەگى كورگەن ـ بىلگەندەرىن ورتاقتاستى، كوپشىلىك قويعان ماسەلەلەرگە سابىرلىلىقپەن جاۋاپ بەردى.
”ۇكىمەت قىزمەتىنەن باياندامادا اۋىل ـ قىستاق ەرەكشە كاسىپ سالاسىن جەتىلدىرىپ، زورايتىپ، اۋىل شارۋاشىلىعى ونىمدەرىن جىنتىكتەي وڭدەۋ دەڭگەيىن جوعارىلاتۋ العا قويىلدى“. مۇساجان ٴعايرات بىلاي دەدى: قالاشىعىمىزدىڭ الما كاسىپ سالاسىنىڭ، اق اراق كاسىپ سالاسىنىڭ نەگىزى مىعىم، ٴتىپتى دە تاماشا دامۋ ورايىن قارسى الادى. ۇگىت لەكسياسىنداعى ابزال ساياساتتار، جاقسى حابارلار قىستاق تۇرعىندارىن ايرىقشا اسەرلەندىردى، كوپشىلىك بىرىنەن كەيىن ٴبىرى سويلەپ، بىلاي دەدى: ”مەملەكەتتىڭ ساياساتى بارعان سايىن جاقسارىپ كەلەدى، ونى بارىنشا قاستەرلەۋىمىز كەرەك“، ”بىلەك سىبانا قايراتتانا ىستەسەك، تۇرمىسىمىز، ٴسوز جوق، بارعان سايىن شالقي تۇسەدى“... مۇساجان ٴعايرات مىنالاردى ٴبىلدىردى: الداعى جەردە مەملەكەتتىك ەكى ٴماجىلىستىڭ رۋحى جونىندە ۇزدىكسىز ۇگىت لەكسيا جاساپ، پارتيا مەن مەملەكەتتىڭ حالىققا تيىمدىلىك جاساۋ ساياساتىن اتىز باسىنا جەتكىزەمىن.
مەملەكەتتىك ساياسي كەڭەستىڭ مۇشەسى عانيزات توحتى شينجياڭعا تامىر تارتقان حالىقتىق كاسىپورىنشى، ينتەرنەتكە سالاتىن مازمۇنىن جاساۋشى رەتىندە، ۇرىمجىگە قايتىپ كەلگەننەن كەيىن سەرىكتەستىكتەگى سەرىكتەرىمەن باس قوسىپ، ماجىلىسكە قاتىناسقانداعى تابىستارىن ورتاقتاستى.
”ينتەرنەت شارت ـ جاعدايىنداعى بۇقارالىق جاڭا ادەبيەت ـ كوركەمونەردى گۇلدەندىرۋ“ ۇكىمەت قىزمەتىنەن بايانداماعا تۇڭعىش رەت ەنگىزىلگەندىگىن تىلگە تيەك ەتكەندە، بەينەجازبا قيۋلاستىرۋ جۇمىسىمەن اينالىساتىن ما تاۋدىڭ كوزى جارق ەتە ٴتۇستى: ”وندا ٴبىز تۇسىرگەن شاعىن بەينەجازبالار دا قامتىلا ما“؟ عانيزات توحتى: ”قامتىلادى! ٴبىز ٴار ۇلت سەرىكتەردىڭ بىرگە كۇرەس جۇرگىزۋى _ بۇقارالىق جاڭا ادەبيەت ـ كوركەمونەردىڭ ەڭ جاندى مىسالى“، ـ دەدى. 14 ـ كەزەكتى مەملەكەتتىك حالىق قۇرىلتايىنىڭ 4 ـ ماجىلىسىندە ۇلتتار ىنتىماعى، العاباسارلىعىن جەبەۋ زاڭىنىڭ داۋىسقا سالىنىپ ماقۇلدانعاندىعىن تىلگە تيەك ەتكەندە، تيجاراتپەن شۇعىلدانىپ وتىرعان ٴاليا تۇرسۇن تەبىرەنە بىلاي دەدى: ”وندا ٴبىز وڭتۇستىك شينجياڭداعى بۇقارانىڭ شىلان ساتۋىنا كومەكتەسىپ وتىرعانىمىز دا وسى زاڭعا تۇسىنىك جازعاندىق بولا ما“؟ كوپشىلىك ۋادەلەسىپ قويعانداي باسىن يزەدى.
”مەملەكەتتىك ەكى ٴماجىلىس اياقتادى، الايدا تياناقتاندىرۋ ەندى عانا باستالدى“. عانيزات توحتى مىنالاردى ٴبىلدىردى: الدا جاڭا مەديا باسىمدىعىن ساۋلەلەندىرىپ، ”عانيمىن“ ٴنومىرىم ارقىلى جاڭا داۋىردەگى شينجياڭ حيكايالارىن ەستەلىككە الىپ، اناعۇرلىم كوپ ادامعا تيانشان الابىنداعى جاڭا وزگەرىستەردى كورسەتەمىن.
3 ـ ايدىڭ 13 ـ كۇنى جۇڭگو دەموكراتيالىق وداعى شينجياڭ رايوندىق كوميتەتى ٴماجىلىس اشىپ، مەملەكەتتىك ەكى ٴماجىلىستىڭ رۋحىن جەتكىزدى، ۇيرەندى، دايەكتىلەندىردى. مەملەكەتتىك ساياسي كەڭەستىڭ مۇشەسى، جۇڭگو دەموكراتيالىق وداعى شينجياڭ رايوندىق كوميتەتىنىڭ مەڭگەرۋشى مۇشەسى جاڭ حۇي مىنالاردى ٴبىلدىردى: بيىل ”15 ـ بەسجىلدىقتىڭ“ باستاما جىلى، مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنۋدى، ٴتۇسىنۋدى كەزەكتەگى ماڭىزدى ساياسي مىندەت ەتىپ، رۋحاني ٴمانىن تەرەڭ ٴتۇسىنىپ، مىندەت اتقارۋ ونىمدىلىگىن قۇلشىنا جوعارىلاتىپ، مەملەكەتتىڭ كەلەلى ستراتەگيالىق ورنالاستىرۋلارىن، اسىرەسە، ”15 ـ بەسجىلدىق“ جوبانى اتقارۋدى تىعىز ارقاۋ ەتىپ، نازاردى اۆتونوميالى رايوننىڭ وزەكتى قىزمەتىنە شوعىرلاندىرىپ، شينجياڭدى مادەنيەتپەن نارلەندىرۋدى ىلگەرىلەتۋ، جاڭاشا وندىرگىش كۇشتەردى جەدەل دامىتۋ سياقتى شەشۋشى سالالاردا ىشكەرىلەي تەكسەرۋ ـ زەرتتەۋ جۇرگىزىپ، بەلسەنە ۇسىنىس ـ پىكىر بەرىپ، سوتسياليستىك وسىزاماندانعان شينجياڭ قۇرۋعا اقىل ـ پاراساتىمىزدى، كۇش ـ قۋاتىمىزدى ارنايمىز.
”وسى رەت بەيجيڭگە بارىپ، ماجىلىسكە قاتىناسىپ مول تابىسقا قول جەتكىزدىك، باس شۋجيدىڭ ماڭىزدى ٴسوزى ادامدى جەلپىندىرەدى“. مەملەكەتتىك حالىق قۇرىلتايىنىڭ ۋاكىلى ما يانان بىلاي دەدى: لەكسيا جاساۋ سياقتى فورمالار ارقىلى ەكى ٴماجىلىستىڭ ”جاعىمدى ٴۇنىن“ جەتكىزەمىن.
سانجى حۇيزۋ اۆتونوميالى وبلىسى اۋىل شارۋاشىلىعى ونىمدەرى ساپا حاۋىپسىزدىگى ورتالىعىنىڭ اعا مال شيپاگەرى رەتىندە، ما يانان اۋىل شارۋاشىلىعى، اۋىل ـ قىستاق، شارۋالار قىزمەتىنە ايرىقشا نازار اۋداردى. بيىل ول ” ’بيولوگيالىق تۇقىم جەتىلدىرۋ‘ جانە ’زەردەلى اۋىل شارۋاشىلىق ماشينالارى‘ سىندى ەكى جاڭالىق اشۋ ينجەنەرياسىن كۇش سالا اتقارۋ جونىندەگى ۇسىنىسىن“ تاپسىردى. ول بىلاي دەدى: ۇكىمەت قىزمەتىنەن باياندامادا استىق ٴوندىرىسىن تيتتەي دە بوساڭسىماي مىقتى يگەرۋ العا قويىلدى ٴارى ەگىن، ورمان، مال، بالىق شارۋاشىلىعىن قاتار جۇرگىزۋگە تاباندى بولۋ، كوپ نەگىزدى ازىق ـ تۇلىكپەن قامداۋدى ارتتىرۋ سياقتىلار جونىندە ناقتى ورنالاستىرۋ جاسالىپ، جاڭا داۋىردەگى اۋىل شارۋاشىلىعى، اۋىل ـ قىستاق، شارۋالار قىزمەتىنە ايقىن باعدار كورسەتىلدى. ”بيىل ٴتۇيىندى اۋىل شارۋاشىلىق ونىمدەرىن قورعاۋ، زەردەلى باعىمشىلىق، تۇقىم شارۋاشىلىعىن گۇلدەندىرۋ، سونداي ـ اق ايگىلى، ەرەكشە، ساپالى سۋ ونىمدەرى باعىمشىلىعى سياقتىلارعا شوعىرلاندىرا وتىرىپ مىندەت اتقارىپ، جاۋاپكەرشىلىكتى ادا ەتىپ، اۋىل شارۋاشىلىعىندا قۋاتتى رايون قۇرۋدى جەدەلدەتۋگە كۇش ـ قۋاتىمىزدى ارنايمىز“.
