شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى. 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى 3 - ايدىڭ 12 - كۇنى «جۇڭحۋا حالىق رەسپۋبليكاسىنىڭ ەكولوگيالىق ورتا زاڭناماسىن» داۋىسقا سالىپ ماقۇلدادى، مەملەكەت ءتوراعاسى شي جينپيڭنىڭ 70 - ءنومىرلى ءتوراعا بۇيرىعىنا قول قويۋىمەن جاريالاندى، شينحۋا اگەنتتىگى 3 - ايدىڭ 12 - كۇنى بەرىلگەن ۇقىق بويىنشا وسى زاڭنىڭ تولىق تەكسىن تاراتتى.
ەكولوگيالىق ورتا زاڭناماسى جالپى 5 ءبولىم، 1242 تارماقتان قۇرالعان، ءارقايسى بولىمدەر رەتى بويىنشا: جالپى ەرەجە، لاستانۋدان ساقتانۋ جانە ونى وڭاۋ، ەكولوگيانى قورعاۋ، جاسىل، تومەن كومىر قىشقىل گازدى دامۋ، زاڭدىق جاۋاپكەرشىلىك جانە قوسىمشا ەرەجە، 2026 - جىلى 8 - ايدىڭ 15 - كۇنىنەن باستاپ اتقارىلادى؛ قورشاعان ورتانى قورعاۋ زاڭى سياقتى 10 زاڭ ءبىر ۋاقىتتا كۇشىنەن قالدىرىلادى.
ەكولوگيالىق ورتا زاڭناماسىن قۇراستىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتى ورنالاستىرعان كەلەلى ساياسي مىندەت جانە زاڭ شىعارۋ مىندەتى. پارتيا 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە ”ەكولوگيالىق ورتا زاڭناماسىن“ قۇراستىرۋ ايقىن العا قويىلدى. بۇل زاڭ قازىر اتقارىلىپ وتىرعان ەكولوگيالىق ورتا زاڭ - ءتۇزىم ولشەمدەرىن جۇيەلى بىرىكتىرۋ، قۇراستىرۋ - وڭدەۋ جانە وزگەرىس ەنگىزۋ، جيناقتاپ دارەجەسىن جوعارىلاتۋ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ ەكولوگيالىق وركەنيەت يدەياسىن جەتەكشى ەتكەن، جۇڭگوشا ەرەكشەلىككە يە، ءداۋىر ەرەكشەلىگىن ايگىلەيتىن، حالىقتىڭ تىلەگىن بەينەلەيتىن، جۇيەلىلەنگەن، ارناعا تۇسىرىلگەن، سايكەستىرىلگەن ەكولوگيالىق ورتا زاڭناماسىن قالىپتاستىردى.
