شينحۋا اگەنتتىگىنىڭ 3 ـ ايدىڭ 22 ـ كۇنى بەيجيڭنەن بەرگەن حابارى. مەملەكەت مەنشىگىندەگى كاسىپورىن باسشىلارىنىڭ كاسىپپەن پاك اينالىسۋ ارەكەتىن ارناعا ٴتۇسىرۋ، مەملەكەت مەنشىگىندەگى كاسىپورىنداردىڭ پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن كۇشەيتۋ ٴۇشىن، «جۇڭگو كوممۋنيستىك پارتياسىنىڭ پاك، تەجەمدى بولۋ ولشەمى»، «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسى» سياقتى پارتيا ىشىندەگى زاڭ ـ ەرەجەلەر مەن «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى» سياقتى زاڭدارعا ساي، تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «مەملەكەت مەنشىگىندەگى كاسىپورىن باسشىلارىنىڭ كاسىپپەن پاك اينالىسۋى جونىندەگى بەلگىلەمەنى» باسىپ تاراتتى ٴارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
«بەلگىلەمەدە» مىنالار العا قويىلدى: مەملەكەت مەنشىگىندەگى كاسىپورىن باسشىلارىنىڭ كاسىپپەن پاك اينالىسۋ قىزمەتىن كۇشەيتۋدە، ٴسوز جوق، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، مەملەكەت مەنشىگىندەگى كاسىپورىن باسشىلارىنىڭ مىندەت اتقارۋىن، ۇقىق جۇرگىزۋىن، پاك، تەجەمدى بولۋىن باقىلاۋدى كۇشەيتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، مەملەكەت مەنشىگىندەگى كاسىپورىندار مەن مەملەكەت مەنشىگىندەگى كاپيتالدى كۇشەيتۋگە، ساپالىلاندىرۋعا، ۇلعايتۋعا پارمەندى قامتاماسىزدىق ازىرلەۋ كەرەك.
«بەلگىلەمە» جيىنى 5 تاراۋ، 38 تارماقتان قۇرالعان. ٴبىرىنشى تاراۋ جالپى ەرەجە، ەكىنشى تاراۋ كاسىپپەن پاك اينالىسۋ ارەكەت ولشەمى، ٴۇشىنشى تاراۋ اتقارۋ جانە باقىلاۋ، ٴتورتىنشى تاراۋ بەلگىلەمەگە قايشى ارەكەتتەردى ٴبىر جاقتى ەتۋ، بەسىنشى تاراۋ قوسىمشا ەرەجە.
«بەلگىلەمە» مەملەكەت مەنشىگىندەگى دەربەس قارجىلى كاسىپورىنداردىڭ، تولىق قارجىلى كاسىپورىنداردىڭ جانە مەملەكەت مەنشىگىندەگى جارناسى تىزگىندەلەتىن كاسىپورىنداردىڭ، مەملەكەت مەنشىگىندەگى ناقتى تىزگىندەلەتىن كاسىپورىنداردىڭ (مەملەكەت مەنشىگىندەگى دەربەس قارجىلى كاسىپورىنداردى، تولىق قارجىلى فينانس كاسىپورىندارىن جانە مەملەكەت مەنشىگىندەگى جارناسى تىزگىندەلەتىن فينانس كاسىپورىندارىن، مەملەكەت مەنشىگىندەگى ناقتى تىزگىندەلەتىن فينانس كاسىپورىندارىن قامتيدى)، سونداي ـ اق ولاردىڭ بولىمشە، تارماق قۇرىلىمدارىنداعى پارتيا ۇيىمى باسشىلىق القاسىنىڭ مۇشەلەرىنە، جوعارى دارەجەلى پارتيا ۇيىمىنىڭ باسقارۋىنا ەنگىزىلگەن جورالار القاسىنىڭ مۇشەلەرىنە، مەڭگەرۋشىلەر ساتىسىنداعى مۇشەلەرىنە، جوعارى دارەجەلى پارتيا ۇيىمىنىڭ باسقارۋىنا نەمەسە سول كاسىپورىنداعى پارتيا ۇيىمىنىڭ باسقارۋىنا ەنگىزىلگەن باسقا دا جوعارى دارەجەلى باسقارۋشىلارعا ۇيلەسەدى.
