سايكەس مەزگىلدەگىدەن %7.88 ارتتى
انار بۇلت \ شينجياڭ گازەتىنىڭ تىلشىلەرى لۋ فىڭباۋ، ما ينيڭ 3 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق قاتىناس ـ تاسىمال مەڭگەرمەسىنەن ۇعىسۋىمىزشا، 3 ـ ايدىڭ 13 ـ كۇنىنە دەيىن 40 كۇندىك كوكتەم مەرەكەسى كەزىندەگى تاسىمال اياقتالىپ، شينجياڭنىڭ تۇتاس قوعامىندا ٴوڭىر اتتاپ ساپارلاعان ادام مولشەرى 133 ميلليون ادامعا (رەت) جەتىپ، سايكەس مەزگىلدەگىدەن %7.88 ارتقان.
كوكتەم مەرەكەسىندەگى تاسىمال كەزىندە ادامداردىڭ جولاۋشىلاۋ تىلەگى كۇشتى بولىپ، 133 ميلليون ادامدىق (رەت) تۇتاس قوعامدا ٴوڭىر اتتاپ ساپارلاعان ادامدار اعىن مولشەرىنىڭ ىشىندە تاس جولدا اعىلۋ مولشەرى 122 ميلليون ادامعا (رەت) جەتىپ، سايكەس مەزگىلدەگىدەن %8.24 ارتقان؛ تەمىر جول جولاۋشى تاسىمال مولشەرى 5 ميلليون 764 مىڭ ادامعا (رەت) جەتكەن؛ حالىقتىق اۆياتسيا جولاۋشى تاسىمال مولشەرى 6 ميلليون 48 مىڭ 900 ادام (رەت) بولىپ، سايكەس مەزگىلدەگىدەن %12.16 ارتقان.
كوكتەم مەرەكەسى كەزىندەگى تاسىمالدان بەرى، شينجياڭ تەمىر جول تاراۋلارى 12306 تەلەفونى بەلەتتى الدىن الا ساتۋ جاعدايىنا نەگىزدەلىپ، جولاۋشىلاردىڭ ٴجۇرىس ـ تۇرىس قاجەتىنە دەر كەزىندە تالداۋ جاساپ، جولاۋشى تاسىمال كۇشىن ساتىلى ىسكە قوسىپ، ۋاقىتتىق جولاۋشىلار پويەزىن يكەمدى كوبەيتۋ، موتورلى ۆاگوندار قۇراماسىن قايتا ورنالاستىرىپ بىرلەسىپ تاسىمالداۋ سياقتى تاسىلدەردى قولدانىپ مۇمكىندىكتىڭ بارىنشا جولاۋشىلاردىڭ ٴجۇرىس ـ تۇرىس قاجەتىن قاناعاتتاندىردى، بەيجيڭ، چىڭدۋ، لانجوۋ جانە شينجياڭنىڭ ىشىندەگى ٴوتىمدى باعىتتاعى ۋاقىتتىق جولاۋشىلار پويەزى ٴتۇيىندى تۇردە 590 كەزەك كوبەيىپ، سايكەس مەزگىلدەگىدەن %4.4 ارتىپ، كوكتەم مەرەكەسى كەزىندەگى تاسىمالدىڭ جولاۋشىلار پويەزىن كوبەيتۋدىڭ جاڭا رەكوردىن جاراتتى. سونىمەن بىرگە دەمالىس كۇندەرىندەگى قار ـ مۇز ساياحاتىندا جولاۋشىلاردىڭ كوبەيۋ ٴىس جۇزىندىگىمەن ۇشتاستىرىپ، ٴۇرىمجى، التاي، كوكتوعاي سياقتى پويەز ستانسيالارىنىڭ پويەز كۇتۋ اۋماقتارىندا قار قۇرال ـ جابدىقتارىن ساقتاۋ اۋماعىن كوبەيتىپ، ”شاڭعىشى دوستارعا“ حاۋىپسىزدىكتى تەكسەرۋ جاسىل ارناسىن اشىپ، ”شاڭعىشى دوستاردىڭ“ ٴجۇرىس ـ تۇرىسىنا قولايلىلىق جاسادى.
ٴۇرىمجى تيانشان حالىقارالىق اۋەجايى شينجياڭ اۆياتسيا تاسىمالىنىڭ وزەكتى تورابى رەتىندە، 3 ميلليون 150 مىڭ (رەت) جولاۋشى قابىلداپ، جونەلتىپ، 22 مىڭ رەت كەزەكشى ۇشاق ۇشىپ ـ قونىپ، بۇكىل شينجياڭنىڭ جولاۋشى تاسىمال جالپى مولشەرىندە يەلەيتىن سالىستىرماسى %50تەن استى. قار ـ مۇز ساياحاتى كوكتەم مەرەكەسى كەزىندەگى تاسىمال وڭىرىندەگى اۋەجايداعى جولاۋشى اعىنىنىڭ ارتۋىنداعى وزەكتى قوزعاۋشى كۇشكە اينالدى، التاي شۋەدۋ اۋەجايى 218 مىڭ (رەت) جولاۋشى تاسىمالداپ، سايكەس مەزگىلدەگىدەن %66.73 ارتىپ، بۇكىل شينجياڭداعى ارتۋ قارقىنى ەڭ تەز اۋەجايعا اينالدى. وڭتۇستىك شينجياڭ وڭىرىندەگى اۋەجايلاردىڭ جولاۋشى قابىلداۋ ـ جونەلتۋ مولشەرى زور مولشەردە ارتۋدى تەڭ قادامدا جۇزەگە اسىرىپ، بازاردىڭ ومىرشەڭدىك كۇشى ۇزدىكسىز جارىققا شىقتى. قاشقار لاينيڭ حالىقارالىق اۋەجايىنىڭ تاسىمالداعان جولاۋشى سانى 558 مىڭ 600 ادامعا (رەت) جەتىپ، سايكەس مەزگىلدەگىدەن %17.14 ارتقان؛ حوتان كۇنگاڭ اۋەجايىنىڭ جولاۋشى قابىلداۋ ـ جونەلتۋ مولشەرى 239 مىڭ 700 ادامعا (رەت) جەتىپ، سايكەس مەزگىلدەگىدەن %23.5 ارتقان. ”وسى رەتكى كوكتەم مەرەكەسى كەزىندەگى تاسىمالدا جولاۋشى قابىلداۋ ـ جونەلتۋ مولشەرى زور مولشەردە ارتتى، بۇل شينجياڭنىڭ مادەنيەت ـ ساياحات ەكونوميكاسىنىڭ، قار ـ مۇز ەكونوميكاسىنىڭ قارىشتاپ دامۋىنىڭ تىكە بەينەسى ٴارى شينجياڭنىڭ اۆياتسيا بازارىنىڭ وراسان زور كومەسكى كۇشىن دالەلدەدى“، ـ دەدى شينجياڭ اۋەجاي توبى تاسىمال باسقارۋ كوميتەتى (اۋە ىستەرىن باسقارۋ ٴبولىمى) تاسىمال باسقارۋ ورتالىعىنىڭ جاۋاپتىسى چيان جىشان.
