اسەم ءان مەن شات كۇلكىدە بەينەلەنگەن قويۋ دوستىق سۇيىسپەنشىلىك
− رايونىمىزداعى ءار دارەجەلى قىستاقتا تۇراتىن قىزمەت اترەتتەرى ءار ۇلت بۇقاراسىمەن بىرگە مەرەكە وتكىزدى
3 - ايدىڭ 21 - كۇنى جۇڭگو مۇناي - تابيعي گاز توبى شينجياڭ مۇناي الابى سەرىكتەستىگىنىڭ پوسكام اۋدانى ەكىسۋ اۋىلى تومەنشاقا قىستاعىندا تۇراتىن قىزمەت اترەتىنىڭ مۇشەلەرى قىستاق تۇرعىندارىمەن ءبىر ارادا قۋانىشپەن باس قوسىپ، مەرەكەنى بىرگە تويلادى.
□ سۋرەتتى جاڭ يۇن تۇسىرگەن
□ انار بۇلت \ شينجياڭ گازەتىنىڭ تىلشىلەرى
تيانشاندى كوكتەم سامالى ايمالاپ، اۋىل - قىستاق جىلى شۋاققا بولەندى. 3 - ايدىڭ 21 - كۇنى ورازا ايت، مەرەكە كەزىندە بۇكىل رايونىمىزداعى ءار دارەجەلى قىستاقتا تۇراتىن قىزمەت اترەتتەرى شارۋالاردىڭ اۋلاسىنا، اتىز باسىنا بارىپ، كوپ ءتۇرلى تاسىلمەن مەرەكەنى ءار ۇلت بۇقاراسىمەن بىرگە وتكىزىپ، مەيىر جەتكىزىپ، دوستىق سۇيىسپەنشىلىكتى اڭگىمەلەپ، دامۋدى جوسپارلاپ، سوتسياليستىك وسىزاماندانعان شينجياڭ قۇرۋعا زەيىن - زەردەنى ۇيىستىرىپ، كۇش - قۋاتتى شوعىرلاندىردى، تيانشان الابىنىڭ بارلىق جەرىندە شاتتىققا تولى جاراسىمدى مەرەكەلىك لەپ ەستى.
جىلى شۋاقتى حال سۇراۋ جۇرت جۇرەگىن مەيىرگە بولەدى
مەرەكە كەزىندە بۇكىل رايونداعى ءار دارەجەلى قىستاقتا تۇراتىن قىزمەت اترەتتەرى نازاردى قيىنشىلىعى بار بۇقارا، جاسى ەگدەلەگەن قارتتار، ”ءتورت ءتۇرلى قارت“ سياقتى ءتۇيىندى قاۋىمعا شوعىرلاندىرىپ، دالمە - ءدال كومەكتەسۋ - سۇيەمەلدەۋ جۇمىستارىن ورىستەتىپ، مەرەكەلىك حال سۇراۋدى بۇقارانىڭ جۇرەگىنە جەتكىزىپ، پارتيا مۇشەلەرى مەن بۇقارانىڭ، كادرلار مەن بۇقارانىڭ ”جۇرەكتەردى جالعاۋ كوپىرىن“ ورناتتى.
3 - ايدىڭ 20 - كۇنى اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قىزىلسۋ قىرعىز اۆتونوميالى وبلىسى اقتاۋ اۋدانى ۇجمە قالاشىعى ۇجمە قىستاعىندا تۇراتىن قىزمەت اترەتى قىستاق ”ەكى كوميتەتىمەن“ بىرلەسىپ ”كوكتەمگى تەڭەلۋدە مەرەكەنى قارسى الۋ · ەكپىندەي ىلگەرىلەگەن جاڭا ۇجمە“ نەگىزگى تاقىرىپتىق قيمىلىن وتكىزدى. قىستاقتا تۇراتىن كادرلار مەن قىستاق تۇرعىندارى قىزىقتى جارىستارعا بىرگە قاتىناسىپ، باس قوسۋ سۇيىسپەنشىلىگىن تىلگە تيەك ەتتى. سونىمەن بىرگە قىزمەت اترەتى قىستاق تۇرعىندارىنا قوسپا تىڭايتقىش، كۇرىش، ۇن، ازىقتىق ماي سياقتى زاتتىق ماتەريالدار تاراتتى.
”قىستاقتا تۇراتىن كادرلار بىزبەن بىرگە مەرەكە وتكىزىپ قانا قويماي، حال سۇراۋ بۇيىمدارىن دا دايىنداپ قويىپتى“، - دەدى قىستاق تۇرعىنى ارزۇگۇل ءيۇسۇپ كۇلىپ − ”پارتيا مەن ۇكىمەتكە راقىمەت، راسىندا، بارعان سايىن جايلى، باقىتتى تۇرمىس كەشىرۋدەمىز“.
اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ وسى قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي لۋ زۇڭچىڭ قىزمەت اترەتىنىڭ نازاردى بۇقارا ويلاعان، بۇقارا ءۇمىت ەتكەن ىستەرگە ۇزدىكسىز شوعىرلاندىرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەتىندىگىن ايتتى.
3 - ايدىڭ 21 - كۇنى اقسۋ ايماعى ءۇشتۇرپان اۋدانى اشاتاۋ اۋىلى يىڭىسار قىستاعىندا، توقسۇنجار قوتان قىستاعىندا مەملەكەتتىك قۇبىر تورى توبى باتىس بولىك قۇبىر شەكتى جاۋاپكەرشىلىك سەرىكتەستىگىنىڭ قىستاقتا تۇراتىن قىزمەت اترەتى وتباسىلارىن ارالاپ جاعداي ۇعىسۋ ارقىلى قىستاق تۇرعىندارىن شىن مانىندە الاڭنان ارىلتىپ، قيىنشىلىقتارىن شەشىپ، قىزمەت وتەۋدى ناقتاپ تياناقتاندىردى.
”قىزمەت اترەتى ۇيىمىزگە زاتتىق ماتەريالدار اكەلىپ، كومەسكى كىناراتتاردى ءبىر - بىردەن تەكسەردى، سونداي - اق ماعان ەلەكتردەن حاۋىپسىز پايدالانۋ ءبىلىمىن ۇيرەتتى، راسىندا، جۇرەكتى مەيىرگە بولەدى“، - دەدى قىستاق تۇرعىنى مامەت وسمان جۇزىنەن باقىت كۇلكىسى ەسىپ.
”بۇقارانىڭ مەرەكەنى الاڭسىز، كوڭىلدى وتكىزۋىنە مۇمكىندىك جاساپ قانا قويماي، بۇقارانىڭ كوكتەمگى ەگىس جۇمىستارىن ىڭعايلاپ، كوكتەمگى ەگىستىك زاتتىق ماتەريالدار قاجەتىن ۋاعىنان بۇرىن ءتۇيىلىستىرىپ، ناقتى ىستەۋ ارقىلى قىستاقتا تۇرۋ قىزمەتىن ىلگەرىلەتۋىمىز كەرەك“، - دەدى مەملەكەتتىك قۇبىر تورى توبى باتىس بولىك قۇبىر تورى شەكتى جاۋاپكەرشىلىك سەرىكتەستىگىنىڭ توقسۇنجار قوتان قىستاعىندا تۇراتىن قىزمەت اترەتىنىڭ ورىنباسار باستىعى ما يۇڭ.
ءبىر نيەتپەن ەكپىندەي ىلگەرىلەپ، دامۋدى كوزدەدى
3 - ايدىڭ 21 - كۇنى موري قازاق اۆتونوميالى اۋدانى بوستان اۋىلىنىڭ اقجول قىستاعىندا سانجى وبلىستىق اۋا رايى مەكەمەسىنىڭ وسى قىستاقتا تۇراتىن ءبىرىنشى شۋجيى ۋاڭ دوبين قىستاق ”ەكى كوميتەتىندەگى“ كادرلارمەن بىرگە قىستاق تۇرعىنى ارىس ساپارقاننىڭ ۇيىنە كەلىپ، ارىستىڭ ءوندىرىس، تۇرمىس جاعىنداعى تالاپ - تىلەكتەرىن ەگجەي - تەگجەيلى ۇعىسىپ، ونىڭ كىرىستى ارتتىرۋ جولىن جوسپارلادى.
”قىستاقتا تۇراتىن كادرلار مەنىڭ جول باستاۋشىم، ولاردىڭ كومەگىندە وتباسىم كەدەيلىكتەن ارىلىپ، جاقسى تۇرمىسقا قول جەتكىزدى، ولارعا العىس ايتامىن“، - دەدى ارىس اسەرلەنە.
ارىستىڭ اكە - شەشەسى ناۋقاس سەبەبىنەن ىركەس - تىركەس دۇنيەدەن وتكەن سوڭ، تۇرمىسى قيىن كۇيدە قالعان ەدى. قىستاقتا تۇراتىن قىزمەت اترەتى مەن قىستاق ”ەكى كوميتەتى“ جاعدايدى بىلگەن سوڭ، ونى تۇيە باعىمشىلىعىن دامىتۋعا جىگەرلەندىردى ءارى قىستاق تۇرعىندار كوميتەتى كەپىل بولىپ وعان قارىز اقشا الىپ بەردى. 2025 - جىلى ارىس 12 تۇيە ساتىپ الىپ، تۇيە باعىمشىلىعىن دامىتۋ ارقىلى قارىزىن قايتاردى. بيىل ول باعىمشىلىق كولەمىن ونان ارى كەڭەيتۋدى جوسپارلاپ وتىر.
ۋاڭ دوبين بىلاي دەدى: ”دامۋ تىلەگى بار، ءبىراق قارجىدان تارىعىپ وتىرعان قىستاق تۇرعىندارىنا مەڭزەس، ءبىز قىستاق تۇرعىندار كوميتەتى كەپىل بولىپ قارىز اقشا الىپ بەرۋ، ناقتى ءىس، يگى ءىس ىستەۋ قاراجاتىنان پايدالانىپ جەم - ءشوپ الۋعا جانە مال تۇقىمىن اسىلداندىرۋعا قوسىمشا قاراجات بەرۋ، تۇيە باعىمشىلىعى سەلبەستىك كووپەراتيۆىن قۇرۋ سياقتى تاسىلدەر ارقىلى تۇيە شارۋاشىلىعىنىڭ ورنىقتى دامۋىن ىلگەرىلەتتىك. قازىر قىستاقتا تۇيە سانى 500دەن استى، سونداي - اق تۇيە ءسۇتى سەرىكتەستىگىن ەنگىزىپ، ۇزىن كىرپىكتى تۇيەنىڭ تۇقىمىن اسىلداندىرىپ كوبەيتۋ بازاسىن قۇرىپ، شارۋاشىلىقتىڭ كولەمدەنە، ولشەمدەنە دامۋىن ىلگەرىلەتۋدى جوسپارلاپ وتىرمىز“.
”كەلىڭىزدەر! ءبىزدىڭ ءۇيدىڭ ساڭزىسىنان ءدام تاتىڭىزدار“! 3 - ايدىڭ 21 - كۇنى لوپنۇر اۋدانى گۇلباق اۋىلى حۇڭگۋاڭ قىستاعىنىڭ تۇرعىنى عوپۇر باكىردىڭ وتباسىن شاتتىق كۇلكىسى كەرنەدى. لوپنۇر اۋداندىق پارتكوم كەڭسەسىنىڭ حۇڭگۋاڭ قىستاعىندا تۇراتىن قىزمەت اترەتىنىڭ مۇشەلەرى عوپۇردىڭ وتباسىنداعىلارمەن بىرگە قورالانا وتىرىپ اڭگىمە دۇكەن قۇرىپ، دوستىق سۇيىسپەنشىلىكتى تىلگە تيەك ەتىپ، مەرەكەنى بىرگە تويلادى.
رەتتى، تازا اۋلاداعى ۇستەلگە داستارقان جايىلدى، ءان ايتىلىپ، ءبي بيلەندى، عوپۇر قىزمەت اترەتى مۇشەلەرىنىڭ قولىن الىپ تەبىرەنە بىلاي دەدى: ”بۇرىن ونەرىمە سۇيەنىپ اقشا تابۋدى ويلاعانىممەن، دۇكەن اشاتىن ورىن تابىلمادى، باعىما جاراي سىزدەر مەن قىستاق كادرلارى ورىن ماسەلەسىن شەشىپ، مەنىڭ تىگىنحانا اشۋىمدى قولدادىڭىزدار. قازىر تۇراقتى كىرىسىم بار، كۇندەرىم ۇمىتكە تولى، تۇرمىسىمنىڭ بارعان سايىن جاقساراتىندىعىنا سەنەمىن“.
باي مازمۇندى الۋان قيمىلدار دوستىق سۇيىسپەنشىلىكتى ارتتىردى
مەرەكە كەزىندە بۇكىل رايونىمىزداعى ءار دارەجەلى قىستاقتا تۇراتىن قىزمەت اترەتتەرى قىستاق ”ەكى كوميتەتتەرىمەن“، جاڭا ءداۋىر وركەنيەت امالياتى پۋنكتتەرىمەن بىرلەسىپ حالىقتىق سالت - سانا بىرلەسكەن دوستىق قيمىلى، ءدامدى تاعامداردان ءدام تاتۋ، مادەنيەت، دەنە تاربيە ىقپالداستىعى سياقتى باي مازمۇندى الۋان ءتۇرلى قيمىلدار وتكىزىپ، ءار ۇلت بۇقاراسىنىڭ اسەم ءان، شات كۇلكى ىشىندە دوستىق سۇيىسپەنشىلىكتى كۇشەيتۋىنە، ورتاق تانىم ۇيىستىرۋىنا مۇمكىندىك جاسادى.
التاي قالاسى شەمىرشەك قالاشىعى بالقامىس قىستاعىندا التاي قالالىق اۋىل شارۋاشىلىعى، اۋىل - قىستاق مەكەمەسىنىڭ وسى قىستاقتا تۇراتىن قىزمەت اترەتى قىستاق ”ەكى كوميتەتىمەن“ بىرلەسىپ ”ورازا ايتتى بىرگە قۇتتىقتاۋ، ءبىر نيەتپەن ىنتىماقتى اڭگىمەلەۋ“ بىرلەسكەن دوستىق قيمىلىن ۇيىمداستىرىپ وتكىزدى.
قيمىل الاڭىندا دومبىرادان كۇي توگىلىپ، قىستاق تۇرعىندارى كەزەكپەن ساحناعا شىعىپ ونەر كورسەتتى. تامىلجىعان حالىق ءانى تاماشا تۇرمىسقا دەگەن ماداقتى جەتكىزسە، ويناقى قاراجورعا ءبيى بەرەكەمەن قۋانىشتى تۇردە باس قوسۋ ىستىق ىقىلاسىن ايگىلەدى. قىزمەت اترەتىنىڭ مۇشەلەرى مەن قىستاق تۇرعىندارى قول ۇستاسىپ ىرعاققا ىلەسە بۇرالا بيگە باستى، ءان اۋەنى، كۇلكى ءۇنى، شاپالاق داۋىسى توعىسىپ قىستاق اسپانىندا جاڭعىرىپ، قاس قاعىمدا مەرەكەلىك رايعا شومدى.
”قىزمەت اترەتى مۇشەلەرىمەن بىرگە مەرەكە وتكىزىپ، وتباسىمىزداعىلار سياقتى بىرگە باس قوستىق، ەرەكشە مەيىرلى سەزىلدى“، - دەدى قىستاق تۇرعىنى گۇلجامال احمەتجان كۇلىپ.
شاعىن وتباسى باقىتى، قويۋ مەملەكەت سۇيىسپەنشىلىگى. مەرەكە كەزىندە ماكىت اۋدانى بازار ءجامي قالاشىعى بوز قىستاعىنىڭ قىستاق تۇرعىندار كوميتەتى اۋلاسى قۋانىشتى مەرەكەلىك رايعا شومدى. ”بەيجيڭ تيان - انمىنمەن بىرگە سۋرەتكە تۇسەمىن“ اتتى وتباسىلىق سۋرەتتى تاراتۋ سالتى وسى ارادا وتكىزىلدى. قاشقار ايماقتىق ادەبيەت - كوركەمونەرشىلەر بىرلەستىگىنىڭ بوز قىستاعىندا تۇراتىن قىزمەت اترەتىنىڭ مۇشەلەرى مەن قىستاق ”ەكى كوميتەتىندەگى“ كادرلار وتباسىلىق سۋرەتتى قىستاق تۇرعىندارىنىڭ قولىنا ءبىر - بىردەن جەتكىزدى، قىستاق تۇرعىندارى جاپا - تارماعاي سۋرەتتەن وزدەرىن ىزدەۋگە كىرىستى، جانارلارىنان قۋانىش پەن ماقتانىش مەن مۇندالايدى.
”قىستاق تۇرعىندارىنىڭ تيان - انمىنمەن بىرگە سۋرەتكە ءتۇسۋ قيمىلىن وتكىزۋ ارقىلى ىنتىماقتاسا ەكپىندەي ىلگەرىلەۋ كۇشىن ۇيىستىرىپ، كوپشىلىكتى باستاپ قىستاقتى ونان ارى ويداعىداي گۇلدەندىرۋدى ءۇمىت ەتەمىز“، - دەدى قاشقار ايماقتىق ادەبيەت - كوركەمونەر بىرلەستىگىنىڭ بوز قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي چىن ليچي.
(ءتىلشى چىن جياڭلين، قاتىناسقان تىلشىلەر جاڭ جىلي، گى يوۋجۇن، دۋ جيانحۇي، جاڭ تيڭ، ءجازيرا نەسىپبەك، ەرىكتى تىلشىلەر دۇڭ شىجۇي، چىن حۇڭيۇي، حانقىز ابىليكىم، مىھرىگۇل مامەت)
