زەيىن - زەردەنى ۇيىستىرىپ، كۇش - قۋاتتى شوعىرلاندىرىپ، قۇلشىنا سوتسياليستىك وسىزاماندانعان شينجياڭ قۇرامىز
− رايونىمىزدىڭ جەر - جەرى مەملەكەتتىك ەكى ءماجىلىستىڭ رۋحىن جەتكىزدى، ۇيرەندى، دايەكتىلەندىردى
□ انار بۇلت \ شينجياڭ گازەتىنىڭ تىلشىلەرى
بىرنەشە كۇننەن بەرى، رايونىمىزدىڭ جەر - جەرى ارناۋلى تاقىرىپتىق ءماجىلىس اشۋ، ۇگىت لەكسيا ورىستەتۋ سياقتى كوپ ءتۇرلى فورمالار ارقىلى مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزىپ، ۇيرەنىپ، دايەكتىلەندىرىپ، جەرگىلىكتى ورىننىڭ دامۋ ءىس جۇزىندىگىمەن تىعىز ۇشتاستىرىپ، تياناقتاندىرۋ شارالارىن دالمە - ءدال جوسپارلاپ، ۇيرەنۋ جەتىستىكتەرىن جوعارى ساپالى دامۋدى ىلگەرىلەتۋدىڭ جاندى امالياتىنا شىن مانىندە اينالدىرىپ، ”15 - بەسجىلدىقتا“ ەكپىندەي ىلگەرىلەۋدىڭ، سوتسياليستىك وسىزاماندانعان شينجياڭ قۇرۋدىڭ قۋاتتى كۇشىن ۇيىستىردى.
بۇراتالا موڭعۇل اۆتونوميالى وبلىسى:
نازاردى سايكەستى دامۋعا شوعىرلاندىرىپ، وڭىرلىك ەسىك اشۋ تورابىن تۇلعالايمىز
3 - ايدىڭ 12 - كۇنى بۇراتالا موڭعۇل اۆتونوميالى وبلىستىق پارتكومنىڭ تۇراقتى كوميتەتى كەڭەيتىلگەن ءماجىلىس اشىپ، مەملەكەتتىك ەكى ءماجىلىس رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزىپ، ۇيرەنىپ، دايەكتىلەندىرىپ، دايەكتىلەندىرۋ، تياناقتاندىرۋ ناقتى شارالارىن اقىلداستى، ورنالاستىردى. ءماجىلىس مىنالاردى اتاپ كورسەتتى: ۇيرەنگەندى قولدانا ءبىلۋ، ۇيرەنۋ مەن قولدانۋدى ۇشتاستىرۋ، ۇيرەنۋ مەن قولدانۋدىڭ ءبىرىن - ءبىرى تولىقتاۋى جاعىنا كۇش سالىپ، مەملەكەتتىك ەكى ءماجىلىستىڭ رۋحىن ءىس تىندىرىپ ناتيجە شىعارۋدىڭ ناقتى ارەكەتىنە اينالدىرۋىمىز كەرەك. قوعام ورنىقتىلىعى مەن باياندى تىنىشتىق قىزمەت باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى مىقتاپ ارقاۋ ەتىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، دامۋ مەن حاۋىپسىزدىكتى ءبىر تۇتاس جوسپارلاۋىمىز كەرەك. ەكونوميكالىق قۇرىلىستى وزەك، جوعارى ساپالى دامۋدى نەگىزگى تاقىرىپ، رەفورما جاساۋدى، جاڭالىق اشۋدى قوزعاۋشى كۇش ەتىپ، حالىقتىڭ تاماشا تۇرمىس قاجەتىن قاناعاتتاندىرۋدى ماقسات، پارتيانى جاپپاي قاتاڭ باسقارۋدى قامتاماسىزدىق ەتىپ، ”التى ءىرى دامۋ ستراتەگياسىن“ ىشكەرىلەي اتقارۋىمىز كەرەك. وڭىرلەردىڭ سايكەستى دامۋىمەن تىعىز بايلانىستىرىپ، ”بۇراتالا − الاتاۋ − جىڭ“ وڭىرلىك ەكونوميكاسىنىڭ ءبىر تۇلعالانۋىن جانە ”بۇراتالا − اراسان − سايرام“ مادەنيەت - ساياحات، كۇتىنۋ كاسىپ سالاسى وڭىرلىك ەكونوميكاسىنىڭ ءبىر تۇلعالانۋىن تىڭعىلىقتى ىلگەرىلەتىپ، ەكونوميكانىڭ ساپا جاعىندا ءونىمدى جوعارىلاۋى مەن سان جاعىندا ۇيلەسىمدى ارتۋىن، بۇقارانىڭ بىرگە بايۋىن جۇزەگە اسىرۋدى ىلگەرىلەتۋىمىز كەرەك. وڭىرلىك ورىن باسىمدىعىن تياناق ەتىپ، ازيا − ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن تۇلعالاۋداعى الدىمەن اتقارىلاتىن جەرىن، جاڭا دامۋ ارناسىنىڭ ستراتەگيالىق تىرەگىن قۇرۋدىڭ كوتەرىمدىلىك جەرىن، مەملەكەتتىك ەنەرگيا بايلىعى ستراتەگيالىق قامتاماسىزدىق بازاسى توراپتىق جەرىن، مەملەكەتتىك ساپالى ەگىن، مال شارۋاشىلىعى ونىمدەرى ماڭىزدى قامداۋ بازاسىنىڭ ۇلگى كورسەتۋ جەرىن، مەملەكەتتىڭ وڭىرلىك حاۋىپسىزدىك ستراتەگيالىق قالتقىسىن قورعاۋدىڭ تىرەكتىك جەرىن قالىپتاستىرىپ، ”15 - بەسجىلدىقتىڭ“ تاماشا باستاماسىن جۇزەگە اسىرۋىمىز كەرەك.
بايىنعولين موڭعۇل اۆتونوميالى وبلىسى:
حالىق تۇرمىسىنا تىعىز جاناسۋعا تاباندى بولىپ، وڭىرلىك ەكولوگيالىق قالتقىنى بەكەمدەيمىز
3 - ايدىڭ 14 - كۇنى بايىنعولين موڭعۇل اۆتونوميالى وبلىستىق پارتكومنىڭ تۇراقتى كوميتەتى ءماجىلىس اشىپ، مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزىپ، ۇيرەنىپ، دايەكتىلەندىرىپ، ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى. ءماجىلىس مىنالاردى ايقىندادى: جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىمەن تىعىز بايلانىستىرىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، ءتۇرلى ساياسات ورايىنان تولىق، ويداعىداي پايدالانىپ، دامۋ مەن حاۋىپسىزدىكتى ءبىر تۇتاس جوسپارلاپ، حالىق تۇرمىسىنا تىعىز جاناسىپ، جۇرت تىلەگىن ۇيىستىرىپ، جوعارى ساپالى دامۋدى ىلگەرىلەتىپ، ”15 - بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتۋىمىز كەرەك. باس شۋجي شي جينپيڭنىڭ دۇرىس ناتيجە كوزقاراسىن ورناتۋ جانە امالياتتا ايگىلەۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، باسشىلىق القاسىنىڭ وزىندىك قۇرىلىسىن رەفورما رۋحىمەن جانە قاتاڭ ولشەممەن كۇشەيتۋگە تاباندى بولىپ، ناتيجە كوزقاراسىنداعى اۋىتقۋدان ءونىمدى ساقتانۋ جانە ونى تۇزەتۋ قىزمەت مەحانيزمىن اقاۋسىزداندىرىپ، قىزمەت ناتيجەسىن تەكسەرۋ، باعالاۋ جۇيەسىن كەمەلدەندىرىپ، باسشى كادرلاردىڭ ”شەشۋشى ازشىلىق“ رولىن تولىق ساۋلەلەندىرىپ، قالىڭ پارتيا مۇشەلەرىن، كادرلاردى دۇرىس ناتيجە كوزقاراسىن ساناعا ۇيالاتۋعا، ارەكەتتە ايگىلەۋگە جەتەكتەپ، ءتۇرلى ىستەردە جاڭا جاعداي اشۋعا پارمەندى ساياسي كەپىلدىك ازىرلەۋىمىز كەرەك. شي جينپيڭ ەكولوگيالىق وركەنيەت يدەياسىن ىشكەرىلەي امالياتتا ايگىلەپ، ساياسي دەڭگەيدى شىن مانىندە جوعارىلاتىپ، يدەيالىق تانىمدى تەرەڭدەتىپ، نازاردى ەكولوگيالىق ورتاداعى كورنەكتى ماسەلەلەرگە شوعىرلاندىرىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالى قورعاۋدى جانە جۇيەلى وڭاۋدى ءبىر تۇتاس جوسپارلاپ ىلگەرىلەتىپ، ورتالىق پەن اۆتونوميالى رايوننىڭ ەكولوگيالىق ورتانى قورعاۋدى باقىلاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋ قىزمەتىن قاتاڭ، شىنايى ويداعىداي يگەرىپ، ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ ساياسي جاۋاپكەرشىلىگىن باتىل ارقالاپ، وڭىرلىك ەكولوگيالىق حاۋىپسىزدىك قالتقىسىن ۇزدىكسىز بەكەمدەۋىمىز كەرەك. بۇقارانىڭ ماڭىنداعى بۇرىس ستيلدەردى جانە شىرىكتەسۋ ماسەلەلەرىن رەتتەۋ - وڭاۋدى ۇزدىكسىز تەرەڭدەتىپ، حالىققا تيىمدىلىك جەتكىزەتىن ناقتى ىستەردى تىڭعىلىقتى ويداعىداي ىستەپ، ءار ۇلت بۇقاراسىنىڭ دامۋدىڭ جاڭا وزگەرىستەرىن شىنايى كورۋىنە، اناعۇرلىم كوپ ناقتى يگىلىككە كەنەلۋىنە مۇمكىندىك جاساۋىمىز كەرەك.
التاي ايماعى:
ەرەكشە ورىندى كوزدەپ، دامۋدىڭ قاتاڭ شارالارىن ىشكەرىلەي جوسپارلاپ، ناقتى ىستەيمىز
3 - ايدىڭ 16 - كۇنى التاي ايماقتىق پارتكوم كەڭەيتىلگەن ءماجىلىس اشىپ، مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزىپ، ۇيرەنىپ، دايەكتىلەندىرىپ، ايماقتىڭ ۇيرەنۋ، ۇگىتتەۋ، دايەكتىلەندىرۋ قىزمەتى جونىندە ورنالاستىرۋ جاسادى. ءماجىلىس مىنالاردى باسا دارىپتەدى: جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ءتۇرلى قىزمەتتەرىن ىشكەرىلەي جوسپارلاپ، ناقتى ىستەۋىمىز كەرەك. نازاردى ەرەكشەلىككە يە كاسىپ سالالارىنىڭ دارەجەسىن جوعارىلاتۋعا شوعىرلاندىرىپ، قار - مۇز كاسىپ سالاسىن، جاسىل كەن كاسىبىن، تازا ەنەرگيانى، مادەنيەت - ساياحات كاسىپ سالاسىن، وسى زامانعى ەگىن، مال شارۋاشىلىعىن تىرەك ەتكەن وسىزاماندانعان كاسىپ سالاسى جۇيەسىن جەدەل ورناتىپ، ەنەرگيا بايلىعىن جاسىل، جوعارى ءونىمدى اشۋدى، پايدالانۋدى ءبىر تۇتاس جوسپارلاپ ىلگەرىلەتىپ، بايلىق باسىمدىعىن دامۋ باسىمدىعىنا اينالدىرۋىمىز كەرەك. رەفورما جاساۋدى، ەسىك اشۋدى تەرەڭدەتۋگە كۇشتى شوعىرلاندىرىپ، ونەركاسىپ باقشا رايونى، مەملەكەت مەنشىگىندەگى كاسىپورىندار سياقتى ءتۇيىندى سالالارداعى رەفورمانى ىلگەرىلەتىپ، اناعۇرلىم بەلسەندى، ىرىقتى ەسىك اشۋ ستراتەگياسىن اتقارىپ، سىرتقا ەسىك اشۋ قابىلەتىن، دارەجەسىن جوعارىلاتۋىمىز كەرەك. عىلىم - تەحنولوگيا توڭكەرىسى ورايىن مىقتى يگەرىپ، جەرگىلىكتى جاعدايعا قاراي تومەن كەڭىستىك ەكونوميكاسى، سيفرلى ەكونوميكا، جاساندى زەردە سياقتى جاڭادان گۇلدەنگەن كاسىپ سالالارىن دامىتۋىمىز كەرەك. حالىق تۇرمىسى قۇت - ىرىسىن كۇش سالا جوعارىلاتىپ، جوعارى ساپالى، تولىق جۇمىستانۋدى جەبەپ، الەۋمەتتىك دەنساۋلىق ساقتاۋ بويىنشا قىزمەت وتەۋ جۇيەسىن اقاۋسىزداندىرىپ، نەگىزدىك، جالپىعا ءتيىمدى، تۇبەسەلى حالىق تۇرمىسى قۇرىلىسىن كۇشەيتىپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جەتكىزۋىنە، جۇرت تىلەگىن ۇيىستىرۋىنا مۇمكىندىك جاساۋىمىز كەرەك. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن باتىل ارقالاپ، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋدى ىشكەرىلەي ورىستەتىپ، ستيلى پاك، سالتى دۇرىس ساياسي ەكولوگيانى شىن مانىندە قالىپتاستىرۋىمىز كەرەك.
(ءتىلشى جاڭ تيڭ، قاتىناسقان تىلشىلەر دۋ جيانحۇي، باي سۋجۇن، ەرىكتى تىلشىلەر چاڭ يرۋ، ياڭ شياۋدۇڭ، ساۋ يگۋاڭ)
